影片
以上资料只供参考，请与餐厅确认详情
6907 浏览
长辈寿宴今年定于观塘私房餐厅「Stone House」举行，上网查看过地图都觉得几迷失，自己识得「伟业街」都系因为Hubert首名曲。大厦四周都见唔到餐厅嘅水牌或招牌，幸好宴会一家四口一同出席先冇咁惊会揾唔到路。由停车场穿入去，竟发现楼底极高嘅店子除咗有K唱，仲有乒乓波枱、桌球、足球机、飞标等玩儿，成个会所咁坚。适逢农历新年，场地可见不少红黄鲜美嘅贺年摆设，当真喜气洋洋！八十多人嘅派对分开四张大圆枱坐，围围二十几人一啲都唔迫。每枱均以贺年祝福语起名。小朋友𠮶围仲有多只可爱嘅卡通猪锤仔，设计得相当周到。单凭侧旁所谓未完整嘅酒阵已感寿宴将会好热闹。起初听到私房菜只有英文名「Stone House」时，仲谂住会系食西餐，睇见面前齐备嘅碗筷就知石屋乃中菜厅也。块湿纸巾仲要用上「双妹嚜花露水」品牌，似乎好高级吓㖞！寿宴菜单极为丰富。手拍青瓜：由于自己对花生敏感，所以未有一试青瓜前菜，只系呃咗吓手机先食。第一味上场时理应大家最肚饿，六小碟分二十多人，碟青瓜转咗半个圈已冇乜得剩，咁系咪份量唔多够呢？！五香牛展：牛展芳香滑润有光泽，薄身轻巧易入口，甜而不腻，甚为讨好。卤水猪脚仔：可能煮得唔够耐，猪脚仔偏咗少少硬同韧。黄金豆腐粒：豆腐粒炸得OK干身，无奈细佬一丁点嘅咸蛋黄踪影都揾唔到，加上豆腐粒过腍，而且淡而无味，毫不香脆，实为失败之作。金菇腐皮卷：腐皮卷外层过于厚腍嚡口，连同湿湿嘅上素馅料食就更突显菜式累赘，唔得轻盈。蚬芥鲮鱼球：据席上宾客讲，头盘最正就系小肥因怕有骨而冇食到嘅鲮鱼球；佢地不断赞鲮鱼球热辣松润兼惹味。大红片皮乳猪全体：每人两方块嘅乳猪皮松化香脆，猪肉亦鲜浓软嫩。沙参玉竹螺头鸡脚汤：如相所示，汤渣成座小山丘般强劲，鸡脚仲要剪哂脚指甲架，感觉卫生良好，可惜用上咁多料煲出嘅鸡脚汤却唔多够甜亦唔够浓，莫非师傅唔记得落盐？！豉油皇煎中虾：豉油皇中虾爽厚鲜甜，惹味可口，伴配同样鲜美嘅金蚝，呀！古法炆龙趸翅：炆龙趸翅续份分咗上，小肥因怕骨冇试到，只系影咗幅相俾大家睇。上汤浸三蔬：三蔬包有菜心、生菜、豆苗，同鱼一样由服务生分咗先续份上。三蔬鲜绿得黎好有光泽，当中以菜心最为清脆，生菜较为爽甜，豆苗都好香嫩。脆皮乳鸽：乳鸽油水过多，又唔得热辣，湿湿嘅鸽皮唔得香脆，鸽肉厚实且偏干嚡，认真油麻地。当红炸鸡：炸鸡层皮比乳鸽脆身少少，不过火候都未系掌握得最好，鸡肉尚算松软，但唔称得上嫩滑。茶皇熏鸡：反而只茶皇熏鸡就好够皮香肉滑，鸡只上轻轻发出嘅烟熏香同个甜豉油好夹，属靓鸡也！肉丝煎长寿面：长寿面金黄松脆够干巧，上枱前先喺面淋上肉丝芡汁可确保面条唔会咁快变腍，个人只系略嫌肉丝份量唔多足够。榄菜蛋白炒饭：榄菜炒饭粒粒包满肥美，香口惹味够干身，简单味佳！生果拼盘：XO仔因喉咙失声唔敢食太多生果，只系试咗几粒青红提子，青提子酸到全枱人都食到咪哂眼，反而红提子就极之鲜甜。香煎马蹄糕：马蹄糕橙美润泽，软腍清香。莲蓉寿桃：肥嘟嘟嘅寿桃包身松厚柔软，莲蓉馅心润甜可口。隐蔽于观塘工业大厦内嘅「Stone House」面积宽广开扬，场内有多项娱乐玩意任贵客享用，属私房P场好选择。以餐厅黎讲，服务都可以话唔错，只系食物水准较为参差，炸物唔得香口，老火汤看似足料却淡而无味，供二十多人用餐嘅份量又好似差咁啲啲咁，总分顶多只可话「OK」，抵唔抵就要睇单先可评论。
继续阅读
不错的私房菜💕💕萝卜老火汤好足料，好重萝卜味😋😋椒盐鲍鱼，一向都系我嘅至爱👍🏻👍🏻好难好炸得唔好食🤔萝卜牛腩都要提一提，因为牛腩煮得好淋好好味🤭🤭
继续阅读
女友牛一设宴于香港丽悦酒店1楼的”Stone House”. 这是一间名符其实的粤式私房菜, 全层只有两间大房, 每房都设有卡拉OK及麻雀耍乐和一张令人哗然的大圆桌, 圆桌可容纳多至24人, 很有身于国宴的感觉!是晚菜单:餐前六小碟: 干扁四季豆, 佛山熏蹄, 黄金豆腐粒, 凉拌海蜇, 迷你春卷, 手拍青瓜.前菜虽然称小碟实则不然! 其份量有如一般主菜! 碟碟精彩!全体乳猪: 皮脆肉嫩绝对可以媲美新斗记, 且有过之而无不及!杏汁白肺炖汤: 香浓的杏仁味, 饱满的猪肺实在令人唾涎, 一窝足料足火喉的杏汁白肺炖汤, 转眼一扫而光!酥炸中虾拼酥炸生蚝: 略嫌炸粉过厚过火,只觉一般.姜葱鱼云煲: 有镬气, 够火喉, 入味!XO酱云耳百合炒翠玉瓜: 适合喜欢清淡素食一族..上汤浸三蔬: 不过不失.酱烧琵琶鸭: 不如乳猪烤得入味, 略嫌干身.XO酱糯米蟹: 糯米蟹很多食肆都有这道菜, 可惜XO酱汁味道不足, XO酱汁与糯米蟹好像格格不入! 是今晚唯一失败之作!蜜糖蛋散: 香醇的蛋味和蜜糖味,入口酥脆, 值得推介.香煎马蹄糕: 可能已被蜜糖蛋散抢其风头的原因, 只觉不差.这里食物和服务都很有五星级酒店水平, 只可惜只提供包场服务. 最低消费为$12,000. 但不失为一个理想的私人宴会地方.
继续阅读