影片
以上资料只供参考，请与餐厅确认详情
礼拜日同另一半去Sugar & Spice叹下午茶，想试吓佢哋嘅欧陆甜品。餐厅装潢欧陆风格，墙上挂住油画，气氛浪漫我哋坐窗边可以望街景。餐单上有焦糖柚子蛋糕、蓝莓芝士饼、英式松饼同两杯玫瑰拿铁。蛋糕卖相甜美，入口细腻唔会太甜，带柚子果香几清新；芝士饼浓但唔焗口；松饼外脆内软，配果酱正；拿铁拉花靓，玫瑰味淡淡唔会盖过咖啡。侍应服务友善，落单后上甜品速度快，仲送咗一杯热茶嚟清口。整体体验好写意，两个人食完心情都几放松。虽然人均一百五，但食物质素高、环境又好，适合情侣度过Lazy Sunday afternoon。
继续阅读
有时喺附近做嘢，见到有间泰国餐厅，人流都唔少，就谂住过嚟试一试，点知大伏🥲因为每次食完都会肚疴🫤虽然菜式嘅味道都OK，我total系呢间舖试过三款唔同嘅菜式，但三款都中招肚痛肚疴，认真希望店主可以改善餐厅嘅嘢食素质😵💫😵💫😵💫🔖干炒猪肉河有𠮶句讲𠮶句，真系炒得几好食嘅🔖黄咖喱鸡饭黄咖喱唔够热，就算系叮热都要煮滚比客㗎🥲🔖青咖喱鸡饭都系青咖喱汁唔够热总体嚟讲，我觉得呢间位置方便，上菜嘅速度都OK，但食物质素令人担忧😕
继续阅读
收工做d野后, 过来试下, 一直经过未食过, 见到有午餐同下午茶餐, 都系唔好食敢多🤪拣下午茶餐, 叫左香茅猪扒🐽汤金边粉🍜有配小食, 要左炸鱼饼🐟, 配冻🍋茶走甜, 等左一阵饮品先到, 估唔到下午茶都比敢大杯, 虽然唔系好重茶味, 但饮落几好饮😄, 之后碗粉同小食也一起来, 又估唔到下午茶餐比敢多件猪扒🐽🐽, 饮啖汤先, 系几好味, 不过知道之后一定好口渴😜, 食d金边粉先, d份量都比得好多, 好耐无食金边粉, 好味😍再食件炸🐟鱼饼, 其实唔系好知食紧乜嘢🤭不过入面好多香料, 所以都几好味🤩 舖头细细只有6,7张枱, 真系最多坐18-20人😅有d都似乎系附近工作的熟客, 不过敢多野收60元,冻饮无另外加$, 其实几抵🤩🥰都有下次, 不过确实会好渴😄😄
继续阅读
最近朋友搬咗入东涌住 我就千里迢迢去揾佢一齐食下午茶 行outlet 再拜访新居！😙朋友带咗我去一个比较平民嘅商场觅食🥰我哋好快就俾一间泰国餐厅吸引！🤩餐牌上面有好多嘢都想试想食🥹 最后主食拣咗鸡丝汤金边粉同埋泰式干捞檬配猪扒 而小食就拣咗无骨凤爪同埋鸡翼☺️上菜嘅时候真系吓亲 因为劲大碗！！特别系个捞檬 啲檬粉多到成座山咁😱猪扒皮脆肉嫩 好juicy! 而鸡丝唔系干争争嘅鸡丝 而系将海南鸡切成丝 所以好嫩滑好有惊喜☺️小食方面 无骨凤爪正常发挥～ 而酥炸鸡翼配上泰式辣酱 香脆可口 但略嫌干身🥹以下午茶嘅价钱嚟讲唔算平 但$60 包小食 主食 同饮品 所有嘢都系正餐份量 配以优惠价钱 所以都系抵食嘅！不过环境比较狭窄 阴暗 感觉唔系特别舒适 但食物质素不俗！
继续阅读
今日去outlet前去医肚，2点钟下午茶时段，我嗌左个香茅辣椒肉碎饭、热黑糖珍珠泰式奶茶，男朋友都嗌左个下午茶（E餐，唔记得叫咩名）、一样热黑糖珍珠泰式奶茶。食完两个几钟就肚疴（期间冇再食其他野）、夜晚再疴2次又作呕。男朋友夜晩先开始肚痛肚疴，非常觉得佢地食物卫生有问题。
继续阅读