影片
港铁奥运站 C1 出口, 步行约6分钟
继续阅读
开饭介绍
主打特色fusion意菜，招牌有四川担担长通粉、蟹黄意大利饭、冬荫海鲜长通粉等。
继续阅读
营业时间
星期一至六
12:00 - 15:00
18:00 - 22:00
星期日
全日休息
公众假期
全日休息
以上资料只供参考，请与餐厅确认详情
大约只可以坐十个人的小店，有几款特式 fushion 意粉。行过几次见到多女生光顾，第一次嚟 walk in 冇位，之后识得订位。大包围叫咗好多个意粉同饭，先食金银蒜香鲜虾意粉，面条弹牙有咬感，强镬气，同 Piccolo 个 Aglio Olio 相似，由于呢碟炒意咁有实力，对之后上枱的食物好有期待。轮到比目鱼麻辣扁意，饭友食到第二啖已嗌辣，自己觉得可以再辣啲。比目鱼外层香脆肉身软熟，鱼脂较重，配埋麻辣食冇咁肥腻，比蒜虾炒意更香浓惹味，超开胃，嗜辣者必选。虾籽海味意大利饭系另一个推介，饭粒软硬适中（硬啲更好），入口好似吞紧成个海鲜并盘落肚咁，海鲜味满泻，馅料丰富，切到细粒得嚟你又会咬到，加埋饭面铺满虾籽，色香味俱全。点解呢度多女生帮衬，可能同食物的份量有关，细食的，一碟大约带畀你七分饱，男士们嚟食就要注意。
继续阅读
间中都会黎呢度食lunch 味觉唔错 价钱还算ok 中午一个意粉/意大利饭都只是四十几至六十左右加钱可以配汽水或特饮今次见到menu有个虾子海味意大利饭见几特别就叫左黎试初时见到海味 英文写dried seafood仲谂紧会系咩 原来系虾干同小元贝干如图所见 仲喺面头洒满虾子中式的海味虾子跟西式意大利饭真系有创意的fusion虾干跟小元贝干本身已有咸香味跟平常吃到的意大利饭 大多配黑松露的口吃完全不同也没有平时意大利饭吃到尾很腻的感觉
继续阅读
听朋友讲师傅系Jacky Yu 徒弟仲要有得包场，即刻同一班闺蜜去开心下野食好味唔在讲，fusion野亦有惊喜；最重要系师傅劲细心，知道在坐有大肚婆仲会专登做一份同普通人唔同既食物。真心推介温柔细心厨师😂*个椰菜花濑尿虾好想外卖一打番屋企
继续阅读
之前见有人写呢间嘢d食物唔错, 所以星期六专登去试下, 食物ok, 亦平. 不过环境装潢服务都唔好. 黎第2次, 同样个女侍应贯彻佢黑口黑面唔休做既样, 同客人讲嘢无尾音, 无唔该, 无礼貌. 服务令人感觉好差劲, 成日好似唔休做咁, 我系比钱黎食嘢, 不是求你比嘢我食. 就算食物可以, 我以后都唔会再去. 我宁愿比多少少钱去番Jacky Yu度食, 起码有正常既服务水准, 不用贴钱买难受.
继续阅读
新店才开张两个月左右、听说主厨自囍宴私房菜离职自己创业！今晚女友悉心安排、菜单由主厨琦师傅亲自设计！菜式食材新鲜、卖相精致、还好有创意！讃！👍🏻👍🏻👍🏻😍今晚菜单：黑松露赖尿虾配椰菜花Mousse~黑松露的香浓味配赖尿虾的鲜味！👍🏻😘火灸三文鱼榄角番茄SaSa~半生熟三文鱼拌上榄角番茄味道原来可以咁配！👍🏻😘香草烧鸡酿Risotto~皮香肉嫰！香草鸡汁深入饭粒内、好味！👍🏻😘黄金蟹粉酿虾胶~虾胶弹口南瓜汁香滑👍🏻🎉菠萝冻汤~菠萝味浓的冻汤、另有一番风味！👍🏻😘黑椒惹味骨~肉质略嫌过瘦、口感有少许「嚡」、但黑椒味道不错！另外若果拌洋葱不是薯条、可能较适合！龙虾浓汤烩蛋白~龙虾鲜、蛋白滑！也是不错的配搭！班兰Tiramisu~ 甜品不是我杯茶、你好甜品的朋友、应该会觉得不错吧！今晚除咗「黑椒惹味骨」个人口味肉质略嫌过瘦、黑椒汁少许过咸！总结今晚超...超....超值！👍🏻👍🏻👍🏻😍😍😍
继续阅读