影片
上两个星期五，同个朋友去到呢间餐厅，见气氛唔差，然后就入去食。我地拎起个DRINKS LIST，睇下有咩野饮，见到有泰国同德国啤酒，然后就叫个男侍应介绍下。个男侍应都唔错，为我地讲解唔同啤酒既特色。仲问我地饮得多唔多，多就可以叫个任饮PLAN，会抵D。我地话我地饮得唔多，唔驶啦。果刻都觉得间野几窝心。去到呢一刻都无咩问题。跟手我地就开始ORDER野食。有个女侍应(疑似老板娘)跟我地D ORDER。呢个女侍应真系不得了! 全程黑口黑面，态度又劲差。我地都算ORDER左几多野食，而我地就坐紧一张细台，咁我地ORDER D食物呢，佢就差唔多全部一齐上(呢个系厨房问题，唔关女侍应事)。但个女侍应就将已经上台既野，问都无问过我地就帮我地合合拼拼，有汁既同无汁既又拼埋一碟，务求要腾出空间比佢放野。大佬呀，d汁捞埋落d盐烧既野上面，点先？至于食物质量，真心讲真系麻麻。海虾烧到过火，虾肉”梅”。肉类，全部都烧过火，同食牛肉，猪肉干差不多。烧白鳝，个皮一D都唔脆，可能鱼身厚，入面仲生生地。最好既一样系烧蚝，鲜味! 可惜SIZE细。我地食到差唔多，打算叫第二轮DRINKS，叫个女侍应比个DRINKS LIST 黎睇，佢完全IGNORE我地，然后佢指左个男侍应过黎。自问坚唔系麻烦客，成餐饭都只系一开始叫个男侍应介绍下啤酒，ORDER 野食，叫第二轮啤酒，最后叫佢地埋单，中间真系无叫过佢地SERVE我地任何野，就算野食唔好食(或者我地认为唔熟)，我地都无出过一句声。最后，令我要打呢篇食评既最主要原因系: 当我地叫埋单，个女侍应黑口黑面过黎比张单我地。我签卡，佢跟手响我面前拎住我张信用卡行去隔离舖(疑似姐妹店)度碌，又唔解释下比我听系咩原因，呢个系咩玩法?我真心唔知隔离系做咩生意，我净系知我张信用卡，签食肆我有5倍积分，如果隔离唔系食肆，我系会有损失，再者，你系唔系都要同我解释下点解要咁做呢? 呢个举动都未算坚，个女侍应拎翻本帐簿比我果时(唔应该讲拎翻，应该讲放响我地张台上面)，然后同我讲 ”你自己分开张信用卡单，拎翻张底单，留抵张面单就可以走”。 咩料? 我地2个人食左9百几蚊。讲真，唔系话真系一个好大既数目，但未至于要受呢D服务态度呀麻?呢间野，个疑似老板娘既女侍应，真系赶客。我会完全BLACK LIST 呢间野!
继续阅读
之前上网发掘窿窿罅罅揾好野食，曾经钻进北角一条小巷，发现呢度未必有咁多人知既小巷，原来有啲餐厅，其中一间就系黎紧要介绍既The Beans，佢其实系一间bar，除左饮酒之外，可以选择系呢度食串烧。用串烧送酒都不错虽然系星期六既夜晚，可能因为地理位置偏少少，好少人黎到呢间餐厅。搭地铁的话B4出口出系最近既，旁边书局街行到尾，靠右手边钻入小巷，上两级楼梯就见到呢间The beans！环境都有啲暗，坐低左就专攻佢地既串烧有四只唔同色既分类，主要系烧肉类、海鲜、佐酒小食、主食，同埋蔬菜。环境比较暗，影得唔太清楚烧猪大肠（$36）从来未试过食烧猪大肠，第一啖咬落去几特别，外皮好脆，里面既肥系口融化，加上芝麻既香味，好特别，但尾段有少少漏。由左至右：羊架（$38）牛脷（$38）羊肉（$16）冬菇（$12）基本上全都系用盐烧，个人比较喜欢盐烧感觉，因为较香同食到肉味。羊架肉腍，都烧得几香！牛舌有惊喜，好爽口！羊肉串有少少骚，咁先至似食羊嘛冬菇非常香，肉汁丰富，抵食烧茄子 （$38）每次食串烧都会叫，佢唔同出面既烧茄子，唔会落太多既蒜，亦不失惹味。秋刀鱼（$32）秋刀鱼同一般食开既味道分别不大。扇贝（$38）扇贝都算大只，就只有一只，略嫌贵少少。埋单加一$273总括黎讲味道系唔错既，比较适合两三个人吹下水，当宵夜食啲小食饮下酒系ok既
继续阅读
上星期 朋友生日 见北角近近地 见食评唔错 就去左 the beans 点知咁就中左招 先讲硬件位泽唔在讲 个侍应姐姐唔知系咪做得太累 问佢有咩推界 佢面色唔系咁好(黑口黑面果只)作为一间西餐竟然连一杯冻奶茶都冇得叫果下好野再到软件 食物方面叫左个意大利饭都ok既个意粉就好过ok便利店小小既到个戏肉黎啦 老板推荐羊架 我咁大个仔都未食过咁苏既羊 我自问都食到苏味同钟意食羊但佢真系苏到苦同入唔到口 咁既质素羊架收200佢唔笑果下好野之后叫左个驰名甜品心太软哗 原来出名在真系个心唔滴出黎😧成餐饭冇人过黎汁抬 叫都唔汁果只呢餐饭750😡 真心冇下次
继续阅读
刚搬入嚟北角，到附近揾食，揾到巷仔食西餐。肉食者的我俩叫了一份羊架，够哂羊味。另外叫咗份牛扒，啖啖肉，仲在脆卟卟热辣辣薯角员工都好热情，好似已经系熟客咁，地方细细但舒服。仲有户外位食烟人士方便哂，老板知新搬嚟仲请我地饮咗两杯shot hahaha
继续阅读
上次食个平牛扒，质素未上枱已经心知麻麻，但人地店家都系想迎合唔同客人嘅需要啫，你钟意食又比到多啲咪食个贵，反之亦然今次先要咗个白酒活蚬，最后一份啱啱好要埋卖哂 ，蚬甜饱满，如果有面包一定会索哂啲汁嚟食之后点反个质素高的牛扒，但价钱唔会话真系好过份，但食落口就明白个分别，只系多百几蚊但分别系几倍跳。跟住咗个西班牙火腿意大利饭，分量望落好似细，但因为意大利饭腻口，所以其实分量啱啱好本身预咗个肚食梳乎里，不过原来要预订，无得食
继续阅读