SOYmart by 豆乳狂人

营业中

休息中

行過河畔想買宵夜，就想買久違嘅豆乳狂人！第一次試佢啲嘢飲，就係香港人對甜品嘅最高評價：唔甜！好飲！🙂‍↕️🪄 紫米豆乳 ($30)因為想搵嘢咬吓所以叫咗紫米，份量都幾多！豆乳唔係好甜，豆香幾出～飲落口感幾rich🙂‍↕️🪄 黑白芝麻豆乳 ($30)芝麻味幾香但唔算濃，豆味會比較出～ 口感都係比較厚身，飲落都飽肚～.一句總結⚡️當糖水飲都幾好～唔算好甜！SOYmart by 豆乳狂人 📍沙田河畔花園地下28號舖🚙 泊車指數: 河畔花園附近就有街錶～不過極少量，喺的士站隔離～

豆乳狂人係近期其中一間會engore既甜品鋪呢排佢地出左榴槤系列今日終於買黎試D24榴槤糯米飯好似食芒果糯米飯嘅豪華榴槤版，糯米煮得軟熟煙韌，配上濃郁嘅D24榴槤肉，香氣撲鼻，榴槤味濃而不膩！椰奶醬汁調得啱啱好，甜度適中，平衡咗榴槤嘅濃烈，口感層次好豐富。多芒小丸子個人心水No.1！😍 小丸子煙韌彈牙，咬落有Q彈，配上滿滿嘅西米同大大粒嘅芒果簡直係料多過糖水！芒果甜度自然，入口清爽又滿足。桂花凍豆乳豆乳本身口感順滑，帶有淡淡嘅豆香桂花凍晶瑩，咬落彈牙，帶出陣陣桂花清香同微甜豆乳嘅綿滑同桂花凍嘅Q彈形成好有趣嘅對比，提升咗整體嘅清爽感。

今日請咗朋友上屋企食飯🍽️飯後就介紹咗佢哋去我近期最愛嘅甜品🍧店買外賣返屋企嘆💕✨超煙韌榴槤奶蓋$80 店舖推出期間限定嘅榴槤系列❗作為榴槤控嘅我當然要買嚟試試啦🥰一杯有齊D24榴槤肉、小丸子🍡、珍珠🧋、三色芋圓及榴槤奶蓋，榴槤肉食落超香濃💖，榴槤奶蓋好香滑，而且非常足料，真係令人無法抗拒❗✨多芒西米$42 芒果🥭酸酸甜甜好開胃，西米晶瑩通透，粒粒分明，咬落彈牙🦷，口感層次非常豐富！椰奶加埋芒果🥭汁，配搭出夏日☀️嘅味道❗✨多芒小丸子$45芒果🥭勁鮮甜，小丸子🍡煙韌又Q彈，一杯有齊芒果、小丸子、西米及椰奶🥛，食落又好味，真係超滿足💕

沙田「豆乳狂人」一直係我嘅私藏名單，主打創意豆乳料理，由甜品到主食都充滿驚喜！今次專程為咗佢哋嘅黑糖珍珠豆花、多芒小丸子、吉列豬扒栥蛋飯。🍮 黑糖珍珠豆花▪️賣相：打卡度100分！琥珀色黑糖漿掛滿嫩滑豆花，珍珠堆成小山超治癒～  ▪️口感：豆花入口即化，豆香濃郁唔會水汪汪；珍珠煙韌得嚟唔黏牙，黑糖甜度剛好。  🥭 多芒小丸子（芒果控必點）▪️真材實料：用呂宋芒打成果泥，甜中帶微酸，仲有勁多新鮮芒果粒爆汁！  ▪️小丸子：每日手搓，軟糯Q彈，沾滿椰香湯底簡直絕配～  ▪️西米： 晶瑩通透，口感滑溜🍖 吉列豬扒栥蛋飯（鹹食之選）▪️驚喜度：以為甜品店主食會伏？錯！呢度嘅粢飯超好賣！ 食材美味豐富爆滿，CP值極高 ，必買之選！

SOYmart by 豆乳狂人 (沙田)沙田大涌橋路20-30號河畔花園地下28號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：超濃郁榴槤奶蓋 $80，蕨餅丸子 $45，多芒楊枝甘露 $45超濃郁榴槤奶蓋：豆乳布丁和三色芋圓濃郁綿密, 特調的椰奶與榴槤肉的香氣亦完美融合, 營造出濃郁而不膩的口感。小丸子和珍珠為這道甜品增添了層次感與彈牙的口感。小丸子的軟糯與珍珠的彈牙形成了美妙的對比, 讓人忍不住一口接一口！😄😄😄蕨餅丸子：蕨餅帶有濃郁的綠茶香氣; 仙草、小丸子和三色芋圓組成軟糯Q彈的口感, 使人回味無窮; 特調的椰奶和黑糖為這道甜品增添了獨特的香甜滋味。椰奶的濃郁, 黑糖的醇厚及蕨餅的香氣形成了絕妙的對比, 值得一試！👍👍👍多芒楊枝甘露：芒果甜美多汁, 果味四溢; 西米軟糯彈牙, 有Q彈口感; 芒果汁酸甜滋味, 消暑解渴; 特調椰奶香醇濃郁, 奶香撲鼻; 金柚碎酸甜適中, 晶瑩剔透, 多芒楊枝甘露集多種滋味於一身, 兼且賣相討好, 色香味俱佳！😍😍😍

同朋友一齊喺呢間有粢飯有小食又有甜品嘅小店外賣下午茶🤣$50「慢煮豬軟骨玉子粢飯 Sticky Rice Roll With Slow Cooked Pork Soft Bone And Egg」：材料包括《肉鬆＋青瓜絲＋玉子＋慢煮豬軟骨＋油條》，粢飯軟熟兼有少少煙韌，豬軟骨炆煮得好腍，油條脆脆哋，一啖咬落去有齊所有食材，幾好食🤣$45「多芒小丸子 Mango With Mini Rice Ball and Sago」：裏邊有《鮮芒果+西米＋芒果汁＋特調椰奶+小丸子》，好大嘅一兜👍，芒果幾鮮甜，小丸子就煙韌，夠晒甜🤣$45「多芒楊枝甘露 Pomelo & Mango Sago」：材料有《鮮芒果+西米+芒果汁+特調椰奶+金柚》，都係好大嘅一兜👍，真係幾多芒果🥭🤩，材料豐富，依然夠晒甜食得人好開心🤣

大熱榴槤系列回歸，作為榴槤控當然要去回味下！牛油果鰻魚玉子粢飯即叫即整，熱騰騰，份量十足。粢飯包裹着肉鬆、榨菜、油炸鬼、牛油果、青瓜絲、鰻魚和玉子，餡料豐富，滋味又飽肚。D24榴槤豆乳豆香特濃的豆乳上加入了D24榴槤肉，果香濃烈，又不失絲滑的豆香，入口滑順，仲有斑斕糯米飯/小丸子，口感更是層次滿滿。超煙韌榴槤奶蓋配料豐富，有D24榴槤肉、特調椰奶、三色芋圓、小丸子、珍珠、豆乳布丁和榴槤奶蓋，既有榴槤香，亦有椰香和豆香，吃起來又煙韌又嫩滑，口感豐富。D24榴槤豆花榴槤份量十足，香甜濃郁；豆花豆味香濃，質地細滑，配上白玉丸子，Q彈有嚼勁，增添了不少層次感，甜而不膩，令人回味無窮。

一向都幾鍾意食呢間嘅甜品，但搬走咗就少左買，琴日特登返去回味一下，點知遇到個女店員十問九唔應，真係叫左佢五次唔該以上先望一望我，但乜都唔講，個陣佢都冇嘢忙緊亦冇serve緊其他客，問佢嘢又係，極度唔情願咁回答。冇下次。

豆乳狂人一向搞作甚多，讓人驚喜連連！最近因應開心果熱潮而推出了開心果食品系列，作為甜品控當然要一試！和風七味炸脆雞 ($40)雞翼入味香口，單骨進食時更加方便，惹味非常。狂人粢飯 ($46)即點即製，熱騰騰，糯米飯煙韌，包裹住酥脆油炸鬼、爽脆榨菜和惹味肉鬆，足料又美味。杜拜開心Tiramisu ($72)帶有濃郁開心果香，手指餅乾吸滿咖啡，食落咖啡味濃，灑上杜拜開心果脆脆和開心果碎，口感與味道兼備。開心芋泥西米露 ($66)芋泥柔軟滑順，開心味道不會蓋過椰香，一口有多重滋味，食得滿足。多芒西米 ($42)份量澎湃，內有滿滿的芒果和西米，相當足料，清涼消暑。咖啡奶蓋豆乳 ($48)奶蓋鹹香，咖啡濃醇，豆味十分濃郁，裡面還有豆腐花和珍珠，增添層次感。

三色芋圓豆花豆花以濃郁的豆乳製成，入口滑順，豆香味濃。三色芋圓軟糯彈牙，紫色芋圓係紫薯，白色芋頭，黃色番薯帶有微微的甘甜，滿滿溫暖。拉絲麻糬芋薯豆花有最鍾意嘅拉絲麻糬。以豆花為基底，加上辣味十分嘅薑湯水。豆花依然入口即化，充滿大豆香。亮點一定係拉絲，麻糬軟韌Q彈，食得出微甜嘅米香，而且韌度十足，絕對能夠拉絲。仲有大大件三色芋薯，粉嫩芋頭、與金黃香味番薯，仲有香香紫薯。完完全全就係番薯湯水加豆花。

好耐冇食過粢飯呢個好好食入邊啲餡料好味道外賣送到過嚟仲係熱辣辣。 一個粢飯加一個糖水$104牛油果吉列蝦青瓜絲粢飯 46鮮芋泥西米露49 一個人就係食唔晒，兩個人每人一半啱啱好！ 啲飯粒粒分明，唔會過份煙靭。 有兩隻蝦有啲牛油果蛋很不錯，下次都會再叫。糖水本身諗住嗌Oreo，點錯咗。 好多香芋泥好正好足料。

勢估唔到😂連豆腐花達人都出埋開心果系列既甜品😝但係開心果控既我都係唔小心買番份試吓😎個開心果奶蓋同埋啲開心果碎粒令我成口都係開心果既味🥰入面既材料都算多😗有啲西米芋圓仲有冰糖凍😂我感覺到我不斷要嚼嚼不停🤣整體黎講都叫足料😂但係未必話同開心果好夾😌同埋性價比相對黎講就無咁高啦🙂雖然話開心果醬😚奶蓋同埋啲碎粒好豐富😍但係賣到將近70蚊就會令大眾有更多更好既選擇😝希望下次既期間限定會更出色啦

Blingbling美食推介✨📍沙田🍮SOYmart by 豆乳狂人✨ 超多選擇豆花/豆乳甜品😋💠💠💠💠💠💠💠💠黎開呢頭點可以唔食豆乳狂人！沙田分店只做外賣，大家要注意啦😉 豆乳狂人既豆花同豆乳一向都好濃都味，而且仲好有創意，係我好鍾意既甜品🥰💠超煙韌豆花 $42超煙韌豆花係我all times favourite🧡 有芋圓，小丸子，珍珠同奶蓋😍真係口感一絕！豆香濃郁得嚟唔會太甜🧡💠超煙韌Oreo奶蓋 $48超煙韌Oreo奶蓋真係好邪惡‼奶蓋濃郁綿密，帶住Oreo餅碎嘅脆口同朱古力香，豆花超滑☺罪惡感滿分但忍唔住食晒成杯～ Oreo控必試！餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5

難得黎到河畔，即刻去買bookmark左好耐既甜品小食粢飯店🤩甜品份量一d都唔少，女士們可以share一碗食，足料絕無揸流攤。亦要大讚既絕對係呢到既粢飯。大家一定要黎試下⭐️粢飯萬歲⭐️🌟多芒小丸子$45🥭大量新鮮芒果，芒果汁、椰汁加西米配上軟糯煙靭既小丸子🌟Oreo奶蓋珍珠布甸$52🍮🍪芝士奶蓋好厚，珍珠煙煙韌韌加埋大量既Oreo碎，非常邪惡。原塊Oreo會分開裝起，唔會浸到淋晒值得一讚👍🏻🌟狂人粢飯$28成日覺得食粢飯一定要先試原味有適量榨菜，滿滿既肉鬆，油炸鬼好脆食起黎口感豐富，食完一啖又一啖🤤果然原味已經好正，勁足料👍🏻必食粢飯⭐️下次要試埋其他粢飯·牛油果玉子鰻魚粢飯·吉列豬扒蛋粢飯都好似好吸引呢☺️總結：被甜品耽誤的粢飯店🤪

好耐無食過豆乳狂人，好掛住佢嗰濃郁嘅豆乳味道！今日難得喺沙田圍見到呢間鋪，於是一次過買咗好多返屋企🥳🔘黑白芝麻豆花 $28豆花味道濃郁，質地滑嫩厚實，芝麻香氣四溢，最鍾意佢甜度啱啱好，完全唔怕太甜！🧋Oreo奶蓋珍珠布丁 $52布丁層次豐富，Oreo嘅香脆配上濃郁奶蓋同埋彈牙嘅珍珠，口感非常好~ 🥭多芒小丸子 $45成碗都充滿新鮮嘅芒果果肉，咬落去有驚喜，裡面仲有好多西米同丸子~🥑牛油果鰻魚玉子粢飯 $46呢個粢飯好有創意，有別傳統！粢飯餡料非常豐富，除咗傳統嘅油炸鬼、青瓜、肉鬆之外，仲有綿滑嘅牛油果，玉子同埋鰻魚，味道相當夾，咬落去充滿層次感~💚抹茶紅豆小丸子 $48抹茶味道濃郁，飲嘅時候仲會食到香甜嘅紅豆同埋小丸子。小丸子口感煙韌，咬落去彈牙又飽肚。🍫特濃可可豆乳 $24豆乳濃郁得來又唔會過甜，巧克力味道十足，好好飲！🖤黑白芝麻豆乳 $30黑白芝麻豆乳嘅風味獨特，滑順可口，味道香濃。🍯桃膠豆乳 $30口感爽滑嘅桃膠搭配豆乳，味道非常好，清新可口，健康又美味。