Sky726

最近去了一家鬧市中的西餐廳，它鄰近旺角地鐵站B3出口，環境寧靜，裝飾浪漫，擁有無敵落地大玻璃，能俯瞰旺角夜景地中海海鮮意粉兩隻大虎蝦🦐，口感彈牙，魷魚圈鮮嫩，還有青口，蜆肉等，這個意粉份量足，比其他西餐廳份量多，而且好味珍寶虎蝦意大利飯也是有兩隻大虎蝦🦐，意大利飯用上龍蝦牛油汁烹調，味道很creamy總體而言，餐廳環境高雅，浪漫，食物質素高！

靚靚夜景西餐 Sky 726 🥂🌃🏙靚靚旺角夜景西餐 🥂🌃🏙係旺角想搵個安靜舒服嘅地方嘆晚餐，呢間係唔錯嘅選擇，坐窗邊可以俯瞰旺角夜景，幾浪漫 🌹💕裝修幾靚，有 artist feel 嘅壁畫，調酒區都幾有 feel，啲燈光幾有情調。檯面有蠟燭，適合同朋友黎聚會或者同另一半黎拍拖👫完美燭光晚餐兩個人試左3樣嘢，都幾豐盛Starter 白酒煮青口（配麵包）😋：青口份量多，配蒜蓉麵包，味道正正常常Main地中海風味海鮮意粉 🍝🦑🦐😋：有驚喜，唔係普通嘅番茄味意粉，有香料味，同普通番茄意粉唔同，海鮮方面有魷魚、青口、蜆，整體幾好食Dessert朱古力心太軟 🍫😋：朱古力味濃，唔會太甜，望住夜景食呢款甜品幾 Sweet 🥰P.S. Staff 都有禮貌，服務好好

🎀Sky726⭐慢煮黑毛豬鞍扒今日想chill chill 地咁enjoy 下風景, 約埋朋友去旺角嘅sky 726 食個Sunday brunch。因為最近食得太多牛扒, 所以main course 揀左慢煮黑毛豬鞍扒。餐廳嘅擺盤好靚, 用醬汁同蕃石榴粒砌左一朵花。黑毛豬鞍扒超級厚, 食落好有滿足感, 而且佢外層烤到焦脆, 但係入面依然口感嫩滑, 做得好好。配菜嘅炒雜菌同牛肝菌醬嘅調味亦做得唔錯, 為成道菜加多幾分。Address: 旺角彌敦道726號25樓

餐廳：Sky726地址：旺角彌敦道726號25樓朋友仔好鍾意發掘香港打卡餐廳，今次佢就帶咗我去旺角Sky726。❤️餐廳喺成幢大廈最高層25樓，一出life就感受到成間餐廳氣氛好浪漫！餐廳有落地大玻璃，大部份餐枱都係大玻璃窗前。焦糖低溫浸鵝肝 $168待應哥哥拎出嚟嘅時候已經聞到好香嘅鵝肝味，肉汁鮮甜，咬落口感一流，推薦！地中海海鮮意粉 $228我同朋友都大讚呢個海鮮意粉嗱！呢個意粉嘅份量足夠兩個人分享！比出面嘅西餐廳份量多，而且真係好好味！香煎美國頂級安格斯肉眼扒 $388嗌咗7成熟嘅肉眼扒，肉質軟嫩。❤️❤️❤️❤️❤️總括而言，餐廳環境浪漫，食物質素不錯！絕對係可以再幫襯嘅餐廳！❤️❤️❤️❤️❤️溫馨提示：openrice訂座，晚餐有88折，生日月有85折。

同耐無見既朋友約食飯,想搵間餐廳環境舒服,可以邊食邊傾計既餐廳食飯,朋友介紹試下呢間餐廳係旺角彌敦道726號頂樓,入到去覺得環境真係好唔錯,幾有情調,可以舒舒服服甘坐低邊食邊講我地叫左3個菜式🍽流心水牛芝士伴番茄 $128鐘意佢既擺盤,好似個雪糕球甘切開入面係軟淋淋,好creamy甜甜地既sauce配個芝士係幾夾有番茄同羅勒汁伴碟,夠fresh👍🏻🍽意大利手卷意粉伴野菌巴馬臣芝士 $168比較少食手卷意粉,呢個手卷意粉既口感好好, 有咬口得黎唔會過硬, 唔會太heavy既番茄醬汁,加埋雜菌同芝士,perfect match！🍽 香煎美國頂級安格斯肉眼扒 $388叫左5成熟, 肉味幾濃, 肉質唔會韌, 有番茄蘆筍薯蓉做配菜本來想叫多個魷魚圈,可惜無貨總括而言,每道菜既質素都好唔錯,係誠意之作加埋用餐環境, 推介🙋🏻‍♀️

本身見呢間餐廳好多好評，就訂左情人節dinner，點知中大伏。成個$1400 five course dinner，不論quality同quantity都好垃圾。尤其d sauce全部都做得好差，同d主食完全唔夾。個羊架更加係超生，完全無曬羊味。服務方面，本身一開始都唔錯，但之後竟然我地未食完main course就直接出兩份甜品夾梗放係檯度，想點啊大佬…依家食完個肚得空虛感，真係好lun失望。大家千祈唔好比d舊好評欺騙大家感情，呢間野試都唔好試🤮

朋友book咗一間係太子同旺角鬧市交界處嘅French fusion空中餐廳,餐廳位於25/F,擁有落地玻璃俾客人一邊食西餐一邊飽覽太子旺角嘅城景,而且餐廳會播輕音樂,加上天花嘅星星燈,好有浪漫氛圍。—————————————————————📍 Sky726地址: 旺角彌敦道726號25樓✍🏻/食評/◍ Tiger Prawn Risotto $218意大利飯用上龍蝦牛油汁烹調,口感好creamy, jumbo size嘅虎蝦都好大隻,蝦肉唔霉,爽口彈牙◍ Sous-Vide liberico Pork Chops with BalsamicGlaze & Cèpes Purée 1pc $188慢煮黑毛豬鞍扒呈粉紅色,肉質厚實而鮮嫩, 配搭埋黑醋汁同牛肝菌醬,整體感覺好出色

今次黎咗試依間旺角嘅法國菜，環境不差，仲要有落地大玻璃可以俯視到旺角嘅街景燒古巴龍蝦尾伴紅花忌廉扁意粉 $288依款意粉嘅忌廉味幾岀，但又唔會太creamy，龍蝦尾冇乜燒焰味，有小小似蒸🫡，但唔係太食得岀紅花嘅味道意大利手卷意粉伴野菌、辣肉腸及巴馬臣芝士 $188依個意大利手卷本身個底都有少少辣，加上辣肉腸嘅咸香幾正😗但芝士味就唔太岀，淨係見到有少少拉絲嘅效果😤黑松露野菌意大利飯 $198Staff 一落枱已經聞到好重嘅黑松露味🤌🏻飯上面有小小芝士碎🤩creamy嘅飯入面亦都有唔同嘅雜菌所以有唔同質感 但係服務態度整體嚟講，比上網嘅冇咁差，嘢食唔係太驚艷，而價錢偏貴📍SKY 726 地址： 旺角彌敦道726號25樓推薦：💛💛💛🤍🤍

兩人同行我哋嗌咗 一個set dinner， 因為本身對餐包湯唔係特別大興趣。 每次食完就飽咗。 選擇左牛扒 set， 不過牛排正正常常，冇乜特別。反而我哋加配咗一個<低溫焦糖鵝肝>好好食， 好肥美，醬汁都match另外我哋仲加配咗 < 意大利手捲意粉 伴 野菌 辣肉腸及巴馬臣芝士>一開始以為係類似忌廉汁， 原來唔係。 好特別嘅配搭，同埋我幾鍾意意粉嘅煙韌。另外一個原因只叫一個set dinner就係 因為 寫住甜品係抹茶奶凍，而我自己本身唔食。 不過最後佢上咗朱古力蛋糕， 原來今日冇抹茶奶凍，轉咗menu。 小小嘅幸福！ 好食另外一提， 提早open rice book位set dinner 88折，main menu 85折！更抵。 同埋可以選擇加入會員，下次有免費嘅送

黎開旺角，見到呢間餐廳拎過好多年必吃食店，睇圖又有勁靚海景嘅sky726，既然地點又咁方便，就決定同朋友黎呢度試下喇！朋友就叫左set dinner,雖然價錢睇落好似唔算平，但包左勁多野食同食落係好有心機嘅。首先有煙三文魚忌廉杯，好有分子料理嘅感覺，估唔到呢個價錢都可以食到咁有心機嘅菜式。仲有個餐湯係西蘭花忌廉湯，飲落好creamy ～主菜方面叫左個板燒羊T骨，朋友就叫左個燒慢煮16小時辣豬肋骨，兩個都燒得好好好惹味，特別燒肋骨好嫰好juicy👍🏻甜品方面有抹茶奶凍，鐘意食甜味奶味嘅未必鐘意食，但鐘意茶味比較濃嘅人（我）就覺得岩岩好喇👍🏻另外再叫左個超打卡able嘅朱古力波波，好睇又好玩，但呢個甜品嘅酒味比較濃，唔飲得酒嘅朋友仔要小心喇～不過呢個景真係好正，喺旺角鬧市中食到咁嘅有儀式感嘅西餐已經好唔錯！

前排女朋友約我去呢間位於彌敦道726嘅「Sky726」西餐廳食飯，整體感覺唔錯，推薦俾大家。餐廳位於大廈頂層，視野瞭闊。室內裝修富有藝術感，餐桌唔會太窄，幾舒服😌主餐牌選擇頗多，食物價錢中上。見呢個套餐幾抵食，就order左黎試下：餐前小食係三文魚蓉，味道香濃，口感幾特別沙律菜好新鮮脆口，同火雞肉鹹鹹地一齊食幾夾。餐湯西蘭花湯好rich，幾正！羊T骨有三塊，份量充足！煎嘅火候控制剛好，好味道甜品女朋友想食跟餐嘅抹茶奶凍，所以我就叫左餐廳推薦嘅朱古力波波雪糕。賣相幾得意，燒熔左朱古力之後同雪糕一齊食非常過癮

又到最期待既星期六緊係要去嘆個靚brunch啦！Sky726位於旺角樓上，地理位置好方便！仲要可以openrice book位，咁就唔驚要排隊啦～呢度環境好舒服，有落地大玻璃，可以睇到旺角既街景，相信如果黃昏黎仲可以睇到日落🌄Brunch都有幾多選擇，意粉，扒，all day breakfast等，加$48就可以轉做餐，有湯，包，沙律同飲品！我就叫左個Salmon Benedict 配鬆餅，另外加左套餐，先上左沙律，沙律配上柚子醋,食落都幾fresh!而餐湯係忌廉湯，配料都幾豐富！餐包都係軟的！Salmon benedict配鬆餅Salmon既份量都幾多，特別既係呢度既鬆餅係煎過的，所以會食到好脆既口感，蛋都好流心的，呢個配搭無得輸！

慶祝紀念日性價比幾高 旺角地方又方便 仲係高樓層風景好好 訂位有折同埋會安排係窗邊位 室內環境都好有氣氛 岩曬打卡野食方面正常波士頓龍蝦意粉 要記得講淋啲 隻龍蝦好有驚喜完全唔乾生熟程度岩岩好又夠味牛排有少少筋 不過肉質ok 生壕都幾低食新鮮 食嘅時候要小心會有少少壕殼碎整體來講都好好 之後都會再黎食

好耐無見呢位朋友終於約到梗係要食番啲好啲既🤓所以就去左Sky 726之前一直都有朋友推介過但都未有機會去食_🪄香煎美國頂級安格斯西冷扒🥩食牛排依舊選擇左Midium 5成熟😛肉既厚簿適中，肉味香濃個人鍾意食脂肪比較多嘅牛如果再多啲脂肪就錦上添花😆_🪄意大利手卷意粉🍝伴 野菌 辣肉腸 巴馬臣芝士被手卷意粉呢個名吸引左原來係粗身既管筒形意粉加埋個掛汁有啲似肉醬意粉配埋辣肉腸既口感有軟有硬平時出邊比較少見口感幾特別 值得一試_🪄Ice Chocolate好香朱古力味 上面再加忌廉雖然邪惡，但簡直係冇得輸😍😍

旺角呢幾多年開咗好多樓上餐廳，如果仔細地搜尋可以搵到啲驚喜。今日我去咗一個位於25樓嘅餐廳，可以居高臨下遠望旺角嘅繁華都市景色😙前菜叫左半打生蠔 🦪 配埋兩杯白汁 （198+78）店員介紹生蠔係有兩個來源地，右手邊大隻啲嘅係蘇格蘭，左手邊細隻啲嘅係愛爾蘭。我自己比較鍾意食右手邊蘇格蘭嘅生蠔，既有淡淡的海水味，亦唔會蓋過鮮味。左手邊比較細隻嘅就比較濃味😌之後配埋兩杯白汁，係黎至智利既酒，有梨子的香氣，亦有芒果的風味。飲左兩杯都有少少醉😆之後主食叫左一個意大利手卷意粉伴野菌巴馬臣芝士，原來手卷意粉係細細粒，係用匙羹食用，好有口感。意粉亦有大量既野菌，就算冇肉類都好飽好滿足咁啱見到有情人節套餐，可能會再黎食