Servo

短期内去过两次，两次Menu食物选择有唔同。两次去老板都坐吧枱，店员/经理忙着同老细吹水，冇乜点理啲客。第一次去张凳有好多面包碎，我自己攞纸巾抹，店员见到冇出声冇帮忙冇攞纸巾过嚟，更加冇讲唔好意思。嗌咗杯Majoon，真心为咗呢杯smoothie而第二次再嚟，劲可惜第二次杯嘢完全另一回事。相中系第一次，第二次得七成满，水水嘅，入边啲料明显少咗，我估应该店员一时贪快将隔篱枱个order一次过整，但啲料份量落错。第二次嚟嘅时候可能咁啱啲Staff换班，我食完个意粉只碟都收走咗，但系新接班嘅同事好紧张走过来同我道歉话唔好意思个意粉等咁耐，我同佢讲我已经食完啦，佢有啲吓亲。厨房同楼面都唔知乜嘢整咗同出咗餐咁奇怪嘅。老板坐喺吧枱震住个场都出呢啲问题，有啲唔掂。…Read More

Arcane Collective 喺安兰街新开嘅Cafe/ Wine Bar颇适合同朋友嚟饮两杯食啲嘢倾吓偈😁自己特别欣赏佢哋嘅酱汁 例如配面包嘅红椒核桃酱另外主食嘅鸡肉蘑菇大葱批味道香浓🥰面头嘅酥皮入口酥脆牛油味重😙而澳洲和牛牛腩三文治亦十分足料口感丰富ps 盐渍鳀鱼罐头相较重味偏咸 如果叫一定要配酒🍾📸1️⃣ 澳洲和牛牛腩三文治/酸青瓜/香辣芥末蛋黄酱 (HK$138)2️⃣ 自家制鸡肉蘑菇大葱批(二人用)/沙律 (HK$258)3️⃣ 蕃茄汤 (HK$68)4️⃣ 盐渍鳀鱼配吐司/莎莎青酱 (HK$98)5️⃣ 意式面包/腰果鹰嘴豆泥/红椒核桃酱 (HK$68)6️⃣ Berry Blast (HK$55) - 可以加Vodka! 😹…Read More

今次介绍中环新开呢间 Servo，位于安兰街，前身系 Moxie ，餐牌上有唔少素食选择，包括 vegetarian 同 plant based 。😊由于不是位处最旺地域，餐厅感觉几 chill，店舖设有吧台（有酒饮果种），正常方枱，亦有两张望街圆枱仔（可以睇下啲网红打卡 🤣🤣）。真汉子试咗几样嘢，都属纯素 plant based ：☕ 一「杯」汤配烤意式香草面包 Cuppa soup, toasted focaccia $68店员先提醒系蕃茄汤，我谂可能有啲怕食酸嘅人唔知，叫咗后悔？我就非常钟意。首先佢个汤超热，热到可以渌面果种。个汤食到好多蕃茄蓉，当然带少少酸，但好鲜味。除咗相片见到嘅香草，入面仲加咗啲松子仁，几特别。😃🥞 蕃薯班戟配杂莓酱,英式腰果蛋奶酱,枫糖浆Sweet potato pancakes, berry compote, cashew anglaise, maple syrup $88Pancake 要等大约 15 分钟度，蕃薯 pancake 第一次食，本身唔太甜，烘到外面微脆，入面烟烟韧韧，几得意。面头嘅杂莓酱味道当然最抢，唔想太重口味可以点吓腰果蛋奶酱（个名嚟啫，冇蛋奶嘅）同枫糖浆一齐食。😋🥪 烤三文治配沙律，洋蓟, 西班牙鹰嘴红椒, 罗勒青酱Toasties served with house salad, Artichoke, piquillo, basil pesto $88酱汁唔知点解食落有啲腐乳味，但唔系伏果种，而系几开胃。个三文治望落好似好㶶，但食落系正常。个沙律用咗啲泡菜，但唔记得问系咪纯素嘅泡菜，sor 😐。而我都唔肯定佢哋系咪每日嘅沙律都系呢个配搭，如果有食开嘅素友可以留言分享吓。🙏🏻适逢复活节，佢哋推出应节嘅 homemade hot cross bun，盛惠 $48 一个。店员话系 vegan 嘅，用 soy milk 造。我果晚同外籍英文老师讲起，佢话细个系成日食嘅，但就唔系咩贵嘢 🤣，同我倾开都好有童年回忆咁话。而真汉子就第一次食，面包好新鲜，热辣辣，仲送埋好好味嘅红梅酱添。🍒饮品方面试咗冻 latte $38（冷热同价），开得响咁多西人嘅中环，咖啡当然优质啦，而且转豆奶或燕麦奶唔使加钱。🥛想健康啲亦可饮 smoothie & shake，我试咗呢个香蕉, 椰枣, 开心果, 杏仁奶, 亚麻籽 （Majoon - banana, date, pistachio, almond, flax seed），咁大杯又真材实料，都只系 $55，比好多其他区嘅 cafe 都仲要平，非常推介。💯佢哋 社交平台嘅 story highlights 餐牌有 lunch，但由于真汉子一次去系朝早，一次去系两点半后，所以见唔到呢个餐牌。🥲特别鸣谢素友提起，我先认识呢间餐厅，否则就冇呢个 post 嘅出现喇。😆…Read More