SOYMYLK.CO

营业中

休息中

非常解渴！入口即溶！口感獨特！價錢親民！環境乾淨！素食友好！食落甜甜地但無糖！真的找不到它的缺點耶！願稱之為六邊形戰士🤣 以後來新都會廣場行街一定會再幫襯！上甜品速度都好快，讚

去開葵廣做野，行吓去到新都會廣場，見到有間新開嘅荳品飲品店， 賣有機豆漿。原來仲有其他飲品，餐牌太多嘢揀，作為抹茶控，眼中只有綠色。試咗個有機抹茶豆乳，見佢抹茶粉倒完一勺又一勺，1D都唔孤寒。飲落好香豆味，叫埋少甜飲落毫無罪惡感，飲完唔會封後唔會好甜膩。如果有得加紅豆應該仲正比起嗰啲人造糖嘅手搖飲品，感覺健康得多，可以留返啲quota食下其他小食下次經過會試埋其他甜品，見佢啲樽裝黑芝麻豆漿都好靚仔。

今日12點鐘去到，見到已經開左個閘，但係入面d員工係廚房大大聲傾計，係櫃台叫極都唔應，唔想做生意可以關舖，明明應該係11點開門，你要準備我都理解，但係都12點喇，點解唔可以係counter位擺個叮叮方便下叫人呢

好欣賞佢嘅豆奶，好豐富嘅大豆味，而且質感濃厚，又滑又香，再配搭佢嘅斑斕咖央多士，夠熱嘅多士，溶咗嘅牛油同咖央，咬一口，非常好味味道，而且淡淡嘅牛油味，再加斑斕咖央嘅味道，實在係大滿足，口感非常豐富，層次感難以形容，再配返一啖豆漿，簡直就係絕配。佢嘅豆腐花，同樣精彩，非常之滑，加少少糖，簡直美味難忘。環境衛生整潔乾淨，交通非常方便，喺地鐵站對面，職員嘅態度非常之好，仲講解好多俾我聽，獲益良多，值得推薦。

又返去前公司葵芳附近同個客坐低傾一陣嘢。之前行過新都會廣場四樓哩間豆奶飲品一直想試，佢都有好多款揀，不過唔想黃昏飲咖啡同飲啲甜底/糖漿嘢﹐於是響綠茶同玄米茶之間糾結咗一陣，最後都係揀穩陣綠茶有機豆漿($38)少甜少冰。綠茶粉加豆漿，綠茶味唔算太出，但豆香濃，而且真係唔甜，飲落順滑，手調飲品三十零蚊唔算貴。堂座啲枱比較細，店面光猛﹐望入去水吧收銀都幾乾淨。純粹好奇，唔知要日賺幾多先夠交租…? (目測都有唔少外賣單。)

#太耐冇去葵芳 見到有個廣告牌先知新都會開左間有機豆奶甜品店 即刻去試一試先💫 店內有一幅好靚嘅插畫牆可以打卡📸今次試左💚抹茶有機豆奶身為抹茶控既我一見到呢杯就諗都唔洗諗🍵抹茶味好香濃 用左豆乳都好香滑唔會好甜 可以encore 👍🏻店鋪仲有好多口味 下次試下oreo 先～仲有支裝豆奶可以買走💓📍 SOYMYLK.CO (葵芳)葵芳興芳路223號新都會廣場4樓493A號舖

好舒服的小店，食了芝麻豆腐花，可選不同糖，薑糖、桂花糖都好食！糖分開上，好的色，仲要有一小杯淡豆漿俾你加入豆腐花之中，令豆腐花更加滑，本身佢個豆腐花已經好滑。其他飲品都好似好吸引，下次再去試吓，推薦！小店難做，覺得佢做得好有誠意，所以專登寫食評，唔係廣告，純街坊意見。

係葵芳新都會廣場，新開左一間有機豆奶甜品店。店內有一幅好靚嘅插畫牆好搶眼，係嚟自香港插畫家「JasonTommy小塗蛙」，畫左一杯豆漿由生產到入樽嘅製作過程，真係好特別啱晒打咭呀📸 🍵抹茶紅豆豆奶蓋 $48身為抹茶控必飲！抹茶和紅豆perfect match，抹茶味香濃，豆奶抹茶混合咗飲落更加平衡，加埋奶蓋入口更加香滑❣️🌼桂花咖啡豆奶拿鐵 $36豆奶做成的咖啡拿鐵，入口特別滑溜，桂花的清香好特別，女生大愛🫶🍪黑芝麻奥利奧加豆奶蓋 $46Oreo朱古力味濃郁，黑芝麻中和朱古力的甜，加埋奶蓋無得輸👍🏻🥛支裝純豆奶 (少甜/走甜) $28有機黑芝麻豆奶 (少甜/走甜) $38佢地既支裝豆奶用上有機豆做成，有少甜同無甜比你選擇，飲過你就知有幾香濃，絕對係健康首選，仲方便攜帶😍❄️黑糖雪花配豆腐花豆腐花可以跟個人喜好加入不同配料🥰(可加芋圓、小丸子、桃膠、珍珠、燒仙草、紅豆、紫米、涼粉、燕麥、水晶和咖啡啫喱）個人就最鍾意芋圓，煙煙韌韌口感十足😋

葵芳新都會廣場最近開左一間以豆製品為主嘅甜品店。望一望餐牌，原來都有幾多選擇，有豆奶、咖啡同豆腐花，每款都好吸引好想試。因為想食奶蓋，最後叫左一杯黑芝麻奧利奧加奶蓋，甜度同冰量都有得揀，唔鍾意太甜嘅我叫左少甜少冰。黑芝麻味濃厚,，又有好香嘅豆奶味，奶蓋嘅甜味亦啱啱好，就咁食都唔會膩，感覺幾健康，自己飲完一杯都唔會有罪惡感😝😝鋪頭裝修簡潔，有少少位可以坐低慢慢飲，係行街行到攰又口渴嘅時候嘅唔錯選擇。

相比起牛奶 個人一向更加鍾意豆乳 見到葵芳開咗豆乳店 專程去試吓！聽店主講品牌來自馬來西亞🇲🇾❝比利時朱古力豆奶 $32 飲開走甜嘅我都建議一定落糖 因為佢哋採用100%可可🍫 加無糖豆漿調配 就咁飲真係有啲寡 選擇少甜就啱啱好啦！相比起豆乳狂人 SOYMYLK .CO嘅杯裝豆乳比較輕盈 而且甜度嘅選擇亦比較多當日佢哋咁啱有提供支裝豆乳嘅試飲 發覺質感相比杯裝更為濃稠 鍾意濃稠嘅朋友可以選擇支裝！。。。。。。。。。。。。。。。。。。。。。。。SOYMYLK.CO葵芳興芳路223號新都會廣場4樓493A號舖。。。。。。。。。。。。。。。。。。。。。。。

今日行過見到舖頭新開張，除咗豆奶類飲品，仲可以食自選配料嘅豆腐花。員工非常熱情招待，有提供小杯試飲，有原味無糖豆奶，以及黑芝麻豆奶。一入口非常驚艷，因為口感超級濃厚，有輕微顆粒口感。有見及此，我們立刻買了一杯黑糖豆奶蓋咖啡加仙草凍，當是飯後甜品。第一次嘗試豆奶蓋，味道較淡，但是質感較厚和滑，配上同樣低糖的咖啡，起到提神作用。仙草凍大粒彈牙，而且屬於健康食品，多食都唔怕。外賣拎走嘅黑芝麻豆奶，有超濃縮嘅感覺。可以揀無糖或少糖，客人可揀自己口味。下次有機會再來，一定要試試自選配料豆腐花！

某日經過葵芳新都會，見到有間新開既茶飲店，佢地主打豆漿飲品， 門口有得試飲， 咁就試下啦， 初時唔知點解會咁杰但好有豆味， 問左先知原來同一般豆漿唔一樣，係壓榨的方法造的。 飲完之後又覺得啲豆味唔錯， 啲豆味停留左係口入面好耐，會再次光顧的。另外亦有不同甜度選擇， 我比較喜歡無糖。仲有其他口味可以揀，如咖啡等，亦有豆花配合不同要求店舖都幾整潔， 特別喜愛佢塊featured wall, 唔知出自邊個手筆呢？下次都想試埋佢啲小食同三文治。