Steak Bar (已結業)

係香港🇭🇰食過幾間吉列牛扒， 暫時以「Steak Bar」為最好味！ 除了吉列炸牛扒外， 還有安格斯西冷牛扒、頂級Flat Iron Steak、魚柳和羊架等。😯 雖然想試埋西冷牛扒， 不過時日售罄了， 所以我地就二人share一個吉列炸牛扒餐（$188）， 再點兩款小食～😝 值得一讚是店員有禮貌又細心， 知道我同朋友係第一次黎， 便主動為我地介紹餐牌上嘅食物！👏🏻 參照日式定食風格， 每份餐均附有前菜、沙律和飯。 前菜為胡麻豆腐，軟滑美味； 日式沙律伴以柚子醋，酸酸甜甜，幾開胃。😏 吉列炸牛扒大大塊，超過一隻手掌🖐️， 外層沾上了一層金黃色、薄薄嘅麵包糠， 內裡則保留緋紅鮮嫩， 食客可將一件件炸牛扒擺上石爐燒至自己想要嘅熟成度， 小編個人認為輕輕燒至兩邊變色便剛好！😋 吉列牛吃下去， 外皮香脆可口， 牛肉則保持肉香軟嫩，肉汁豐潤，好味道！☺️ 飯灑上好多芝麻紫菜味粉，😍 增添不少口感和風味， 和牛肉也相當配搭！ 仲可以加$45要個side dish—雞軟骨餃子 新鮮熱辣炸好， 外皮微脆，裏面嘅雞軟骨好有口感，

本人身為牛魔王，冇牛不歡。最近發現呢間餐廳主打吃牛，二話不說便去試試！主菜只有八款選擇，而且可以加side dishes，當日因為並不是太肚餓所以沒有點。餐牌除了牛，還有羊和魚。頂級板腱牛扒 - 套餐配有前菜、沙律及飯點了七成熟，感覺真的剛剛七成，內裏是有少少紅色，肉身比較淋，而且沒有筋，外脆內juice，牛扒上還有我最喜愛蒜片，非常match。值得一讚，白飯加了飯素，伴飯送牛扒一流，令我吃到一米不留。

好耐冇食過牛扒，朋友約食飯就拉埋佢地試呢間餐廳。第一次食吉列牛就比左呢間餐廳留低左好好嘅第一印象🤣牛扒本身已經有3成熟，等塊爐板熱一陣再燒。咁樣可以自己選擇同調教生熟度可以一塊生啲一塊熟啲咁食😂個吉列炸得好香口，唔會太重油膩感。個牛扒本身肉質都幾好，牛味重，夠冧，唔會太多根位。除左牛，我地仲叫左個魚柳，好好食！！小編都幾鍾意食魚，好滿意條魚啲肉好嫩滑，好新鮮。亦都煎得好香，又唔會煎到好濃或者老哂入面一切開啲魚油飛哂出黎，好正🤣呢個肉眼扒都好好食個肉幾冧，唔算太多根，幾好。份量都好足夠，餸埋飯就好滿足🤣我地嗌左五成熟，佢真係有做到朋友叫左支Asahi～除左set仲有啲小食嗌野食就寫呢張紙～雖然門口位唔大，但入到去都幾寬敞，坐得都幾舒服。

在蘭桂坊一帶實在算係間唔太起眼的餐廳。先講總結，牛排的火候OK，西式大肉搭配日式小食的思路不錯。 牛排種類唔係好多，所以點餐時候特別好選擇，分好晒一 set set咁都幾方便！ ！ 特別推薦很嫩好吃的板腱牛排，幾乎每次黎都嗌，塊扒厚，肉質又好好。 店子在蘭桂坊，配啤酒很不錯，吉列炸牛排也很嫩，配個火爐仔。 其它牛排好嫩也可以烤一下，成個set都幾多野，飯很香但食到咁上下都在食唔落飯了。 。 。 下次路過還會來的餐廳，不錯不錯！

—數月過去 再嚟食嘅時候 店員依舊好細心講解每道菜嘅分別今次嗌咗吉列炸牛扒($188)牛扒沾滿金黃鬆脆炸漿 再加以炸蒜片點綴店員提示大概每邊燒30秒就可以食用用牛油去燒會令肉更香濃食落算外脆內軟腍 食到最後會有少少油膩感但同啲飯一齊食會啱啱好 有跟日本蒜鹽同燒汁本身塊扒燒完都好夠味 直接食都得石燒薄切牛肉($178)薄薄一片整齊排列 油脂分佈幾平均鍾意食生啲所以反咗幾次轉色就食牛味幾重好香 唔會過多油脂———————————————Steak Bar銅鑼灣登龍街36-48號登輝大廈地下B號舖

<<高質Prime grade吉列牛>>-又係發牛癮既時間, 今次揀左近一年都好有人氣既吉列牛餐廳~ 上菜一大塊Prime grade吉列牛扒, 一成熟左右既紅色牛肉沾上金黃色麵包糠, 自己用石爐燒至適合你既熟度再食, 成個過程話係人生享受都不失為過~ -個人喜好+小貼士: 先燒一邊耐啲 (1分鐘以上), 直到呢一面已經呈現深啡色, 再換另一面燒返相約時間, 大約做到7成熟, 係我測試後推介既食法-呢間餐廳既套餐份量好多, 連小食份量都多到滿瀉.. FYI 兩個人食一個SET + 2款小食已經飽到食唔晒!!! 食左個雞軟骨都幾推介, 調味做得好好! 另外薯角就正常水準咁樣~

呢間好多人食，每次經過都好多人排隊，我地都排左大約一個鐘到先入到去食，我覺得最吸引係吉列炸牛排，所以我就叫左呢個試下😍😍😍成個set 黎，有好多野食，有豆腐，有沙律，有碗飯，飯上面有啲芝麻有啲脆粒甘嘅野， 好有咬感，好味😋個吉列牛排會有個小爐自己可以煎到自己想要嘅熟度，個爐已放有塊牛油係到，令到塊牛排更香，吉列牛排份量有好多🤤。 食一餐都幾耐下 因為要自己慢慢煎，不過都幾好玩嘅。🤩 服務很好👍🏻

今次黎到銅鑼灣食牛，其實我之前已經食過呢間嫁啦，不過係中環分店，咁岩係銅鑼灣行街，就走左黎翻撻！上次就食西冷，今次就試下佢既吉列牛！吉列炸和牛扒 $278套餐配有前菜、沙律及飯（含飯素）佢每個set既飯同配菜都一樣，上次介紹過，今次就唔介紹啦。今次主要講下佢主食既分別！聽侍應講，本身啲牛已經有兩三成熟，所以就咁食都得，我就試左一舊，味道都ok，不過就凍凍地，所以大家都係燒一燒食比較好。不得不提，佢既炸皮係非常脆！非常之好食！和牛黎講，佢油脂分泌其實都唔算多，不過助在夠嫩身，有舊燒耐左少少都仲保持到個質感。我個人建議就燒20-30秒左右，燒到塊肉兩邊都熱熱地，又唔會太老，咁食就岩岩好！和風紫菜薯條 $48佢係偏粗身扭紋薯條，炸得夠脆，和風紫菜味都幾出，不過有少少偏鹹！

今晚約左在港島區工作朋友食晚飯，朋友想食牛所以就選擇了在銅鑼灣這間餐廳～因為大家都準時放工的關係，去到不用等位，餐牌貴精不貴多，大部分是牛的選擇，另外有羊架或魚柳選擇。我們選擇了一份炸薯條、吉列炸牛扒及頂級板腱牛扒，都是餐會配胡麻醬豆腐、沙律、白飯薯條好味吉列炸牛扒原來會給你一個爐仔燒，鍾意幾成熟都可以，炸粉薄脆，而且牛扒燒全熟都有肉汁 白飯加了味素，更想爬多幾啖頂級板腱牛扒食牛我怕食太生所以叫了7成熟，切開後都見紅的，好香牛味而且食落重牛味及淋身 是不錯的牛扒，可以再來系列

之前無意中search 到呢間野，終於有機會來試～ 好彩有book 位，來到門口見到要排隊等位。一入店內，吾係好多枱，座位空間岩岩好，有d d 逼。Order左吉列和牛同肉眼扒set. 成個set入面除左有碟牛，仲有一碗飯，一份沙律同一份凍豆腐做配菜，另外有個細細個熱爐俾你自己煎牛。個吉列和牛d牛的外圍都係炸過，中間就係生的，肉色望落都幾靚幾吾錯的。 食牛我通常都吾食咁熟，但個和牛就算煎到熟曬，d肉都係好腍吾韌，加上牛肉邊係有少少炸過，食落口感好好，香口又吾膩！Overall 呢間餐廳食物質素吾差，價錢中等，唯一印象不太好的就係無食用清水供應，要額外俾錢買 我去其他高級餐廳食就算無stilled water都有tap water 吧。 而且呢間餐廳感覺似比快餐高級少少的扒店，野食好快到，食物都好快食完，張台好細，只夠剛剛好容納兩個餐。基本上，諗住快食快走又想食好d既話，呢間都ok 既。但如果你係同朋友聚會食下野傾下計chill out 下既話就不建議了。

本來諗住去登龍街食拉麵嘅，沿路行見到呢間steak bar 記得中環都有一間想試好耐 ，推門入去 仲未到lunch time，未算太多客。店員詳細地介紹餐牌上嘅食物，包括牛隻不同部位嘅口感軟硬度，服務細心好impressive。經店員推薦今次試下炸牛扒餐，果然冇介紹錯，前菜配有沙律和芝麻醬豆腐，非常開胃，亦可減去牛扒的油膩，牛扒外皮炸得金香鬆脆，而牛扒本身尚未經烹煮處理， 可以隨自己喜歡控制牛扒嘅成熟程度，自己嘢食自己煎，零舍好味，灑一點鹽無需沾上醬汁已經好好味，入口即溶冇筋，呢個價錢真係lunch先做到，性價比高。跟餐可以揀蜜糖雞翼或者薯條，每條薯條均勻地沾上和風紫菜，條條金黃色脆卜卜，怕熱氣嘅我都忍唔住食曬，好食到停唔到口！！

平時都好少去中環，不過今日約左朋友就去係蘭桂坊附近呢間Steak Bar試下🤣餐廳有兩層，係2/F嘅一邊同朋友一邊傾計都好正🤓餐廳嘅佈置都好靚😝有d係bar檯，有d係坐檯。Menu有不同晚餐可以揀，我就揀左安格斯西冷牛扒套餐🥩另外，我仲叫左和風紫菜薯條🍟我地叫左大約5-10分鐘之後就有得食啦!西冷扒我叫左5成熟😋扒旁邊有鹽同那醬汁可以蘸🧂西冷扒都唔算好難切🍴生熟程度剛剛好👍🏻肉質有少少靭，但係牛味足。整體都係塊靚扒🤤切開仲見到粉紅色鮮嫩多汁嘅肉㗎😍套餐跟飯🍚飯上面擺左d紫菜脆脆😝拌飯一齊食好好味，相當日式😙另外仲有沙律同埋凍豆腐做配菜🥗 有咩好食得過即炸薯條！和風紫菜薯條拎到出黎仲係熱辣辣🤗每條薯條上面都有和風紫菜，味道好均勻😋鐘意嘅仲可以蘸埋茄汁🍅

上年係福崗食過吉列牛(牛かつ もと村)之後念念不忘🤤依家見香港的都愈開愈多吉列牛，一於去試下呢間呢排幾hit既Steak Bar🥢•🥩吉列炸牛扒（$188）等爐上面塊牛油溶左就開始燒，好香呀聽住d牛燒到滋滋聲，好正！前期為左送飯我會燒熟d可以咬得開，後期就咁食牛我就中意冇咁熟，嫩d～點埋佢個醬油更好味😙呢個套餐仲包左沙律，豆腐，🍚白飯上面加左飯素。🥗沙律用柚子醋調味，幾清新，一邊食燒吉炸牛一邊食沙律，可以解油膩感😋。•🥟雞軟骨餃子（$45）有5件都幾多，煎到金黃色，餡料除左菜肉，仲加左雞軟骨，口感豐富，點埋餃子醋好食d😙————————————（5⭐️滿分，💫為半分）整體環境：⭐️⭐️⭐️⭐️味道：⭐️⭐️⭐️💫服務：⭐️⭐️⭐️⭐️性價比：⭐️⭐️⭐️💫回頭指數：⭐️⭐️⭐️💫————————————👇🏻歡迎睇更多同類食評👇🏻#fatfatman銅鑼灣#fatfatman日本菜————————————📍Steak Bar (銅鑼灣)銅鑼灣登龍街36-48號登輝大廈地下B號舖#hkfood #hkfoodie #foodie #openrice #hongkongfoodie #instafood #hkig #hkig

今日同朋友一齊食晏，貴人出門招風雨呀，落到勁大雨，好彩鋪頭係地鐵站去都算快咋🙏🏻😝地方都唔算難搵，5分鐘內就搵到，佢個大大既牛logon 好易認，一眼就睇到架啦👍👍lunch set 揀左set H，主食係澳洲穀飼肉眼牛扒$258，想講呢個套勁好食，香氣十足！！有種喜出望外既感覺。我叫7成熟，好多時候餐廳都會整得過熟，會整得韌左。但好開心，呢間既扒一切開，d 肉係靚靚既牛粉紅色。而且塊扒都好厚下，會食得飽呀✌🏻😃套餐包左沙津，前菜同飯（有飯素），味道正正常常啦。我中意個豆腐💕

想食吉列牛扒原來唔使去日本架!! 之前係電視見到有介紹, 話吉列牛扒好好食,  身為牛扒愛好者既我, 當然好想試下啦~~ 朋友介紹左呢間係中環的Steak Bar比我! 我就搵日收工同老公去試一試~ 餐廳是走日本牛扒風格,  除左吉列牛扒, 仲有其他高級牛扒、羊架、魚扒, 及小食啤酒飲品! 先來「石燒薄切牛肉」 薄薄一片的牛肉, 油花都多! 所以一放上鐵板細爐仔, 就已經有油香出來, 不用20秒就吃得~~~ 所有定食均附有前菜、日式沙律和味素飯， 味素飯是珍珠米來的, 好好食!! 好~~ 來到我最期待的「吉列炸牛扒」!!! 吉列炸牛是用左Prime grade的牛頸脊部位來製作~~ 經高溫脆炸後呈半生熟上枱, 只需在鐵板上再煎香一會就可享用! 鐵板有牛油, 可以令牛肉更香滑~ 鐵板好夠熱架! 可按個人喜好來解決煎的時間, 都好好玩呀! 肉質非常好, 外面鬆脆, 內裡肉汁豐腴腍身!! 日本吉列牛扒, 係香港都食到, 質素又高, 可以再來吃~~~