影片
食家推介
火锅店近几年越开越多，要找些高质素而性价比高的火锅店越来越难。今次误打误撞去到土瓜湾一间火锅店，装修时尚，干净企理，见价钱合理，入去一试。👍🏻👍🏻一入门口，侍应招呼殷勤，有笑容，安排我和朋友坐卡位，卡位宽敞，足够四至六人坐。🕺🏼🕺🏼打边炉当然最紧要系嘢食啦，叫咗个牛肉拼盘，有8款，款款新鲜，仲有刁钻部位，牛黄喉同牛骨髓，一食已经知系新鲜货。卖相靓，份量多，我同朋友都十分满意。另外必要推介嘅系炸响铃，坊间都有好多即炸嘅响铃，但系呢度做到即炸而唔油腻，仲要入口松化。汤底点咗鸳鸯锅，鸡汤味道浓郁清甜，麻辣锅辣味有层次，唔系一般货色得个咸字。黑松露虾饺，自家制，虾肉弹牙鲜甜，黑松露味刚刚好，好balance，唔会盖过虾嘅鲜味。🦐🦐由于唔系太肚饿，冇特别点其他𩠌，但系见隔篱枱啲刺身海鲜都好新鲜，下次可以一试。🐟🐟正如标题所说，打边炉，新鲜才是王道，环境好，服务好，卖相好，全是bonus。十分满意的一餐！😋😋
继续阅读
上年土瓜湾区开咗好多新食店，其中一间就是这间食店，之前上手火㶽店听闻无乜客又成日比人投诉，但现在新开这间火锅新店就完全唔同，老板话把自己最喜欢食火㶽、饮啤酒、食串烧，三样嘢咁就全部放晒落舖头度，又真系几特别㖞！当晚我工作完同一班朋友落去食，真系超好味😋牛肉的质素超好，我最like佢嘅蕃茄汤底，超浓无得输呀！我地仲食咗墨松露水饺，新鲜淮山，海带，油墨菜等等，真系足料！食到超饱超满足，九点半后仲有六八折，六个人每人都系三百蚊有找。
继续阅读
天时咁冻一定系一家人一齐打边炉㷫恰恰暖笠笠🤤今次就去左土瓜湾一间隐世火锅店。首先一入门口第一样一定要赞嘅系环境真系好整齐干净，因为除左啲大集团嘅火锅店系比较干净外，其他嘅小店都一般般。但系呢一间店绝对系好，好，好！！啲枱櫈地板唔会有油立立感觉，坐得劲舒适，第一印象已经加分✅️当然一间火锅店最重要系除左个炉就梗系个汤底啦🤣我嘅打边炉习惯系要拣可以饮嘅汤底，所以我就拣左昆布同蕃茄薯仔汤底，系开始滚之前一定要饮啖汤先，好想讲佢地嘅汤底系无味精味，特别系蕃茄薯仔我地仲饮左成半煲。🤣（餐牌）唔试过真系唔知，一间土瓜湾小台嘅食材竟然会唔hea仲可以咁新鲜😍头盘我地叫左一个象拔蚌刺身🥢象拔蚌刺身以冰底冰震住，keep住新鲜同温度，装饰仲好靓添。（象拔蚌刺身相）象拔蚌刺身咬一啖劲爽口，一啲都唔腥，鲜味仲充满住成个口腔，自己一个食左三分一盘，实在太正🤤最后我地食净个内脏，问台员姐姐可以点处理，佢教我地可以放落汤底滚，可以增加鲜味，又的而且确几吊味，值得一赞💯🫶（牛天梯，猪朋狗友相）之后我地叫之呢度嘅招牌牛天梯同埋猪朋狗友，佢地分别系不同牛肉嘅部位，简直系我呢个牛魔王嘅至爱，一次满足哂我食牛嘅愿望🤗而另一款就系猪肉大集合，钟意食猪嘅朋友一定要试，有猪腩肉猪肉丸等等，真系大满足呀！！（其他食物相）（汤底相）好耐未试过打边炉系食哂所有野食，一定会再黎呢间充满住诚意嘅小店食🍲一个小秘密，听介绍嘅朋友讲，如果好彩有时夜晚时段仲会撞到歌手明星🤩🤩
继续阅读
朋友介绍嚟呢间打边炉，卡位坐得好舒服，侍应都好nice，一坐低就问我地食几多蟹，帮我地落单蒸咗先，因为做紧大闸蟹promotion，三十几蚊只仲可以任叫，质素仲要唔错！生蚝百几蚊半打，啤酒又廿几蚊人头任饮，感觉几抵！我地叫咗个胡椒猪肚汤底，个汤够香。碟牛好靓，又够牛味，但最估唔到系碟猪都好好味，平时打边炉多数都系叫牛肉拼盘，今次呢个猪几surprise！打边炉隔离原来仲有间bar，转场直接行过隔离就ok，几方便，可惜听日要番工⋯⋯呢间可以encore!!
继续阅读
今日朋友话想食火锅，经常经过嚟间，见到一直在装修期间…个名好吸引人，于是约朋友一齐食饭，5点钟到餐厅，岩岩开始营业，得我哋一台，座位任选，餐厅环境一般，但座位安排都几好，叫左一个鸳鸯火锅，麻辣味都OK，不过不失，虾丸鱼片都可以，其他的羊肉一般，大闸蟹$38，都算便宜，叫左咁多嘢，没有感觉咩特别好味，总体而言唔抵食！如果后生仔女庆祝生日过嚟都好，餐厅旁边有酒吧一条龙服务！我哋打边炉4人共消费1806！最贵的系火锅自餐酱料20/人茶位25/人性价比比较低，下次不会再来！
继续阅读