Thank You 冰室 (已結業)

最近朋友recommend 去咗呢Thank you try try.之前都冇嚟過 見佢話好食就嚟試吓嘗鮮嘗鮮。 一入到餐廳 餐廳入面擺設同一般冰室冇乜分別 左右兩排卡位 中間再有幾張枱 都幾多人，我哋都要等一等先至入到去 大概5分鐘左右有人埋單我哋就入去坐低等嘢食 我叫咗個常餐 瑞士雞翼沙嗲牛肉公仔麵跟多士炒蛋 呢啲咁Basic嘅嘢一定好難中伏 上餐都幾快 唔使一陣就已經齊晒 雞翼唔錯 啲滷水好入味 沙嗲牛肉都好正常 有應有水準 係個炒蛋變咗少少蛋餅咁嘅形狀 唔係平時食開滑身嗰啲 整體嚟講都算唔錯 可以再去

大大塊雞扒，塊皮有啲似生炸雞髀嘅皮，雞肉好好咬口，皮就有少少韌，紅豆朱古力多士好邪惡，味道唔差，$41下午茶有呢個份量已經好抵玩，兩樣分開食味道都唔錯，但係兩樣放埋一碟，雞扒掂唔到啲朱古力醬味道有少少扣分，如果冇擺埋一齊感覺會好啲，杯凍咖啡味道一般冇乜驚喜

食物質素，每況愈下，錢就愈收愈多啲嘢食就越嚟越細件，食物質素無服務態度更欠奉，可以用惡劣嚟形容啲老闆唔好怪人哋北上消費。午餐時間調位，係香港人嘅都會明白都理解。但個位化晒妝戴口罩嘅侍應(或者係老闆娘所以先夠惡)。將人哋面前嘅餐，搶走咗攞去第二張枱，叫人調走。一副你唔走就無得食嘅態度。我已經試過一次，都忍，當人哋心情唔好，今次都仲係咁。話佢服務態度黑人僧，佢仲駁你：「係嫁啦，係咁黑人僧啦」⋯⋯傻的嗎?! 你以為自己澳牛咩。但睇到呢度先知道原來係慣犯。以後情願食7仔魚蛋，咁Hea嘅嘢都唔幫襯佢。Thank You 冰室?! No, thank you!

做咗幾十年人，未試過食楊州炒飯冇蝦⋯初時以為啲蝦喺啲飯入邊，點知食咗幾啖，都未見到，估唔到收人$56嘅炒飯得火腿絲同叉燒絲⋯有諗過問吓侍應，不過就算俾你追返又點⋯之後都唔敢食啦

中午時段經過，諗住求其找間茶餐廳之類的就算。見到這間鋪的門面，好像好多選擇，而且都岩胃口，價錢適中，見裏面裝修坐位都乾淨企理，就入內試試。見入面都幾滿座，幸好剛巧有人賣單，就坐下睇餐牌。叫了個葱油雞扒太陽蛋飯。不一會很快就送到來。看上去個樣都唔錯，但一眼睇得出隻太陽蛋偏細，再來是雞扒，睇落似大塊，食落就感覺是被人打扁了，所以面積大，但比一般雞扒薄。味道都不錯，雞扒正常，不會太乾口（出面有食過煎得很乾口的，會比較難咬得入）。疏菜新鮮，汁及薑葱份量都算多，飯亦算大份。味道算幾好，唯一是覺得餸的份量處理有點不夠。餐茶都是普通的熱檸水，三片檸檬，檸檬不會太薄切，這個正常。這個餐賣$50不算平亦不算太貴，性價比不過不失。

同兩個同事去食thank you 冰室，分別食左鴛鴦扒芝士撈丁、蔥油雞扒撈丁、豬扒配芝士撈丁，扒類太硬唔好食，只有賣相好睇，撈丁唔洗加值得加分，除左扒類係不太行，其餘食物都幾好。點解甘遠行上去食係因為上次食左佢地既早餐同芝士火腿西多士覺得好正同好值食，今次食午餐就有少少失望喇。

雖然在7月初，揾食肥華同家人，在此店食咗餐，災難性劣級晚餐，純因之前，在此店食到個水準俗嘅早餐，才引致肥華，靚媽及細仔仔齊齊中伏，踩晒地雷，7月23日為方便靚媽搭車去九龍灣做晨運，肥華再選擇同靚媽到此店，食早餐，一如以往此店早餐，雖不致有驚為天人水準，但亦都交出應有水平，每樣食品若同晚餐相比，直情係天與地嘅分別，而今早肥華和靚媽有幸坐到卡位，可以悠閒地嘆完呢個滿意嘅早餐，至施施然到店外巴士站，搭車到九龍灣晨運，呢個安排真係弗到漏油👍👍👍

7月5日細仔仔有空檔，可以陪揾食肥華及靚媽，食餐晚飯，肥華知呢個仔，鍾意鋸扒，所以就選擇咗呢間，早餐極得，午餐平平，而晚餐有扒鋸嘅餐廳，食晚飯，點知肥華呢個愚蠢嘅决定，就成就咗一餐2O23年度，首個被肥華評為最差劣嘅晚餐，今晚柯打所有食物及牛扒或豬扒和焗海鮮飯餐，都係唔講得佢差，因為直情劣食，全枱食物，除咗跟餐個塊奶油多士，叫做好食之外，其餘主菜及配菜都係F级水平，攪到肥華一路食一路X，連靚媽都驚俾人聽到，勸肥華收聲，總知到此店食早餐冇問題，午餐和晚餐就算唔使錢，肥華都唔會再去食🙅‍♂️👎🙅‍♂️👎🙅‍♂️👎

識thank you 唔識sorry 原本依間餐廳食物質素唔算太差(係黃大仙個頭都算有70分)，可惜係服務質素完全係「負分」(可以講係不知所謂)，今日落餐廳想食個炒飯，等咗「20分鐘」未嚟，作為一星期食三至五次嘅食客，溫馨提示樓面2位員工，炒飯仲未到麻煩幫手睇睇，再等「差唔多10分鐘」再提多次！突然一名女員工，情緒激動再加無高高在上嘅態度同我講：「你催我無用，我已經幫你催咗啦！」「炒嘢係咁㗎啦！我哋得一隻爐頭！」「你催嚟為咩啫！」(其實仲講咗好多……下删3000字)聽完依到我都忍！但有位食客埋單行過都睇唔過眼講「你哋唔啱仲解釋咁多！講句sorry都無！」最後依名女員工(心有不甘地)行返到出餐位大聲同佢附近啲同事講！「催咩呀！唔等得唔好食囉！」「催！好肚餓呀！你肚餓啫！」「你無得食又唔係我！」雖然我坐門口位，不過佢咁大聲，真係全餐廳嘅人都聽到！依位女員工已經唔係第一次，我之前親眼見過依位女員工大聲鬧一位「可能眼睛有事唔係好睇到餐牌」嘅婆婆，不停鬧佢唔識自己睇餐牌，鬧佢阻住地球轉！(連小小善良嘅心都無！)希望餐廳負責人或者老闆會認真反思下，餐廳係咪真的需要有如此「高質」嘅員工，一個不知所謂

此店在2O21年在，鳳凰村落戶不久，便成為壹間，其門如市，客似雲來，嘅人氣食店，但因此店提供食品菜式，有另樹一格新派嘅材料及配搭，但呢種風格又卻吸引唔到，揾食肥華呢個OUT哋呀伯去光顧，所以一直都冇光顧過此店，直至2O23年6月1日，肥華和靚媽路過此店，見門口餐牌有海南雞飯，呢樣老餅食物供應，就齊齊入店内試試此人氣店水準如何，若以肥華今日所點嘅，海南雞飯唻評價此店，就真係令人失望，成個飯得個熱字，飯係超熱，雞肉係熱，仲要配埋沙律菜唻食，肥華衹好講聲SOrry我唔識亦未食過咁熱嘅海南雞飯，至於靚媽個黑松露焗扒飯，佢話味道OK，我就連試食都冇興趣，但見此店熱鬧如食流水席場面，應該係肥華口味接受唔此店，烹調食品手法，獲肥華好評，與此店出品無關‼️😔

Thank you 冰室 區內聞名 週末早餐時段 要齊人先有得入座 實屬區內少見 早餐麵餐配多士多種口味可選 熱咖啡方面 亦由自助餐常見咖啡機即沖 可算性價比高 煎蛋外貌亦非常有誠意 西式扒餐 魚柳質素亦不錯 厚薄得宜 脆口非常 難怪店鋪作風進取定仍然有大把捧場客

入去見成排吉的卡位, 坐落去之後個服務員即放張膠板隔離.  回頭落單時就一路落一路叫我轉枱.  我拒絕, 話都已經落左隔離板啦,   條友即刻拎走塊板.  我一怒之下即走, 佢仲反話我人少霸住張四人枱.  我走果時仲係成排吉的卡位, 門口得一個客囉!!!!  莫講話餐廳, 生意都冇資格做!

一間垃圾餐廳, 落單超過1小時都拎唔到外賣!! 11:10 落單早餐自取11:30 打電話去confirm 就話已經pack 緊12:10入餐廳追餐, 店員話唔知咩情況, 要我自己問經理眼見餐廳門口一大堆外賣客和網上外賣平台車手, 大家都話等咗超過1小時, 餐廳門外嘅menu 已經由早餐變成午餐..... 其實如果餐廳做唔切, 可以出聲叫d 外賣客考慮cut 單, 真係唔好咁玩人呀, 响10度氣溫下企餐廳門口超過1小時, 呢d 咁惡劣嘅待客之道, 要永久black list !!

見證餐廳開張，食物選擇多，味道都還可以。日式料理如照燒雞扒飯等較出色；而最難吃的是任何麵包，特別是厚多士。不論堂食/ 外賣，多士都是冷的，而且口感過硬，實屬難吃。最讓人難以接受的是員工態度每況愈下。今早外賣自取，付錢之際，竟然說我阻礙其他客人，並與新到的客人站著我旁邊盯著我。其實她大可以拿手機到座位幫客人掃碼，而非指責正付錢的客人。當我好言相勸，想告知她變通方法時，她再次敷衍了事。只不斷說「得得得得」，然後直接返回餐廳。但當時只有數枱客人，亦沒有外賣單爆滿的狀態。這並非第一次的經驗，員工只有單向思維，無法與客人溝通。本身打算不堂食便可，但現在對餐廳失望透頂，外賣也不想再回顧了。

難得有動力出門去食早餐，去左呢間冰室試食早餐，之前試過下午茶食全日早餐，感覺食物質素都唔錯今次㨂左蕃茄餐肉通粉配奶醬多士、雙腸，熱檸茶，睇得出腸仔係即整的，但多士就有點失色（因為唔熱的）。覺得如果可獎有煎蛋/炒蛋配腸會更好！另提有漢堡扒呢個都係幾吸引既選擇當日係平日既上午11點左右，人流都幾多，不斷都有人入來幫襯樓面姐姐落單好快手，我都要快手睇完因為佢要來追我落單不過呢見佢地都好細心，一見到我同另一枱既客人無哂紙巾，都即刻fill返俾我地，呢個都好值得一讚結論係早餐來講呢間我會再幫襯性價比高