Soho Banh Mi (已結業)

首先讚一讚OpenRice搜索引擎，令大眾真係會搵到當時方便易搵既食店，今晚踏進店內的確沒太多顧客，店面的座位未坐下都覺得不是太舒適，因為是矮枱矮凳，未食已經覺得食嘅時候會好辛苦因為要彎腰低頭，牆壁掛了食物餐牌亦有一個易拉架的食物餐牌，它的裝潢確實簡單，未食就有少少擔心伏味濃。是晚突然想吸收一點澱粉質但竟然沒有飯，唯有改點豬扒濛粉，不似平時食開的濛粉，有點似米線，但幼條兼少少彈牙，加有「𡁻口」的，食物是意想不到的好味。另外都點了春卷濛粉，春卷炸得剛剛好又香，都是一般越式春卷應該有的餡料。點餐加$18就有杯越式咖啡，以為是正宗滴流的，但又不是，形容為帶炭燒味又少少苦的黑朱古力咖啡，夠熱，好飲既，不過提一提大家晚餐七八點喝咖啡代價就是現在零晨三點鐘寫食評比大家引以為戒。寫完，係時候去訓，希望訓得著。

直接啲講貴就貴咗啲，不過真係好食🥺。兩間分店都試過，分別喺灣仔同荃灣，兩間分店都好靚。荃灣分店有少少難搵，如果唔係去朋友屋企經過都唔會食到🤔。越南豬肉法包 Signature Pork Banh Mi $68超級好食，可能因為嗰啲豬肉有少少似腩肉🥰。有少少肥膏令到個包無咁單調😌。同時個法包唔算好乾嗰種越南包，加分。我好怕食嗰啲越南包係一擺入口就會介到個上顎😂。材料非常之多，多到我一路食一路跌。相比起撈檬粉，我覺得$68個法包更吸引，食完之後好飽😍。越式春卷撈檬粉Spring Rolls Bun Salad $88春卷超級脆，總共食咗兩次。第一次喺店內食，脆都係理所當然😛，第二次係外賣去朋友屋企食，輾轉間15分鐘先食到，啲春卷仲係脆架，痴線架😆。呢啲真係真材實料，抵佢賣$88 。檬粉份量岩岩好，加埋啲菜飽到嘔。越式雞翼撈檬粉Chicken Bun Salad $88雞翼好食，同樣好似春卷一樣炸得好好食，呢個唔同平時嗰啲生炸雞翼或者炸醬係面，所以唔算係好熱氣😚。醃得好入味，嗰種調味料唔止係流於表面，係醃咗入肉裡面👅。有少少擔心佢開到咁偏僻，唔知會唔會做得住，灣仔同荃灣分別都好食💗。埋單$2

因為媽咪係越南華僑，所以我地都好鍾意周圍試唔同嘅越南餐廳。依間SOHO Banh Mi食物味道非常正宗，由越南老闆娘主理，檯凳餐具都係喺越南運過黎，簡直去左越南咁。1️⃣ 豬肉越式法包 $68特別訂造嘅麵包外脆內軟，配上自家製嘅肝醬，豬肉，同大量醃蘿蔔。味道平衡非常好，大份，男仔都夠飽。2️⃣ 雜錦撈檬 $88雖然價錢唔平，但分量十足，有3條春捲，燒雞扒，燒魚柳，檬粉，同大量蔬菜。質素高，開胃，值得一試！但一個人食會飽到飛起。我都有提議老闆娘不如出個平啲嘅細份版。仲有其他湯檬，米紙卷等菜色😋

有日坐巴士經過見到一間新開小店，招牌係一個好掛住又熟悉的字體🤩屋企附近竟然開了間越南街頭小食店soho banh mi😍以後想越的時候就方便就腳啦😆 表示感動～Search 下呢間小店原來係港島都有分店的😃呢晚想食個light supper… 點了個 bunsalad ，有越南凍粉，青瓜蘿蔔絲，紫椰菜，芫荽，花生🤤配料揀了春卷，仲加了牛油果。 已經變得唔light了🤣🙈雖然係外賣，但份量都唔算少，好好料，加上魚露，酸酸甜好香口，好好食啊😍😍

第一次寫食評，這間小店灣仔總店常常幫襯，已經非常欣賞，知道荃灣開了分店，雖然地點有點不方便，今天特登開車去捧場，平時一定食法包了，今天試吓春卷和越式湯粉，食完都非常有驚喜，所以特登寫第一篇食評支持下小店。