影片
呢日放假同老婆大人入咗沙田行街街，每次佢都会去一田超市逛吓呢日都唔例外！行到入去见到佢好钟意嘅雪糕店竟然系度开咗专柜，我哋梗系即刻走去捧场食雪糕啦。呢间雪糕店个名叫做The Ice Cream & Cookie Co.另一间就喺中环歌赋街！上次老婆大人食完话佢哋嘅雪糕好特别，估唔到今日无心插柳可以试得到。听讲佢哋嘅雪糕三文治好出名！不过呢度原来净系卖软雪糕、曲奇同埋雪糕蛋糕。曲奇饼有好多味拣可以逐块买又可以买礼盒装！我哋都带咗六件返屋企，揾焗炉整返热嚟食超正，尤其块黑芝麻麻糬好食到老婆大人都劲赞。我哋叫咗两款唔同口味嚟试！焦糖脆饼软雪糕配70%朱古力恋曲奇，软雪糕食落好滑溜加埋脆卜卜嘅焦糖脆饼口感超正，另外一款系比较清新嘅斑兰椰子软雪糕唔会好Heavy几清香，会配咗啲麻糬、椰糖酱仲有块曲奇饼，一次过食到好多口感味道丰富绝对唔系一个普通嘅软雪糕咁简单。呢个6月有著数拣2份暖曲奇配软雪糕只系$100平足$38，仲有任拣2杯软雪糕比$70搅掂平咗$28，喺热到high high咁嘅天时真系消暑恩物呀。
继续阅读
雪糕是大人和小朋友都会喜欢的甜品！或许是童年回忆的关系我对软雪糕可说是情有独钟，记得一听见雪糕车的音乐必定走去买杯享受一番。早前于中环试过了一间非常喜欢的雪糕店，此店原来已经进驻沙田新城市广场一田百货内。就是这间名叫The Ice Cream & Cookie Co.雪糕专门店，行入超市见到超养眼的海军蓝色招牌就是它了。店舖采用开放式设计一眼看尽曲奇及蛋糕还有软雪糕机，点选后可以全程看著制作过程非常治愈。软雪糕分别有充满东南亚风情的Onde Onde，以及甜美可人的Biscoff Cookie Butter口味。另外还有手工曲奇出售可以$30单件购买，亦可选择$175/6件的礼盒装。店家更新推出了手工雪糕蛋糕$490/6吋，用料讲究之余更采用减糖配方可以吃得奔放，口味分别有Biscoff焦糖脆饼、茉莉花抹茶、荔枝玫瑰雪葩及黑森林雪糕蛋糕，喜欢花、果、茶或朱古力的朋友也不愁没选择。我选了70%朱古力暖曲奇配焦糖脆饼软雪糕$69，于暖曲奇上唧下质感滑溜的软雪糕，然后再洒上各样配料便大功告成。Biscoff焦糖脆饼软雪糕口感很滑溜，配衬Biscoff酱及脆脆饼口感劲丰富更甜而不腻，垫底的热腾腾曲奇混搭冰冻软雪糕吃出不一样冰火滋味。另一杯选上Onde Onde斑兰椰子球软雪糕$49！幽幽的斑兰香气加椰子的天然甜味软雪糕好清新，搭配烟韧麻糬及椰糖酱增添咬口和香气，伴随一件随机的手工曲奇来丰富口感超赞耶。The Ice Cream & Cookie Co.有开幕优惠，由2024年6月4日至6月30日任选2份Cookie Soft Serves只需$100、任选2份Soft Serves$70，Mark低日子尽情享受甜蜜冰爽的6月啦。
继续阅读
大前日（18-5-2025 Sun）晏昼，同老公食完松露玉子烧（筑地松露）后，老公要揾嘢饮，我就要揾新开，嚟自星加坡嘅呢间雪糕店，我哋喺一田超市内又揾到傻，正想放弃时，竟然被我见到一个摆咗蛋糕嘅counter，再睇吓佢嘅名，正正就系呢间，我即刻睇吓有咩雪糕食，唔多味道可拣，一个系$49.00嘅ONDE ONDE，见个雪糕味好特别，系班兰椰子球软雪糕，另一个系$69.00暖曲奇配特色软雪糕，虽然话自选软雪糕同曲奇各一款，但我见唔到有咩雪糕味，而且老公话唔钟意食软曲奇，所以唔拣呢个，就要前者。我哋去俾钱，咁啱店员要换纸，搅咗好耐，我俾cash佢，佢话呢喥只接受电子付款，如俾cash就要去超市收银柜台。呢日成间超市塞满人同大排长龙，我梗系唔去排，就用电子支付。俾完钱就等，好彩佢有个平台位俾客人企喺喥食，我哋等咗一阵就整好，班兰椰子球软雪糕味道清清地，唔太甜好舒服，口感亦唔系好heavy𠮶种，好味；而麻糬系抹茶味，味道都好甘，与其话佢系麻糬，不如话系软曲奇，因为佢唔烟韧。雪糕5分，麻糬4分价钱：老公俾完钱，我睇张单，$45.00平咗嘅？原来做𡁵新开张到25-5-2025（Sun）九折优惠。2.7分题外话：我𠲖o家写食评至发觉，原来雪糕味道有两款可以拣，因为佢哋将张嘢放喺“平台”𠮶边，我喺买之前𠮶边冇呢张嘢，不过好彩原来另一只系焦糖脆饼软雪糕咁普通。
继续阅读
最近我去咗一田超市，发现佢翻新咗，入咗好多新小食店，真系好吸引！其中有间新加坡过江龙嘅雪糕店，叫做 the ice cream & cookie Co.，我听到都忍唔住想试一试。我选咗佢哋嘅招牌斑斓椰子雪糕。呢款雪糕食落去，首先感觉到嘅就系一阵香浓嘅椰子味，真系好香！但如果讲到斑斓味，就觉得似乎唔系特别突出，感觉可以再强一啲。不过，就算系咁，雪糕本身嘅质地非常幼滑，入口即溶，食落去非常舒服。仲有，佢哋嘅曲奇就真系出乎我意料！唔会过甜，反而有一种淡淡嘅香脆感，啖啖都生津。而且，佢哋仲特意加咗啲细细粒麻糬，咬落去有惊喜，咁样搭配真系好味到爆！总括来讲，the ice cream & cookie Co.系个好地方，如果你钟意雪糕同曲奇，真系非常值得一试！我下次一定会返去再试佢哋其他款雪糕同蛋糕，期待可以发掘更多美味。
继续阅读
🚩The Ice Cream & Cookie Co.〰️〰️〰️〰️〰️〰️〰️〰️〰️〰️〰️〰️〰️新加坡人气甜品店进驻沙田一田啦‼️知道佢哋之前喺中环开咗旗舰店 ⊂(˃̶͈̀ε ˂̶⊂) 有超多款口味嘅雪糕｜仲有特色开心果雪糕咖啡知道作为新界人嘅我实在太远啦好彩而家沙田一田都有得食啦🥹试咗佢哋嘅♡Onde Onde暖曲奇配特色软雪糕 $69♡Biscoff Cookie Butter 软雪糕 $49特别推荐佢哋嘅黑芝麻口味软曲奇｜巨浓郁雪糕都好香浓｜不过完全唔会过甜另外仲有礼盒装手工软曲奇( ⁼̴̤̆◡̶͂⁼̴̤̆ )无论自肥定系送礼都好适合૮꒰˶ฅ́˘ฅ̀˶꒱ა依家沙田中环都有分店｜睇吓边间近大家啦
继续阅读