影片
相关文章
今日行过见到Irish 生蚝唔错，又做五送一买咗半打返屋企食，入口无鲜甜味，仲有小小腥味，更加重要嘅系 一入口 成口蚝壳，有啲仲系好尖下 好彩我摆落个口到 习惯先轻轻咬下 如果唔系真系危险啊 ！自己喺屋企开都冇咁多蚝壳碎 之后唔信试多一只 点知六只都系咁🥲 搞到只只最后都食唔到 放到入口中都要吐返出嚟 希望贵公司 注意一下 教导员工开蚝的技巧 否则真的很危险 也令我不敢在超市来帮衬买生蚝 而且品质也一般 希望贵公司和一田也多留意超市鲜食的品质呢尖尖的蚝壳碎
继续阅读
朋友呀taylor嘅海鲜系唔错，我都仲未试过，我真系好想食蚝，不过疫情关系都唔敢食咁多生蚝，唯有识啲熟嘅，系一田超市见到有特价$100 四只烧蚝，抱住一试无妨嘅心态trytry😆啲蚝烧熟左之后就好似酒吧嘅$10只咁细，不过不失。我食𠮶时系食晒啲烟肉先，烟肉整得几脆，唔会整到好淋同肥，然后先再食蚝，加辣酱😂，蚝味我已经唔识形容，就咁食都几过瘾，冇伏，比起芝士焗蚝更加正，最后食晒仲饮埋啲汁添😂😂
继续阅读
行街行到攰攰哋再加上畀个口罩焗到我头晕刚好喺呢间超市见到有张枱 有蚝食我马上点选一份高级街头小食顺便可以脱下口罩休息一下98蚊四只号其实真系好抵食佢仲要即开即煮新鲜程度极高先讲讲佢嘅味道佢嘅蚝好新鲜好鲜甜加上佢个酸辣汁青柠味好香亦都够辣好好味不过有个好大嘅问题如果食生蚝佢一定系好新鲜好鲜甜但系如果食烧蚝烧得就唔系好够干 水份太多烟肉同生蚝亦都不能溶为一体两个味太独立生蚝好味烧蚝好味半生熟蚝就唔好味又可以引用食神史提芬周嘅对话好好地一粒咖哩鱼蛋畀你搞到冇咖哩味亦都冇鱼味下次再嚟食嘅时候我一定净系食生蚝点佢个辣汁千祈唔好同我煮
继续阅读
今日同老婆行完一田，行到又攰又肚饿，系呢个时候见到有几间餐厅出现喺面前，就当然唔会放过，超市啲嘢未俾钱都照坐低食先啦一坐低，就梗系即刻试吓烧生蚝，四只都只不过系$98，抵到爆另外见隔离枱叫咗碟炸鱼薯条，睇落几吸引，我哋都叫埋一份炸鱼薯条有得拣鲈鱼或者石斑，我哋试咗石斑。另外再加多份泰式虎虾刺身。嘢食好快就全部黎晒烧生蚝只只都好大只，肉质鲜甜，配埋烟肉粒真系几夹生虾刺身好新鲜，好耐冇食过，配埋个泰式辣汁真系完美最后个炸鱼薯条外皮够晒脆，入面肉质弹牙，薯条亦都唔会太炸，啱啱好最后再用$10加咗个原价$19既原块芒果雪条，呢餐就啱啱好
继续阅读
呢个Oyster Bar系一田入面，有龙虾、生蚝、青口等海鲜，我见呢个美式烧生蚝做梗期间优惠（$98/4只）就试下！（原价$128）烧蚝都算相对大只，用咗烟肉碎做topping 黎烧，食落都算新鲜，佢仲有泰式酱可以点，我点咗其中一只试，味道都几夹，酸酸地几开胃～下次试下龙虾先～
继续阅读
您可能会有兴趣的...