影片
港铁铜锣湾站 A 出口, 步行约4分钟
继续阅读
营业时间
星期一至四
12:00 - 02:00
星期五至六
12:00 - 04:00
星期日
全日休息
公众假期
12:00 - 02:00
公众假期前夕
12:00 - 04:00
以上资料只供参考，请与餐厅确认详情
醉爱番工🫡唯偶尔收工真系好晏，饥饿与体力透支之际好想揾朋友大快朵颐及小酌两杯🥰不过真系好少餐厅会开到咁夜，好在比我系网上见到铜锣湾有间主打川菜、串烧的主题酒吧，Gogogo~位置位于铜锣湾酒吧街耀华街中心的Zing!，位置近时代广场，好易揾；Shining Bar & Restaurant 就好似漆黑之中嘅萤火虫，咁鲜明咁出众🤩好少川菜串烧会营业至深宵，仲可以一边同朋友摸摸酒杯底下慢慢叹，酒吧饮酒都可以食好西又饱肚，确实难得环境楼上Bar环境与一般楼上Bar异曲同工，更引人入胜系佢地既霓虹灯设计别出心裁，一个又一个既打卡位，绝对唔系黑妈妈唔知自己食紧咩饮紧咩；更设有Beer Pong台、唱K大电视同其他饮酒Board Game；有格调之余又玩味十足。仲有两个厢房一大班朋友包房玩番晚就够哂privacy食物以川菜、串烧作食物主打，酒鬼都可以饮饱食醉一条龙唔洗转场😝绝对系一个深宵食堂懒人包。想食正餐又可以叫好多款麻辣香锅、鸡煲、小炒、串烧等，个感觉好欣慰，成日都系饮完野唔够饱要番屋企食杯面🥺今次终于满足到我空虚的黑洞胃，而饮品就有大量酒类同非酒类，选择多不胜数我地叫左：麻辣香锅(午餐肉粒, 猪颈肉, 花椰菜)份量颇大的足料麻辣香锅，炒至干身的辣椒🌶️、大葱🥬兴花椒八角🥨深入浅出，香锅味道惹味刺激味蕾，好岩夏天食出番身汗。午餐肉粒炒至四边金黄、猪颈肉㶶边，花椰菜全都吸收香锅精华，一口接一口不能自拔包浆豆腐麻辣香油泡滑嫩豆腐，甫咬下去辣油四射，搭配切片大葱及指天椒一同享用，十分过瘾羊肉串孜然调味羊肉串，酥香惹味五花腩盐及黑椒简单调味下的五花腩不会太咸，腩位滋味甘香法兰克福肠长长的法兰克福肠分成三串，可以开心share；开花烧烤甫面再洒上芝麻，好香口帆立贝大大粒，烧得岩岩好，弹牙爽口；加埋孜然调味大满足由于想打卡影靓相，今日就唔饮酒住，转饮mocktail蓝莓个杯上面放上一串蓝莓粒，甜甜的搞匀埋中层梳打饮会饮到莓果香甜又唔会似药水味而Crack Grap 就以西柚汁为主调，饮落仲好似有d橙汁做base ，甜中带涩，解腻解渴听讲佢地仲有不定期Live Music Show同Girls Night, 约定下次又黎食过噜～
继续阅读
今晚想同个闺蜜倾下心事 拣咗喺铜锣湾嘅Shining 贪佢够就脚 喺时代广场隔离 放工行过去都唔洗5分钟 上到6楼餐厅 环境好舒服又干净 每个店员都好有礼貌 餐厅外仲有个小阳台 果然系倾计嘅好地方 餐厅主要食串烧同川菜 我哋order 咗个辣鸡煲+几款串烧 牛舌心 鸡肾 龙虾丸 重庆烧茄子 仲有我嘅最爱 麻辣鸡煲串烧嘅材料非常新鲜 尤其系个烧茄子 又大条配料又多笑得好惹味 麻辣鸡煲亦都好出色 不过我叫中辣都觉得唔够辣下次可以试吓大辣 原来呢度8:00后系会有live show 气氛相当好 歌手仲唱得唔错 饮饱食醉后埋单都唔洗$500 仲有现场演唱 唔俾个赞都唔得 原来佢仲有lady’s night 下次约多几个朋友嚟听歌都好
继续阅读
好久不见的朋友终于回港、立即book定枱食晚饭! 朋友介绍位于铜锣湾Zing! 的shining bar, 装潢跟一般酒吧无异、想不到竟然有中菜吃。平日晚上6pm-8pm 有happy hour， $68可选红白酒，酒吧主打串烧、配酒真系好夹～店主推介的cocktail 以红莓和荔枝调配、淡淡地好清新、杯子打卡一流。避风塘鱿鱼须辣辣地几惹味串烧款式众多、鸡翼、猪肉串、冬菇都烧得啱啱好、仲系好juicy.烧金菇铺上劲多蒜好好味！估唔到酒吧仲有川菜，酸菜鱼鱼片鲜嫩无骨、卖相吸引、水准也不错哦。炸鲜奶香脆可口红糖糍粑烟烟韧韧、唔会太甜。这间应该是我到过最fusion的酒吧，约朋友饮野唔系净系叫小食、仲可以食川菜串烧，店主都好nice，下次可以再去～
继续阅读
识我嘅朋友，都知我无辣不欢 的而且确唔食啦，真系冇人生乐趣今日同朋友去到Zing! 平时喺耀华街越夜越多人 越夜越精彩 由于啱啱收工，想睇吓附近有咩好食 楼上酒吧，都系一个好选择佢哋用电子菜牌 见到呢度最出名嘅系川菜叫咗个酸菜鱼 真系大大碗 两人份量啱啱好呢度嘅酸菜鱼几好食 有大量嘅芽菜酸菜汤底都仲有薯粉喺里面 鱼肉冇腥味同够白滑串烧同样系呢度主打菜叫左几串分别系香脆鱼肉烧卖 鱿鱼须 鸡软骨同生猛龙虾丸 鱼肉烧卖烧过之后加上烧烤粉 比较特别 好像去左BBQ烧烤😍份外惹味 此时此刻加埋杯啤酒就赢晒最后甜品红糖糍粑要解解辣 无谂过酒吧整呢个甜品咁出色糍粑炸得外脆内软 麻糬都爆出来了加上黑糖酱 热烘烘的口感 满口尽是幸福感
继续阅读
铜锣湾楼上粤菜酒吧🫶🏻-👀没有立场资讯-🍸GG ($88)呢杯有青苹果糖浆、新鲜青柠汁同绿茶，饮落好清新，味道都几夹😋-🍹Berries Party ($88)有佢地自家制嘅杂莓糖浆、新鲜青柠汁同梳打水，莓味浓得嚟好自然☺️🐟流沙炸鱼皮 ($88)店员话呢道菜系佢哋嘅招牌小食，所以叫咗嚟试吓🥰佢哋真系新鲜整出嚟，食落暖笠笠又够脆，加上充满咸香嘅咸蛋黄，送酒一流，份量都超多👀🥩沙嗲金菇粉丝牛魔王煲 ($128)入面有金菇、芽菜、粉丝同嫩牛肉，食材全部都够入味，而且沙嗲汁好浓，粉丝甜味都好够😚🍚客家佬炒饭 ($128)见到个名好得意，所以叫咗嚟试吓🤓好大份好足料，有大大只爽口嘅虾同菜脯，口感同味道都几有层次👍🏼🥬九龙酱园面酱炒什菜 ($88)味道几特别，有微微嘅酸味，提鲜得嚟几开胃，镬气都够，不过略嫌有少少重味🧐真系几特别，比较少见有酒吧可以食粤菜，而且选择多味道好上菜又够快，又意外地几夹🥰餐厅仲可以唱K或者包厢，想食中菜又想饮下酒就啱晒同一班朋友嚟😉味道 8.5/10服务 8/10环境 8.5/10回头率8/10总评 8.25/10🥰🤍人均消费 $334💰(我地叫咗四人份😅)-📍 Shining Bar & Restaurant 铜锣湾耀华街38号Zing!6楼#米食铜锣湾 #米食中菜 #米食粤菜 #米饮酒 #米饮嘢 #铜锣湾美食 #铜锣湾 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐厅 #食评 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup
继续阅读