影片
位置：在西贡有啲隔涉（不过如搭van 仔或巴士，在总站前一个站落车行3分钟也ok，即普通道个站落车（满记甜品巴士站），由满记甜品行过去就大约1分钟😊朋友已帮衬过多次，今日带我去试，地方宁静，装修雅致，私隐度高，食材新鲜，食物即叫即整，服务也非常体贴，招呼亲切，在这里用餐十分舒适，所以喺度极力推介❤️午餐有优惠套餐，唔系特别平，但用心制作，好好食😍✨主菜～龙虾汁意大利面配香煎带子有三只带子，带子鲜嫩多汁，意大利面软硬度适中，搭配上浓郁的龙虾汁，味道丰富，食得很满足。带子的鲜甜能与龙虾汁的浓郁相互融合，带来口感的层次感😬～英式渔夫焗海鲜批英式渔夫焗海鲜批，制作需时，系等几耐㗎，不过我哋分享完第一道菜就整好，时间啱啱好！佢嘅皮酥脆金黄，内里有满满的海鲜，每一口都能品尝到丰富的海鲜风味，也感受到浓郁的薯香；另外值得称赞的是海鲜的选材新鲜，有虾肉、鱼肉、鱿鱼、蟹柳及蘑菇等，融入批内后更显鲜美👍
继续阅读
Follow IG thecabinsaikung, 去到西贡the Cabin, 门口巳充满浪漫气氛😍店内已高朋满座，位位型男美女🌹🌹正呀！店内由老板大厨主理，食材新鲜，洋葱汤好味，芝士蒜茸多士必追加，忌廉白汁青口正👍👍👍焗薯牛肉批香气浓郁，蟹黄带子意粉好creamy 😋 😍 💕 招呼亲切，原来经常有客人包埸，私人party,地方宁静，私隐度高, 自成一角🥳🥳.门口有outdoor, 可带狗狗齐齐开心，今晚我们过了一晚开心，浪漫及特别的晚上🎉🎉😍😍
继续阅读
讲真唔系有优惠都未必嚟试，因为位置有啲隔涉，西贡市之入口成日经过，每次直入市中心😑由市中心行入餐厅一刻，感觉宁静、舒适、优雅😍干邑烤焗西班牙猪腩肉$235⋯⋯皮烧得香脆，肉唔多醮上苹果蓉食，感觉无咁肥腻🥴肥膏都唔小，怕食肥腻食物之人就要念念😅法式纽西兰羊架$265⋯⋯羊架有d over如果正价食，真心唔抵食😔茄汁烩海鲜意大利饭$105⋯⋯茄汁太酸英式渔夫焗海鲜批$115⋯⋯expect个底系批不过系好食😋但系要等…等…得耐，因为要焗真系需要好长时间😂炸鱼薯条$135⋯⋯有啲贵😅前面个兜系醋，醮上炸鱼好夹👍🏻甜品：红酒🍷焗啤梨点set lunch 可+$28（优惠价）吃甜品真心唔错😍餐厅怖置简洁餐厅细细，适🈴️情侣用餐慢慢食慢慢倾唔确定是疫情关系，减少开支🙄餐厅只有1位侍应（估计是老板）另外㕑房只有1位㕑师，故此出餐之速度极慢第一次食饭超过2小时，餐厅唔赶我走🤫午餐有优惠情况之下，唔觉得平🤭整体来讲都算好，用心制作，小店之食物是即叫即整，接受到较长用餐时间先好嚟😛希望下次有机会再嚟食💪🏻💪🏻💪🏻
继续阅读
朋友喜爱英国, 特登约佢去西贡食英国菜,环境装潢好温馨, 点菜叫了个法式纽西兰羊架, 另外见到有三款特色菜,我选了牛肉批Cottage Pie, 一心谂住薯仔会一片片铺面焗,点知上枱先知原来误会咗, 果款叫Lancashire Lamb Hotpot, 冇办法,下次再来试过, 而牛肉批有啲似肉酱焗薯蓉, 面层薯蓉，下面系牛肉碎加了甘笋、蒜头和迷迭香，味道非常浓郁, 其实可以叫个白饭同意粉𩠌,但因太多菜色想食, 所以留肚叫多个小食~焗猪腩肉Roast Pork Belly, 再加了$88 upgrade 做set dinner, 多个汤, dessert 同饮品, 汤系洋葱汤, 超爱, 上面有一块芝士多士，芝士软淋淋, 多士虽然浸住汤，但依然脆口, 索晒洋葱汤味, 个汤还有洋葱丝, 又香甜, 又浓郁, 超好味。羊架有四件, 不过唔系好热, 而且叫了五成, 但太熟了, 而小食~焗猪腩肉, 比预期中大碟, 有四大块, 外皮有脆身,也有韧的, 中间有沙律菜,到上甜品, 有Tiramisu, 口感不错, 可惜欠了咖啡酒味,另一款系cheesecake, 都好味。老板服务好好, 有礼貌。另外见到佢地午餐做到5:00，下次都想食。
继续阅读
同老婆去完外岛 返黎西贡seaech 网上饮食平台见到呢间餐厅 谂住book黎试吓，点知过咗时book唔到6点半果round 打去搏一搏，店员说ok照俾折同枱我哋，于是照去，结果造就我俩口子试到呢间餐厅，否则唔会特登行入黎，因不是位于一些必经之路。来到餐厅，老板细心招呼我地，由于我地刚行完山，好口喝，老板好好地不停为我地添水。食物方面，一流。叫左一个焗猪腩肉，一个牛肉批，加左8x蚊可跟餐，会有洋葱汤/沙律，加饮品同甜品。食完后觉得超级值得加钱，净系个甜品都抵返，而且沙律同汤都相当高质。沙律的菜好新鲜，sauce好fresh,微微酸甜洋葱汤一流，上面加了一块芝士多士，吸了汤，好好味。腩肉皮脆肉嫰，苹果酱酸甜掌握得很好。值得一提嘅系皮𠝹了几刀分成六份，正好方切开share食，非常贴心。成世人第一次英式牛肉批，唔知咩黎，叫黎试吓，原来系面头薯蓉，下面系牛肉碎加甘笋、蒜头、迷迭香等，味道混和起来很和谐，好夹，无后悔试新野。甜品拣了红酒煮梨同Tiramisu红酒煮梨入口酸甜消腻Tiramisu虽然唔系传统Finger bread，但蛋糕底浸Baileys，味道非常浓厚，好好味！两个人连加一，计埋网上饮食平台主菜7折，total两个人食左将近$600，人均唔驶$300，我地仲要嗌左杯白酒（又系好好饮，重果酸，不过无影相）食到嘅系Fine dining级嘅味道。呢餐份量真系好足，味道一流，而且很有人情味非常抵！利申：非收钱写食评，非打手因为真心觉得呢餐个experience好正，而今晚餐厅大部分时间竟然得我老公婆，无其他客人，包场！到尾声时（8点几）先见有第二枱客（应该都系熟客）觉得呢间餐厅值得多d人识同帮衬。总结：我唔系住西贡，下次去西贡郊游完，一定会再黎呢间餐厅！
继续阅读