影片
食家推介
之前探中大工作嘅朋友班，每次都系揸车去科学园食饭，但原来附近嘅逸珑湾II期商场内有更好嘅餐厅选择，呢度好多Polaroid收藏，可以参观吓！而且不但大人食嘅慢煮西班牙猪鞍、原只烧春鸡、宝云酥羊架、纽西兰草饲肉眼扒好出色，连小朋友嘅儿童餐都咁正，佢哋可以自选pizza配料，超开心😆因为估唔到呢个「隐世」地方咁有惊喜，忍唔住问吓厨师背景，原来佢之前系某大餐厅厨师，但我觉得佢嘅食物质素系比𠮶间餐厅更出色，𠮶日我见唔到佢唔可以当面赞赏，如果有附近工作/ 住客见到，麻烦帮我揾返俾佢知 👍🏻最后想讲，甜品好多选择，多到令人选择困难，好彩我哋人多可以试到6款 (朋友话我哋搞到好似酒店自助餐嘅甜品拼盘咁😆）：蓝莓芝士切饼石板街冻饼抹茶巴斯克芝士蛋糕原味巴斯克芝士蛋糕大吉岭麻糬卷蛋跟餐：朱古力心太软除咗朱古力心太软我觉得太甜（但朋友话好好食），其他全部蛋糕无论味道同口感都超好，尤其芝士蛋糕好幼滑浓郁，麻糬卷蛋茶味清香配合烟靭Q弹麻糬非常上瘾。
继续阅读
高质西餐一定要去酒店同扒房？今时今日唔少小店出品绝对有惊喜！位于大埔嘅Seek就系好有惊喜的小店，有自己bakery出面包、蛋糕，有靓咖啡，你以为佢系以Cafe定位，但原来晚餐主菜都一样得🤩😋 柚子鸡翼（$48/5只）炸得好香脆！面嘅柚子酱平衡返油腻感，而且系大size鸡翼，呢个价真系好抵食👍🏻🍖 宝云酥羊架 （$158）喜欢食羊嘅唔好错过，必食！腌料令到块羊无乜骚味，而且肉质好腍，有近乎羊腩嘅口感，但仍然有咬口🤤🥩 纽西兰肉眼扒 （$228）牛扒份量都几大，如果两个大人嗌两样share可能会比较好。🥩 慢煮猪鞍配南瓜薯蓉（跟餐$168）食得出系靓料猪鞍😌 外面煎得香脆，内里嫩滑juicy，配带有甜味嘅南瓜薯蓉好夹～🍗 烧春鸡（跟餐$178）连鸡胸都唔会「鞋」，配薯条小朋友就最开心😆 🍨 朱古力心太软（跟餐加$38）晚餐因为甜品而完满❤ 加$38就有靓靓心太软，打卡一流🤣 切开流出软心朱古力酱，控制得啱啱好～ 其实店面甜品柜仲有好多款！芝士蛋糕、卷蛋⋯ 唯有下次再试
继续阅读
同朋友Gathering，有大人有小朋友，最希望小朋友啱食又有空间唔影响人，bonus系大人都有好野食🤭 朋友就拣咗位于大埔嘅商场餐厅，配套好好泊车都方便～原来餐厅系以摄影为主题，相信老板应该系摄影发烧友，见到好耐无接触嘅Polaroid 相机、菲林，真系好有质感～首先要照顾小朋友先有得食🤣 儿童餐真系妈妈恩物💕 重点highlight儿童餐个Pizza系可以自选饀料同酱汁！囡囡就拣咗菠萝、火腿、千岛酱，好开心小朋友全清🥳搞掂啲囡就可以安心开餐，西餐主食都好有水准呀😍宝云酥羊架👍🏻👍🏻👍🏻My favorite! 羊架煮到好淋，一啲都唔骚😍 以往食羊架我钟意配薄荷酱，但呢个羊真系就咁食都好好味🤤烧春鸡👍🏻👍🏻👍🏻外脆内软滑，连鸡胸都好好食！慢煮猪鞍👍🏻👍🏻👍🏻切落去已经feel到好淋好juicy，外层经香煎好香口～最后梗系要叹番杯啡😆 同埋食甜品！餐厅有自制嘅面包、蛋糕、切件蛋糕，连黑糖麦包都有！同朋友share左几款cake，再加埋set dinner加配嘅心太软，真系大满足❤️ 我最钟意大吉岭麻薯卷蛋😍 真系好好好好味，味道清新唔太甜，小朋友都啱食～
继续阅读
小朋友病左大半个月都冇出过街今日带佢去近近地嘅餐厅补补佢科学园附近有间高质西餐厅店内超多怀旧相机，一于就试试佢🔹️ 宝云酥羊架配新薯 （套餐） $188美式南方炸鸡，青柠檬百香果梳打（+$12）是日蛋糕（+$20）本人好钟意食羊架，一般餐厅多数系香草煎/焗，太普通了宝云酥羊架系一道法国菜式外层酥脆，内层肉汁丰富，令人无法抗拒🔹️纽西兰草饲肉眼扒配新薯及菜(12oz) （套餐）$248特浓朱古力（+$12）小朋友最钟意食牛扒，好厚好大件，起初仲担心会韧，小朋友试左一啖后大赞👍🏻又淋又juice🔹️香煎石斑柳配南瓜薯蓉 $118啖啖嫩滑嘅鱼肉加健康南瓜蓉，一试爱上🔹️烟三文鱼鸡蛋红菜头日本紫甘薯南瓜藜麦沙律（套餐）$148烟熏味适中，唔会太浓味兼过硬，红菜头本身非常淡味可以夹紫甘薯仔嘅甜一齐食，清啖口味人士可以一试。
继续阅读
科学园终于有间味道几好既餐厅，帮衬过三次，整体食物质数都不错，份量都足够，选择都算多，如果价钱可以平返少少会经常帮衬😆咖啡有惊喜，南瓜薯蓉都好食，希望可以保住水准！
继续阅读