The Farmhouse 咖啡厅

160
38
31
港铁北角站 A1 出口, 步行约2分钟 继续阅读
电话号码
38969896
开饭介绍
The Farmhouse咖啡厅位于平台楼层,面向维多利亚港,设有室内及室外座位。于这家充满活力的餐厅用餐,发掘由农场到餐桌的国际美食并与家人朋友分享快乐。 The Farmhouse咖啡厅设有两间私人宴会房和位于中心以仓库为灵感的活动间隔房间,是家庭聚会或商务聚餐的理想选择。 The Farmhouse咖啡厅为本地客人及游客提供以新鲜地道食材即时烹制的家常菜肴和国际美食。 鉴于新冠疫情的发展,凯悦已采取更加严格的措施,保障在烹制、摆盘及服务全过程的食品安全。此外,我们将继续严格执行各项已获国际认证的厨房卫生及食品安全管理标准。 继续阅读
营业时间
今日营业
06:30 - 10:30
12:00 - 14:30
18:00 - 21:30
星期一至日
06:30 - 10:30
12:00 - 14:30
18:00 - 21:30
公众假期
06:30 - 10:30
12:00 - 14:30
18:00 - 21:30
公众假期前夕
06:30 - 10:30
12:00 - 14:30
18:00 - 21:30
付款方式
Visa Master AlipayHK 现金 美国运通 银联 JCB 微信支付
座位数目
270
其他资料
网上订座
酒精饮料
电话订座
赏订座积分
外卖服务
加一服务费
海景景观
室外座位
前往餐厅网站
https://www.hyatt.com/zh-HK/hotel/china/hyatt-centric-victoria-harbour-hong-kong/hkgct/dining
有关餐厅
The Farmhouse 咖啡厅
The Farmhouse咖啡厅提供「由农场到餐桌」概念的国际自助餐,与获得欧盟、日本(JAS)和美国农业部(USDA)认证的有机农场ecoFarm合作引入有机蔬菜,并选用可持续海产等烹调美食,为食客带来新鲜、时令并顾及可持续发展的美食体验。

The Farmhouse咖啡厅提供不同类型的聚会选择,包括一列窗边座位、两间私人宴会房和位於中心以仓库为灵感的活动间隔房间,是家庭聚会或商务聚餐的理想场所。餐厅亦设有室外座位,客人可一边享受阳光和微风,一边品嚐早、午、晚餐,是完美的用餐地点。於这家充满活力的餐厅用餐,发掘美食并与家人朋友分享快乐。

有关奖赏计划
食记 (266)
等级4 2021-07-07
2666 浏览
无谂过平日去食酒店Lunch Buffet都竟然9成Full!可能因为真系好抵,Hyatt Centric做紧$1080包一晚住宿及二人早午餐自助餐!午餐自助餐限在入住当日享用,食完Check in啱啱好。食物取餐区分开冻热两大区域,选择非常丰富,食物质素亦相当唔错!.冷盘区有个即叫即制凯撒沙律及蓝芝士香梨火箭菜沙律,本身食自助餐好少食沙律,但望住师傅炮制就提高左我意慾食下菜。沙律旁边有火腿,烟三文鱼,面包,芝士,腌制渍物等前菜小食,个烟三文鱼正呀!日式有自助的冷面及寿司,以及专人即切鱼生刺身,我见到师傅处理原条大鱼,感觉非常新鲜;而且师傅出手唔轻,一款给六片,唔驶行多转,一次食到够。冻海鲜虽然无长脚蟹,龙虾或者生蚝等大众最爱(兼最回本),只有冻虾及青口,望落亦唔算大只,不过我觉得可以接受。冷盘区除了前菜小食,还有饭後餐点及罐装汽水任饮。水果有切件西瓜,蜜瓜,哈密瓜同菠萝,件件都好大旧,菠萝又甜又多汁,但蜜瓜就唔系好够熟同甜。仲有原个苹果,青苹果,橙及布冧可供享用。甜品有十多款蛋糕选择,其中有几款应该系期间限定或是特别推介的。香槟烩梨啫喱几香浓酒味,不过香槟同梨是分开的味道,唔系好夹;热带水果冧酒蛋糕系非常酸(!)而且完全食唔出酒味!都系普通常见的糕点稳阵啲,另外有款松饼有无花果响顶都几好食。最後重点系个巨型旋转雪糕柜!十二款口味Gelato都系酒店自家制(应该系,除非唔系…)除左常见的朱古力,云尼拿,士多啤梨,椰子,焦糖,绿茶,意大利芝士蛋糕,热情果,仲有个人觉得颇有特色的港式奶茶,开心果,清姜以及香茅芒果!我只系试左奶茶,开心果及香茅芒果,前两个口味我觉得好好食,但香茅芒果食唔出芒果味,只有浓浓的香茅味…热食区就如相中所见,食物区摆放位置如一个长方形,中间是煮食区,选择都几多。对正入口有即切烤西冷及印度烤鸡,个女职员系咁叫人要鸡,我话要牛佢都夹件鸡比我,唔知系个烤鸡无人食定佢切西冷牛切到攰想抖下,佢仲一边切一边口噏噏问点解无人食鸡,真系你有压力我有压力~个西冷牛虽然薄切,但我觉得有啲韧。旁边有铁板烧肉,牛肉烧到七成熟刚刚好,鸡肉好嫩滑,新鲜热辣,一烧好就即刻比人夹晒!之後左边一排主要是中式美食,有烧腊,卤味,小炒,中汤及粥粉面饭;小炒个牛肋条炆到好入味,而且好腍,正!右边则是西式环球美食,有阿根廷烧鸡,烤挪威三文鱼,瑞典肉丸,德国肉肠,印度咖哩鸡(仲有薄饼同黄姜饭)等等,仲有个黑松露薯蓉好香好绵好好食。另外专人即叫即制的有墨西哥烤卷,中式汤面以及芝士蘑菇长通粉,比较饱肚,叫一份几个人开心Share就可以试多啲其他野。.以Staycation package计,房价原本$600几蚊,宜家$1080包一晚住宿连二人早午餐Buffet,即系唔驶$500够两个人食两餐,性价比真系爆灯!如果唔住酒店都可以响Openrice以七折或八折订座,都抵食吖。 继续阅读
(以上食记乃用户个人意见 , 并不代表OpenRice之观点。)
等级4 2021-06-04
2047 浏览
去左Hyatt Centric staycation, package包两餐, lunch buffet同埋breakfast buffet! Lunch buffet安排系入住房间当日享用, 所以一早11点几就去到酒店啦, 食12点第一轮! 取餐区分左两个部分: 一边系熟食, 另一边主要系冷盘同甜品冷盘区-刺身: 三文鱼, 希灵鱼, 吞拿鱼, 鱲鱼-沙律: 凯撒沙律, 泰式青木瓜沙律🥗 另外仲有几款芝士🧀-海鲜: 虾🦐, 蚬, 青口-生果: 菠萝🍍, 哈密瓜🍈, 蜜瓜热盘区-烤安格斯黑牛西冷, 配埋班尼士汁好好食, 肉质好嫩-森巴酱龙虾钳, 炒到劲香, 只只都好大只, 好厚肉! 必食推介-泰式烧猪颈肉, 煎到劲香-盐酥鸡, 新鲜炸起, 脆卜卜, 细细粒唔怕食到好饱-印度咖哩&烤饼, 仲有羊肉食! 烤饼捞咖哩汁食好香好好味-烧味, 卤水拼盘, 款色都好多, 味道都几好 甜品区-系餐厅门口附近有个好吸睛嘅雪糕柜, 劲多款唔同口味, 我拣左椰子, Tiramisu同埋焦糖, 焦糖口味食到有almond粒添! 自家制嘅雪糕又唔错喎!🍦-樱花水信玄饼, 竟然有, 好少见到有得食, 唔错-杂莓千层酥, 即叫即制, 所以食落好新鲜, 仲脆架!-绿茶红豆卷, 淡淡绿茶味, 整体觉得偏甜其实仲有好多款蛋糕, 但试唔晒咁多, 好多望落去都好精致, 好想试!!饮品-饮品选择太少, 只有汽水, 茶包, 咖啡, 相对失色▫️整体The Farmhouse嘅野食个人认为热盘同甜品嘅食物都几好 , 款式多元化之余, 味道亦十分唔错呀! 继续阅读
(以上食记乃用户个人意见 , 并不代表OpenRice之观点。)
等级7 2021-06-30
3438 浏览
最近体检发现血压上升及有精神紧张迹象,周末就听从医生建议同哥哥去咗北角开咗近三年嘅「香港维港凯悦尚萃酒店」潮玩staycation。哥哥所选购嘅套票包埋於酒店咖啡厅「The Farmhouse」享用自助早餐。自助早餐开放时间为早上六点半到十点半,住客可预先上网登记心仪嘅用餐时段,但此举并不等同预先订座,遇上繁忙时间都一样要排队等位。真系冇谂到个早餐原价$248/大人、$150/长者或小童,另收加一服务费,即使酒店住客可享八五折优惠都唔平,因为套票包咗先觉得抵啲。为咗可以影多几幅靓相,细佬一早七点几就去咗二楼餐厅大肆探索。接待处位妹妹非常友善,陪同安心探热後即带小肥入座,并提点热食区藏於最入不太起眼嘅位置,细心得很!楼底高高嘅用餐大堂十分开扬,窗边排出一列以胶板隔开嘅二人散座,中央位置则摆出多张相隔一点五米嘅四人餐桌,完全符合抗疫标准。拍墙有间半厢房式设计嘅八人枱,相信私隐度为全场最高也。餐垫上摆有自用嘅西式餐具、口罩套及湿纸巾。由於用餐时间限定为一小时,入座後妹妹会於餐桌上放下一张写有入座时间嘅「仲食紧」纸条。用餐後只需反转纸条以示「食饱噜」即可离场。场内嘅服务生唔熟手都唔系太紧要,可以边做边学,最令人惊讶不安嘅系听到有两位以粗言秽语讲述对客人不满嘅对话,就算其身份为临记都有损酒店形象,态度欠缺专业。此外,其实第一日张餐枱都冇乜问题,不过第二日嗰张就明显好耐冇抹过;如下图所示,桌上嘅污积绝对唔似只系嗰朝六点半至七点二十一分内所留底罗!自助餐饮项目分为冷、热两区。饮品包括果汁、茶、奶及咖啡可於近门口嘅「冷区」搵到,只系单单唔见有水饮。顾名思义,「冷区」内主要为冷冻嘅食物,如生果。存於透明雪柜有多款冻肉、芝士、沙律、三文治等。冰阵上有健康啲嘅乳酪及多款谷类早餐食品。面包架上亦琳琅满目,最抢眼就系啲七彩鲜艳嘅冬甩。不过个人锺情嘅却系细细只嘅朱古力味牛角包,吃前烘一烘,可令朱古力馅半溶於更酥化嘅包品内,如果朱古力份量可以加重少少就完美啦!面积较大嘅热食区内有多位师傅烹制菜式。即叫即备嘅项目每天都会有啲唔同,超人气之选系只见到一次嘅温泉蛋饭,金黄橙美嘅温泉蛋包保流心滑溜,实属亮点,个人诚意推介!其实即煎嘅香草芝士蘑菇奄列都唔差,只系好难同个温泉蛋比下去。反而最失望嘅就系碗河粉,因为河粉一旧旧,鱼蛋同牛丸冇味又唔得爽弹,完全唔掂档!为保暖,热盘均放於炉上座热,无奈所选用嘅铁煲盖又重又传热,大家真系要小心烫伤或拉亲。中菜以爽脆弹牙嘅杂菜炒面最美味。好抱歉地讲句,点心嘅质素比超市买到嘅货色更为低劣,毫无肉味嘅烧卖烟韧到似食紧一团面粉咁,个又乾又嚡嘅煎萝卜糕先恐怖。送粥配料则远比稀稀粉粉嘅粥品滋味。西式食品有大路嘅香肠、荷包蛋、烟肉、薯饼等。场内嘅小朋友大多都爱食甜甜嘅班戟及布丁,睇见佢地落咁多忌廉同果酱就知边样先系主角啦!XO仔独爱乾巧香脆嘅墨西哥芝士馅饼,涂上莎莎酱及牛油果酱即倍添清新惹味。酒店餐厅「The Farmhouse」环境宽广通爽,可惜抗疫期间嘅卫生水平有瑕疵,服务及食物质素也过份参差,如果有得拣酒店套票不含早餐可便宜上二百元的话,区内绝对有不少更好嘅早餐选择。 继续阅读
(以上食记乃用户个人意见 , 并不代表OpenRice之观点。)
等级4 2021-04-01
13547 浏览
昨晚食左个满足嘅晚餐自助餐,今早同一餐厅再黎食个自助早餐😝😝睇吓有咩唔同先😚😚佢早餐嘅种类都好多样化,有分中式西式,仲有甜品添🥳🥳~~~各类水果🍉~~~同晚餐自助餐一样切得好大旧,但略嫌淡咗少少🤏🏻🤏🏻~~~烤多士配果酱、蜜糖、牛油🧈~~烤左嘅多士再配上清甜嘅蜜糖系幸福嘅感觉啊😍😍~~~中式早餐~~~粥品、烧卖、春卷、肠粉、珍珠鸡、红豆包、中式汤面🍜😃😃推荐珍珠鸡糯米好’淋‘,细细只容易食😉😉~~~西式早餐~~~煎蛋、炒蛋、烟肉、蛋奄列、菠菜班尼迪蛋、乳酪😊😊菠菜班尼迪蛋味道略淡,菠菜几新鲜🤣🤣~~~甜品🍮~~~一大早唔系好食到甜品所以只系食咗个冬甩🍩,正常水平😅呢个Staycation有得食有得玩又有礼物收,非常满意😉😉 继续阅读
(以上食记乃用户个人意见 , 并不代表OpenRice之观点。)
Hyatt Centric staycation✨dinner buffet//海鲜选择猛多,有龙虾🦞蟹钳、蟹脚、虾🦐螺肉、青口、蚬。最好吃的是龙虾,肉质不错,又不会太咸~//刺身亦有五款选择:八瓜鱼、甜虾、吞拿鱼、希灵鱼、三文鱼,个人最喜欢甜虾和希灵鱼😍//甜品亦有很多款🤪蛋糕方面,最喜欢朱古力蛋糕🍫好像金莎味😂另外有款咖啡奶冻也有很浓的咖啡味,再加上蜜柑一起,很好吃😌其他蛋糕都正正常常吧~//最後是非常吸引眼球的旋转雪糕柜🍦都是gelato,最好吃的是港式奶茶味!真的很浓很像奶茶😍其他味道就普通吧~ 继续阅读
(以上食记乃用户个人意见 , 并不代表OpenRice之观点。)