115
12
7
| 餐厅: | Spiga |
|---|---|
| 优惠: |
于此国泰伙伴餐厅用餐赚里 ! 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
港铁中环站 D2 出口, 步行约1分钟
继续阅读
电话号码
28710055
开饭介绍
中环区意大利菜，环境舒适，适合二人世界及三五知己聚餐。午餐供应半自助餐，主菜选择丰富包括薄饼及意粉，另外还有自助沙律吧。
继续阅读
营业时间
今日营业
11:30 - 15:00
18:00 - 22:30
星期一至日
11:30 - 15:00
18:00 - 22:30
以上资料只供参考，请与餐厅确认详情
有关奖赏计划
优惠
| 餐厅: | Spiga |
|---|---|
| 优惠: | 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
食家推介
🌟餐廳：Spiga📍地址：中環皇后大道中31號陸海通大廈3樓💰價位：～$400 - $800⏰營業時間：星期一至日 12:00 – 15:00 & 18:00 – 22:30 📱電話：2291 6161最近工作忙碌，難得今日準時收工，一於就同朋友仔搵間有情調既意大利餐廳，好好咁chill 返晚，摸下酒杯底❤️餐廳位於中環正中心地段，地點夠哂方便！———————————————————🌟ANTIPASTI 🌟🎈Italian House Bread岩哂鍾情意大利麵包既我地! 餐廳提供自家制House Bread，包括酸種麵包、黑麥麵包及芝士脆脆，搭配意大利橄欖油及黑醋，食法夠哂正宗及傳統，好出色~———————————————————🎈Tartare di Fassona, caviale e tuorlo marinto 🍽️"Piemontese Fosonna" beef tartare, oscetra caviar, pickled egg yolk sauce, sourdough croutons頭盤必試呢度著名既牛肉他他～擺盤精緻，牛肉粉嫩、鮮味十足，仲加入矜貴魚子醬，咸咸香香，提升口感，上層仲加入左soudough粒，層次感十足，大推!———————————————————🌟SECONDI🌟🎈Merluzzo nero🍽️Baked black cod, smoked pepper sauce, baby bok choy, salsa verde主菜我地就揀左煎焗黑鱈魚，廚師心機之作~黑鱈魚先焗後煎，外層魚皮白脆，魚肉夠哂嫩滑，魚油味突出，下層以中式既白菜仔伴菜，加入煙燻黑椒味，更能提升鮮味!🎈Contorni - Side Dishes🍽️Patate al forno - Roasted potatoes with Rosemary🍽️ Spinaci saltati - Sauteed Spinach配菜我哋就揀咗兩款，包括香草焗薯角 及 香炒菠菜～焗薯角份量十足，加入Rosemary 後味道更昇華，伴埋芥辣醬及蕃茄醬，食得更惹味！香炒菠菜鮮嫩十足，入口滑順清新，健康之選！———————————————————🌟PASTA🌟🎈Pappardelle al ragu di guancia🍽️Homemade fresh pappardelle, 24-hour braised beef cheek ragu餐廳招牌菜式就係各款自家制手工意粉，一於揀返款慢煮牛面頰寬帶麵先~牛面頰經24小時慢煮後，肉質夠哂鬆軟，牛味濃郁~而寬帶麵麵條口感超彈牙，掛滿由蕃茄及香草煮制既醬汁，每一啖都食得好滿足~———————————————————🌟Pizza🌟🎈Margherita🍽️Fior di latte" mozzarella, tomato sauce, fresh basil餐廳設置半開放式廚房，即叫即焗傳統意式風情Pizza，加上採用傳統炭爐烤焗，夠哂地道正宗~我地揀左最經典既Margherita口味，加入大量Mozzarella芝士、蕃茄醬及羅勒葉，夠哂傳統~餅底厚薄適中，餅皮烤至焦脆，內裡質感煙韌，加上拉絲既Mozzarella芝士，超滋味!———————————————————🌟DOLCI Desserts🌟🎈Tiramisù🍽️Lady fingers, Arabica espresso, mascarpone cream, cookie呢款Tiramisu 賣相夠哂特別，上層放左大大塊曲奇，原來內有乾坤!由店員即席敲碎曲奇，香滑濃厚既Tiramisu原來放左係下層，好特別既安排! Tiramisu入口細滑濕潤，咖啡及酒味突出，搭配曲奇餅碎一齊食，口感十足~🎈Profiterole al mont blanc🍽️Profiterole filled with chestnut cream, craquelin, candied chestnuts, warm Valrhona chocolate sauce作為栗子控既我，當然要試埋呢款以栗子為主題既泡芙! 泡芙外脆內軟，加入以栗子打成既忌廉、糖漬栗子粒，栗子味相當香濃！每款食材制作過程繁複，可見甜品師父功架十足~店員再於上層加入暖笠笠既朱古力醬，入口更加香甜滑順，係一款好精緻又有內涵既甜品~———————————————————🌟WINE BY THE GLASS🌟🎈Pinot Noir (RED) - Justin Girardin "Bourgogne" 2021🎈Sauvignon Blanc (WHITE) - Alois Lageder 2020係呢個咁優雅既氛圍用餐，當然叫返兩杯酒慢慢歎~朋友揀左入口果味濃郁既Sauvignon Blanc白酒，入口微微酸，搭配魚類及芝士等食材就岩哂~我就揀左餘韻味十足既Pinot Noir 紅酒，易入口之餘，用黎搭配牛肉他他及Pasta 更加係perfect match!———————————————————👅整體小總結先介紹餐廳既環境，裝修及陳設充滿歐陸式既古色古香，優雅浪漫，燈光柔和，情調及用餐氛圍無得彈~食物方面，餐廳由米芝蓮星級Chef Enrico Bartolini 開設，菜單以時令食材炮制以及定期更換，正宗意大利風味，質素夠保証!值得一讚，店員服務殷勤有禮，上菜、擺碟及添酒都十分專業，令我同朋友仔可以chill 住咁慢活一晚，超級值得一試啊❤️———————————————————
继续阅读
同男朋友去aia玩，玩完經過中環mtr附近大廈spiga 廣告牌幾吸引， 所以就上去試下。一入到去感覺好高級，仲分左室內外區。 地方寬敞，配合微柔燈光同復古設計，環境好有情調。前菜叫左個cold cut精選拼盤， 有成6種唔同種類既風乾火腿， 每款味道都唔同，有d咸香味濃，有d質地柔軟， 有款部位仲好特別比較硬身口感似牛肉乾， 配合橄欖，蕃茄乾同甜甜嘅洋蔥醬，真係勁有意大利風情， 岩哂一大班人配埋酒 chill住食。Beef Tartare 呢道前菜好出色，牛肉質地柔軟，口感嫩滑，配合左黑魚子、蛋黃醬、薄荷葉、烤土司片等配料，增添豐富層次和風味。主菜黑鱈魚肉質鮮嫩好滑， 皮煎得好香脆，配菜白菜仔放低，但炒得蒜香味好濃郁， 醬汁帶有小小紅黃椒既味道，成個感覺好fresh慢煮牛配自家製闊條麵，呢個真係必點，牛肉面經過24小時慢煮成肉醬， 牛味香濃，口感細膩，配上自製煙煙unun 闊面， 每一口都掛滿肉醬，超正，唔夠喉😝。最後當然食餐廳 signature tiramisu , 勁大份 ，好靚影相一流，上面係餅，敲碎後加埋底部既tiramisu一齊食，又唔會太甜，充滿層次口感，又係必叫甜品。
继续阅读
Spiga (中環)中環皇后大道中31號陸海通大廈3樓。Spiga相信唔少人都識，特別係中環番工或者蒲開嘅一定唔會陌生 🤓 搭地鐵嘅話D2蘭桂芳出口一出就到～ 港島區番工嘅去一去queen's road就會搵到佢 😌。今次黎試過佢個tasting menu ($698/person), 唔洗用腦又食到曬signature dishes就最鐘意 😝。Tagliere di affettati selezione "Coccia Sesto"個名咁複雜，其實係ham plate 🤣 有幾款ham ham，又有salami，配上新鮮olives同onion jam，充滿意大利風情 🇮🇹。Tartare di fassona, caviale e tuorlo marinato 我好鐘意食beef tartare，今次仲加埋珍貴嘅caviar，拌勻egg yolk sauce一齊食，加埋有sourdough croutons脆脆嘅口感，形成強烈對比 👍🏻。Linguine all'astice龍蝦意粉係餐廳嘅招牌菜，龍蝦汁無過鹹，龍蝦起肉切粒，我反而幾鍾意食呢個portion，無咁漏同飽 🦞 。Merluzzo nero Baked black cod係對版的 🐠 魚皮煎脆，魚肉嫩滑，幾欣賞佢個smoked pepper sauce，味道好特別。Panna cotta zucca a melograno最後甜品係panna cotta，creamy口感又唔甜，為呢一餐畫上完美句號 😍。@spigahongkong 。#gpigcentral
继续阅读
行過中環想搵間好少少嘅餐廳，d出口一出說見到Spiga，而且見網上評價唔錯就嚟試下！Burrata e carciofi這道菜以新鮮的水牛芝士，烤過的朝鮮薊和朝鮮薊醬，搭配嫩葉生菜沙拉製成。水牛芝士質地柔軟，口感豐潤，與烤過的朝鮮薊的香氣相得益彰。朝鮮薊醬提供了一種獨特的風味，並為整道菜增添了豐富的層次感。嫩葉生菜沙拉帶來了清新的口感和平衡的風味。這道菜既美味又健康，是一道值得推薦的素食選擇。Tartare di Fassona, caviale e tuorlo marinato這道菜以皮埃蒙特地區的Fassona牛肉他他，鱘魚子，醃製蛋黃醬和酸麵包丁為特色。新鮮的Fassona牛肉經過細心處理，帶有濃郁的肉香和嫩滑的口感。鱘魚子提供了豐富的鮮味和微妙的鹹味，與牛肉完美融合。醃製蛋黃醬增添了濃郁的口感和微酸的風味，而酸麵包丁則提供了額外的口感層次。這道菜展現了高品質的食材和獨特的組合，是一道令人愉悅的開胃菜。Pappardelle al ragù di guancia這道菜以自製的寬麵條和慢燉牛頰肉醬為主要材料。自製的寬麵條富有彈性和柔軟的口感，與24小時慢燉的牛頰肉醬完美結合。牛頰肉經過長時間的燉煮，讓肉質變得極為軟嫩，散發出濃郁的肉香和口感。這道菜的美味在於牛頰肉醬的豐富味道和麵條的口感，讓人愛不釋手。Roma - Hong Kong 這道菜以白菜、老干媽辣椒醬、羅馬羊乳酪和鮮花奶酪製成。新鮮的白菜與老干媽辣椒醬的辛辣風味相互輝映，增添了菜餚的獨特風味。羅馬羊乳酪提供了濃郁的奶酪香氣和鹹味，而鮮花奶酪則為菜餚帶來了豐富的口感層次。這道菜將中國和羅馬的元素融合在一起，呈現出令人驚喜的結合。Merluzzo nero烤黑鱈魚、煙燻胡椒醬、小白菜和莎莎醬為特色。烤黑鱈魚保持了魚肉的鮮嫩和濃郁的味道，配上煙燻胡椒醬增添了微妙的辣味和煙燻風味。小白菜提供了清脆的口感和蔬菜的甜味，而莎莎醬則為菜餚帶來了一種清新的風味。這道菜結合了烤魚、蔬菜和醬料的多重層次，呈現出豐富而平衡的口感和風味。以上這些菜品在味道和口感上都有獨特的特色，以精心挑選的食材和創意的組合為食客帶來了令人愉悅的用餐體驗。每道菜都展現了廚師的烹飪技巧和創新的烹調理念，值得一試。無論是素食還是肉食愛好者，這個菜單都提供了多樣化的選擇，讓人難以抗拒。無論是浪漫的晚餐還是商務聚會，這些精心設計的菜品都能為用餐體驗增添色彩。
继续阅读
餐廳環境幽靜同埋佈置高尚，而且戶外平台位置有酒吧，適合放工happy hour或者食完飯同朋友去飲杯嘢傾吓。今次我哋叫左set，貪方便唔使諗本身以為份量都偏細，但其實都ok 最終都食到好飽。上餸速度夾得啱啱好，食完一道菜就會上下一道。一開頭會送上麵包盤，有唔同種類麵包同埋餅乾。食得出麵包同自家製牛油好新鮮。頭盤有拼盤和生牛肉他他。主菜有鱸魚和龍蝦意粉，甜品係好似燉蛋定係吉士嘅布丁。全部食物同味道中上，色香味俱全。整體來講，好適合周年紀念或者生日，值得一試
继续阅读