影片
以上资料只供参考，请与餐厅确认详情
食家推介
今日过开尖沙咀买嘢，顺手扫咗两盒做手信，自己都忍唔住开咗盒嚟试吓。啲蝴蝶酥细细件，咬落去松化脆口，个包装够哂高级，简约得嚟带啲西式feel，最正系每件独立胶袋包住，干净卫生又方便拎出街食。甜度啱啱好，唔会漏喉。虽然话有几款味拣，每款都有自己特色，不过本人心水始终系原味——牛油香先系主角嘛！食过咁多间蝴蝶酥，起码食完成个口唔会油淋淋，个胃又唔会顶住顶住。讲真明明唔系咩大牌子，但买𠮶阵都要排长龙，真系估佢唔到，哈哈！下次再帮衬应该都会翻兜原味多啲～
继续阅读
有朋友来到香港想买手信返屋企,我就推荐THE 24 ST嘅蝴蝶酥。香港本地品牌,有信心保证,仲系香港制造，无添加防腐剂。外盒精心设计,用炊送礼一流!杂锦蝴蝶酥礼盒 (15件装)🧡原味蝴蝶酥 ❤️苹果山楂蝴蝶酥 🩵三星葱芝士蝴蝶酥 💛日本柚子香梨蝴蝶酥 🤍日本黑豆芝麻蝴蝶酥 我就最钟意苹果山楂味,估唔到2者系咁夹,食入口有苹果既香同山楂既微酸,变左蝴蝶酥都好夹, 一试难忘。
继续阅读
早前食过香港特色蝴蝶酥礼盒，今日行经，再买杂锦蝴蝶酥礼盒试新口味，一盒15件装，有五款新口味：原味、日本黑豆芝麻、三星葱芝士、苹果山楂、日本柚子香梨。「四季静好，经典回味」系列原味：传统经典口味，充满牛油味，中间少许糖霜，甜甜啲。「根藏于土，无畏寒冬」系列日本黑豆芝麻：外层酥脆，内层香浓嘅黑豆芝麻，健康可口。「万物复苏，春苗渐长」系列三星葱芝士：三星葱香味，再加上咸香芝士味，口味独特得来又出奇地夹。「金秋落叶，果子落蒂」系列苹果山楂：苹果山楂甜中带少许酸，搭配牛油味饼底，酸甜不腻。日本柚子香梨：柚子独特香味，搭配清甜的香梨，清新可口。THE 24 . ST (尖沙咀)尖沙咀天星码头1楼KP-39A号舖
继续阅读
今日坐船个阵经过尖沙咀天星码头，咁岩经过见到呢间专买蝴蝶酥嘅舖头，本身我好钟意食蝴蝶酥，就谂住买返嚟试吓🤤我买咗盒综合口味蝴蝶酥，入边总共有五只味🤩佢嘅包装好靓，送礼一流😆原味蝴蝶酥：原味牛油味好浓，而且好脆，好正😝苹果山楂蝴蝶酥：呢个口味食落系酸酸甜甜，啖啖苹果嘅香味，非常清新🤤三星葱芝士蝴蝶酥：呢个味道系咸咸地，加埋浓郁嘅芝士味，我第一次食咸味嘅蝴蝶酥觉得好特别🤩日本柚子香梨蝴蝶酥：柚子味好浓，加埋香味味道甜甜地，都系清新系列😆日本黑豆芝麻蝴蝶酥：呢个口味系好香嘅芝麻味，加埋会食到黑豆碎，口感好丰富😎
继续阅读
之前系旺角经过, 但未买过, 今日过来尖沙咀买, 买左二盒比人, 我自己试一盒, 细细件, 味道松脆, 包装够高贵, 简单又西式, 一件一件用胶袋独立包装, 唔会过份好甜, 虽然有不同口味, 有不同特色, 但本人都系喜欢原味多d, 因为唔会比其他味道抢左蝴蝶🦋酥的原本牛油香味, 蝴蝶酥都食过几间, 依个牌子都算唔错, 起码食落唔会好油好滞🥰👍 不过可能唔系出名牌子, 买的时候都需要大排长龙😅
继续阅读