T 太家廚 (已結業)

選了兩個特餐, 每個40元, 䓤油撈麵配牛鍵, 麵的份量少過食即食撈麵, 只有油, 沒有䓤味, 牛鍵竟然係三粒牛肉粒, 嘜唔係應該係片狀的嗎? 不餓的我食完也唔覺䬲。 另外台式拼飯, 各款餸都係得兩三粒。份量太小, 令人失望。…查看更多

魯肉又乾又無味、鯖魚好細條、糖心蛋幾乎全熟！因為疫情關係廢事出街食，見呢間台式野係網上既圖片好似幾靚、野食「睇落」幾好食，所以就叫左個午餐外賣二人套餐。一個魯肉飯+飲品、一個鯖魚飯加飲品。連運費$144蚊。價錢已經唔算平。1.成個飯一d汁都無2.魯肉乾身無汁無味、份量少3.鯖魚超細條、又乾又難食4.糖心蛋幾乎全熟除左外賣送遞時間好快之外，無任何好既地方，寧願自己係屋企煮公仔麵好過！！永遠唔會再食！…查看更多

夜晚去咗依間餐廳食星期六日先有既串串，第一次食，幾唔錯👍🏽 串串辣味十足，唔食得辣既可以揀辣度，照顧哂想食辣但又唔太食得辣既朋友。另外，個海帶絲真係好抵食，好好味，好想食多幾碟！！…查看更多

一個人過嚟新蒲崗做嘢,行經錦榮街,T太家廚,個名幾特別,睇下門外相片都幾吸引,見到張攪麵相片,心諗,又真係好耐無食過撈麵了,間野有得食所以走入去試下,今日第一次試食豬頸肉炸雞翼肉燥撈麵,覺得配搭幾得意,豬頸肉炸得幾好食,無話硬或者好乾...雞翼都係生炸幾入味,肉燥用黎撈面都夠味,食落感覺幾得意,每樣食物都合格,佢既特餐包飲品都叫做抵食,見隔離枱食緊台灣蒜香腸都幾正,$28兩條,又幾香噃,諗住再叫其他食物,但真係好飽了,間店有好多小食,真係要叫多啲朋友一齊嚟再試,T太家廚,直得推介！雖然員工不多,但老闆友善,令你有家的感覺！…查看更多

第一次經過,見到門口貼住有台灣肉燥飯食,所以吸引到入去試下,我哋叫咗2個飯1個小食我就食糖心蛋肉燥飯,朋友就食豬頸肉滑蛋飯,首先個飯係有小驚喜既,因為無諗到會用珍珠米☺️第一下既印象係覺得有誠意既,肉燥好入味而個蛋係我覺得幾滿意既,做到流心而外面有小許既酒味,一d都無hea做,好好食！而朋友食既豬頸肉係炸既,但一d都唔乾身同幾入味,滑蛋既表現都正常👍🏻小食我哋叫左5隻雞翼,好耐無食生炸雞翼,都幾香口好食！員工服務態度都好好,有推介有啲咩食🙋🏻‍♀️整體來講$40一個餐包飲品食到呢個質素,覺得非常滿意👍🏻…查看更多