SIAM AI Fresco Dining (已結業)

今午外賣半隻$98，晚上做餸，因個人不喜歡凍食，所以放入大碗，放在滾水浸隻碗1分鐘，微微熱；好驚喜，不會遇到好多時買倒D半生熟嘅雞，雞件滑的，有雞味，淡口，啱自己口味，加埋切得仔細嘅薑茸同海南雞沾汁，好好味！

之前來到大元邨這個美食廣場平台，以為只有一些港式茶餐廳，或是那些什麼都有的餐廳，有下午茶等等。🤔原來旁邊這一間，還要是這麼有情調，看起上嚟來就好像在貴價商場才會看到的泰式餐廳🇹🇭。午餐就點了一個香辣肉碎煎蛋飯，另一個就點了海南雞湯金邊粉。海南雞的湯金邊粉，將金邊粉放在湯裏邊，但是金邊粉也沒有完全林了，有點兒彈力的金邊粉，味道還不錯；另外，職員亦都會給你魚露或是辣椒醬油等等。因此，只吃這個湯金邊粉，味道也不太差。海南雞，看來賣相也不錯，除了雞之外，旁邊還有紅白蘿蔔絲，但是，海南雞切得比較差，基本上沒有完全切得開，很多件都非常痴刀，要適合自己用叉子及匙羹，才能夠將雞肉分離。雞皮不算太過肥膩，還挺滑溜，配合下邊的雞肉，味道也相當不錯，雖然雞味不算非常濃郁，但至少夠滑，而又不太肥膩，還不錯。香辣肉碎煎蛋飯，上面的煎蛋沒有煎到完全熟透，因此切開，還可以有點蛋黃流到飯上邊配合來吃肉碎的份量不少，雖然餐牌上面寫上可以選擇辣度，但是員工亦都沒有問我們。肉碎不算太辣，肉有肥有瘦，肥的亦都不算太過肥膩，配合起這個飯，又有點醬汁，其實相當美味。但是飲品就好像比較遜色了，點了個柚子蜜，但是，它的柚子蜜的柚子蜜

身為大埔友，今日在大埔行街，經過間泰國餐廳就入去試。首先試試無骨鳳爪沙律，我特別鍾意食泰式鳳爪，酸辣適中，值得推介！泰式濕炒河，味道有驚喜，而且肉類配料十足，口感濕濕地，不太膩，適合最近的天氣！必食推介——海南雞！話晒招牌菜，果然不負眾望，雞肉又嫩又滑，食又唔太油，正！來到泰國餐廳，一定要點椰青！椰青水份多，清甜好味，清爽解渴！另外還點了甜品 - 芒果糯米飯及椰汁千層糕跟侍應姐姐傾了兩句，原來這餐廳班底剛轉手，廚師是泰國人，怪不得跟我上幾個月去泰國的食物味道那麼相似。支持小店！

上次食都已經係半年前，上次食物服務都一般。今次是第二次食，食物、服務水準都比上次好十倍。⭐️招牌海南雞雞肉嫩滑，雞皮有油香又爽口，不愧為招牌菜。⭐️生菜包肉碎配泰式香料，跟其他餐廳的香料味道略有不同，但香料味道配合得恰當，加埋新鮮的生菜，簡直絕配。⭐️小食炸蝦餅、豬頸肉豬頸肉厚薄適中，燒得外皮少脆，內裏肉汁鮮嫩，配埋個秘製汁，Perfect! 炸蝦餅共6件，比想像中大件得多，香口彈牙。⭐️咖哩軟殼蟹咖喱正宗惹味，軟殼蟹炸得香口，配白飯或蒜蓉包，一個字「正」！

📍SIAM AI Fresco Dining (大埔)第三次食，滿心期待帶住朋友再食，點知失望而回😢服務態度係好好，但原來換咗大廚，食物質素變晒。.✅依然好食嘅蒜蓉多士，外脆內軟如果多啲蒜蓉就會更加好。.❗️冬陰公朋友話超級超級好飲，又唔會太辣太酸，味道濃郁。.❗️青咖喱豬頸肉飯之前都好好食，發現啲肉唔同味同埋口感唔同咗。唔好食嘅，食到最後朋友整咗舊骨出嚟，發現原來大廚用咗豬扒扮豬頸肉，仲要冇通知我哋。.❗️牛丸肥牛湯河牛丸勁咸!個湯底又太甜！.❗️炸魚餅嘩，食落質感好淋，仲有浸鹹香味🤮，同我平時食嗰啲唔同，經理話呢個係原汁原味泰國魚餅.❗️最後經理請咗我哋食個椰汁西米糕點，鹹嘅🧐經理話泰國嘅原味就係鹹味！🤭 總括而言真係好失望，呢間本來係我好鍾意嘅平民泰菜館😢我問經理點解啲味道唔同晒嘅，佢話換咗個廚師一個月未適應。好食指數：🥇🥇🥇🥇🥇5.5/10分地址：大埔汀角路10 號大元商場F10號舖人均消費：$100

同老婆去食lunch,落單時叫左個咖哩香茅豬扒飯，泰式炒貴刁，兩杯熱檸蜜。好快黎左野飲，系兩杯熱柚子蜜，我話系叫熱檸蜜，佢話佢地冇熱檸蜜ga wo, fine.....冇幾耐之後，黎左個咖哩飯，佢放低個飯之後，我聽到我老婆大叫，原來佢太大力彈左d 咖哩汁落我老婆隻腳度，不幸地佢著白鞋，對鞋都有，ok 我當佢唔知，我叫佢返黎，話整污糟左我老婆對鞋，佢第一句系唔好意思，之後我request 佢比張濕紙巾我，應該唔過分丫？佢即刻黑哂面，"我地冇濕紙巾個wo",我叫左濕d 水落d 紙巾度比我，佢好似想打我咁既樣。系覺得我系度搞事？咖哩漬好難洗系人都知，我已經唔系怪責佢，系想解決件事，但佢竟然咁樣既態度，完全唔系想解決件事食呢d 餐廳老實講，唔系食咩野服務ga la,但要食到咁樣又不至於，實在系太差野食質素我諗已經唔重要，再講，佢價錢唔系特別平，一個lunch 60-70 蚊

今日去探朋友，去左大埔，有一個叫美食廣場的地方，上面既餐廳都係無乜人，睇黎睇去都無乜好食，咁就試下泰國菜啦，叫左個蠔餅同菜，仲有冬蔭公湯，味道一般啦，不過有得選擇的話，建議大家出大埔中心食更好了

攞位時，見到餐廳內有三四張「吉」枱，所以好自然就入去坐低。點知服務員大聲阻止，命令我們要攞飛出去等。嗰一刻有啲嚇親，不過知道飲食業經營困難，所以都繼續支持。可能週末關係，等左好耐先到我哋。當時已經等到非常肚餓。「炒大蝦金邊粉」味道略為甜了少少，淡了少少。配料都比坊間其他餐廳嘅金邊粉少。「泰式海南雞飯」雞油飯的雞油跟飯混合得不太平均，亦都不夠香。要讚的，雞件全部起骨，食得非常方便。但係雞味好淡。「珍多冰」正常。

服務態度 :話說一入到去食中午飯 個老細連人地個咖喱飯都未食完 就問收得未 未食完就已經講「 繁忙時間埋左單先」 前後坐低唔夠20分鐘都要咁樣趕客 就算係一啲真係好好生意多人排隊嘅餐廳都唔會咁做想去投訴仲要比一個鄙視嘅眼光 簡直係侮辱係呢20分鐘入面唔止我地覺得比人趕 有至少3枱人都有講過咁樣比人趕走好唔高興 真係唔值得食食物 :啲食物唔正宗 只能講大把泰國菜都比呢一間好青咖哩撈金邊粉 啲金邊粉做到黐埋一堆 分都分唔開完全失敗 一啲都唔開胃 啲青咖哩味道奇怪 同紅咖哩嘅辣度同味道完全一樣 海南雞飯好一般 雞肉老 飯都冇檸檬葉嘅味道 唯獨份量足總結 : 只此一次 下不為例 食飯要食得咁急仲要態度咁差 除非EQ好高 否則可免則免

是日叫了飛天通菜和蒜蓉飽，這兩樣👌。飽的賣相都幾吸引，香脆。咖哩軟殻蟹就大碟、汁多，但只是碟大，只得一隻細軟殻蟹。汁太稀，不夠香，點飽也不好味。蒸鱸魚，魚都算滑，很大條。冬陰公湯就😑，沒有香酸辣，只覺得鹹。內裏的蝦又細又實，沒有什麼配料。叫了份香茅雞翼，有四隻，但三隻都未熟透😑。原隻波蘿炒飯，除了面頭的肉鬆、提子乾，沒有什麼配料😐。串燒雞，肉很實。雖然這餐不算貴，但質素欠奉，我就覺得一般。

大元邨呢間泰國野都開咗兩年左右，淨係食過佢嘅午餐，今次就一家人試佢既晚市散叫。呢度嘅裝修係全深色嘅木，幾有泰國風情，張枱夠大，坐得又舒服，唔錯。我哋叫咗個大嘅冬陰公，炒金邊粉，串燒，馬拉盞炒通菜，因為媽咪唔係太食得辣所以就叫多個海南雞飯。冬陰公份量好夠，味道正宗夠辣，正。金邊粉上面有蛋絲做裝飾，擺盤幾吸引，味道都唔錯。串燒就燒得稍為乾身，不過個汁味重，食落都幾香口。通菜炒得翠綠，水準中上。海南雞飯之前午飯試過，雞做得幾嫩滑，不過飯嘅味道就一般，唔夠香。晚餐小菜其實做得唔錯，感覺比午餐好食。想係大埔食泰國嘢都係一個好選擇。

今日我生日,同好友去海洋公園玩完後由尖沙咀坐巴士番大埔, 大中落車好友話想食泰國野,我都OK就去左佢最喜歡飲冬陰公個間泰國餐廳位於大元, 細細間, 又有水準, 又唔貴一開始就叫左個2人餐, 價錢同內容不同 分別二百頭同二百尾我簡左平平地二百頭既2人餐, 份量絕對夠兩個人食(2個女仔) 冬陰公蝦湯正宗, 好飲, 酸辣岩岩好, 誠意推介 酸辣鳳爪,開胃一流時菜海南雞無咩骨, 又配埋醬香辣肉碎剪蛋, 呢碟都好開胃, 辣辣乎, 肉碎又香, 送飯一流 最後甜品 又飽肚既 芒果糯米飯 有普通及紫糯米 係香港少食到正宗既糯米飯, 怪怪地, 但呢間D野食都好食,唔會怪大埔友誠意介紹, 細細間, 味道又好,價錢又唔貴,老闆睇鋪, 呢D鋪頭好值得入去食行完一田, 就去食下啦~ 

近近地去附近食，見幾多人食就試下呢間泰國野。間店冷氣唔夠，坐左好耐仲有汗。兩個人叫左個牛肉青咖喱加蒜蓉包，雞肉炒金邊粉同青檸梳打。個牛肉青咖喱好味，d牛煮得岩岩好，青咖喱又唔辣岩我。蒜蓉包點埋青咖喱食真係好正。👍🏻👍🏻仲有雞肉炒金邊粉都唔錯，甜甜地，雖然雞肉有d老，但d金邊粉炒得唔錯，幾香。環境方面，座位同座位之間好窄，聽到隔離講野，而服務方面都唔錯。

第二次光顧，覺得比第一次好，可能因為當時剛開業有點混亂，現在熱潮過了反而顯得冷清，有點可惜！😅今天點了菠蘿海鮮炒飯，咖哩雜菜和海南雞，老實說這價錢食物算不錯，海南雞大推👍🏼👍🏼👍🏼醬汁很惹味，其他就還可以吧，咖哩有點水汪汪。大埔其他泰式選擇不多(忠誠，so Thai so good)，Siam可一試。

和經常去泰國又熱愛泰國菜的朋友約會，便很自然會去吃泰國菜的餐廳。結果⋯⋯ 生蝦刺身，和第一次來品嚐的質素無異。都不是特別新鮮，但又不難吃，蝦都還是有點爽口的。不過就是要儘快把碟頭處理掉，因為保鮮紙下的冰實在是溶得很快。 豬肉碎生菜包，品嚐無數泰菜的我竟然第一次吃。可能是怕辣，可能是怕要吃生菜（發誓當食生菜），可能就是無緣份。生菜包來到的第一印象是，生菜很多，肉碎很少，肉碎看上去是不會有甚麼強烈的味道，例如辣。結果，我們要省著那些肉碎來吃。值得一讚的是生菜很新鮮很脆口，但肉碎朋友就說很不正宗。這間店受到最多的評論是菜式不正宗，追求正宗泰菜的朋友們就 skip 了這間店吧。 然後是好像叫泰式濕炒雞肉的河，只能說完全與港式的濕炒河，除了多了那些小玉米條、椰菜花、芥蘭和硬硬的胡蘿蔔。以港式濕炒河的角度來看，河粉是真的弄得很不錯，是我最喜歡的那種煙煙韌韌的感覺。無奈的是這裡是泰式菜餐廳，所以還是那句這裡的菜不正宗。還有雞肉難吃死了⋯ 芒芒芒芒果糯米飯，等了一會兒便來到了。糯米飯是熱熱的，冒著煙的來到我眼前。芒果是冷冷的，躺在芒果糯米飯身上的椰漿是甜甜的。味道我覺得算是不錯