影片
港铁香港站 B2 出口, 步行约8分钟
继续阅读
电话号码
63355572
营业时间
今日营业
16:00 - 21:00
星期一至五
12:00 - 15:00
17:00 - 21:00
星期六至日
16:00 - 21:00
公众假期
16:00 - 21:00
以上资料只供参考，请与餐厅确认详情
388 浏览
几位猪朋狗友三十大寿话想食泰国菜，做大佬嘅小肥即应友人推介一试码头餐厅「Thai Q」！中环六号码头唔难揾。只系啲猪队友个个都唔识行上楼梯再穿过铁闸。店子门外可见大大张餐牌，非常清晰。为怕壮男牛一饭局唔够野食，XO仔早就同店主订定咗啲招牌菜。开扬通风嘅用餐大堂并非密封设计，冬天冻时会加用暖炉，夏天热时则用上大风扇。女友们最兴奋就系见到独角兽同情侣千秋，就连佢地亲手插出嘅狗仔花花都只能轮为配角，打卡位果然煞食。班细嘅一向都冇乜时间观念，所以同佢地食饭嘅规则系先到有得先饮酒，且无功者饭𩠌不留！场内贴有温馨提示，告知客人不可自携酒水，眼见西班牙气酒$180/枝绝对抵玩，几口子结果帮人清埋仓，系咪好劲呢？！每位席上都摆有自用嘅餐具，餐碟花纹好有热带风情，又真系几Q㖞！烧鲜鸡皮（$38/串）：其实同老板文哥哥以短讯沟通时，佢已经解释过鸡皮要用餐𠮶朝早先知买唔买到货，同可以整到几多串，嘻嘻，得知只有三条当然系要哂佢啦！新鲜烧出嘅鸡皮串香脆尤甚，送酒一流！泰式生虾（$128/半打）：必先预订嘅生虾刺身爽润弹牙，沾上秘汁更觉鲜美。潮式冻花甲（$108）：冻食嘅花甲细细粒，容易食，每只均鲜嫩多汁，而且完全冇沙，爆！泰式无骨凤爪（$136）：已预先去哂骨嘅凤爪厚皮得黎脆卜卜，同港式点心嘅凤爪完全唔同，酸辣开胃都几得意。泰式炸虾饼（$68）：黄金脆面嘅泰式虾饼外层酥脆松化，虾饼爽厚且富弹性，十分香口。秘制烧猪颈肉（$68）：猪颈肉肥瘦均匀，超级爽弹，加点微辣嘅秘酱已够惹味！美国顶级肉眼扒（$288）：切成长条形嘅美国靓牛粉嫩软润，肉香而不腻口。泰式无骨鸡（$88/半只）：形态激似凤凰座圣衣嘅招牌泰式无骨鸡皮光肉白滑，绝对称得上样靓身材正！柔软润滑嘅鸡皮下近乎零脂肪，𠝹到好似圣衣对翼咁型嘅鸡胸肉质感软熟，毫不干嚡，正鸡冇得顶呀！蚬肉意粉（$68）：长寿意粉面条烟韧有嚼劲，量足嘅蚬肉鲜浓肥美，蒜香亦恰到好处，简单可口。中环码头餐厅「Thai Q」小本经营，两位年轻嘅老板男主外、女「煮」内，合拍有干劲且友善周到。店子环境卫生企理，格调轻松，潮派中泰料理高质美味，价格合理，性价比绝对有惊喜！
继续阅读
又去试新餐厅Thai Q, 先来杯日本生啤，试了三道菜：前菜先点了烧牛肉沙律，厨师选用特选牛板腱部位，肉质细嫩，酱汁配搭，开胃醒神，选了微辣，辣味刚好 第二道泰式烧鸡，自己至爱的，先试鸡胸，松软口感，其他部位不用再说，有底味，火候足够，配上香料盐，十分惹味，重头戏咖哩蟹，老板特意安排，泰式咖哩做得非常好，味香蟹鲜，不知吃了几片簿饼，还打包咖哩汁回家，最后送上班兰糕和鲜芒果，完美演绎，结束了一顿期望口味.温馨提示：全日都有套餐饭面，都系$68起，十分经济，记得试下招牌 泰式鸡饭地址；中环六号码头，1楼UA舖去梅窝码头装修风格顶部一片片秋叶，很有诗情划意，有去了渡假感觉，老板很热情招呼，食得十分开心
继续阅读
呢间泰菜餐厅新开幕，喺中环码头楼上。一踏入餐厅，映入眼帘嘅装潢散发浓浓异国情调,天花板上铺满了金黄色的细密植被,营造出一种如同置身于大自然森林中的感觉。🌳🌾整体展现出一种温暖、自然和梦幻般的氛围。今晚食嘅菜式全部都好好食。感受到老板对每一道菜式都下足心思,悉心炮制,力求呈现出最正宗地道嘅风味。「潮式蚬」,🐚鲜甜弹牙嘅蚬肉,浸泡喺特制嘅酱汁中,入口即溶,令人难忘。另一道出色嘅菜式系「日渍煮鲍鱼」,🐚鲍鱼肉质细嫩,浸泡喺日式酱汁中,散发出浓郁嘅香气。「红烧乳鸽」🕊️亦别具特色,乳鸽酥脆又鲜嫩多汁,红烧汁香浓可口。至于必试嘅泰式经典,非「咖哩蟹」莫属,🍛🦀蟹肉肥美鲜甜,配埋浓稠香醇嘅黄咖哩,叫人难以抗拒。最后推介嘅系「泰式汁肉眼扒」,🥩🐮厚切嘅肉眼牛扒,火候掌握得宜,肉质鲜嫩多汁,淋上泰式特制酱汁,别有一番滋味。老板透露菜单会因应季节性食材和饮食趋势而定期更换。期待下次再嚟会试到唔同嘅菜式✨值得一赞系老板同员工都亲切有礼，尤其是老板靓仔又幽默😂👍🏻虽然餐厅位于室外冇冷气，但系悠悠海风吹过嚟都觉得好舒服。
继续阅读