SSHKB1963 BURGER (已結業)

红磡近排开左好多汉堡包小店，今次嚟到呢间怀旧港式汉堡包铺。Order左芝士汉堡同芝士蛋汉堡，汉堡包烘得微㶶脆口，夹住芝士、煎蛋、肉汁满满嘅汉堡扒同沙律酱，唔需要花巧嘅配料，简单材料已成为美食！食汉堡包冇可能唔食薯条！我地当然要一份炸薯条啦！再加两条法兰克福肠！粗薯条大大份炸得超香口，法兰克福肠煎到啱啱爆开非常juicy。见到特饮有红豆奶茶几得意，一于试试佢！细细粒红豆食落几有口感，同奶茶好夹。今餐真系超满足～餐牌：…查看更多

初嚟黄埔报到，唔多熟路，后来先知到原来佢都系时新汉堡嘅后人开嘅铺头，原来有段故事先分开咗两间唔同名。🤔餐厅虽然装修得好新潮，但一见个menu就充满怀旧感。小编嗌咗个招牌嘅双层芝士蛋汉堡🧀🥚🐮🐮，然后+$5加烟肉🥓，配上黑椒汁。小编系旧铺食过一次，呢个味道非常贴近旧铺。汉堡扒超厚身，洋葱🧄粒够爽口，非常juicy。另外值得一赞的是汉堡包里面所有馅料都非常饱满大块，基本上第一啖就肯定已经食到爆浆馅料，唔会净系咬到个包🙊。加咗只蛋后可以中和左两块汉堡扒嘅油腻感。快烟肉都煎得好唔错，唔系脆果种，保留番Juicy感👍🏻(小编推荐加🤟🏻🥰)。图2系单层芝士蛋汉堡+烟肉，女生可嗌呢个，其实已经好够饱～🙈小编同朋友share咗一个大薯条🍟，薯条同以前一样都系粗身波浪型，炸到外软内脆，充满经典港式口味！（不两个女仔表示share一包大薯条可能会食唔晒😛）…查看更多

第一次来到呢间汉堡店, 知道系旧店搬过来, 叫咗芝蛋牛肉汉堡, 不愧系人手砌肉, 好juicy, 面饱系煎焗过, 酱汁超水评, 唔腻。 鱼柳汉堡好滑, 用咗另一款汁, 清新。炸翼炸脾好脆, juicy, 食到有姜添。我叫老板薯条炸脆D, 佢话会好干, 出品可以接受。 加15元有杯红豆coffee, 边度揾呀。各位快D去帮衬, 店只做到4月底, 另揾新地方, 咁有食物质素, 价钱超值, 好难得。。。。…查看更多

以前去亲红磡, 都一定会帮衬时新汉堡, 彷佛系红磡既一个必去icon 。后来时新结束左, 都好耐无食过呢种咁港式既汉堡包嘞。今日朋友就带我去呢间SSHKB1963 burger, 食返呢种港式既汉堡包。餐厅装修简洁, 予人干净企理既感觉。佢地既汉堡包系港式style。面包烘得外脆内软, 牛肉汉堡扒好juicy 啖啖肉, 咬落去仲食到满满既肉汁。内馅仲有一只煎蛋, 煎得刚刚好唔会太老, 配上佢地自制既酱汁一齐食好正。薯条系我最钟意既粗身波浪薯条, 有好香既薯仔味, 仲炸得外脆内软, 比人好有真材实料之感, 食到停唔到口。再叫多杯冰冻既红豆奶茶, 满足的一餐。SSHKB1963 BURGER 红磡芜湖街83号逸酒店地下2A-2B号舖港铁黄埔站 A 出口, 步行约5分钟…查看更多

红墈两兄弟两间时新其中之一，标榜卖港式汉堡。门面颇现代化，骤眼看似银行多过此餐厅。餐厅内部装修简洁，有时代感，给人干净企理的感觉。放满消毒洁手液。清水任饮。牛肉汉堡套餐盛惠46元。热华田是够香浓的，不加白砂糖也可以。他们的招牌牛肉汉堡可算是当天食过最差的食物。牛肉松散一pat 毫无口感质感，有少许肉味但以腌料味为主，不算太咸有少许碎洋葱调味这方面尚可以。沙律汁太甜。面包唔使我讲你自己睇下张相都知，见到都唔开胃。薯条就质素好高，外松脆内软口感很好。但略嫌薯味稍淡，季节还是品种问题？回来了就得好好的干，这个牛肉汉堡好不过麦当劳的。看餐牌价格不算贵，但考虑到食物质素就不会再帮衬。…查看更多