Steak Bar (已結業)

開咗之後一路都好想食，但係都冇機會食到，因為好似好貴咁lol 最近唔想煮嘢食，終於捨得去食。-入到去打破好多expectation, 首先我以為環境會比較舒服，點知係迫到喊，雖然我地兩個人已經被安排到四人枱，但依然可以聽到隔離唱歌同講嘢。然後一路食就一路勁嘈，咁租貴又想返多幾次桌，無計。-食物質素嚟講，又係失望，唔係話唔好食嘅，我嗰個吉列牛餐算ok, 朋友嗰個扒就好麻麻，食咗一舊又un 又硬，唔想再食😢賣單六百幾，唔可以話好貴，但呢個價錢，我絕對覺得唔值，想去嘅人可以諗吓，係咪真係valuable. 仲要佢無水飲，一杯橙汁收成$38, 我真係expect 佢環境可以好少少，硬係覺得佢有啲痴立立咁。。。

上次試過中環分店，覺得無論食物質素定係服務環境，水準都好高，價錢合理，所以食過翻尋味，今次同女女再試下更近屋企的銅鑼灣分店。上次試左吉列炸牛扒，所以今次試下每日限量的頂級板腱牛扒($215)，定食包沙律菜，凍豆腐，同加了飯素的日本珍珠米飯。另外再加一份小食：炸雞軟骨($58)，呢款香口小食，女女第一次食，已經愛上，炸得香脆，不過鹹不過油。至於板腱板腱牛扒，份量非常重量級，因為就女女，所以選了7成熟，不過食落都吾會老，好JUICY!呢個位置在牛隻的肩胛部位，肉質細緻嫩滑，油脂豐富，不過真系好巨大，同女女SHARE都爭D食吾曬，岩曬食肉獸。呢度環境坐得舒適，店員服務有禮，會主動加水，有笑容，一定會再ENCORE~

銅鑼灣lunch有好多性價比高嘅選擇，Steak Bar就係其中一間🤤 佢係日式燒肉同牛扒店，lunch set $105起，包沙律🥗、芝麻醬豆腐、白飯🍚(有飯素架😍) 另外加$25就可以有飲品+雞翼🐥/薯條🍟  我地要左個Prime Flat iron steak (圖一) 同石燒薄切牛肉(圖二) 😍  Rib eye, sirloin大家就聽得多，flat iron就比較少人識🤓 佢喺英國🇬🇧近年興起(如果大家去英國一定知Flat Iron牛扒餐廳😆) 價錢相對實惠，但就有近似rib eye嘅肉質同味道🤤 性價比相當高😍  另外我地仲加左$68有鵝肝🦆 煎得幾香，入口即溶，唔係最好食，但都對得住價錢😋  石燒薄切牛肉可以自己落手燒🔥 牛肉肥瘦均勻，燒出嚟幾香牛油味😋 配飯食一流🤓 啲飯素都好正呀😆  結論: lunch set性價比高😍😍 佢嘅吉烈牛都好出名，下次去試埋先🤤🤤

有人請食生日飯，我就唔客氣揀咗銅鑼灣呢間專食吉列牛嘅鋪頭。叫得Steak Bar，如果我入到去都唔叫份牛扒，就真係好唔俾面啦⋯⋯ 所以我哋兩個女仔（真係好大食🤤🤦🏻‍♀️）一人叫咗一份定食：分別係吉列炸和牛扒，同埋澳洲黑毛安格斯西冷。食牛最緊要係可以控制到牛肉本身熟嘅程度，而佢個餐牌啱晒兩款人：一款係懶到出汁，最好唔使自己燒；另一款係專業食家，最好係比佢自己燒。我同我個朋友就咁岩中哂兩款人，各執一個極端。所以揀大西冷係唔使燒，吉列炸和牛就自己燒。先講吉列炸和牛扒，個賣相真係一流。（完全係相機先食！😍）因為見到炸粉仲係脆身、乾身，而和牛嘅肉身仲係呈紅色生嘅狀態，比你燒幾成熟都得。我同我朋友都食得幾生下，所以我哋輕輕燙左一燙個面就放入口，熟嘅程度啱啱好！食到面嗰層有少少脆香，裡面仲係好嫩口多汁。真係幾好食！因為「香口野」（炸野）牛肉配白飯珍珠米，加埋白飯上面嘅味素，係幾好送飯嘅。另外安格斯西冷好明顯係牛味重一點。因為我同店員講我要五成熟，所以佢真係燒熟面嗰層，保留到肉心仲係粉紅色半年嘅狀態。賣相又係好打卡，但我發覺原來我都鍾意食幾生嘅，所以如果下次再叫我就會叫佢係三成熟就夠了！

對上一次食吉列牛係喺日本，朋友介紹話難得香港都有好食既吉列牛，所以就一齊去潮聖。總共三個Lunch Set!1️⃣頂級板腱牛扒(HKD215)/5成熟板腱係牛嘅膊頭位置，脂肪較少，呢件牛扒係我食過最厚！牛扒冇乜牛筋，🤤食落軟稔稔，啖啖都好滿足。2️⃣吉列炸和牛扒(HKD278)/5成熟吉列和牛內脆外軟！吉列粉好薄！和牛炸完都仲保持到五成熟！3️⃣燒羊架(HKD248)/7成熟羊架一份有四隻，每隻都燒出油香，最鐘意就係羊顫味十足！羊架仲有蒜鹽同芥末醬配埋一齊，味道口感不斷提升！建議揀生熟程度時，寧願偏生好過太熟！因為太生既話都仲有個爐可以俾你係上面燒熟翻d，但一過熟就冇得返轉頭！同埋碗飯都好好味，脆脆既飯素配埋軟熟既珍珠米，令碗飯唔單止係配角咁簡單，惹味到連我呢個平時唔係好鍾意食白飯嘅人都食晒成碗飯！最後個小食$78炸魷魚配埋個洋蔥酸忌廉醬真係夾到不得了！

一直都好想試steak bar嘅吉列牛，今日終於約左兩個同事返工之前去銅鑼灣食。我地叫左必食嘅吉列炸和牛扒、每日限量嘅頂級板腱牛扒、羊架同埋小食炸魷魚圈。主菜全部都跟套餐，有前菜(一舊芝麻醬豆腐仔)、沙津、同有味素嘅白飯。上菜速度都非常快，唔洗十分鐘已經有得食。侍應都好用心解釋吉列牛嘅食法，話個火爐等三十秒之後就可以將吉列牛放上去每邊燒二十秒。如果唔鍾意太熟嘅話，可以唔洗燒咁耐。輕輕辣兩辣就可以食喇。食落都幾稔滑，吉列炸粉都做得好脆，點埋佢嘅醬汁都唔會稔哂。第二個上嘅羊架我地要左侍應建議嘅七成熟，總共有四件，肉質都好稔滑，佢嘅羊味唔會太濃烈，怕羊膻味嘅朋友都唔怕食! 而板腱牛扒嘅厚度真係嚇我地一跳，足足兩吋厚!由於佢咁厚我地又根據侍應建議叫左五成熟，佢入面係會偏生同紅，如果怕生嘅朋友可以借吉列牛個火爐燒一燒熟少少，就會香口啲!佢嘅肉質都稔滑，攞黎送佢個味素飯簡直係一流！另外個魷魚圈都炸得好鬆脆，粉漿厚薄啱啱好，感覺唔會太熱氣，個魷魚都唔會太韌。點埋個沙津醬成件事非常夾!

最近多左餐廳出鐵板牛肉 😍每人一個小鐵板，由自己決定燒到幾成熟，即燒即食，慢慢嘆😉每個套餐包沙律，前菜同白飯，非常飽肚😝#吉列炸牛排 $188外層炸粉唔算厚，兩邊燒到岩岩好變色最正😋有三款調味料附上，包括炸蒜、鹽同豉油，推薦點豉油食👍牛肉本身冇咩調味，鼓油提升牛肉的鮮味，一邊咀嚼，辣味慢慢滲出😲有啲驚喜。#石燒簿切牛肉 $178個人喜歡牛肉脂肪唔多，中間有筋位，食落有口感，簿切牛每邊燒5秒到就食得😋

平時去開登龍街都係食拉麵，今次黎食steak。星期日的下午來到，餐廳內人數不多，坐得舒適。吉列炸和牛扒套餐 $278吉列牛扒可自行在小爐上煎熟。和牛扒煎熟後外脆內軟，口感不錯，而且有牛肉香😋頂級板腱牛扒套餐 $215Flat iron 不是一般餐廳常見的扒類，在這裏寫著是限量供應。點了五成熟，除了板腱中間有筋令牛肉難咬及吞嚥之外，整體肉質嫩滑及肉味香濃，算是不錯。隨套餐均附有前菜(胡麻豆腐)，白飯(含飯素)和沙律。

其實本身見到呢間餐廳廣告賣到咁犀利以為會質素ok，點知食過一次吉列和牛後，真係列入黑名單永不翻身！首先，$278！！你真係和牛我都算，但係咁嘅質素我真係嬲到手震！真係從來未試過吉烈牛上到台係咁凍、仲要d 牛好似水浸泡過咁嘅狀態，炸皮又軟又散又同肉分離！睇到d 顏色都冇胃口！都算，個和牛肉真係⋯未見過日本和牛肉係幾乎冇雪花，同赤身嘅質感色澤都好似，燒完食係好似cheap 牛肉咁粗糙！柴到完全食唔落口⋯我唔知係咪個別例子，可能我特別唔好彩，但係我真係希望，餐廳訂價便高，份量又比其他餐廳相對少嘅情況下，可以提供翻應有質素嘅食物，否則再多廣告都冇意思。仲要呢個份量，飯量得正常飯碗一半度，正常女仔食完未必夠飽。何況係男仔？！

石頭即燒薄切牛肉 💰178 7⃣ 呢個餐會配埋一個超級熱既石板，適應將一舊牛油仔放上去。薄切既牛肉肉質比較稔滑，只需要1至2分鐘就搞掂。只需要點小小醬汁或海鹽，就已經好好味。但小編覺得份量多少少就perfect池，佢地既飯都整得幾好食，上面鋪有芝麻、肉鬆、紫菜，食落去好有口感又惹味。/頂級板腱牛扒 💰195 7⃣依個都係板腱定食套，份量真係好足夠。適應介紹呢個部位係比較軟腍兼無咩筋， 牛肉油分又唔會咁多。小編就嗌左8成熟，但牛扒既肉汁都鎖住曬。小編覺得依個板腱牛扒點海鹽比較正。

餐廳以牛肉做主打，如果唔食牛都可以選擇羊架同魚柳。石燒薄切牛肉($178)，所有定食都配有前菜、沙律同飯素珍珠飯。冷盤有柚子沙津同芝麻醬豆腐。鐵板上有牛油，燒溶左之後就可以放上牛肉，薄切牛肉輕輕煎一煎兩邊好快就熟，肉質嫩滑，肥瘦適中，可以配以蒜片/鹽/秘製醬汁食就更惹味。吉列炸牛扒($188)，牛扒外面炸到金黃酥脆，但入面仍然係比較生，我諗只有三成熟，所以可以按個人喜好煎熟d，我就覺得煎熟d既口感比較鬆軟，牛味香濃。值得一提既係飯素撈飯真係幾惹味可口，想食多碗飯添啊！

係ig見到有人推薦，咁啱去開附近就去左試試。平日六點左右去，未到食飯時間，唔洗等位，店員又靚又有禮貌👍🏻👍🏻👍🏻環境舒適乾淨，店舖細細但唔會覺得逼。坐好左，見到係自己寫紙仔落單，方便清晰，有咩食都一目了然。叫左個肉眼扒五成熟，佢本身係套餐，有白飯跟但就無飲品，支啤酒係我另外叫既。等左都十分鐘左右，其實唔明有咩要整咁耐，不過無乜所謂，我都係煲住劇等。黎到之後，比我想像中細塊，呢個餐$258，可能係個碟大啦哈哈，不過我都夠食既。扒旁邊有醬油同鹽可以點，都幾夾，送飯又ok。其實咁樣係咪比五成再生左少少？不過佢無血水又夠暖，我都ok既，食到另一半個陣就真係五成既，可能佢預我慢慢食啦。計埋加一，三百多少少埋單，還好，唔會好快再去，但無啦啦想搵有質素既扒房都可能會再去。btw其實食西餐我會想食薯仔多d，但佢呢到只可以跟飯sosad

吉列牛近期真係非常之流行，成日都可以見到佢地既蹤影🤤🤤🤤！但大家有無諗過吉列牛都可以燒呢？Steak Bar 今次就做俾你睇！今次試既係Steak bar 既吉列牛定食，佢最特別既地方係有一個爐大家可以放吉列牛上去燒既🔥🔥！一定要讚既係佢呢個set 真係好多野食，首先有已經加上左飯素既白飯（呢個位好細心！🤣🤣🤣），沙律，仲有麻醬豆腐！吉列牛方面，個牛真係唔錯🤣🤣🤣！脂肪係比較小果類，但牛味好重，燒完之後完全無稔到，為脆脆地既吉列牛加多左一重香烤既口感落去！真係非常特別🤤🤤🤤！

唔知由幾時開始香港掀起咗一陣吉列牛扒旋風，全因可以用石爐依個人喜好調整牛牛嘅熟度，唔止影相靚仲好玩好食！店員用心向我哋介紹餐牌上各種牛扒嘅不同，而我同友人都偏好較軟身嘅牛扒，所以就試試吉列和牛扒同頂級肉眼牛扒！套餐除咗有牛牛之外仲有沙律、胡麻豆腐同埋鋪滿飯素嘅日本珍珠米，非常豐富！吉列和牛肉質夠哂淋而且吉列粉夠哂脆，只需要簡單放喺爐面jar幾秒就可以食到最適合自己嘅口感！至於肉眼牛扒我哋揀咗五成熟，睇落真係非常靚仔！食落都無令人失望，適量嘅脂肪令牛肉充滿油香，富有彈性但又唔會韌，仲可以配搭蒜片、鹽、醬汁食用。我個人就喜歡加蒜片同少量鹽，簡單又好食！午市用餐仲可以以25蚊加購飲品同指定小食，和風紫菜薯條非常出色，喜愛紫菜味食品嘅一定要試！店員有禮、食物高質，有機會必定會再訪

Sizzling Lamb Lollipops Set $248每一個餐都會有麻醬豆腐 沙律 飯 羊架一共會有3枝 可以揀返熟既程度 今次就叫左medium 羊肉唔會有好羶既感覺 而且肉質好軟 好冧 好好食= ͟͟͞͞( •̀д•́)個飯係採用珍珠米 然後鋪滿左飯素 味道岩岩好 就咁食都唔會好單調ξ( ✿＞◡❛)Overall 覺得幾好 😋