Shelter Inc (已結業)

銀灰色水泥風裝修好型格，加上店內播著本地經典流行曲，雖然唔多枱，但坐得舒服唔會覺得太迫，都幾chill，就連枱櫈都係銀色，正入門後會見到3個幾大嘅公仔放喺度，幾eye-catching餐牌有唔少食物選擇選擇左Croffle，揀左配士多啤梨，忌廉看似好多但一D都唔甜唔漏，咖啡方面唔見餐牌有flat white，就揀番Latte（比想像中大杯@_@）外面好多coffee shop未必有咁大杯比你味道方面，偏向少許fruity，問問barista原來係用巴西豆為主問開關於咖啡嘅野，咖啡師都好有耐性咁答，幾好

北角愈開愈多cafe, 今次去咗Shelter Inc 度tea. Cafe用上簡單銀灰白，想自由啲可以坐喺門口白色牆銀色凳，有三個Mario陪你一齊飲嘢，想舒舒服服坐低食嘢，入邊亦有普通坐位，再入重有張紅色型格沙發，型住飲chill住食😎試咗佢哋嘅Croffle- 佢嘅croffle 特別之處係上面灑咗少少糖去焗，令到croffle面就算鋪滿cream仍然覺得鬆脆，而佢嘅cream唔係好甜，所以食落好味得嚟唔會覺得太甜Americano - 佢用嘅咖啡豆偏fruity. 未必係個人最喜歡，但還可以

北角又開咗一間新嘅Cafe，佢面積唔算大，大概有10張枱度，裝修比較簡單，都係白，灰色做主調，呢度嘅選擇唔太多，以輕食為主，不過嘢飲方面種類較為多選擇，好似咖啡咁，都有12款咁多，下午茶就嚟試下先😆😆座位係採用咗硬身既長凳，梳化只係得一張，我哋叫咗兩杯咖啡同一個甜品，唔係好肚餓嘅關係我哋就嗌咗棉花糖窩夫試下，以$58一份嚟計，價錢都算適中，不過覺得份窩夫可以再豐富啲，窩夫係以西式類為主，即叫即整，厚厚嘅窩夫焗得都唔錯，出面比較脆身裏面都軟熟，但佢醬料同棉花糖都比較少同單調，打卡嚟計就比較遜色咖啡方面我哋嗌咗兩杯Latte,雖然種類多多，但本人最愛既Flat White 都冇，唔緊要，味道搭救就OK，兩杯咖啡嘅賣相都一般，拉花都係最普通嗰隻，味道方面佢哋嘅咖啡都係偏酸嘅，可能有啲人未必會太鍾意嗰種酸嘅味道，奶都唔係好夠香，打得唔夠滑，杯面都係有啲泡，但其實整體黎計嘢食都OK嘅，始終呢個位置都係做街坊生意多，所以嘢食嘅質素係可以接受嘅😆😆

聽朋友講話北角堡壘街開咗間新Café，咁就當然要趁返工放Lunch去試試喇！店主好好人，好細心向我哋介紹餐廳嘅特色菜式同飲品，既然係重點推介梗係要試試！All Day Breakfast作為All Day控，今次雖然無薯餅但都令我覺得好好食，特別係以牛角包窩夫代替咗一般有嘅烘麵包，而且一set有齊煙肉、兩種香腸、煙三文魚同大啡菇，份量豐富有誠意！鴨胸奄列牛角窩夫鴨胸香味香口又唔膩，煙燻味濃，配搭炒滑蛋同牛角包窩夫味道好夾！蜜糖車打芝士牛角窩夫鹹鹹甜甜嘅味道好特別，加埋香脆內鬆軟嘅牛角包窩夫，好有驚喜！Shelter奶蓋牛奶咖啡 / Fort奶蓋美式咖啡估唔到幼滑奶蓋加埋咖啡係咁夾！奶蓋甜度適中，咖啡香味濃郁，大推必試！Peach Sunshine香桃沙冰桃味唔會太甜太假，味道清爽，賣相好靚啱晒打卡！

最近發現堡壘街有新店登場，水泥風裝潢夠俐落，店長特別推介兩款飲品，一杯是以堡壘街英文Fort為名，另一杯Shelter則與店子同名，兩杯味道都好有驚喜。▪️ Fort $55面層是厚厚又滑溜的奶泡，下面則是Americano，先嘗奶泡再喝到Fruity的咖啡，喝到層次感。▪️ Shelter $55與店子同名的飲品，藏在奶泡下的是Latte，奶泡與Latte當然好夾，口感與味道雙重滿足。▪️ Peach Sunshine $55不喝咖啡的話可以選冰沙，面層的半圓桃肉似像太陽，濃郁果香擊退暑氣，面層同樣有奶泡，像極甜品～◽️ 蜜糖車打芝士牛角窩夫 $48簡簡單單也非常好吃，蜜糖、半溶芝士與牛角窩夫配起來，鹹鹹甜甜轉眼間消滅！◽️ All Day Breakfast $118Cafe怎可以沒有ADB？有齊炒蛋、香腸、煙肉、煙三文魚、焗豆及串茄等等，最重要是牛角窩夫，外脆內軟熟。◽️ 鴨胸奄列牛角窩夫 $78鴨胸和奄列下也是牛角窩夫，鴨胸有肉香，蛋亦夠滑，配上牛角窩夫作鹹食也不錯。

呢半年因為疫情, 冇乜地方好去， 又冇乜嘢好做， 忽發奇想同鍾意飲咖啡嘅老公周圍喺北角品咖啡飲。😆😆😆今晚我哋屋企附近嘅堡壘街新開咗間coffee shop~Shelter, 就入去試下啦!😊☕ 見openrice連佢餐牌都未有， 影咗幾張相畀大家參考下！😉📷老公嗌咗杯 Dirty, 我就嗌咗杯熱情果梳打。 老公話佢個杯好好飲， 因為佢唔鍾意甜嘢， 佢話好重㗎啡味，正！👍👍👍 我就鍾意飲甜嘢，所以我覺得我杯熱情果梳打好好飲,好refreshing!🤩🍹飲飲下想食啲嘢, 見佢有啲牛角窩夫, 好似幾特別, 叫咗個芝士三文魚牛角窩夫試下。 等嘅期間問咗好香 牛油味， 食慾即刻大增！😋😋😋個牛角窩夫真係幾特別， 外型係摺埋嘅 waffle, 但係食落係外脆內軟嘅牛角包! 我同老公嘅評價都係:好味！👍👍👍整體嚟講飲品同性物質素都幾好， 如果加多幾樣小食，例如: 蛋糕、曲奇、薯條……之類要嚟送嘢飲就更加理想！😉btw, 店舖打開曬門口始終太開揚, 街外有人食煙啲臭味就會飄曬入舖內, 睇下見主會唔會考慮下閂番度門？！🙏🙏🙏

早上起身諗住食個茶記,行下行下啲雨越落越大,拿拿林搵間餐廳入去避避雨喇,無意間已經走到呢一間cafe門口,有緣就行左入去。裝修唔錯,有一幅好大嘅有型吸煙圖片掛咗喺店舖盡頭,成間餐廳嘅style即刻畀點綴咗。不過重點唔係呢度,都係嘢食行先。好快上咗一杯latte,啲奶打得好滑,咖啡味好濃烈,又唔覺得太苦又或者太多奶,對我嚟講啱啱好。然後上咗牛油果蝦牛角窩夫,究竟係牛角包定係窩夫呢?令我好好奇喎?原來係牛角包型嘅窩夫,上面揸咗好厚嘅牛油果泥再有三四隻煎香咗嘅蝦係上面,仲有些少温室豆苗,買相就一流啦,但係size細咗啲喎。食落去我覺得嗰個蝦辣辣地,唔啱我breakfast,可能lunch或者下午茶就會ok啲囉。食完成個早餐,好似爭少少唔係好滿足咁,所以性價比就冇咁高囉。

本人和另一半很喜歡食和到處找地方打卡☺️一到假期就四周圍尋找美食和一些地方能夠吸引我們！在北角堡壘街，真的估不到有間coffee shop，在經過的時候，被店舖吸引和飄出一股好香咖啡味👍那刻我們選擇了入座，order了咖啡☕️和all day breakfast & 一個意粉🍝很有驚喜，這店的食物有獨特品道，一定要試，而all day breakfast整體蛋，腸仔，都有，最欣賞個窩夫🧇，真係好好味⋯⋯服務員態度非常好，有介紹飲品嘅特別之處☺️