影片
花老嘢要应付考试，所以我今晚去上环陪佢食饭。上OR揾有咩食，见呢间餐厅comment唔错，就去试试。6点松d就到，得一枱客，同老嘢每人一个set，都系食意粉个set好丰富架，有鸡胸沙律+汤，主菜，甜品同coffee or tea。佢系一道道上架，食完沙律先上汤，唔似其他餐厅沙律同汤一齐唻。沙律系鸡胸沙律，个sauce有d蜜糖味，鸡胸有d似烟鸭胸咁，唔错。汤系杂菜汤，上果时仲好热，唔系暖架，抵赞！个味都唔错。意粉我同老嘢都要咗鲜虾唔知咩意粉。有3只剥咗壳嘅虾（好爽，不过冇虾味，应该系雪藏虾），意粉未到al dente，不过都几有口感。甜品系panna cotta，好rich奶味，上面有dd chocolate酱，好味。最后coffee我要咗mocha，几有咖啡味唔错。食咗咁多嘢个set先系$128+10%而且如果你钟意食酒，加$45可以任饮wine同beer，非常抵！老嘢话下次一定要加$45饮酒，哈哈哈。
继续阅读
记得 3 月中下午经过上环永乐街的 <Segafredo Zanetti Espresso>，见到门外有咖啡推广优惠！指定口味咖啡$20 赠送法式杏仁饼 (马卡龙)！ 只限星期一至五，下午 3:00 ~ 6:00！在 3 月份，我去了两次旅行比较忙！ 因此，无缘享用此优惠！那么，在 4 月份，找天早点放工来试试吧！行上几级楼梯走入店子，男店员有礼地招呼我！当时我的手表大约下午 5:55，我问他这时候有没有咖啡推广优惠？落单付款之后，随即男店员立刻为我冲调咖啡！当时只有我一位食客，我还是找个好位置坐下来吧！ 看到墙上压印多个不同城市的名称！ 相信多个城市也有分店！还有叹咖啡的宁静一角！Latte $22 ( 堂食 - 设加一服务费 )用自家品牌咖啡杯盛载，突显独特风格！拿上手都 OK! 简单以心形拉花令咖啡看来更有美感！ 不论色泽抑或香味同样令人满意！ 散发浓烈咖啡香！奶泡温度刚好是微暖！打得很绵密幼滑！咖啡很顺喉，颇香醇且带点甘，咖啡味道尚算突出！ 另外，店方还提供白糖、咖啡糖、代糖，认真周到！士多啤梨马卡龙 ( 由于赠送关系，无得拣口味！)马卡龙外层香甜松脆！食到夹心有点点士多啤梨籽！ 口感特别！甜而不腻！听男店员讲亦是好受欢迎的一款！
继续阅读
71 浏览
有时晌啲网上游戏抽到啲饮饮食食嘢，都会醒啲俾老死Ivan兄，佢为人对食都颇有研究，所以佢似食家多过我，小弟我依类都只喺为为食食啫。佢老兄话受得小弟「恩惠」多，想回个礼，查实就真喺唔使，𠮶啲奖品嘢都喺借花敬佛而矣，何足挂齿！回礼嘅事丢低咗，后来Ivan兄话买咗世家Segafredo Zanetti嘅All-day High Tea套餐团购，不如一齐去试，结果上当就受咗依份回礼喇。大家都喺晌中上环返工，理所当然收工过嚟上环店度食就最便捷，唔使专灯再出嚟。比起逾三千多呎铜锣湾嘅旗舰店，上环店绝对喺蚊型小铺，幸好入夜后嘅中上环都好静，尤其好似世家依类缩晌内街嘅铺头，就更加静焗，故此客人都唔多。Segafredo Zanetti本身喺意大利著名嘅Espresso生产商，其后搞埋餐厅，店舖可谓遍布全球。话说回来，今次团购个「高茶」点够我哋两个男人当正餐食吖，所以，叹完份「高茶」，另外再加多一份3道菜嘅晚餐。整份高茶一共有8款嘢（咸甜各4款），最好就喺每款两件，唔使分嚟分去。Segafredo Zanetti贵为意大利品牌，个「高茶」卖相就未免「有失身份」，唔好话以三层架咁高姿态，就咁以两只餐碟都喺令人感觉过于普通。咸点：鹅肝多士、火腿芝士三文治、迷你春卷、烟三文鱼泡芙鹅肝多士，只喺鹅肝酱配法包，法包一点都无烘过，所以多士之名有点儿戏，鹅肝酱粉嫩柔软，食落口咸香软滑；火腿芝士三文治相信喺成个餐最低分、最无睇头嘅出品，一般茶记食到嘅水平，除非夹住嘅喺巴马火腿就可能另眼相看；迷你春卷一睇就似足越南嘅丝网春卷，还算松脆，但原来馅料有满满虾肉，即时加番分俾佢；泡芙甜食就试得多，咸食就较为少，依个烟三文鱼泡芙细细个，可以一口搞掂，干净俐落，泡芙唔算好松软，内里亦只喺单单夹片烟三文，口感有啲寡，如果加点蜜糖芥茉汁，相信味道更有层次。整体上，咸点有啲未够秤，其一就喺款式唔突出，其二，味道有好大改善空间。甜点：栗子挞、意大利芝士饼、芒果慕丝蛋糕、马卡龙甜点又咩景呢？款式及外观，至少比咸点好。栗子挞，精致小巧，朱古力挞底颇松脆，栗子蓉做得幼滑，味道粉甜；意大利芝士饼，纯以个人口味就肯定唔达标，以海绵蛋糕取代手指饼做底，都唔喺问题，但啡味酒香味欠奉，而上层芝士馅只占一小部份；反而芒果慕丝蛋糕做得唔错，芒果慕丝好柔滑，味道清甜，加埋点点果肉，很有水准㖞；马卡龙，一啡一绿，喺焦糖跟绿茶，表面烘得几圆滑，手势唔错，味道不竟都喺偏甜，正宗马卡龙嘅特色，口感烟韧紧至，渗点焦糖、绿茶香，不俗！结论喺甜点比咸点稍优胜，但仍可以再做好啲。餐饮咖啡以外，都有几多餐茶选择，例如伯爵茶、洋甘菊茶、薄荷茶……等等。我哋两个都要咖啡，Ivan兄要嘅喺意大利泡沫咖啡，小弟则点咗鲜奶咖啡，拉花似乎喺个心形，不过唔喺几靓，还好就喺咖啡有水准，咖啡香气馥郁，味道很醇和。个「高茶」套餐话原价值$288，感觉有点疑问，当然依家团购价$99（另加一），确实超晒值，因为净喺两杯靓咖啡都差唔多要咁嘅价啦。不过，当正餐两个就一定唔够食，所以我哋再另外点多一个餐，佢有个「all day set menu」，无分日头定夜晚都有得嗌，有前菜 / 餐汤、主菜、甜品、餐饮，价钱视乎所选主菜而定。烟鸭胸沙律配柠檬蜜糖汁沙律菜之上，有烟鸭胸及柚肉、哈蜜瓜，配衬酸酸甜甜嘅柠檬蜜糖汁，挺醒胃。以一个套餐嘅前菜嚟讲，份量实属不少呀。烧鸡肉青豆意大利饭（$103 – 套餐价）主菜依晚就有5款，有三文活、意大利粉、意大利饭、烧法国春鸡及煎三文鱼。拣个意大利饭都无咩偏好，都只喺随意。青绿色嘅外观源于青豆所做嘅汁，青豆味唔错㖞，意大利饭煮得又够咬口，拌有好多菇菌同烧鸡粒，撤上少少即磨黑椒碎，好好味，如果可加少少芝士粉就仲正添。意式奶冻是日甜品喺无得拣，只有意式奶冻，平滑嘅奶冻本应卖相平平无奇，不过以红莓浆及朱古力浆画咗个笑脸出嚟，份外有趣。再者，个奶冻做得挺身柔软，好重奶味，又有云呢嗱香，因为刮到下面粒粒云呢嗱籽就会清晰可见，绝对真材实料。小弟一杯咖啡就够，所以全日套餐杯餐饮就再由老死搞掂。今晚好开心跟老死食嘢吹水，虽然个高茶未达预期，但个晚餐质素仍高，轻轻松松倾咗两个几钟，慢慢食慢慢叹，感觉好有偷得浮生半日闲。
继续阅读
Set Lunch头盘可选择鸭胸沙律或南瓜汤, 我叫了南瓜汤, 汤的卖相没什么特别, 但却非常好味, creamy又够热, 是一流的南瓜汤!!午餐主菜是鸡肉青豆意大利饭, 侍应在我落单时问我饭要硬身些或软身些, 可以就番客人, 加分! 可能是因为我叫了要多些芝士, 令到饭偏咸, 但芝士味却不算浓, 反而却充满basil味, 很有意大利风味. 由于意大利饭本身很饱肚, 所以即使看上不是很多, 但都已经很饱.甜品是panna cotta, 几好味. 饮品我加钱转了iced green tea latte, 绿茶味非常重, 奶味也不算很重, 但以香港人的口味来说, 我觉得明显不够甜, 如果喜欢少甜或走甜的人便适合了.餐厅环境很舒服, 背景音乐不会令人觉得嘈, 全餐厅只有大约6张枱, 侍应招呼有礼有微笑.总括来说, 南瓜汤最赞, 主菜一般, 甜品不错, 饮品再甜些便perfect, 环境和服务都good, 价钱合理, 是值得推荐的休闲型小餐厅!
继续阅读
这间小餐厅位于上环的一些横街上，有点儿不起眼，不过，今次有上环上班的朋友带领，很容易就找到。店面很小，堂食座位不多，听说平日中午很满座，这天我们星期六12点左右到，我们应该是这天第一桌堂食的顾客，不过，接著人真的多起来了。当天，我们点了lunch set, 选了沙律、意粉和甜品；沙律的酱汁很开胃，带点酸甜，除了沙律菜，还有西柚和菠萝，而上面更加了一些又脆又甜的合桃碎，整体配合得很好。意粉方面，我们选了蚬肉蒜片意粉，味道还不错。而最令我们惊喜的是跟餐的甜品--- creme brulee! 脆脆的焦糖面，加上又香又滑的布甸，美味！再配上香浓的咖啡，真的是很让人很满足的午餐！
继续阅读