影片
有两位朋友一直都系呢间餐厅熟客，朋友之前都有带我嚟过呢间餐厅，食物系几唔错，老板娘亦好友善，所以决定再帮衬，但今次再嚟食真系好失望！我八点正黎到，大约十分钟后落单，落完晒所有菜式个侍应先话：「今日厨房得两个人，会等耐少少。」个场当日算多人，都未去到坐满，佢话「耐少少」我预期系30分钟左右。饮品好快到左，但等到21:20先有第一碟菜上，等左超过一个钟，期间只系出左两个餐包叫我哋「食住先」，完全不能接受，侍应都只系不断讲厨房唔够人，催紧。然后到21:50先上最后一碟（唔系后加单，全部都系8点落单），落单后足足1小时40分钟先到齐，呢个等候时间真系好离谱。其实明知道果日唔够人手又煮唔到，应该一入门口就要同客人讲今日要等好耐，而唔系等我点晒菜先讲，又或者见人多就唔好再比人入嚟。另外一样好过份嘅系，叫左两个Dinner Set系有餐汤，侍应喺等候期间一路都话厨房准备紧个汤，未有。一个钟后都无出现，佢就话佢都唔知厨房做咩事，一个半钟后，佢先突然同我讲话个汤出唔到，我比多两个包你食好唔好？我真系未试过食一间餐厅可以无汤都照比人落dinner set又唔出声。而点解我话对佢服务态度好失望，就系我食完当晚即刻写左封投诉信比餐厅Facebook Page，希望佢地可以解释下到底发生咩事同埋会唔会有咩改善措施，我好快就见到餐厅「已阅」，但系我等左几日一句回覆都无，咁样对侍客人投诉真系好差态度。我唔知今次系唔系有咩突发状况，但呢个处理手法真系有啲问题，好希望餐厅可以改善下！
继续阅读
其实今次系我同女朋友第二次来呢间cafe，上一次食过觉得唔错，但今次经验真系恶梦。首先，我哋入去嘅时候个场系半满，然后落order时个waitress提醒我有两张台未上餐，会需要啲时间上菜，大约15分钟。我心谂住唔赶时间冇所谓啦，点知我哋8点落order，9点半都系连个餐汤都未到，食晚餐变咗食宵夜？然后，我见到隔离张台早过我哋入座，到9点半都未上齐餐，我都唔想吹个waitress，但呢个上餐速度真系冇人可以接受到，唔怪得上次来要book 位，今次walk in 都有位，连我都真系唔想下次再来。
继续阅读
同老公想由太子行去深水埗揾食, 见到呢间cafe, 平日唔算多人, 只坐到一半枱开始都京有伏, 但都俾sky blue theme 吸左入去试下。全cafe以航海, sky blue 做主题同布置, 楼底又够高, 都几舒服。牛油果大虾沙律, sauce 酸酸甜甜, 好开胃, 牛油果大虾一向系挚爱日式蟹棒杂菌意粉, 味道正正常常, 配料不算多, 这是跟餐意粉, 所以粉量及用料较少, 但会送餐汤及饮品, 性价比高值得一赞, 小店整Carbonara, 都整得味道唔错, cream sauce够多, 扁菇、洋葱粒、鸡丝、火腿, 都足料。我估唔用 烟肉, 用火腿, 原因系火腿成本较平, 整体都唔错
继续阅读
当晚，原先我们一行四人，打算走到太子警察会食晚饭，怎料餐厅已 full！那么，临时临急，在太子区，我只想到一间适合大家而价位合理的餐厅！于是，我带他们到太子大南街的 The COVE cafe bar bistro！当日天气炎热，我们暂坐在餐厅外的桌子等候安排入座，当时已经晚上 8:00 有多，入座后，大家都急不及待看餐牌，立即点菜！这里以白色及蓝色为装潢主调，柔和舒适！ 颇有蓝白小屋的风格！最惊喜的是，我们见到餐纸垫印上“惠顾满 $400，会得到纪念品”！粟米汤及餐包 甜美的粟米汤质感浓稠，夹杂粟米粒，口感更强！ 餐包富麦香，包身松软而温热！蘸上汤伴食，是个人喜欢的口味！龙虾汁伴大虾海鲜烩饭 $98海鲜铺满碟子很丰盛！ 有嚼劲的墨鱼仔及爽口的虾，以龙虾汁烹调，饭粒均匀入味而湿润！银鳕鱼龙虾汁杂菜扁意粉 $88鱼皮香脆，鱼肉鲜滑，以龙虾汁烹调意粉，口味浓郁惹味！杂菜包括翠玉瓜、蘑菇...等，添上清新及丰富了口感！烟三文鱼带子明太子汁意粉 $92带子煮得火候恰到好处，食落嫩滑，却是调味不足较淡口！ 意粉略带烟韧，口感讨好！纽西兰肉眼牛扒 (七成熟配红酒汁及墨西哥脆片) $198份量十足！肉质松化软腍，配上红酒汁可提升鲜味又够入味！以墨西哥脆片垫底，略嫌墨西哥脆片太少，而且垫底吸收肉汁及水份，而影响口感，变得不太香脆！伯爵柠檬茶用上 Twinings 伯爵茶包，茶味清香富果酸，两者配搭不错！埋单后，问店员是否有纪念品？！稍后送上一份礼物，大家都估…是否食物？！例如：曲奇…之类呢？ 打开一看，原来是一只精致的船模型！ 留给其中一位男性朋友吧！
继续阅读
刚刚去了，叫了几款食物都不错，款式好少，但有个别服务员态度差，尤其系黑衫黑裤个服务员，似老板娘样子，黑口黑面，其他服务员好好服务，中午好少人帮亲，我坐了1个钟左右，都十张枱无人坐。
继续阅读