影片
老公钟意食蚝，呢间又平又有蚝食就最适合了。在table map一早订了7:30两位，7点早到了，侍应小姐都俾我地入座。一入去就见到左手边摆满生蚝。生蚝都几新鲜，好肥美，不过少了些海水味。侍应不停refill生蚝，不怕攞唔到。 冷盘还有青口和虾两种，闲来还有长脚蟹，虽然每人只限拎两只，但是侍应会贴心地奉上剪刀，方便进食。 寿司种类不多，刺身亦只有三文鱼一种，数量亦非常有限。不过来这里食自助餐都系为了生蚝，少一点三文鱼或者其他刺身，其实亦不是问题。热盘有炒饭、黑椒猪手、炆羊腩、萝卜清汤牛腩、炸馒头、鸭胸等等。最吸引的是即场切的猪仔肶，喇沙汤米。 个南瓜汤都好好味，够浓。甜品款式也不少，tiramisu,蛋糕仔，细细件，可以多试几款。不过我个人最喜欢吃豆腐花，滑滑的，豆味十足。yummy! 每人二百几蚊，平日星期一至四更平，可以再来食。
继续阅读
生蚝出得够快，都几鲜甜。但系都系有D碎壳。小心D食就ok。😀但系三文鱼好少，要同冻虾轮住出，无甘好😣😣😣野食种类ok啦，吾多吾少，基本一小时就饱啦😀美中不足就系只有橙汁，咖啡，朱古力饮，多D就好啦总体就中中等等啦，会再去，但都系一次or两次 more
继续阅读
是咁的，旺角朗豪坊果间平时排到痴线，啲人攞野食好似去抢咁，但呢间完全无人排就去食。好喇黎得当然食蚝，蚝回得快，人排队有规矩（太好了），野食多过旺角果间，不过点解咁多都系羊，羊腩，烧羊扒，羊架。。。有热食有饭面，也有甜品，冻食呢就系门口果堆沙律菜同沙律。热食普通（预左啦），沙律ok，冻食有三文鱼刺身（一瞬即逝），青口、螺肉、虾几好既，反而一心黎食既蚝呢就普通，啲碎壳多到呢，同埋蚝唔甜无乜味，好在叫新鲜，如果要求唔高旨在在食系抵食既，不过我同男朋友仔食左半个钟（佢只系食左两碟就坐左响度唔郁）已经玩电话，一个钟未够已经埋单走人，隔离枱碌大眼望咁快停手哈哈，人地唔个点解有平但我地无，埋单两人好似$570（唔系我埋单乜都唔知）
继续阅读
朋友之前食过, 都觉得几抵, 于是今次建议我嚟食, 明知百零蚊价钱, 唔会有d咩贵嘢食, 但都叫做系buffet, 算系抵食啦~一早book咗位, 所以唔驶急, 但都早咗到, 响门口等朋友时, 见到门口地下, 用砖仔砌成佢铺头个外, 都特别~入到去, 限时食, 咁一坐低, 当然出去行个圈, 视察下环境, 呢度地方唔大, 拎嘢食的地方都唔算好大范围, 但款式算系唔少, 以呢个价钱, 算系好多嘢食, 当然唔会系好贵的食物, 连刺身都冇~热食主要有炒饭、炒面、炆猪手、鸡翼、薯角、紫薯茸、猪肋骨、焗千层面、炒什菜、炸馒头、鸭胸、猪脾、奄列(即叫即做)~而冷食有冻虾、青口、寿司、沙律、火腿、生果~饮品方面, 选择冇乜, 只有茶、咖啡、橙汁~甜品都系得几款杯仔, 再加豆腐花、焗布甸~汤就更加得一款, 一系饮, 一系唔饮~基本上食物唔算太好味, 只有一般, 唔难得就可以接受, 最like佢地系不停refill, 经常见到厨师走出嚟望下够唔够食物, 有时经理都会望下, 见有d差不多冇, 都会通知refill~都限时前15分钟左右, 就会叫你埋单, 到够钟时会再提提你, 一般人都好识做, 唔会赖死唔走~
继续阅读
食自助餐，通常最期待海鲜生蚝，The LUXE 算有惊喜。最受欢迎既生蚝入口肥美，海鲜有青口、翡翠螺同虾，都几鲜味。冷盘位置仲有沙津、刺身同寿司，加上各式各样熟食同甜品，应该都有四十款以上食物选择。个人推介烧牛肉同喇沙，烧牛肉有专责师传即切，肉质够嫩，味道浓郁。喇沙就即煮，辣辣地几惹味。甜品款式就有面包布丁、西米布丁、豆腐花，同埋几款精致甜品，味道还可以，毕竟小弟唔系甜品控。总结款式唔算超多，但胜在精致美味，以$200多仲有蚝食算超值!
继续阅读