SHAKE SHACK (新城市廣場一期)

营业中

休息中

Shake Shack的漢堡包在許多食客中贏得了極高的評價。首先，他們的肉使用100%純牛肉，經過精心調味，口感鮮嫩多汁，讓人一口咬下就能感受到肉香四溢。其次，漢堡的麵包選用新鮮包，外脆內軟，完美包裹住內餡，增加了整體的口感層次。此外，Shake Shack還提供多樣的配料選擇，從新鮮的生菜、番茄到獨特的醬料，滿足不同顧客的需求。特別是他們的“ShackSauce”，酸甜適中，為漢堡增添了獨特的風味。許多顧客也讚譽他們的薯條，外脆內軟，搭配各種醬料，非常美味。總的來說，Shake Shack的漢堡包不僅味道出色，還有很好的用餐體驗，吸引了眾多回頭客，是漢堡愛好者不容錯過的選擇。

SHAKE SHACK沙田店｜雞腿漢堡配Wasabi薯條！熱辣辣脆到停唔到手今次去沙田新城市廣場嘅Shake Shack試咗Chicken Shack香脆雞腿漢堡（$56），雞腿肉炸得超酥脆，咬落肉汁爆出，嫩滑唔乾柴，個包仲好熱，要放一陣先食到！配醃青瓜同牛油奶酪香草蛋黃醬，酸甜清爽中和油膩感，不過醬汁稍多，建議刮走少少先食～ 重點加咗Wasabi薯條，即炸熱辣辣好脆口，薯條本身粗身波浪切，外脆內軟薯味濃，點埋汁食更昇華，呢個組合都幾奶！

Shake Shack 係源自美國嘅連鎖漢堡包快餐店～ 喺香港開嘅分店越嚟越多，不定期會有一啲特別Menu推出最新推出有歐陸芝士系列，而小熊貓今次就試咗蒜香巴馬臣芝士薯條🍟 $43上面鋪咗滿滿嘅巴馬臣芝士碎，蒜香味並不突出～相對地小熊貓比較鍾意芝士波浪薯條，上面會鋪滿美國芝士及車打芝士醬，入口比較香濃惹味🍔 Shake Shack 招牌芝士漢堡 $60呢個係不敗嘅經典，100%全天然安格斯牛肉製成，所以牛味濃郁～ 可惜麵包煮得唔夠熱，溫度可以改善🥛朱古力奶昔 （小） $32One of my favourite 🥰 佢個半雪糕半沙冰嘅質地令人欲罷不能，朱古力味濃，卡路里就唔好諗啦🤣

記起我今次係佢哋開業第5次幫襯。初開業第一，二次食過個包都係脆脆地，應該有焗過或煎過底和面，個包係甜包煎吓無咁膩無咁軟，漢堡內的餡料，如牛肉，味道比較適中，食時整體幾好食，唔會濕濕的，或太咸。當第三次去幫襯發現個包已經唔脆無煎過，食到個包連手都濕哂，整個漢堡包散哂，個肉又勁咸，講過話唔再幫襯。點知都係要比機會嘅。事隔很久去第四次和今次第五次食印象都係感覺比初開業太大落差，應該暫時會係最後一次幫襯。新產品芝士牛漢堡，不止勁咸，牛肉碎哂嘅，包又無煎咪軟冧冧爛哂囉。牛油果煙肉炸雞包，個炸粉勁咸，雞胸有醃嘅，煙肉仲有豬怪味，包無煎過連埋個醬令到個包濕哂散哂，個包甜嘅軟包，又唔煎就會感到膩和太軟而引至個包爛哂都好自然嘅事。一個牛芝漢堡，薯條，大可樂，一個牛油果煙肉炸雞漢堡，價值港幣193。真係唔值。個餐送雪糕。我哋係在門市用手機落單自取去公園食嘅。店舖無提供工具最後為有用飲管食雪糕，也無提供紙巾。

之前食過ifc嘅😶‍🌫️😶‍🌫️😶‍🌫️諗住美國嘅漢堡包差極都有個譜🤫🤫🤫至少可以同隔離黃色紅色嘅漢堡包店比啊？？好似都唔係呢回事😇😇😇個漢堡包包皮凍到你呢😊😊😊。。。好似啱啱雪櫃拎出嚟咁，摸上手係凍架喎啲肉又難咬，完全唔熱囉🙃🙃🙃同樣係外賣點解個薯條爭咁遠😑😑😑反而薯條好食又熱😉😉😉一食就知個漢堡包一定係放咗好耐🫠🫠🫠咁貴嘅價錢點解我唔食紅白果間漢堡包🫡🫡🫡外賣加咗個牛油果👍👍👍個袋好似俾屎玩完咁🤐🤐🤐

平日1點幾午餐時間都唔算好多人，坐低食咗款新口味漢堡和伯爵茶奶昔😋烤溶芝士牛肉漢堡（單層）$65ShackBurger$60兩款漢堡都好味！烤熔芝士個款有紅洋蔥和醬汁特別，經典款漢堡有生菜蕃茄都好食。漢堡排即叫即煮，牛肉味夠香夠濃🤩連個包都夠鬆軟👏原味薯條$29熱辣辣新鮮炸起，外脆內軟，波浪🍟好多有薯仔味，好味🤤伯爵茶奶昔$54自家製溫呢拿雪糕配搭斯里蘭卡伯爵茶，第一口就飲到伯爵茶味，好香好幼滑，鮮忌廉曬上牛油酥餅碎及茶葉，第一次飲茶味奶昔，正👍🏻

佢哋又推翻開心果奶昔了，佢哋嘅本身自己嘅奶昔已經超好飲，之前推出過開心果奶昔，一直都心心念念好想再飲番！你杯口味雖然偏甜，但係超香濃，而且食到開心果碎，超推介開心果味試吓

SHAKE SHACK (新城市廣場一期)回頭指數：⭐️⭐️⭐️⭐️⭐️推薦：香脆雞腿漢堡1. 味道：❤️❤️❤️❤️🤍2. 價錢：❤️❤️❤️❤️❤️3. 打卡：❤️❤️❤️❤️❤️4. 等候：❤️❤️❤️❤️❤️5. 位置：NA(叫了app外賣)食物：1. 香脆雞腿漢堡｜$128/22.香脆雞粒(10粒)｜BBQ醬｜$122/2（app限時買一送一）評價：♡app限時買一送一，在家輕鬆下單，不會很貴又超級方便❤️♡雖然外賣隔了一段時間，炸物依然脆口♡比起M字快餐品牌，炸雞粒更有口感♡很喜歡漢堡可以分醬的設置，自行控制多寡SHAKE SHACK (新城市廣場一期)沙田沙田正街18號新城市廣場一期1樓153-154號舖10:00-22:30

Shake Shack（中文名稱：Shake Shack漢堡店）是一家來自紐約的知名速食漢堡連鎖店，以其美味的漢堡、薯條和奶昔而聞名。🍔 ShackBurger Double這款雙層漢堡使用100%全天然安格斯牛肉，絕無添加激素，每層漢堡都有著新鮮的生菜、番茄和特製ShackSauce。兩片多汁嘅牛肉餅煎得剛剛好，外脆內嫩，如果你喜歡多汁的漢堡，這款ShackBurger Double絕對不會讓你失望！🌭 Hot Dog + Cheese Sauce美式牛肉熱狗是Shake Shack的經典之一，外皮酥脆，內裡多汁。加上濃郁的芝士醬，這款熱狗更加美味讓，它更加濃郁。🍋 LemonadeShake Shack的檸檬汁是一個消暑的好選擇。它清新爽口，清新解渴，酸酸甜甜的味道正好中和咗重口味嘅食物，適合搭配漢堡和熱狗。

好多美式快餐店都出名奶昔🥤，就好似哩間過江龍咁。今次就唔介紹佢既漢堡啦，想介紹下佢期間限定既開心果奶昔。開心果奶昔 $64第一啖意外地驚喜，開心果味濃度係中級，有啲咸咸地既味應該就係佢提到既鹽味蜜糖🍯，本身佢雲尼拿雪糕🍨底已經好濃好甜，咁樣咸味調一調，其實反而中和左。不過我最鍾意係佢既薄脆片，唔單止係表面裝飾，飲品入面都可以飲到🥤，口感好豐富。不過如果唔鐘意又甜又咸既朋友，可能就未必鐘意。芝士煙肉薯條 $43粗波浪薯條🍟係我心頭好，睇顏色佢係比平時炸耐啲高溫啲，比平時金黃更深色，條條都好脆口。芝士醬🧀好濃郁，煙肉🥓放落去加重左個咸香感，但份量就略嫌細左啲。

太耐冇嚟食，以前覺得杯奶昔好好飲，今日一飲覺得非常甜，飲完成杯非常滯。叫咗個漢堡包，有得另加蕃茄同菜，唔使額外加錢，呢樣幾好，但係漢堡包質素不過不失，唔算特別好食。

自從上年佢哋出咗杯開心果奶昔之後，開心果關注組成日都會見到佢哋嘅蹤影，今次就同朋友一試🤣紐約扒房風味牛肉漢堡($67)真心超～夠肉汁，而且牛味都幾出，入面仲係微微粉紅色😳 自家製辣根胡椒蛋黃醬同牛肉好夾，配合埋白車打芝士，食落去都幾惹味，夾層鋪滿香脆洋蔥，令成個包更加有口感，加埋炒蘑菇勁香～朋友就要咗佢哋嘅招牌芝士牛肉漢堡 ($60)，入面嘅牛肉都係同樣咁高質，加埋芝士、醬汁、生菜、番茄同洋蔥，成個包都唔會太濕，而且牛油香好出，而且好鬆軟，所以每次食完都仲係會好滿足(˶‾᷄ ⁻̫ ‾᷅˵)以前自己其實對波浪薯條冇乜好感，不過呢一間嘅波浪薯條 ($29) 係特別高質的🤪 炸完出嚟熱辣辣夠香口，而且夠乾身，配漢堡食就一流🤣今次到訪嘅主要目的就係要飲開心果奶昔 ($64)，真心都幾大杯😳面頭有啲好香嘅cream、開心果碎及薄脆片，奶昔本身用咗雲呢拿雪糕blend，所以飲落去偏甜，但係開心果味都好出，飲落去仲會食到少少薄脆片增加口感，不過overall嚟講都好值得開心果控一試！另一杯就要咗提子美式檸檬水 ($29)，飲落去都唔會太甜，幾refreshing，啱晒食完漢堡解膩～總括嚟講，除咗開心果奶昔

SmokeShack Double雙層漢堡扒配兩塊蘋果木燻煙肉，加埋醃青瓜，番茄，洋蔥，芝士同辣椒粒。咬落去係好Juicy啖啖肉，加埋好香煙燻味既煙肉同芝士，麵包就用好香牛油味既Brioche，呢款有辣椒既選擇食慣辣既人士最愛😊芝士波浪薯條炸到好香脆，配埋Shake Shack芝士醬，一條接一條簡直食唔停🤣#hkfood #hkfoodie #hongkongfood #hongkongfoodie #hongkongfoodies #香港美食 #香港foodie

講起Shake Shack，大家一定諗到美式風情嘅漢堡包薯條同奶昔。冇錯！今日我第一次食Shake Shack，意外令我驚喜呀！今日同個朋友喺沙田新城市商場搵午餐食，適逢假期，好多食肆都加咗價。我同朋友喺附近一間西餐廳同日式餐廳見到好貴，於是就走咗。見到Shake Shack比一般快餐店貴，但係朋友非常鍾意，於是拉咗我入去。我本來以為只係貴價版麥當勞，點知見到食物質素實在令真心我大開眼界。第一次嘗試，我買咗脆炸黑肉雞堡、扭扭薯條同埋楊枝甘露奶昔。咬落去漢堡嗰下，感受到香脆雞排外皮溢出香味，細嫩幼滑嘅雞肉齒頰留香，同一般快餐店完全唔同。另外扭扭薯條有獨特嘅質感，而且因為表面面積相對大，所以吸收到調味料嘅香氣。至於芒果奶昔更加令人感覺煥然一新。楊枝甘露奶昔有厚芒果雪糕嘅感覺，加上經典楊枝甘露配料，例如柚子蓉西米等等，清香濃郁，醇甘芬芳。我下次返嚟都好想再飲多次！

由美國來到香港的高質速食餐飲這裏有高質素的漢堡、熱狗、奶昔等經典美式食品我最愛點他們的100% 全天然雞肉，配上牛油果。而他們聲稱雞肉不含激素及抗生素，可要安心吃用！Flat-Top Dogs其實開始建立這個品牌時，主打是這一個hot dog cart啊！ Flat-Top Dogs 使用100%全天然牛肉腸，放在Potato Roll熱狗包上，烤得香脆！另加配Crinkle-Cut Fries香脆的鹽味薯條，這個薯條間直是點晴了！香脆的薯條咬下去脆卜卜的，而且薯仔味很香，這個必點啊！#美食打卡# #快乐的吃货# #吃吃喝喝的日常# #好吃# #美味# #超级好吃# #美式汉堡# #牛肉汉堡#