605
60
47
餐厅: Sky726
优惠: 食饭都有得赚里数? 仲唔即刻订台?
星期一: HKD1 = 1里数,星期二至日: HKD2 = 1里数 (埋单前记住讲声「我要赚里数」!) 优惠受有关条款约束。
条款及细则:
  • 会员惠顾满认可消费额(最低300港元,最高10,000港元)可赚取「亚洲万里通」里数。
  • 会员在星期二至日 (星期一除外),每消费HKD2可赚1里数。
  • 会员所赚取之「亚洲万里通」里数将根据账单总金额计算,包括服务费及税项,但不包括小费。
  • 于节日期间惠顾伙伴餐厅之推广餐膳,或未能赚取「亚洲万里通」里数。请于惠顾前先向有关餐厅查询。
  • 额外「亚洲万里通」里数将于餐膳后7个工作天内存入会员账户。
须受其他「亚洲万里通」条款及细则约束
港铁旺角站 B3 出口, 步行约3分钟 继续阅读
电话号码
23903889
23903088
61173103
开饭介绍
平民价高级法国菜酒吧餐厅,位于25楼顶层,有落地玻璃窗能够俯瞰繁华旺角景致。 继续阅读
特色
浪漫情调
庆祝纪念日
营业时间
今日营业
11:30 - 17:00
18:00 - 23:30
星期一至五
12:00 - 15:30
18:00 - 23:30
星期六至日
11:30 - 17:00
18:00 - 23:30
公众假期
11:30 - 17:00
18:00 - 23:30
*午餐: 12:00 - 15:30 (截单时间: 14:30) 早午餐: 11:30 - 17:00 (截单时间: 16:15) 晚餐: 截单时间: 22:30
付款方式
Visa Master AlipayHK 支付宝 现金 美国运通 银联
座位数目
60
其他资料
支持防疫
网上订座
Wi-Fi
酒精饮料
自带酒水 详细介绍
切蛋糕费 详细介绍
泊车
电话订座
赏订座积分
外卖服务
加一服务费
海景景观
当面支付
有关奖赏计划
优惠
餐厅: Sky726
优惠: 星期一: HKD1 = 1里数,星期二至日: HKD2 = 1里数 (埋单前记住讲声「我要赚里数」!) 优惠受有关条款约束。
条款及细则:
  • 会员惠顾满认可消费额(最低300港元,最高10,000港元)可赚取「亚洲万里通」里数。
  • 会员在星期二至日 (星期一除外),每消费HKD2可赚1里数。
  • 会员所赚取之「亚洲万里通」里数将根据账单总金额计算,包括服务费及税项,但不包括小费。
  • 于节日期间惠顾伙伴餐厅之推广餐膳,或未能赚取「亚洲万里通」里数。请于惠顾前先向有关餐厅查询。
  • 额外「亚洲万里通」里数将于餐膳后7个工作天内存入会员账户。
须受其他「亚洲万里通」条款及细则约束
食记 (816)
等级4 2020-04-27
3301 浏览
今日小编同朋友放假,我哋去咗旺角行街,朋友带咗我上嚟食,哗呢间餐厅好靓呀,可以望到香港满满嘅高楼大厦,纵横交错嘅街道,咁靓咁舒服嘅环境好chill呀😍。而且餐厅嘅厨房系开放式,可以望住厨师整嘢食,同埋可以望住调酒师调酒👍🏻。🍽头盘我地食左Buffalo Mozzarella Tomato salad$138,蕃茄好新鲜,水牛芝士亦唔会太咸,Parma Ham 肉质嫩滑,肥瘦适中,上面配上橄榄油同埋盐粒,再加上罗勒叶👍🏻,听讲呢道菜嘅绿白红三只色系代表意大利🇮🇹。Crispy fried chicken$98炸鸡我就食得多,而佢哋最特别嘅就系墨汁炸酱整既炸鸡,真系第一次试呀,好新颖有创意,另外金黄色嘅炸鸡系用咗啤酒酱造成既,鸡炸得好酥脆,而且入边肉质嫩滑👍🏻。Oyster soup$90蚝汤拌鱼子酱,忌廉打到好滑,汤好浓郁,海鲜味道好鲜甜,配上牛油面包👍🏻,好钟意呀🥰👍🏻。到左主菜 我地叫左Iberico pork chop(2pcs)$358,黑毛猪肉质外脆嫩滑,系用左慢煮既方便去烹调,以面头两边都煎得好脆,底下有啲牛肝菌同埋鲜菌炒埋一齐👍🏻😋。而另外我哋叫咗Asparagus kimchi pasta$158呢道菜好新颖,好fusion,将泡菜混入西餐,有几夹喎,意粉够晒「 al dente」,好锺意呀,喺香港好少餐厅可以做到👍🏻👍🏻。最後我哋甜品叫咗Lava Cheese tart$68个塔嘅馅料系流心芝士,好好味,个Tart皮都焗得岩岩好。另外,仲有一个雪芭雪糕,简直系甜入心,甜品控必食😍😍。Bay Breeze$98有柠檬同青柠既味道,再加上Gin,感觉好清新好Fresh😆。Lavender Garden$88紫色嘅薰衣草,味道酸酸甜甜,而且充满花香,好有独特风味😛。另外,只要起Happy Hour时段嚟到,饮品就可以享有八折优惠😎😆。 继续阅读
(以上食记乃用户个人意见 , 并不代表OpenRice之观点。)
光系一种魔力,对我黎讲,呢种轻如纸,薄如纱既物质,佢既重要性系占呢个地球既首屈一指。能够轻易咁贯穿眼球,透过感官细胞传输讯息,如果无佢既存在,我地唔可能正常生活,系漆黑中你会被迷失方向,相机既价值唔会瞬间消失,所有美好既回忆唔会再存在。就等於你系呢间「Sky726」餐厅,黄昏时刻,成间餐厅既落地玻璃比你饱览整个旺角既夜景,加埋大型酒吧,因为光线令佢变得更加瑰丽堂皇,呢种奢侈感特别令人珍惜,Oh!Yeah~ Woo~!👇📌S A L A D - ▪ Smoked Salmon Salad - $148▫ 就算连前菜都整得特别有心思,呢个「烟三文鱼沙律」砌成一朵红玫瑰咁,卖相够哂精致。而质感肥美,表面非常光泽,食落油脂味突出,加埋新鲜既沙律菜,配埋蕃茄乾、青瓜条,鲜甜开胃,又可以中和返油腻感,唔错。📌A P P E T I Z E R S -▪ Red King Prawn Carpaccio w/ Mint Mayo - $168▫ 三文鱼刺身就食得多,都系第一次试「阿根廷红虾刺身」,肉身呈现半熟刺身状,透光感十足,睇落就知相当新鲜。大厨将整条虾身洗得乾乾净净,食落完全无腥味,仲有淡淡海虾鲜清甜感,食落肉质爽弹带黏性,口感好特别,绝对系高质之作!▪ Caramel Sous-Vide Foie Gras w/ Beetroot Gel - $168▫ 呢款系我食过印象最深刻既前菜「焦糖低温浸鹅肝」,大厨先将鹅肝抽出真空,再以慢煮半个钟,将油香迫哂出黎,浓香感即刻提升。同时大厨系鹅肝最外层洒上砂糖再轻烧後,形成一层焦糖化,食落口感好似饼底咁脆口,同时里面幼滑得黎又够湿润,多重味蕾既刺激,够哂震撼。配搭旁边既脆薏米,惊喜十足。📌S O U P S -▪ Cream of Wild Mushroom & Black Truffle - $88▫ 再黎就系充满诱惑既「野菌黑松露忌廉汤」,忌廉打得够幼滑,质感上feel到非常浓稠。加上汤头十足,里面食到粒粒软绵既野菌,配埋阵阵松露香,整体口感同味道两者都好到位,Staff系呢个时侯安排埋热辣辣既面包,非常细心!📌M A I N S -▪ Confit Duck w/ Pinot Noir & Orange Glaze - $258▫ 轮到主菜方面,继续以慢煮为主题,今次「法式油封鸭」就系佢地既招牌菜之一。罕见地试到大厨将鸭脾同鸭胸分开处理,一次过体验两种唔同既部位,鸭脾外皮脆口,里面肉质非常经慢煮後变得相当软腍,鸭肉味浓郁,好易入口;而鸭胸淋上红酒配搭橙汁做成既自家制酱汁,清甜酒香将成个鸭胸肉昇华另一个层次,入口特别醒胃,肉质亦相对比较烟韧,更加有咬口,无得输!▪ Sous-Vide Iberico Pork Chops w/ Blasamic Glaze & Cèpes Purée - $358▫ 好野唔好比佢停!再黎第二道主菜有两大块既「慢煮黑毛猪鞍扒」,大厨用既西班牙黑毛猪厚度十足,同样经慢煮处理,岩岩好7成熟,再将外皮煎香,将肉汁紧紧锁住。切开仲见到粉嫩色,食落肉质非常松软,後劲带少少爽口感,配搭底部既黑醋汁同埋牛肝菌酱做既泥蓉,夹埋一齐相当惹味!📌D E S S E R T S - ▪ Flamin’ Chocolate Fireball - $88▫ 女士们见到都会疯狂既「火焰朱古力球」,Staff系上枱时先比我地影左相先,跟手淋上白兰地再点火,成个过程相当吸晴。系烧到半溶状後,里面既云呢拿雪糕球、朱古力核桃蛋糕加埋朱古力既外壳,三层唔同既口感配搭酒香,系非常非常好食,呢个真系必食推介!▪ Lady in Red w/ a shot of Strawberry Rouge - $98▫ 另一招牌甜品有好浪漫既别名,其实佢系「柠檬意大利软芝士泡沫伴草莓雪葩 」。一黎到照旧相机食左先,Staff再系周边倒入乾冰,形成仙境既效果,真系靓到不行了!系草莓雪葩上面有支试管,其实系士多啤梨清汤,捞埋蛋白饼同埋底部用意大利芝士打出黎既泡沫一齐食,清新得黎又可以消滞,睇得又食得,无得输! 继续阅读
(以上食记乃用户个人意见 , 并不代表OpenRice之观点。)
等级4 2020-04-04
2193 浏览
Sky726这个名称一看而知是在高层有景观的餐厅,726 是甚麽呢? 原来是街号,这家在弥敦道724- 726号的楼上餐厅,名字很易记啊! 果然是居高临下,一排宽濶的落地玻璃窗,相当开扬。倚窗边吃边看街景,欣赏都会夜色,心情特别舒畅!主打法国菜,餐牌的食物选择不少,头盘、沙律、主菜、甜品、饮品等。散点主菜 $188-348,晚餐 $428-568 ,点了套餐,主菜是慢煮羊西冷$498。Set Dinner (小食、沙律、汤、主菜、甜品、咖啡或菜。)  精致小吃 - 鹅肝酱水饼~ 将鹅肝酱唧成花在香脆的饼乾上,味道很夹,拿起才看到下面铺了苜宿芽,细致位都很认真。 龙虾肉沙律 ~ 沙律只是一小碗,但龙虾肉不少,鲜甜而啖啖肉。生菜、紫椰菜、车厘茄都很新鲜,面包粒够香脆。自家制沙律汁有淡淡柚子味,略轻手了,放多点更好。 牛油面包~ 面包松软,配咸味牛油,不错。 是日餐汤 - 甘笋汤~ 橙黄色的甘荀汤,卖相已很醒胃,香滑浓郁,十分美味。 主菜- 慢煮羊西冷伴手指薯~西冷部位的纽西兰羊架慢煮,熟度恰到好处,软嫩多汁,绯红的肉质夹着润滑的羊脂,齿颊留香。手指薯粉腍绵密,连皮焗甘香可口。荞头托底,伴以番茄乾、甘荀汁、黑醋汁,酸酸甜甜,与羊味相当配合。 慢煮羊切成三大卷,摆盘精致独特,从外观至内在都一丝不苟,回味无穷,记忆犹新,超赞! 甜品 - 杏桃挞~ 口感幼滑,清甜带杏桃果香,味觉有幸福感。 咖啡或茶~室内灯光柔和昏黄,天花以小灯泡装/饰点缀,营造了点点像圣节的欢乐气氛,餐枱上放了水晶蜡蠋座,映衬着迷人的都会夜色。墙上画满颜色对比强烈的墙画,连电梯门也画了鲜黄色的巨型羽翼,型格带点浪漫,下次打算与另一半再来吃饭! 地址: 旺角弥敦道724-726号25楼 +852-  23903889 继续阅读
(以上食记乃用户个人意见 , 并不代表OpenRice之观点。)
等级4 2020-03-19
2011 浏览
白色情人节,紧系要食返一餐好既庆祝一下,今日我就同女朋友去左呢一间位於弥敦道既Sky726西餐厅到食晚饭。入到餐厅,成个气氛吾同晒,即时浪漫左😂 我地坐左向玻璃窗旁边,可以一边食饭,一边望住咁靓既风景😍餐厅入面既装修都好靓,重有个玻璃厨房,可以见到厨师烹调时候既风姿👍🏻餐厅系有酒牌既,提供多种酒精类饮品,重有一个电子Menu比你慢慢选择,但由於我地第二日都要返工,所以决定吾饮酒。除咗环境靓,食物品质都好重要,我地头盘选择左凯撒沙律配温泉蛋,份量好大,都算抵食。沙律菜好新鲜,配合埋个沙律酱,非常好味,而女朋友都大赞个温泉蛋好好味👍🏻👍🏻主菜我地要左意大利手卷意粉伴野菌、辣肉肠及巴马臣芝士。个意粉好特别,我第一次食,佢同平时啲意粉吾同,佢似系用人手卷埋阔条面咁既感觉,口感都好特别。每一条手卷意粉入面都会有少少汁,令你入口果啲吾会太淡吾够味👍🏻👍🏻表面有大量芝士块,连同意粉一齐放入口,芝士同意粉一齐在口腔入面溶化既味道,好难形容,不错不错😍我地重点左香煎美国顶级安格斯肉眼排,选左7成熟。呢块牛扒都几抵食,几厚身。七成熟,一啲都唔韧,肉味都算浓郁,而且肉汁都算多。两个人一份牛扒加埋个手卷意粉,非常够食。如果大家唔太赶时间,可以食饱之後叫多一杯嘢饮,响一个咁靓嘅环境里面摸着酒杯底,同另一半一边谈心,一边欣赏着咁靓嘅夜景,真系人生一大乐事。 继续阅读
(以上食记乃用户个人意见 , 并不代表OpenRice之观点。)
等级4 2019-12-19
6578 浏览
同朋友在旺中行完街,朋友仔话行过去太子食饭,话有间餐饭唔错,所以就跟住佢行去到太子,朋友带左我去726号25楼,一家叫sky726既西餐厅,入面气氛真系唔错,有落地大玻璃,可以饱览窗外景色,台上仲有蜡烛,好浪漫💕!生蚝见到生蚝menu好似几吸引咁,6只都系$198,加$78仲有两杯白酒,真系几抵!6只生蚝中有两个品种,左边既系澳洲蚝,右边既系美国蚝澳洲蚝味道较淡味,配上餐厅特制既酱汁,带点酸甜,味道几得意!美国蚝既海水味比较浓,口感爽口,食完饮返啖白酒,味道好配!白酒白酒一开始饮时觉得味道有啲淡,但配埋生蚝,味道慢慢出黎,味道带酸,味道口感都唔错,同生蚝几配!生蚝餐加$78就有两杯白酒真系好抵!香煎美国顶级安格斯肉眼扒我叫左五成熟,上枱时已闻到好香~ 块扒好高质,唔需要特别既酱汁,只需要加小小岩医盐就足够,肉味浓郁,好juicy,肉质鲜嫩,五成熟岩岩好!墨鱼汁意粉伴茄烩海鲜及虎虾大大只虎虾,配上青口,鲜味十足!意粉充满住墨鱼既香味,软硬适中,再配埋茄酱,更令味道丰富!72%朱古力心太软最後又点少得甜品呢~72%朱古力浓度刚好,味道唔太甜,一切开仲见到暖暖既朱古力流出,再配埋云呢拿雪糕,一热一冻咁,好食到停唔到口 继续阅读
(以上食记乃用户个人意见 , 并不代表OpenRice之观点。)