影片
招牌菜
今日去完拜山，回家时同堂哥去食久仰大名的SENSE DESSERT！出哂名嘅分子料理甜品~入到餐厅，已经人头涌涌！一嚟到！5驶谂！叫咗玻璃花瓣玫瑰mousse同盆栽 TIRAMITSU！等我讲下个玻璃花瓣玫瑰mousse 先！由一大堆玫瑰味既泡沫加上底下嘅杂莓及玫瑰MOUSSE~成杯甜品好夸张~好GIRLY~仲有块干花瓣~个泡泡吃起来像棉花糖 佢有超级浓既玫瑰味道，又有法式焦糖炖蛋脆糖！而且食落口有唔同既口感 :入口即溶又有咬口~原来个花瓣系用－197度既液化氮去处理而形成嘅玻璃脆身面一开始仲以为好睇5好食~但原来个口感有d脆脆地 味道就好似食紧一支草莓冰糖葫芦般，好特别!另外，跟据店员告知，餐厅亦利用咗旋转蒸馏仪，从玫瑰花瓣中提取了天然玫瑰精油，从而做成咗三层不同口感同质感既甜品，例如：啫喱、慕丝及奶冻！非常高水准的作品！
继续阅读
元朗愈来愈旺，好多人特登入去揾食。我都唔例外，食完正餐点都要食埋甜品先可以收手。拣咗个基本Waffle+Ice Cream，简单摆盘，Waffle加上一球雪糕同朱古力酱。Waffle唔喺我喜欢嘅香脆口感，佢比较似咖啡弄果种，实dicdic既口感，同埋有小小淋，唔够软熟。个雪糕就一般般! 唔会特登为咗佢而入元朗食，但如果经开或者住元朗都可以去食下!
继续阅读
This chocolate lava cake is the signature item. Compare to the first time i try, honestly it imrove a lots. Since the first time the chocolate didnt melt and now the chocolate melt loke.liquid. Thats good.this chocolate milk shake is just normal. Nothing specially and too much icy.The wafful is too thick. Not soft and crisp enough only, but only the.decorations is ok. And staff the service is not good.
继续阅读
近日去左元朗Sense Desert Cafe试左盆栽甜品-原味外型极细，味道不错(只限Cream)，食到落蛋糕部位有湿润既感觉，卖相唔错，是次只能欣赏Cream，底同其他出面食既差吾多，如沛公甜品，但沛公冇左打卡8折，其实都唔抵食！（斋睇唔够饱）味道: ★★☆☆☆抵食: ★☆☆☆☆而哩个蜜糖趣趣苹果金宝，金宝(店员讲系一种面粉拎黎焗)，虽然大家见到好干身，但配料有cream同雪糕，无错配料的确系雪糕，因为太干身同埋(一开始)食落部份(金宝)表皮系苦既，仲有我对苹果唔太喜欢。但系食左一阵，态度360度转变，内底的苹果同个金宝配合得好好，因为我将个金宝连苹果片铲埋一齐，再沾cream同雪糕，味道岩岩好，同一样焗的甜品既铺头黎讲，真系超晒班！仲谂住佢系配角(非topic / hot item) 唔会好食得去边，原因系俾招牌盆栽甜品受影响，而觉得麻麻地！味道: ★★★☆☆抵食: ★★★☆☆*另外新出雪糕mix分子料理($7x)，但价格同埋我对佢招牌菜麻麻既感觉，未必会有机会再试。($7x既价格可以试到好多野，住元朗的人你懂的)
继续阅读
呢间sense cafe，环境一流👍装修得非常有情调，不过咁高格调嘅甜品店，座落于元朗凤攸东街一带，显得格格不入，因为附近都系中学小学居多，而且佢嘅价钱都非一般平民可接受。好在呢间甜品Cafe胜在够特别，而且甜品款式同味道都独特好食！以后喺元朗食甜品又多个选择喇由于我地一行8人，逗留时间都比较耐，横跨咗Tea time同傍晚时分，所以先叫咗两个Tea Set，边倾计边share食。一款系《窝夫配雪糕》(HKD$48)，包一杯嘢饮，窝夫果然一如呢度嘅食评所讲，松软有度，外脆内软，而且系充满蛋香味，又唔会太腻雪糕比街外的较有硬度，但一样易入口，而且冇咁快溶，方便同友人边吹水边慢慢食第2份Tea Set系《朱古力蛋糕》(HKD$48)，同样包一杯嘢饮。相对于《窝夫配雪糕》，呢个cake就冇咁出色嘞，只系普普通通嘅朱古力cake，唯一可赞嘅系卖相做得唔错，姑且算佢对得住呢个价钱。其后点左一个Tiramisu《原味意大利芝士饼》，系呢度嘅招牌必点之一，特别在佢系以盆栽造型设计，啱啱上台时真系几可乱真，非常之似一个真嘅「小」盆栽。所指嘅「小」系讲紧佢真系好迷你的一小个，(虽然相中未能见到好明显嘅比例)。呈上时除咗因为佢真系似盆栽而惊讶，另一O咀原因就系佢真系好细SIZE而味道方面，第一啖食落觉得好重LUM酒味，如果唔钟意酒味嘅朋友就慎点喇！底层Creamy嘅tiramisu就普普通通，唔太突出！都系试一试个gimmick就够喇最后我地就点埋另一个招牌甜品——《灰白心太软》。可能睇相大家未必见到佢系咩形态，其实佢系由灰色的干冰雪糕(芝麻味粒粒雪糕)，配以白色的干冰雪糕(呍呢嗱粒粒雪糕)，以及中间的绿茶心太软所组成，上台仍然冒住好多干冰烟。味道都几好食，因为口感系特别嘅，一粒粒的干冰雪糕非常轻身，但又同时Carry到本身浓郁嘅味道，配以绿茶流心心太软，味道好夹！虽然成个甜品系几有创意，但系真系切记唔好心急，否则就好似笔者咁比啲干冰干到条脷损哂留下一个唔太好嘅印象！总括而言，呢间Cafe气氛同环境都一流，甜品方面就一啲啲，窝夫系几唔错嘅选择，其他就见人见智喇！如果嚟开元朗都可以试下，不过暂时都觉得系可一不可再，始终价钱未做到好亲民，而元朗甜品铺又特别多，要食又抵又好味嘅甜品大有店在，一比之下Sense Dessert Cafe就会比下去喇！希望日后价钱可以有所调节下，等呢间铺有较高嘅竞争力，始终元朗都需要呢类比较赏心悦目型嘅甜品店^^
继续阅读