影片
电话号码
53624557
营业时间
今日营业
11:00 - 16:00
18:00 - 22:00
星期一至日
11:00 - 16:00
18:00 - 22:00
以上资料只供参考，请与餐厅确认详情
其实建生附近既餐厅都好难经营🥺最近经过见到原来开左间新西餐厅 上IG睇先知原来11月开😳竟然而家先发现呢间cp值超高🥺一定一定要book位‼️‼️♡是日餐汤及餐包 无限量供应‼️‼️套餐仲包餐汤餐包同野饮😳实在太抵食‼️是日餐汤系南瓜汤 饮落都几smooth😋唔够喉仲可以饮多碗添 餐包竟然系黑糖包夹住块牛油😍食落仲有少少溶左既黑糖咁 好好食🙊忍唔住refill多几个食添🫣♡龙虾汁大虾粗管粉 $74超推🧡好少会见到有粗管粉食🫣口感几好唔会太硬太淋 都算几挂汁😋龙虾汁都算几浓 稠度啱啱好😌足足有4只虾咁多‼️而且都颇大只 口感爽口弹牙 带虾既鲜甜味😚整体黎好得💯♡云南牛肝菌宽条面 $68都几唔错🤤好浓郁既牛肝菌味 仲加左啲切到好细粒既翠肉瓜同菇🍄🟫食落更加有口感😋宽条面挂满汁 好creamy 但又唔会好滞😳宽条面食落会比较冇咬口 但唔会太淋😝♡韩式芝士泡菜炸鸡煲仔意大利饭 $98呢个意大利饭超有惊喜🤩佢地仲有啲main系fusion菜😋试左呢个韩式意大利饭劲好食😍首先佢卖相已经好邪恶😈上面放左一块芝士🧀同kimchi🤤捞匀𠮶下不得了 我已经都流紧口水🤤少少辣辣地 偏多汁少少 但好好食😋唔系好识形容有几好食🤣嗌个黎试就知有几出色😝另外再配左3只炸鸡仔 热辣辣 好香脆 肉质都唔会太干😚♡芒果牛油果蟹肉他他 +$48怕嗌4个set会太饱既关系 同埋想留返个肚食甜品 所以嗌左个小食😋跟餐只系加48蚊就可以食到呢个芒果牛油果蟹肉他他😳估唔到超大份 仲唔错添🤭芒果令到成件事好fresh🌼食落仲有啲脆脆好过瘾 以前菜黎讲好开胃😚♡焦糖炖蛋配雪糕 +$38♡ Tiramisu配雪糕 +$42嗌甜品仲可以套餐加购 真系抵食好多😝甜品就冇想像中咁出色 正常发挥🙈焦糖炖蛋偏甜左啲 tiramisu食落就感觉未解冻得晒咁🙈反而个芝麻雪糕好出色 几浓芝麻味🤤📍Stimulate Cafe & Restaurant (屯门)屯门良德街3号丰连地下5号舖
继续阅读
因为工作需要的关系，山长水远入到屯门，庆幸同组组员是在屯门居住，正所谓「地胆带路唔使用脑」，工作地点附近是户外的「美食广场」，选择尚算丰富，连近期大热的云在线都是在呢边🤭原本都想［潮圣］云在线的，不过怕不能坐太耐，便决定食西餐，选择了呢间性价比非常高的《Stimulate Cafe & Restaurant》！餐厅由门面到店内似是工业风格，配以水泥外墙及黑色家具配搭，呈现出酷的感觉😎。午餐时间，一百蚊唔洗就可以品尝到两道菜连饮品，仲罕见地前菜中有两选是可以任食😳包括《是日餐汤和餐包》&《素沙律》，小妹三人都没有「二刷」前菜，因为想留肚给主食😙APPETIZERS🩶 是日餐汤和餐包蘑菇浓汤配牛油餐包，足料又浓郁的餐汤，饮得津津有味😍🩶龙虾汤及餐包（升级+$30）比较富贵的男组员大赞龙虾汤味道香浓美味🤤🩶 素沙律冰菜原来都可以做沙律😲大开眼界，估唔到又几爽口㖞！Main Course 🩶 葱烧厚切豚肉馒头汉堡配炸薯角好少机会食到馒头汉堡🤭睇嚟餐厅有意中西合璧，呢道看似中菜但却以汉堡形式出菜已经够特别，呢个配搭非常夹架，葱烧酱浓、豚肉好香骚，味道口感似东坡肉，大大件的炸薯角疑似有洒上辣味香料，令其入口有点Hot 🔥 🩶 云南牛肝菌宽条面小妹估计是使用来自云南的牛肝菌🤭香浓美味😋份量相对唔错，价钱更不用$70，真系非常抵食❣️🩶 龙虾汁大虾粗管粉店内推荐排行榜的第一位🥇每条都有龙虾汁超好味，可惜粗管粉未够熟，有点硬，其实系咪可以同餐厅讲煮返腍啲会好啲🤔整体来讲真系好抵食，虽然距离非常远，但系对于小妹嚟讲系一程车就可以到达🤭希望日后有机会带埋屋企人嚟食😆😆
继续阅读
☕️ 屯门篇 · 别开生面系列 Stimulate Cafe & Restaurant📌 今日冇做gym，纯粹同老婆撑枱脚放松吓心情～特登揸车嚟到屯门，拣咗呢间主打西式简餐嘅 Stimulate Cafe & Restaurant。餐厅环境宽敞舒服，坐位够开扬，好啱想静静倾计嘅两口子。食物方面摆盘认真，外观吸睛，我哋叫咗龙虾汁大虾粗管意粉、纽约客牛扒、两款餐汤，加埋Americano同Latte。味道方面偏向创新，有几样食落去比较特别～可能系我哋口味惯咗传统style 😅 但相信钟意新派风味嘅朋友会几有惊喜！⸻📍 餐厅资料：Stimulate Cafe & Restaurant屯门良德街3号丰连地下5号舖📞 5362 4557🍴 主打西餐／咖啡店🚘 自驾前往方便，近V City／屯门站步行约10分钟📅 用餐日期：2025年7月8日💰 总消费：$290（2人，已连加一）🧾 人均消费：约 $145⸻🍽 餐点内容： • 转转虾汤＋包 $30 • 蕃茄汤＋包 $30 • 龙虾汁大虾粗管意粉 $138 • 纽约客牛扒 $74 • Americano（冻）$34 • Latte（热）$44⸻💑 情侣位推荐指数：⭐️⭐️⭐️（3/5）👉 环境靓、气氛舒服，食物造型出色～如果你地都想探索下屯门嘅新派cafe，可以一试！⸻#屯门 #StimulateCafe #情侣撑枱脚 #西餐厅 #咖啡店 #龙虾汁意粉 #牛扒餐 #咖啡控 #拍拖好去处 #别开生面系列 #香港情侣 #屯门美食 #eatingwithcowcow
继续阅读
隔离游完水过去食，好方便就脚。食晚市，5:50分到门口宜家好多人排队，食物质素好好，埋单两个人唔洗500，呢个质素出面食应该要700几。所以性价比非常高，环境舒服坐得唔挤逼👍🏻
继续阅读
其实已经唔系第一次食呢间餐厅⋯今次见6月出新menu.同男朋友心思思又黎食一次啦！ 好啦～ 夜晚8点几都仲叫到 每日限量发售的台式香菇卤肉盐酥鸡煲仔大利饭，就叫黎试下佢。 用意大利饭嚟整台式嘢，味道又几好食比想像中更加match ⋯但两嚿盐酥鸡啲皮厚到不得了⋯又厚又硬（并唔系脆）⋯⋯ 跟住，男朋友上次食过纽约客牛扒$138觉得还好，今次一于试下佢既美国极黑牛肉眼（$328）。由于系佢成个Menu最贵𠮶个餐，所以都有啲期待！咁睇搜寻网站都知，极黑牛已经系都几靓既牛同部位都相对比较淋身 结果大大既失望呀！佢上碟已经切好咗（已经觉得古怪⋯因为上次屋企人嚟食系要自己切，而且上次屋企人话好好食）， 点知⋯⋯ 原来系相片右手边既底有好多肥膏/根⋯ 所以要切好比我。 掩眼法。大家睇下下面张相就知⋯ 一嚿牛扒里面有超级多肥膏。 咁都可以出比客。 而且其他有肉既肉质超级嚡🥹⋯⋯ 并非佢声称油脂比较均匀⋯ 而系油脂喺归晒边⋯ 唔知佢用咩煮法啦⋯⋯ 反正d肉系唔好食ga ! 呢碟main dish 就收$328 完全觉得性价比系零。 我中途发现原来牛肉下面全部都系肥膏既时候已经有同职员讲返，我觉得咁都可以出到菜⋯唔系好接受到！职员回覆： 肉眼系比较肥，今批啲牛返得唔系咁靓。 然后讲左句sorry～ 我都回覆职员：ok 我都系同你反映返～ 食完真心唔开心，埋单走人，埋单仲问我哋：咁其他菜ok ma? 咁以上嘅食评包括盐酥鸡我都重复有同职员讲多次。所以我唔系食完野喺背后放暗箭。 至于意见接唔接受就睇佢地有几重视客人。
继续阅读