4
0
0
以上资料只供参考，请与餐厅确认详情
在赤柱搵食，經過呢間長堤餐廳，門口嘅店員好親切咁介紹，咁我就坐下了！一串長堤店，店內係廚房，門外放咗室外用嘅桌椅！天氣乾爽幾舒服！食物都係日式加西式！落單都幾得意，我要飲Flat White，店員了解咗入廚房同廚師講！好似好猶豫😅餐具全部即棄式！幸好都係紙製品為主，感覺無咁唔環保！Mushroom Burger🍔($78)賣相唔錯，每一種材料分明，好高嘅一個漢堡，所以一路食一路歪，食到一半已經要分開食！漢堡唔乾，有牛味，好味，大菇有汁煙韌，芝士香，生菜用羅馬馬生菜梗比較怪，因為太挺身（就係佢嘅V形攪到個漢堡好快傾斜）生菜有汁爽脆，蕃茄多汁！唔算太酸！麵包烘過鬆軟！好味牛油果🥑薯條🍟（$48）佢係芝士薯條，再另上牛油果醬，粗薯條淋上芝士，好香濃邪惡！牛油果醬幾滑，夾雜牛油果肉，撈咗沙律醬酸酸地開胃，又幾夾薯條味！好味！Flat White($38)講真幾怪，咖啡味唔係澀，微甘，不過加咗奶泡之後，味道變得好怪！下次見到猶豫都係唔叫！枝豆（$38）好大盤，灼熟了灑上海鹽，枝豆飽滿，簡單好味！凍柚子蜜🍹（$30）肥髀飲，賣相靚！冷烏冬🍜（$48）肥髀食！店員雖然後生，不過幾有心，好似佢好努力向我解釋牛油果/牛油果醬嘅分別（佢講咗兩個英文詞語！）佢哋笑笑好享受生活嗰種感覺好配合赤柱悠閒嘅感覺，好似將所有食客當朋友！有說有笑！肥髀大頭蝦賴低咗背包，佢提我再講下笑！好開心！悠閒晚餐
继续阅读
星期日到赤柱行下試下小店小食。平時比較少行到咁入的店, 見店主都幾親切, 就試下啦。本來只是飲下啤酒, 後來叫了d小食, 又幾好食。個檸檬雞好香肉亦炸得很滑多汁。咖哩角亦帶少甜香口。店員態度又好。
继续阅读
星期六微雨下一行數人去赤柱行街，盡管沒有陽光，但都沒有打消我們的雅興。行到下午三時多，肚子餓了，要決定去那一間餐廳吃下午茶，確實有點難取捨。沒有選擇大街坐滿外國人的露天茶座，反而行去另一邊感覺地道的小食亭，一樣面對同一個海景，但價錢就平三份一吧！！站在門外的後生哥很熱情，衣著很街坊(背心短褲), 很親切，又很"Sunny"，我們真的被他感動了。。。。。看餐牌真的是包羅萬有，包括有窩夫，土司，日式小食，東南亞小食，熱狗，漢堡包等等。首先揀了星級墨西哥粟米片 ($82) , 所謂星級就是有齊四款醬料， 包括牛油果， 墨西哥辣椒， 莎莎醬和酸忌廉。上枱時， 大大碟充滿了不同顏色的配料，視覺很豐富。 大家先拍照，然後搶快揀選自己喜愛的醬料，可惜墨西哥片不夠脆， 酸忌廉亦稍為淡， 不夠酸。我比較喜歡配上牛油果吃， 感覺上比較健康，減小了罪疚感。 墨西哥辣椒有小小辛辣， 所以十分醒胃。 莎莎醬都是比較一般。 這個粟米片確實好看，但不夠好吃， 有少許失望。第二味檸檬雞翼($58) 炸得十分香和顏色十分靚，看見就已經很想把它放入嘴裏， 果然外脆內軟， 質感一流， 再加上檸檬的酸味適中，真的要讚！ 其實每人只能夠食一隻確實不夠，越食越想食。意大利飯球 ($55) ,內有蘑菇醬汁，感覺就像在吃意大利飯球，是這餐最有驚喜的一味，將意大利飯先煮熟，然後包入蘑菇肉和汁，球沾上低筋粉和蛋汁，再沾上麵包糠才炸， 工序頗多。飯球外面炸得十分香及鬆脆，不會覺得很油膩，內裡有很香的蘑菇肉汁，飯球細細粒，一口吃下，香脆而口感豐富，CP 值很高，大讚！！三色薯條($58) , 分別有三種醬料 (italian stallion, 芝士 和 酸忌廉) 滿滿的鋪在薯條上，味道就各有特色。自己比較喜歡italian stallion , 酸酸地幾好味， 朋友就喜歡香味濃郁的芝士，酸忌廉就依然不夠酸。薯條炸得剛剛好，外層不會太硬或乾， 內裡保持到有水份，真的做到外脆內軟，一碟有三種味道，各適其適，要再讚！芝士多士 $35, 其實一件多士要$35 確實不便宜，不過剛剛出爐的芝士多士， 又怎會不好吃呢。 我稍嫌芝士有點過熟， 如果能夠做到流心的感覺 就更好了。飲品方面，朋友點了 tropical tango ($40), 是芒果及菠蘿汁飲，十分大杯，賣相一流，飲的時候都能夠嚐到芒果和菠蘿的味道， 十分配合，酸酸甜甜，好飲！我點了 strawberry milkshake ($40) 喜歡它不會太甜，奶打得很滑，又可以飽肚。另一位朋友就點了薄荷雙檸梳打 ($37), 大約有半杯薄荷葉， 另外加了檸檬數片，視覺上已經很消暑，味道小小酸，加上薄荷味很爽， 消暑真的一流。赤柱小食亭這邊感覺上地道一點，而每間餐廳都有不同的選擇，很多樣化，值得一試。
继续阅读
七月上旬•晴幾十歲人，才轉了另一個營生方式。第一幕，有聲有色。在每十分鐘要做一個決定的情況裡，我還可以肯定的對自己說，仍勝任在司令台上。第一節完，跟每一位並肩作戰的朋友道謝。大家流的汗水，不比我少，辛苦大家了。獨個兒離開，看到這裡，喝支啤酒，當給自己的鼓勵。只有樽啤，在好幾個選擇中，要了青島。夠凍，順喉，大口喝下，沖走一日的勞累，相當好。友人說的對，先不要理人家會不會對自己好，自己就先要對自己好。P.S. 這裡很奇怪，只賣樽啤也可以維皮的。但見座無虛席，離開時聞到一些奇怪的煙味…還是行快步好。
继续阅读