Tam Viet

湾仔谢斐道tam viet 每日lunch时间呢间舖头必定会出现大量等候人群，系区内打工仔饭堂。舖头面积唔大，位位之间距离都几密，店员睇落唔似本地人，食物选择多样。1.生牛肉汤河+热桔仔茶卖相吸引而且正宗，牛肉份量足够送河粉，而且唔肥，汤味道有咸中带d甜，加埋河粉一齐食味道刚刚好，感觉不俗。桔仔茶亦正宗，虽然桔仔得两粒，但笃散左之后都饮到桔仔味，茶饮到底时带涩，建议可以落d糖冲淡下。2.烧牛肉捞檬+米纸虾卷（跟餐加配）烧牛肉有两条，份量比较少。牛肉松散，基本上筷子都可以轻松夹开，牛肉上面加左唔少香料一齐烧，但上到碟时已经冻左，所以唔系好食得出d味道。捞檬亦配有生菜，萝卜丝，青瓜丝，配埋台头酱汁，酸甜咸辣，夏天食落都几清暑。米纸虾卷没影相，有3旧，每旧都有一只大虾同大量萝卜丝，青瓜丝，材料丰富。包得好稳阵，夹起来都唔会散。食物算系正宗，中午饭价钱相宜，menu仲有好多野想试，系会想回头再试嘅餐厅。…查看更多

香茅鸡扒：卖相真系好靓，上边有鸡蛋，鸡扒同饭捞埋啲蛋汁一齐食好正，鸡皮都好脆，但系味道上就唔系太突出到香茅嘅味道。鲜鱼汤檬：系好特别嘅汤檬，入边有鱼肉炸出嚟嘅鱼饼，有啲特别，仲有佢个汤饮落系唔辣嘅，但系吞嘅时候就会稍微感受到系姜嘅辣味，仲可以另外夹起啲檬粉整成捞檬，好惹味。鲜牛肉汤河： 牛肉鲜软，汤清味浓。用餐时，后边两啤人入嚟都系点生牛肉汤河。…查看更多

去左间小小的越南餐厅！我点了生牛肉汤河和牛油果沙冰，两道菜我都好钟意。**生牛肉汤河**底味道正，浓而不咸！生牛肉，肉质嫩滑！最重要的是！食完，佢仲要完全不会口渴，应该无乜落到味精！**牛油果沙冰**这个沙冰简直是我的最爱！佢个杯子劲大，份量也超足。沙冰的质地绵密，牛油果味浓，重点系唔系好甜，饮起来劲爽消暑，好适合summer day！这间小店职员好亲切，虽然座位唔多，午餐时间经常要等位，但服务人员都非常友善。总之，这间小店绝对值得一试，大推牛油果沙！…查看更多

熟牛河非常好食，半筋半腩肥瘦适中。牛肉牛味浓郁，汤头清甜。芽菜洋葱大葱份量适中。完全系越南嘅味道。饮品都好有heart , 绝对唔hea.价钱又抵食，惟一缺点系太多人排队Lunchtime 通常都要等位. …查看更多

竟然没有被贬过的餐厅，一定要探。只二人同行，未能点太多，只点了以下:牛油果沙冰，牛油果味很薄。越南鸡蛋白兰地咖啡，个人不喜爱，蛋味浓过咖啡味。鲜虾米纸卷，一般。越式炸春卷，炸得很脆，味道一般火车头汤河，有牛丸，牛肉，扎肉，牛展，汤底不错。蟹肉蕃茄汤檬，感觉没有蟹肉，蟹膏倒是有可能，有蕃茄、扎肉和像炸腐皮的东西，味道可以。 整体 : 店子小，很家庭式，但服务亲民友善，食后不口渴，应该没多味精， 但整体比"第一郡" 稍 逊色。…查看更多