The BASE nature (已結業)

平時很少去逛荃新天地，今次特登去馬莎買東西，買完就在這裏晚飯。看看有什麼餐廳，竟然有the base，這間Cafe之前在觀塘十分有名，原來現在搬進荃灣，太好了！餐廳很闊落，除了室內座位，亦有一些座位是靠窗的，營造一個室外效果～點了個dinner set ，有豬鞍、有意粉。米形粉在坊間比較少吃到，它是來自意大利，跟一般意粉差不多，只是形狀有點不同。廚師亦特別加入健康的蟲草花，健康又特別。要推介這杯蜜糖柚子烏龍，來時候像杯啤酒，原來是杯茶！再望望周圍枱，飲品也很像cocktail，應該是餐廳悉心安排，玩味十足！面頭的泡沫有點茶味，柚子跟烏龍很夾，多了一份清新的感覺。

一個人去咗荃灣行街放鬆下，去到荃新天地見到呢間餐廳嘅環境好舒服，同埋有我鍾意食嘅漢堡所以就入咗去叫咗一個牛肉漢堡配薯格，再加$10要咗一個沙律沙律係配芝麻醬，份量啱啱好，而且個沙律好新鮮等左一陣個漢堡就嚟啦，仲要係熱辣辣，塊牛肉勁口，一咬落去嘅時候啲牛肉汁不停咁流出嚟，勁好食，而且佢嘅麵包都係有加熱到，入邊仲有一塊煙肉，食落好脆旁邊嘅薯格都係啱啱乍起，好脆，食埋成個餐真係好飽最後飲埋杯洋甘菊茶，一邊睇吓書，好relax

今天在這個餐廳安排了一個farewell party，跟好朋友一齊吃一頓。我點了The BASE AUS Cheese Burger，Burger 中間的菇真的很大，牛肉也很好吃。另外點了一個Sweet Potato Fries，份量也不少，炸得很好吃。下次可以再來！

想試呢間餐廳好耐，今日終於試左！呢間餐廳叫The Base，位於荃新天地一期UG70舖。好鍾意呢間餐廳嘅裝橫，枱枱櫈櫈都係用木製又有太陽傘，好似置身喺大自然裏面食野咁。我覺得佢係繁忙都市嘅一個綠洲，比人一種好舒服好放鬆嘅感覺。客人可以選擇坐bar枱或者卡位。煙肉火腿炒蛋芝士牛角包配薯格，英文名叫B.H.E.L.T，係Bacon,Ham,Egg同Lettuce嘅簡稱，個名幾特別喎。牛角包啱啱焗起即上枱，烘得好脆但唔覺熱氣，中間切開，放有一條同牛角包一樣長嘅煙肉、西生菜同炒蛋，材料上面擺左塊芝士。芝士焗過熔入食材當中，同煙肉一齊食，雖然好邪惡但係都忍唔住食左。煙肉唔會太乾。西生菜好新鮮。薯格好大塊！大到我可以用餐刀搽d茄汁上去！薯格唔會燶，新鮮炸起脆口唔會腍。黑松露雜菌菠菜米形粉米形粉係意粉嘅一種，好少食到，覺得好特別。顧名意義，米形粉無論外型定入口都好似米。有蕃茄仔、雜菌、菠菜同溫泉蛋。面上撒上薄薄嘅芝士片。溫泉蛋嘅蛋汁同芝士撈埋一齊食，蛋汁將d 米形粉痴埋一齊，唔會散開曬。黑松露好香。

呢日約左朋友食tea 😊呢間我第一次食 佢Tea menu 價錢都唔平 但而家OpenRice 訂枱可以有85折🤣 我地叫左一個炸物Combo ($58) 同一個肉桂蘋果撻伴雪糕($68)炸物係薯格同番薯條 無乜特別 🙊蘋果撻你見到上面既蘋果蓉超多 但個撻皮好薄好薄 同平時食嘅蘋果撻唔同 食咗三份一個已經唔想再食🤧餐飲有好多種選擇 我叫咗Rose latte (+5) 有拉花好靚又幾好飲喎👏🏻👏🏻因為疫情關系餐廳都唔係好多人 Tea time 夾埋我地都係得3枱客 餐廳環境都幾大 客人坐得好疏都幾安全🙊

#The BASE nature (荃灣)放假時訓到自然醒，一醒食返個Brunch set。輕輕鬆鬆又一日。#慢煮紐西蘭香草西冷扒 (8oz) $108有7舊，厚薄適中。牛肉帶少少筋位同脂肪腍，添加口感同牛肉味。雖然係西冷，但肉質都算腍，容易咬。加埋砵酒汁，鹹鹹香香同埋黑椒味，整體好夾。配有蕃薯條🍠同沙律🥗番薯條比較少見，炸得香脆，內心甜甜綿綿，好易令人一條接着一條食唔停口。 沙律🥗沙律菜好新鮮，仲有比較少見嘅羽衣甘藍🥬，加埋醬汁，好fresh。最後嘆埋杯 #伯爵果茶。茶味好香。

最近因為疫情關係，少左岀去食飯，不過是夜有事外出。係荃灣行下行下見到the base nature ，好耐無食過好味既肉喇，見至有扒食😍好快就決定好要支持下呢間新餐廳🤤我地坐二人座，同其他食客隔左個走廊，身後面既枱都隔開左，感覺安全，餐廳好貼心！菜色頗多，花多眼亂，最後揀左個牛扒同米形粉，無食過米形粉，見侍應哥哥介紹，就信佢試下新野啦！餐湯: 咖哩粟米湯飲之前以為會好奇怪，邊有人飲咖哩架，點知飲左第一啖之後就停唔到手😂 咖哩加粟米幾襯喎，粟米仲好甜！想encore 添呀！真係要時時提住自己唔好限住自己，要試新野先得。黑安格牛橫腹扒8(oz)配煙燻岩鹽 牛肉燒汁有5款鹽6款醬汁，我唔識揀呀，好彩我朋友識煮飯，所以佢揀哂。我比較鍾意兩樣野都分開點，如果唔係會太濃，試唔到舊肉好唔好味。橫腹扒唔係和牛個種食落口會溶既feel ，佢係行肉味路線架！燒到個面微焦，就鎖住哂肉味！正正正！黑松露博多地雞肉雜菌米形粉配63度溫泉蛋溫泉蛋加落去個米形粉到，令到全部野都更香更滑，絕對係重點呀！米形粉好得意，好似米粒咁，但係又好似risotto 又好似意粉咁，要食過先知係點，好特別，我都幾鍾意，冇試錯呀！

見到諸多好評，餐廳又靚，於是試食lunch⋯點知中伏嗌左杯蜜桃綠茶同慢煮西冷牛扒，一百蚊出頭無加一食個扒餐真係超平。睇落都覺得唔錯喎，真係做到medium，入面仲係粉紅色嘅。點知韌到呢⋯已經係嚼而非咬，用刀都分唔開⋯唔知係咪慢煮嘅原因。但塊西冷扒本身都無咩牛味，又多筋，唔怪之咁平喇⋯最後要靠點汁勉強食晒。反而配菜係有比啲心機。薯蓉食得出係新鮮土豆。焗蕃茄非常juicy，南瓜同甘筍亦唔錯。杯蜜桃綠茶非常好飲。清新，味道唔假，最啱夏日。另外服務態度都好一般。知道無收加一，但對西餐廳嘅要求同茶記都唔會一樣喇⋯全店得我一個客人，服務生都係無聲音無笑容⋯又係無聲式服務⋯戴住口罩都睇得出呢位侍應嘅冷淡⋯係收銀果位女侍應好少少，可以話係正常。

呢排同老公冇啖好食難得老公想食burger佢搵咗間係屋企附近我哋未試過就去試吓set lunch 唔算好多選擇，基本野burger 大大件賣相一流但遺憾係塊肉冇乜味好似冇醃過咁我叫左鴨肉配薯菜個薯蓉好好食鴨脾皮脆鴨胸就啖啖肉算係咁食物坦白講一般以呢個價錢係基本不過值得一讚嘅係廚房帶曬手套同口罩而d客一離開佢哋即刻噴嘢抹枱呢下會令人食得安樂d

今日喺附做完嘢，心情一般，決定對自己好啲，食餐好嘅。揀左呢間食西餐又有茶飲嘅餐廳。佢檯面支水係落左薄荷葉，唔知係心理作用定咩，好似真係口氣都清新啲😂。我嗌左安格牛腹扒，再加左個鴨肝。佢特別左調味料，鹽有五種，汁有六種，任你揀。我今日攰到乜都諗唔到，所以叫左職員幫手揀。職員介紹左喜馬拉雅山鹽同芥末子忌廉燒汁，個汁甜甜地幾好，無論點肉定點配菜都夾到。個牛肉我嗌左五成熟，好腍，冇筋，牛味唔算太濃。但原來鵝肝比起鴨肝會香好多，鴨肝會淡味得嚟帶點騷，未必個個都接受到。而佢個配菜都好豐富，除左原個薯仔泥外，有紅蘿蔔，南瓜，粟米仔，西蘭花。佢個紅蘿蔔已經煮到保留口感之餘降但個草青味。另外我仲嗌左個芝士焗蕃茄莎莎大啡菇，呢個要趁熱食，個蕃茄好夠酸好開胃。飲品我就嗌左個百香果冷泡烏龍茶，佢咁樣冷泡唔會太甜，果汁同茶味平均，幾好飲。

平日夜晚等c 小姐放工之後就黎到the base nature ，9成滿座，平日夜晚都咁滿，質素一定有番咁上下啦！坐位分得好開，唔會有個種好迫既感覺，一坐低侍應姐姐就俾個籃我地擺袋！我地兩個人一人一個餐，share 黎食！餐湯係好特別既咖哩粟米湯，好日式！好好味！好似無係香港飲過呢款湯！黑安格牛橫腹扒8(oz)配煙燻岩鹽 牛肉燒汁三成熟，侍應姐姐仲有細心問驚唔驚太生，真係好好人！通常係香港要過千既扒房先會俾咁多配料你揀，呢度有5款鹽6款醬汁，真係無限加分，點配都得呀！講番主角先，牛橫腹扒好重肉味，但係一d un 都無，配埋個岩鹽吊d味岀黎真係好正！黑松露博多地雞肉雜菌米形粉配63度溫泉蛋雞肉好滑，無煮過籠，不過雞皮又有少少焦香，睇得出有花過心機整！米形粉好得意，係飯同意粉既混合體，有啲𥺦，但係又好彈牙，今次第二次食，配溫泉蛋真係一流！ 仲有好多手調飲品架！

住荃灣既朋友帶左我去荃新天地揾食，佢話呢度有間餐廳位於一樓，環境浪漫舒適，餐廳設計燈光較浪漫柔和，好似置身大自然甘，我地坐低之後職員俾左個箱我地放袋，仲有支幾特別既水放左响枱面，我地叫左一個澳洲M級牛漢堡包，配薯格伴碟，跟餐加左$35,就有多個沙律同飲品一杯。M級牛真係好大個同好厚肉，仲有大啡菇放响入面，啖啖肉，好好味，芝士薯格就岩晒芝士控，因為真係好多芝士同拉絲嫁，小食既芝士炸雞個皮厚左d如果無甘硬，可能會更好，同埋叫左個甜品金箔朱古力流心蛋糕，流心朱古力蛋糕好香，朱古力蛋糕好軟熟，不過伴碟既好似咖啡渣就唔太識欣賞。

咁啱喺荃灣想揾食，見到呢間the base nature openrice 咁多好評，就去試吓。餐廳都係普通cafe設計，唔算坐得好舒服。叫左兩個餐，香煎帶子配墨汁海鮮意大利飯，帶子正常發揮，都算大粒，個飯就偏林，冇乜咬口，個汁就唔錯，唔會太咸，中間都有d魷魚圈又有啲魚粒，口感幾好。第二樣叫左慢煮牛扒，5成熟，配蕃薯薯條。牛冇牛味，又唔林，切都唔算好易，所以不推薦大家去試。反而蕃薯薯條又幾好食，唔算厚切，不過甜甜地，又有蕃薯味，幾好食。一杯flat white，一杯earl grey，正常發揮。

今晚喺荃灣活動，經過見到呢間餐廳環境比較開揚，座位之間有足夠空間，於是決定喺度開餐。要咗一個墨汁帶子意大利飯，呢個意大利飯都幾大碟，一個女仔就食唔晒啦。個意大利飯都幾creamy，飯粒煮得幾好，口感啱啱好 帶子都幾厚身，味道鮮甜。加錢upgrade做套餐，可以揀餐湯或者沙律，仲有一件香脆熱辣辣嘅蒜蓉包。另一個main course係澳洲M級牛肉肉醬芝士漢堡非常厚身，材料好豐富，漢堡扒好juicy，必食推介甜品要左金箔朱古力流心蛋糕好睇又好味！！不過我嫌個朱古力甜左少少～餐飲可以轉冷泡果汁茶我揀咗Passion Fruit Oolong Tea，酸酸甜甜，好fresh！

呢間餐廳嘅食物選擇唔係好多，好在都有我哋想食嘅嘢！我哋星期四晚去，餐廳唔多人。餐牌簡簡單單。我哋要咗一個burger同埋一個意大利飯，價錢合理；散叫嘅食物加$35可以變成套餐。餐湯係蘑菇湯，好濃郁好creamy澳洲M級牛肉肉醬芝士漢堡好夠份量！！漢堡入邊嘅牛肉好厚，仲有大啡菇、蕃茄、煙肉、肉醬等等，非常豐富，口感同味道都好正墨汁帶子海鮮意大利飯黑蚊蚊，樣衰衰咁！不過其實好好食餐飲可以加錢轉冷泡茶，食完咁飽滯嘅嘢飲啖茶好舒服