The ALP @ Lounge Hakuba (已結業)

Tower 535 裝潢型格，地面乘電梯上樓有仿如進入博物館之感，3樓有兩間咖啡餐廳，一間位於大堂甚開陽，而 The Alp @ Lounge Hakuba 是正常舖位，木系風格，別具格調，輕奢舒適，播放着音樂，忙裡抽空在這裏休息是不錯的選擇，今日是周末，我們來吃個午餐。 晚上是酒吧，白天供應西日菜式及咖啡，力推 $128 的便當午餐，其實真的幾有趣。 便當午餐 $128六格木盒內的六款食品自由選擇，我揀了：珍珠飯、日式昆布豬骨湯、秋葵醬油漬、蟹肉豆腐、厚燒牛舌心（+$18）、燒鰻魚（+$18）除了牛舌心涼了之外，全部水準唔錯，尤其米飯圓渾好吃。同伴選了散點菜單上的日式五花肉飯日式五花肉飯（$118）想不到更有驚喜！煎至焦香的五花肉非常惹味，配合滋味醬汁及有味飯，心水推介！ 週末沒有套餐，飲品原價計。特色熱朱古力 （$48）令我喜出望外，兩粒棉花糖及四支百力滋砌出可愛棉花人浮在熱朱古力上，如在沐浴中，味道方面如一般熱朱古力，特色在心思造型。 美式咖啡 （$38） 反而非常香，咖啡豆唔錯！ 以 QR code 點菜減少接觸，既衛生亦方便，服務都幾好，值得重臨。  

近排個個見到大胃都問候一下：「冇堂食係咪好唔開心？」人總需要勇敢lunch，快閃出去食一解鬱悶，嚟到老銅一間輕食餐廳唞吓氣都唔錯新年話咁快就過咗，但冬天氣息仲喺度，胃民杯朱古力真係令人仲浸沉喺節日氣氛之中，雪人真係好可愛雖然係weekend，但都仲有lunch set，嗌個便當餐就試到好多嘢厚多士烘得好香牛油味，有點煙韌好好味日式昆布豬骨湯夠暖胃，一飲而盡秋葵醬油漬口感夠爽，幾開胃吓。三文魚籽炒滑蛋炒得好滑，有魚籽做點綴好吊味紫蘇雞軟骨餅聽個名好特別，確實好有雞軟骨嘅爽口加錢轉櫻花蝦手打墨魚餅，質感彈牙，蝦味豐富唔貪心可以食個炒麵，係撈咗櫻花蝦嘅炒麵，麵條夠上色即係夠味，而且都保持彈性，櫻花蝦真係畫龍點睛疫情早期已經聽過，黃薑粉係抗疫好品，今次飲杯黃薑latte，暖身又增強抵抗力，冬日佳飲

以為是咖啡店，原來有日式便當食！有個六品午餐 $128 唔錯，自由選擇不同食品各適其適，可是見到省點又改變主意因為我鍾意食五花腩，好奇想睇下五花肉日式飯得唔得，哈哈，揀啱咗，個飯非常好食，好滋味，五花肉肥瘦比例完全，煎香了的，極正，美味！之後飲了一杯美式咖啡，因為覺得氣氛非常配合，最後 Hea 多大半個鐘先走，播住音樂，一個人坐喺度唔會悶。講吓環境，呢度一流，輕鬆得來又覺得豪華，好似名設計師設計咁，或者真係有。

星期日想relax下簡簡單單食個lunch。呢度環境唔錯，坐得幾好！ 星期日都有Set lunch $128，配料上都有一半款式要另外加錢～日本昆布湯手打烏冬+$10口感唔錯，但好細碗份量偏少，怕唔唔飽嘅人建議叫飯😛柚子醋沙律-沙律菜幾新鮮、清新，有少少柚子醋。秋葵醬油漬秋葵幾爽口，有少少調味，幾健康。三文魚籽炒滑蛋面上有少少三文魚籽，炒蛋充滿牛奶味道。厚燒牛舌芯+$18以為係日式嘅燒牛舌，原來係好似汁煮風嘅牛舌燒過咁。牛舌好厚身。西京燒比目魚+$28西京燒汁味道香濃，配飯食幾夾。

自從發現左呢一間The ALP @ Lounge Hakuba之後，今次已經係同女朋友第2次黎到嘆返一下，先唔講呢度環境舒服到可以令你忘卻時間之外，特別之處係佢仲有個唔細嘅露天area位係可以shisha😳另外呢度除左咖啡外，主打嘅係日式弁當Bento Board，可以隨便你揀6款食物，打卡able😍一份盛惠$128起，個别菜式要加錢upgrade，價錢十分合理🥰自選弁當我就揀咗厚多士、沙律、蟹肉凍豆腐👍🏻、薯蓉、吉列鹿兒島豬扒+18👍🏻、紫蘇雞丸骨餅，整體感覺唔錯，似食緊日式嘅all day breakfast 😳Flat white同hot chocolate 約$40左右，係間坐得舒服又寧靜嘅lounge🥴……………………………….📍 The ALP @ Lounge Hakuba地點 : 銅鑼灣Tower 535 3樓302號舖……………………………….

之前一直都有經過tower 535見到地下有好多唔同既餐廳,估唔到今日認真望下原來佢地3樓係有cafe!而且成個環境充滿木系風,好chill又帶出一種休閒氣氛.櫻花蝦日式炒麵滑溜又帶住蛋香既日式拉麵加上燒汁及配料炒香後再灑上大量櫻花蝦及白芝麻夠晒惹味！炒麵炒得煙煙韌韌得黎又吸晒燒汁香味,麵條唔會黏埋一舊,炒得又唔會好油膩.炒麵內充滿住好多爽彈蝦肉令炒麵味道更鮮而且再配上香甜洋蔥絲更香.櫻花蝦鹹香中帶點甜味同炒麵好match!!hojicha latte 配上一個完美既心型拉花,見到好滿足.焙茶latte既焙茶味香濃帶出回甘香味.latte入口香滑帶奶香又唔會好甜,飲完成個人都暖笠笠.

便當有好多款食品選擇，油主食，side dish, 漬物等等，一應俱全，真係正日本昆布湯手打烏冬，稻庭烏冬口感細滑，放了昆布湯，湯同烏冬係天作之合，烏冬較為幼細，入口滑順，但同時亦保留有「嚼勁」的感覺。辣味噌蛋花湯，蛋花煮得一絲一絲、口感軟嫩，且每一口都喝得到蛋花，辣辣地，比一般味噌湯與別不同味噌冬菇， 食落有少少酒香，入口軟嫩又不失口感蟹肉凍豆腐，凝脂軟玉般的豆腐上擺上蟹肉，加上日式醬油日，這佐料給沒有味道的豆腐帶來了一種經典的日式風味。入口鮮甜柚子蜜糖鹽麴手羽，鹽麴相比鹽醃， 鹹度較底，食落健康。加埋柚子蜜糖醬，酸酸甜甜好醒胃梅醬燒鯖魚，梅醬來燒鯖魚，酸甜鹹鮮非常適合與魚肉來互相搭配，相當爽口味美。

趁農曆年大除夕有得早放，專登過嚟日系咖啡店嘅「The ALP @ Lounge Hakuba」享受一下寧靜嘅下午茶時光，靜靜哋一個人諗吓嘢、寫吓嘢，又整理一下近來發生嘅煩擾事情。由於疫情自年初爆番起嚟，市面都靜咗好多，所以，呢日嚟到都喺客人唔太多。過嚟食下午茶，都喺貪佢個環境有種身處小木屋嘅感覺，據之前睇過啲雜誌介紹，店家嘅裝修喺以日本登山滑雪勝地白馬村為主題，用餐區搭咗成間小木屋咁，配搭布藝梳化，襯以唔同款式嘅咕臣，坐落嘅感覺真喺幾輕鬆舒服，喺今日差咗啲陽光。餐廳亦有提供偌大嘅室外「草地」空間，不過，一來無太陽，外間都幾凍吓，二來周邊都喺樓景，所以，都喺覺得裡面舒服啲。餐點方面，呢度主打喺打卡度極高嘅「Bento Board」，唔少人都喺為此而來，此外，就仲有少少散點嘅菜式、甜品及飲品。落單都喺掃二維碼自行落單，依家都有唔少餐廳都用呢種形式，相信大家都熟晒，唔難用，而且，點過啲乜嘢又一目了然。當然，唔熟嘅，可以搵店員幫幫手嘅！Yuzu Honey Croffle $88窩夫、班戟類甜點食過唔少，而牛角酥窩夫就第一次食，其實，早早都知有呢樣嘢，晌韓國大熱，以牛角酥為主材料製成窩夫，近排

After I have finished my work appointment, I decided to have my lunch nearby before heading back to office. The ALP @ Lounge Hakuba was located at Tower 535, couple of minutes walk from Causeway Bay MTR.They served bento set, mains, quick bites, desserts and drinks etc. Sakura shrimp yakisoba - It was presented nicely, with sakura shrimps placed on top of it. Noodles was fried till flavourful and chewy, with prawns fresh and juicy.Affogato - A cup of espresso shot was placed separately from a cu

銅鑼灣呢間日式Cafe好OK😆 選擇困難症既天秤座特別鐘意食啲好多款既餐.Bento Board $128 佢係1個Carbs + 1個Side + 4 Dishes (漬菜、御菜、肉、海鮮各一)而我就分別簡左：1. 厚多士 (Carbs)：口感比我想像中唔同，其實唔係好乾，表面加左牛油，Texture似係麵包同蛋糕中間2. 柚子醋沙律 (Side)：都有驚喜wor，佢選既沙律菜海帶同紫甘藍，多數都係淨係紫甘藍，搭埋柚子醋，三樣好夾😆3. 蟹肉凍豆腐：每次呢啲便當，都覺得要有凍豆腐😆4. 三文魚蟹籽滑蛋：啲蟹籽味好出，又唔會搶左蛋香5. 味增五花肉：本身諗住試牛舌，不過見佢有個五花肉三文治係招牌，應該唔錯，果然無失望，俾個Close Up佢，主要係炆得好琳，而佢啲肥肉又唔會好Heavy6. 梅醬燒鯖魚：重點，無骨😂而再叫我多杯：Turmeric Latte $45我就+$5 轉左Oat Milk，消化唔好，營養師叫我唔好飲咖啡，好多時都有得Matcha Latte，而薑黃好多時用黎消炎抗氧，亦都對大腦功能有幫助，冬天飲一流😆值得一試

今朝朋友約左小妹去銅鑼灣傾d野, 小妹提議不如搵間cafe邊食邊傾, 於是就揀左Lounge Hakuba, 入到去餐廳環境幾開揚, 採光度不錯, 裝潢幾靚, 有多個可以打卡嘅位置, 餐廳一邊係普通座位, 一邊係梳化位, 舒適度十足! 小妹同朋友點左個週未便當套餐share食🌟Espresso Tonic☕咖啡味好香, 飲落口感清爽, 提神一流🌟Cappuccino☕奶泡綿密, 咖啡香滑, 味道不錯🌟週未便當套餐🍱便當有6格, 每格都可以揀唔同食物, 小妹就揀左日本珍珠飯🍚, 柚子醋沙律🥗, 梅醬車厘茄🍅, 醬油溫泉蛋🥚, 紫蘇雞軟骨餅🐔同吉列鹿兒島豬扒🐷! 沙律菜新鮮爽脆, 加埋酸酸嘅柚子醋, 清新開胃! 紫蘇雞軟骨餅香脆可口幾juicy, 整穿隻醬油溫泉蛋, 沾埋d蛋汁, 非常惹味! 吉列鹿兒島豬扒炸得幾脆口, 肉質軟腍有肉汁!

星期日嚟咗呢間依日式木屋為主題嘅咖啡室食晏。個環境真係好似置身於日本登山滑雪resort咁。主菜、飲品、甜品都有。Bento box ($128) - 好有趣嘅日式便當，因為可以自選食物 - 一個主食 + 一個小食 + 4款餸，一次過試晒咁多餸，好豐富！我就揀咗飯+日式昆布豬骨湯+三文魚子炒滑蛋+蟹肉凍豆腐+味噌五花肉+紫蘇雞軟骨餅。賣相同味道都好精緻，最有驚喜係個蟹肉凍豆腐，個醬汁酸酸地，配埋鮮甜嘅蟹肉同滑溜嘅豆腐真係好夾。Flat white oat milk ($47) - 咖啡味都好濃郁，可惜份量細咗啲同唔太熱。

鍾意呢間餐廳既木系裝修，夠簡約，又闊落，可以好chill咁係到一路食野一路做嘢。𝙱𝚎𝚗𝚝𝚘 𝙱𝚛𝚘𝚊𝚍 $𝟷𝟸𝟾𝚞𝚙1主食+1前菜+4款配菜(漬物+御菜任選2款，肉+海鮮任選2款)日本珍珠飯柚子醋沙律蟹肉凍豆腐醬油溫泉蛋味噌五花肉厚燒牛舌芯 +$18𝚃𝚞𝚛𝚖𝚎𝚛𝚒𝚌 𝙻𝚊𝚝𝚝𝚎 𝚠/ 𝚘𝚊𝚝 𝚖𝚒𝚕𝚔 $𝟹𝟽自己mix & match個便當🍱，份量足夠，嘢食味道正常，幾鍾意個柚子醋沙律，沙律新鮮，柚子醋酸酸地好清新。

難得今日可以去到銅鑼灣果邊同朋友小聚一個下午，就去左附近一間人氣 rooftop 餐廳 — The ALP @ Lounge Hakuba，同平時一樣都係好多年輕人會黎到飲杯咖啡暢談一番嘅地方✨Chai Latte $52同平時唔同，今日我叫左一杯 Chai Latte (印度香料奶茶)，好香好濃烈嘅肉桂香氣撲鼻而來！好多人都知道呢種 Latte 係好暖胃嘅，好適合冬天飲用，用左黑茶加一啲辛香料小荳蔻、肉桂、薑等等，加上鮮奶沖泡，香滑而細膩嘅味道帶出冬日之中溫暖嘅風味😋朋友就叫左一杯 Flat White $42，拉花形態美☕️

這間餐廳一直都想來試試，所以今天lunch跟同事來品嚐一下！餐廳有室內和室外的位置，lunch時間還有bento board，一次過可以食到6款不同的食物！Bento Board，便當包括有主食、沙律或湯和4款食物，餐牌上有多款可以自己選擇！柚子醋沙律，用上椰菜絲和海藻拌入酸味味的柚子醋，非常開胃！山葵山藥漬，山藥爽脆，帶有少少微辣嗆鼻，很正！梅醬車厘茄，鮮甜又多汁的車厘茄拌入梅醬，酸酸味味，好開胃！明太子薯蓉，是日式那款有酸忌廉在裡面的薯蓉，帶有微辣，味道不錯！味噌五花肉，豬腩肉烤過，上面有味噌醬，幾惹味！紫蘇雞軟骨餅，雞肉餅入面有軟骨，食落口感非常豐富！厚燒牛舌芯，牛舌芯上面灑滿七味粉，食落厚肉而且有少少辣，幾惹味！櫻花蝦手打墨魚餅，好香櫻花蝦味，食落墨魚餅彈牙!日本昆布湯手打烏冬，烏冬都幾彈牙，昆布湯好鮮甜，好香昆布味！Chai Latte，好香玉桂和薑味，味道不會好甜，好暖身的感覺！Hojicha Latte，好有焙茶甘香，味道不會好甜，而且仲有個好靚既兔兔拉花，很美！