Steak Bar (已結業)

呢排開左好多間日式鐵板牛扒餐廳🥰今日慕名一試銅鑼灣嘅steakbar，位於登龍街地舖。.閒日7pm左右去到啱啱有一張枱，之後嘅人都要等位了。試左吉列炸和牛扒同頂級肉眼牛排🍽.吉列炸和牛扒 $188吉列牛係預先炸咗外層，而牛肉內層就交比食客放上石爐上以明火烤煮，生熟程度自行決定🥩吉列係薄薄的一層，輕輕的脆脆的，但唔會覺得滯/熱氣👍🏻👍🏻肉質好淋，肉脂均勻咬落即溶，牛嘅油脂充滿口腔😍吉列牛成個口感係外脆內軟，如果要比較一般炸豬扒，佢嘅吉列無咁厚，肉味比較濃，肉質更厚身，好特別😋頂級肉眼牛扒 $258推薦鍾意食到肉味重啲嘅朋友揀呢個。我地揀左五成熟，真係煎得啱啱好，半生熟🥰肉質好軟熟，咬落唔會有筋。牛味好重，有豐富肉汁。啖啖肉嘅牛扒，配埋跟餐嘅飯素飯真係一流👍🏻🐂🐂🐂鵝肝 跟餐加$68鵝肝幾大舊，入口即溶，滿滿油脂，連旋片一齊食好香好邪惡！.呢度嘅所有牛扒都係跟咗飯素飯同沙律，份量幾足。好食之餘，服務，環境都唔錯，值得encore😍

因為很愛吃牛排，朋友推介這間專賣牛排餐的餐廳。每一個餐都配有前菜、沙律及飯，午市套餐除免收加一之外，還可加$25 添加一款小食及非酒精飲品。店員很友善，會主動介紹各款套餐。最後我點了澳洲黑毛安格斯西冷（$258），朋友點了頂級肉眼牛排（$258），各自加$25添了紫菜薯條、蜜糖雞翼和兩杯飲品。食物賣相跟餐牌圖片差不多，牛排份量頗充足，點了五成熟，肉質鮮嫩多汗，口感很令人滿意之餘，牛味亦香濃，點提供的醬汁和蒜粉就更加惹味。前菜是麻醬豆腐，豆腐挺香滑，有驚喜。小食都不錯呢，個人特別喜歡蜜糖雞翼，煮得很入味，蜜糖味十足。飲品點了熱甘菊菜。

每次去日本都必然會想食吉列牛扒，但而家身在香港，一樣都食到呢種好味道。位於銅鑼灣嘅Steak Bar，雖然餐牌上有好多唔同選擇，但係重點推介當然係吉列牛扒啦。牛扒本身已經炸到3成熟，加上明火石爐，可以隨自己心水，控制生熟呈度。我自己較喜歡大概7成熟的吉列牛，吉列炸粉唔算厚身，牛肉有嫩口口感，肉味亦突出，加上微微鹽花，香口脆口，絕對有日本風味。而除左有大大份的吉列牛扒之外，跟餐亦有沙津同埋麻醬豆腐，俾大家清清味蕾，亦都可以中和整晚的油感覺。

出名是🥩牛魔王的我，每次經過這間餐廳都總看到一群人在店外排隊，令我的羊群心態都出來了🤣當天我趁着下班較早就馬上去這間餐廳🍴試一試！這間最大熱的當然是它們的牛扒🥩，這次來到我又怎會放過它呢！😆餐廳內環境氣氛不錯👌🏻只是空間較細，桌子擺放較密。.澳洲穀飼肉眼牛扒 $258上菜的時候我簡直嘩然了！這塊牛扒真的很厚！份量十足，足足是我半支叉的厚度！我點了五成熟，上菜時生熟度剛好！切下肉質細嫩看著肉汁流出！但吃到一半肉汁流失得太快，開始有點乾。牛扒更配有燒汁，但個人口味覺得不用醬汁味道已經足夠！.薯條🍟 $38份量大，炸得香脆可口不會燶！外脆內軟！.雞軟骨餃子 $45有五隻，外觀很特別，十分香脆。餡料更有雞肉包著雞軟骨，口感特別！..

Steak bar主要係食牛的，而餐牌中有兩個吉列牛餐，經店員細心講解後，都想吃和牛，所以點了個吉列炸和牛扒（$278）定食套餐！白飯挺大碗的！所以一定吃得飽而且煮得很好，軟硬適中！上面仲加咗海苔及芝麻碎，非常好吃！另外仲有個salad 及 迷你凍豆腐！吉列和牛一試難忘！牛肉超軟熟！最好係可以自己調節熟嘅程度。不點醬油都已經很好吃了！吉列比想像無咁熱氣適合大眾口味是非常推薦的定食套餐！ Will definitely try out some other items next time

之前試過steak bar覺得唔錯 朋友又未食過就帶佢去cwb果間店試～.頂級肉眼牛扒 $258 今次就試佐上次無食到既肉眼扒🐗，個肉身好厚好juicy😆，切落去啖啖肉5成熟岩岩好之餘 仲可以食到牛既濃郁肉汁😚 仲可以跟個人喜好配搭蒜鹽同燒汁食，令口感更加豐富😍 每個set都會配有味素飯同沙拉同麻醬豆腐，包你一定夠飽👅.吉列炸牛扒 $188朋友未食過石燒就梗係要同佢潮聖😍 餐廳係Prime grade的牛頸脊部位幫佢著佐層薄薄既炸粉 件件都半生熟好平均咁排晒係度凖備就範🙈，首先要用黃油預熱佐鐵板細爐仔😆 然後溫馨提示：加埋啲蒜片落去燒更加惹味👅 想更加重口味可以加埋芝士粉又或者點燒汁食🙈 食落又唔會比炸粉cover晒d味 依然係好有牛味 望住佢變金黃色真係好治癒😚 基本上兩邊各燒一分鐘就可以食得～ 熟得濟會un架！！.+$48 和風紫菜薯條🍟必嗌！！上次試完芝士味就念念不忘😍 今次就試埋個紫菜味～ 當然無令我失望😚 同中環店一樣比佐超大盤 而且紫菜一啲都唔手軟 條條都食到紫菜味👅 而且整得好脆口 一路傾計一路食好快就比我地清晒😆 btw我都係比較鐘情芝士味🙈.總結，銅鑼灣店比較多小食可

🦕🦕🦕📍 Steak Bar (銅鑼灣)銅鑼灣登龍街36-48號登輝大廈地下B號舖🦕🦕🦕店員好詳細咁介紹menu上面既套餐俾我地兩個👍🏻👍🏻🥢最後我地揀左吉列炸牛排同埋石燒薄切牛肉😋🥢吉列炸牛排 ($188)包左前菜 沙律 一碗飯 面頭仲有飯素🥳 當然唔少得炸牛排牛排其實唔擺上鐵板都燒 就咁食都可以!就咁食既話 食落鮮嫩一啲 如果怕生既朋友仔可以選擇擺上鐵板上面燒一燒 稍為煎香左兩邊 食落又有另一番風味必試🤤🥰🥢石燒薄切牛 ($138)薄切既牛肉食落肉味好濃 煎完仍然好juicy😳一啲都唔老👵🏼食到咁既質素既牛黎講 CP值幾高 我會再番黎食😋

朋友介紹之下就尼左steak bar試下，條街雖然就有少少難搵，成條街都有好多野食！一入到尼，都幾full, 唔算好多位，但係坐得好舒服😌都幾好坐，播啲歌又好chill咁一入尼到 staff都好好，即刻介紹唔同嘅野食，有咩特色，同埋有咩分別，態度好nice! 佢地即情主動幫隔離枱嘅人開架bb車，好好！叫左一個肉眼扒，一切落去係外脆內軟，有質素！叫左係五成熟，好適合呀都！亦都唔細塊，好juicy! 特別鍾意佢個飯，好有口感，好香, 配料好足夠呀其實份量真係非常足夠呀！最後都食唔哂咁多飯呀！加左$26 就可以有杯野飲同埋小食，叫左和風紫菜薯條，好香嘅薯味，唔會overcooked!另外都叫左一杯荔枝梳打，唔算好甜！

啱啱琴日先喺日本返嚟香港，今日又想食燒牛肉。於是，今日同朋友就走咗去銅鑼灣登龍街嘅Steak Bar。一坐低就即刻叫咗每日限量嘅頂級板腱牛扒，我要medium。 果然係頂級，啖啖牛肉，肉質鬆軟，分量又大， 價錢有ok。朋友鍾意食魚，就揀咗香煎鯖魚，煎得唔錯，都係啖啖肉， 送飯一流。去完日本之後，開始留意飯素呢一樣產品。加咗落飯，增加咗口感，特別惹味。小食有和風紫菜薯條同埋蜜糖蒜香雞翼，我特別喜歡和風紫菜薯條，薯條又大條，又香口，食到唔停口。為咗平衡一下，冇咁熱氣， 我叫咗凍嘅Peppermint Tea。朋友就叫咗 Ginger Ale。By the way, 沙律都好新鮮， 又可以幫助消化。

剛由韓國首爾回來，在旅行上，品嚐了不少美食，未來將會在這裡逐一分享。星期日，亦懷著踏上旅途的心態，由元朗到銅鑼灣，目的就是和朋友一起品嚐這間，位於銅鑼灣登龍街的Steak bar，一間味道不錯的日式餐廳。我跟朋友各選了一份套餐，吉列炸牛扒，及石燒薄切牛肉。前者是招牌菜，味道故然不錯，但後者更有趣，薄薄的牛肉放在石上，輕輕一燒，再配飯食，滿足感無容置疑，不愧是我每次來必點的菜式。另外，亦加了六十多元要了一件新推出的鴨肝，雖不及鵝肝的甘香，但仍然十分肥味。不過，價錢有點貴，兩份套餐埋單五百多元，偶然一次，尚可接受。Steak Bar (銅鑼灣)銅鑼灣登龍街36-48號登輝大廈地下B號舖簡單的飲食隨筆，有興趣請follow～緣食魔宮。抵玩指數最高為三星，所有不用自掏錢包者， 將不給予任何指數。

Steak bar晏就吾知食咩好咁岩經過見到好似好吸引就去食 佢有做lunch set我就叫左個燒薄牛肉同燒雞餐 佢個薄牛肉餐都系比你自己燒 佢無用過醃料 主要都系食返牛本身嘅味道 因為佢地嘅牛本身高質所以無醃過又幾好食 另外佢個燒雞飯 本來都無乜期望因爲話佢地都系主打牛點肉 但結果出乎我意料之外佢吾單至大舊 仲好滑佢燒到真系岩岩好時先可以做到尼個效果 同埋系佢juicy 燒雞尼講我會比120分 大家真系要去試下仲有佢雞軟骨餃子 份量又多又夠脆口 真encore多個

自從喺東京秋葉原食過一次吉列牛之後，一試難忘，最近見IG好多人介紹呢間吉列牛，似乎唔錯,今日就去會一會佢。首先要讚一讚佢哋嘅服務，一坐低除咗俾餐牌你睇之外，仲會好細心講解每一種牛嘅特點，唔明講到明為止。威士忌梳打水$88 先叫杯酒清一清味蕾。除左掛住吉列牛，另一樣思念既仲有日本既highball,呢杯野威士忌嘅比例比起highball重，不過正好岩晒我呢d酒鬼。（好彩收左工）吉列炸牛扒$188每份牛肉都會包埋沙律、豆腐同飯，沙律同豆腐都算正常，飯就已經加咗啲飯素同芝麻，食落都幾香口，牛肉裹咗炸粉炸到兩成熟，肉色尚算粉嫩，可以按自己嘅口味控制生熟度，聽住煎牛肉嘅聲音都有少少治癒既感覺，整體都做到日本7-8成，正好一解思鄉之苦。

肉類之中如果要我揀，我一定會揀牛肉，天生我是牛痴吧！今曰去了銅鑼灣一間牛肉專門店，雖然是牛專門店，主打牛之外，還有羊架，魚可選擇的。店員細心地講解邊一款牛味重，邊一款脂肪多，邊一款比較多筋位....絕對幫到我心大心細不知選邊款好。頂級肉眼牛扒要求的半熟剛好。外面焦香，內裡軟腍，油份四溢。套餐包括前菜，沙律和飯。飯混入飯素，鹹鹹香香，飯粒亦顯得甜美。如喜歡吃牛的，這裡是不錯的選擇，牛肉份量夠，質素也好。

一直都好想試呢間Steak Bar, 放假既時候黎就最好不過，我地12點半左右黎到，由於時間比較早，所以都唔使等位本身想食吉列牛，但好似太過熱氣所以放棄左，就叫左每日限量發售既牛板腱，呢個部為比較少見，我都係第一次食套餐係包括左白飯，有我至愛既飯素丫，仲有沙律同一個小食，麻醬豆腐牛板腱中間會有個筋位，有時d人見到有筋位就會好驚，怕佢韌難咬，但係呢個絕對唔需要擔心，佢好容易咬開，同食普通牛筋差唔多，牛味都幾香，配左醬汁同鹽調味，味道都唔錯另外仲叫左個蜜糖雞翼，即叫即炸，脆卜卜熱辣辣👍🏻👍🏻👍🏻另外要一讚店員，對餐廳既食品好熟悉，好詳細介紹餐牌既食品，下次真係要試下吉列牛

趁今日星期日，喺銅鑼灣行到五點幾六點就搵嘢食，行行吓行到登龍街，而呢間餐廳係食牛，就入去試吓。見到個餐牌已經覺得好豐富啦， 有八個主菜可以選擇，我同朋友兩個人一人揀咗一個扒餐定食，一個係吉列炸牛扒，另一個係頂級板腱牛扒五成熟，見大家咁開心仲嗌咗兩個小食，一個係和風紫菜薯條，另一個係炸魷魚，最驚喜就係個吉列牛扒餐，吉列豬扒就食得多啦，估唔到吉列牛扒都咁好食，質感非常之鬆軟，燒紅左個爐先放牛扒上去，用牛油煎香，幾特別，重提供燒汁同鹽俾我哋自己調味。而板腱牛扒五成熟切開就啱啱好，好有牛味，中間一啲筋都冇，好好趙。個定食仲包沙律同埋豆腐，味素飯更加係令我呢個唔中意食飯既人都食哂成碗飯。板腱牛扒定食定價為$215，而吉列炸牛扒定食定價為$188，價錢合理。