Seedling Cafe (已結業)

今日兩公婆近近地黎左元朗拍拖，都吾知食乜好，見到呢間小店cafe好似幾吾錯就入左去食晚餐。雖然呢到舖頭細細位置比較小，但都好有feel，每張枱都放左個蠟燭，即刻增添左氣氛。紐西蘭極上牛柳$78加配薯菜需要加$15，不過薯條真係好好食，係即叫即炸仲係熱辣辣，係幼薯條但都好重薯仔味，牛柳叫左五成熟，切開係粉紅色的，好靚，食落好有牛味，而且好容易咬開。日本直送海膽松露忌廉意大利粉$98海膽帶有小小甜味，而松露味道超級濃烈，如果中意松露既必試，淨係嗅落已經好香。飲野我地點左兩杯特飲，芒果乳酪特飲$32，芝芝草莓乳酪$38，賣相好靚，真係有草莓係入面，飲落好似出面手搖舖既野飲。

喺元朗教育路後面嘅一條巷仔見到呢間舖頭，細細地但係幾溫馨嘅小店，決定試吓餐牌上嘅選擇都幾多而且價錢貼地牛扒配薯菜因為朋友唔食生，結果嗌左全熟omg但係都仲好林，好想自己嚟嘅時候再嗌過五成熟啊！個汁好香，而且薯條比較粗身，炸得好好味。另外叫咗個忌廉汁牛油果蟹肉焗意粉，個忌廉汁真係好特別，係廚師用鮮忌廉新鮮製造嘅，好creamy，配埋牛油果特別健康。不得不提嘅係佢嘅餐湯啊！佢個忌廉湯真係好唔同，唔知點形容，但係有好重嘅奶香味。配埋香草一齊，啱啱好中和返過膩嘅感覺，真係幾想再食多次。

今日約咗朋友食飯經過元朗好旺嘅食街 有一間細細間嘅cafe呢間叫seedling cafe嘅餐廳 入面都坐咗好多人 不過都唔使等位就入去食下啦餐廳地方唔大 枱都係得十張左右 非常有人情味首先叫咗個 鮮手打忌廉湯 忌廉味好濃沃 濃淡調教得恰到好處 唔會太稀太傑好好飲牛油厚多士 烘得卜卜脆牛油味香濃香酥軟殼蟹松露忌廉意大利粉 軟殼蟹非常脆卜卜咬落入面仲非常多汁意粉份量唔大 每條意粉都索曬松露忌廉汁 唔會好濃芝士焗加拿大龍蝦芝士忌廉通心粉 上面滿滿嘅焗芝士非常惹味 下面嘅通心粉裏裏外外都包裹住芝士忌廉汁超正 龍蝦肉鮮甜彈牙

鍾意出街晚飯同宵夜既元朗人應該都冇咩人唔識得金輝徑，每次夜晚行過都會見到好多枱格櫈櫈擺滿成條街，個個坐哂係度食飯。但一路以黎都係食d小炒同中菜居。前2日行過原來唔知幾時開左間cafe，而且晚飯時間仲有牛扒、意粉等等既主食，咁岩有d見餓，所以就入去試下。加拿大龍蝦忌廉芝士意大利粉（$98）一上碟已經見到有隻龍蝦鉗係意粉上面，而忌廉汁係由店家廚師特製，同一般街外食既有d唔同，而且仲有d什菌，可以減低忌廉汁既油膩感，而意粉爽身唔會過淋。鍾意食忌廉汁意粉既可以黎試下

星期六放假去左元朗覓食去左位於金輝徑既Seedling Cafe食晚飯餐廳唔算好大但坐落都幾舒服家庭式經營有種溫馨既感覺餐廳提供既食物種類都幾多有主菜、意大利粉、焗飯、漢堡、小食同甜品呢間cafe既忌廉汁及餐湯，由大廚獨有秘製鮮手打及烹調而成，茄汁及其他醬汁是獨有調配今次我就叫左個牛扒試下澳洲頂級草飼牛西冷 (約7oz - $98)醬汁可以揀燒汁、黑椒汁同蒜蓉汁我今次就揀左燒汁用黎送飯燒汁食落同出面係唔同啲既味道調配得剛剛好唔會好鹹大廚先用少少黑椒醃牛扒叫左7成熟唔會好韌主菜會包一杯熱飲，可以揀熱檸檬茶/熱檸檬水/熱玄米茶 (凍飲都係加$3)天氣咁熱最啱叫一杯凍檸水降溫價錢都幾親民性價比都幾高下次要試下佢個意粉先

元朗西鐵附近開左好多食肆，但媽媽娘家喺圍村，西鐵係好遙遠～陪佢探完親戚都係要去嘉誠附近食嘢，呢頭食肆小店為主，每間都好有特色！元朗地膽介紹左一間西餐廳，主理廚師曾工作於五星酒店法國餐廳及澳洲知名得獎餐廳，相信味道會令人驚喜！忌廉類係必試名物，因為係由主廚秘製鮮手打及烹調，一場嚟到當然會同忌廉有關嘅嘢啦！🥣忌廉湯香濃軟滑，質地少少稠而無結漿糊狀，非常易入口而且唔膩，味道經典，好好味👍🏻🍝 香酥軟殼蟹松露忌廉意大利粉意粉份量極多！而且有足夠忌廉汁蘸滿每一條意粉，忌廉汁同湯嘅味道無重疊，但仍然清新唔膩喉！配料軟殼蟹炸得酥脆，炸物乾身無油淋淋，而且調味明顯無落味精🐖 香烤西班牙粟飼法式豬鞍架豬鞍超有驚喜！餐廳表明唔用鬆肉粉，但厚厚一件嘅豬鞍肉質好軟腍腍！肉質腍而唔霉，咬落重有肉汁！💦加埋秘製醬汁烤製，真係好好好推介！🦋紫色夢幻特調紫色夢幻特調帶少少可爾必思味道，蝶豆花嘅紫色分層令飲品好𝗂𝗀𝖺𝖻𝗅𝖾🥭芝芝芒果乳酪 𝖸𝗈𝗀𝗎𝗋𝗍+芒果係必勝組合，芝芝奶蓋好堅挺，真材實料餐廳食物高質，品道有自己特色，價錢非常親民，除左忌廉汁外，茄汁同其他醬汁都係獨有調配，而最開心嘅係店員態度好親切，食飯最開心係遇到

今次第一次去，朋友帶我入左去試～感覺都幾正😜～菠菜忌廉湯 好少地方會肯咁煮！～沙律 幾開胃，feel到有啲檸檬汁嘅調味～黑松露意粉，意粉、汁都好食，食得出真係酒店大廚style！🤣🤣～西冷牛扒，夠大份，大件夾抵食～漢堡，龍蝦同蕃茄味配得幾好🤣～芝士焗生蠔，抵食！總結黎講下次會再fd黎食，因為真係抵食，仲要好唔細份。就算同女朋友黎chill下都唔錯！#忌廉汁及餐湯由大廚獨有秘製鮮手打及烹調而成#茄汁及其他醬汁是獨有調配

平時經過想試好耐，今日又入左去試～Chef同Waiter姐姐依舊好nice～今次我地兩個又點左個黑松露意粉😜～菠菜忌廉湯 依舊好味～唔會漏～～沙律 好有心，除左火箭菜、紅毛外，仲肯整三色椒～唔係幾條菜撈埋就算，輕微檸檬汁嘅調味更加無得輸～黑松露意粉，意粉嘅烹調非常好，唔會太稔～西冷牛扒，牛扒份量都好足～～漢堡，雖然個包塌左少少，但都幾正🤣～芝士焗生蠔，呢個價錢已經好正～仲要即整出黎熱辣辣，入口即化～抹茶咖啡🤤好飲，唔會太甜～今次都係唔無飲手沖，下次teatime再黎試！會有下次！#忌廉汁及餐湯由大廚獨有秘製鮮手打及烹調而成#茄汁及其他醬汁是獨有調配

今日去試一間朋友介紹嘅西餐廳👉「Seedling Cafe」！ 重點推介就係佢啲醬汁 ，話說忌廉汁及餐湯係由大廚秘製烹調而成，仲有茄汁及其他醬汁是獨有調配! 餐湯真係好有驚喜，係大廚獨製而成， 忌廉湯入口香濃幼滑，yummy ! 跟餐upgrade $15 就可以有餐湯/ 沙律，加 $5 牛油厚多士。《香酥軟殼蟹松露忌廉意大利粉》軟殻蟹炸得十分香脆， 配上香濃松露忌廉汁，煙韌意粉，夠晒美味，超高水凖， 好好食呀！ 《鮮茄芝士豬扒焗飯》， 豬扒入味，配上鮮茄芝士，酸酸甜甜特製鮮茄汁，滋味而極十分可愛嘅《鮮奶咖啡 》，鮮奶香滑，咖啡香濃，加上拉花熊仔作點綴，就Perfect 啦！夏天必叫 《四季鮮水果茶》，味道香甜，好fresh !

天氣好熱，但係心血來潮想去元朗行下街，就咁岩去果邊搵下有咩小店試吓食晚餐。🍴加拿大龍蝦芝士忌廉意大利粉龍蝦已經拆肉，食得好方便，忌廉汁由大廚獨有秘製鮮手打及烹調而成，好creamy但又不會太膩，配上雜菌，十分滋味。🍴鮮茄芝士豬扒焗飯茄汁都係大廚獨家調配，味道偏甜味，完全唔會酸，但係個人偏好蕃茄嘅酸甜味。豬扒份量適中，但略嫌較薄，配以普通飯底，不錯的。但肥A覺得炒底更佳。🍴忌廉菠菜湯&牛油厚多士&沙律忌廉菠菜湯好好味，忌廉汁都係大廚鮮手打，雖然有啲稀，但係就唔會有油膩感同溝水嘅感覺。厚多士正常水平，脆脆咁配湯不錯。沙律醬汁好開胃，但略嫌菜不是太新鮮。🍴四季鮮水果茶水果茶係夏天嘅清泉，好fresh，飲落唔會太甜，茶底不錯，幾解渴，而且叫少冰，真係有少冰呀。整體用餐感覺不錯，服務態度幾好，不過冷氣有啲不足。

眾所周知元朗好容易搵好嘢食，今日就經過呢間小店，睇吓係咪真係咁容易中獎😆見到佢裝修既溫馨又舒適，而且店員親切，搞到我都忍唔住叫多啲嘢食😊牛油果蟹肉沙律$58牛油果好香，蟹肉同菜都好新鮮，食落好開胃❤️澳洲頂級草飼牛西冷$98西冷肉質煙韌，幾重牛肉味，配上黑椒汁味道好夾，而且好大碟，分量足夠👍🏻香煎日本帶子蒜香炒意大利粉$88日本帶子好大隻，而且有鮮味，用咗牛油煎好香，意粉質感偏軟，配上香草蒜頭炒，好香口！☺️飲品方面叫咗宇治抹茶拿鐵同凍檸茶，抹茶味道香濃，奶味濃郁，值得一試！👍🏻總括嚟講食物質素幾好食，尤其係餐湯由大廚秘製新鮮手打煮成，而沙律汁係自己調配，所以同其他餐廳有分別！❤️

今日咁啱路經元朗，打算係附近食埋午餐。搵下搵下見到呢間餐廳。menu好似好吸引。於是入去坐低。平日嘅下午唔算十分多人。望下個menu決定叫美國極上牛肉芝士漢堡伴薯條。飲品叫咗杯凍檸茶。由於係即叫即做嘅關係。所以等左一陣。但我自己覺得絕對值得。先講杯凍檸茶，佢完全無落到糖漿，我覺得好好因為我自己好怕甜。真係飲返檸茶嘅味道而唔係飲糖漿。等左一陣。主角上場。薯條炸到熱辣辣，勁香口。牛肉芝士漢堡。牛肉肉汁勁多，而且牛肉勁鬆軟。唔會死實實。仲有勁多芝士。好好味。而且佢價錢非常合理。下次有機會都可以再幫襯

今日約咗一位住元朗嘅朋友食飯，佢就帶咗過嚟呢一間西餐廳。間餐廳細細，但係有嘅款式選擇都好多。我哋要咗個西班牙粟飼豬安架配薯菜，牛油果蟹肉忌廉意粉，仲陪咗餐湯同埋沙律。個忌廉湯好有驚喜，味道同出邊嘅忌廉湯比較唔同，呢度嘅忌廉味比較重之餘，啲湯嘢係手打嘅。個豬安呢啲肉都幾林，唔會有浸豬臭味。至於個牛油果蟹肉忌廉意粉，個忌廉汁好濃，個汁係廚師秘製手打嘅，所以都食得出同出邊唔一樣。飲品方面叫咗一杯凍朱古力，有一杯紫色夢幻特調飲品。環境方面雖然坐得唔算好舒服，但係職員態度都幾好，服務搭救。

一直想試元朗Cafe，喺大排檔附近就有一間！來試吓味先！一來已經比呢度d裝飾吸引左！影左menu來參考下叫左一個8味餸晚餐套餐，再加個dinner set ,好抵食！價錢中等，第一就嚟個忌廉濃湯，原來memu提及左忌廉汁及餐湯都係由大廚獨有秘製鮮手打及烹調而成,茄汁及其他醬汁是獨有調配，個湯真係真材實料，好味啊！之後仲有鵝肝，沙律，Toast, 芒果smoothie, 真係好多嘢食呀，個晚餐係配龍蝦半隻配西冷牛扒！芒果smoothie無影相，不過龍蝦牛扒餐真係好正！個龍蝦勁多蝦膏，好細心俾埋個鉗我開隻龍蝦，另一個晚餐係盲曹魚魚扒配燒汁外皮煎到好脆可口！成個晚餐又豐富又多樣，好滿足！一定會再嚟！

餐廳裝修簡約，店內唔算濶落，不過枱與枱之間有一定距離，環境清潔冷氣夠凍🆒員工態度殷勤，落完單主動送上水。另外牆上面設有呼叫鈴, 細心位加分呀！同員工傾幾中得知哩間餐廳的主廚曾經在五星及酒店法國餐廳工作，忌廉汁和餐湯都係由大廚獨有秘製、新鮮手打而成～ 我地決定加左$15upgrade個手打忌廉餐湯🤤📍雙重芝士鮮蝦漢堡伴薯條沙律🍔🍤蝦肉食得出新鮮，蝦漢堡份量足料啖啖肉📍黃金盲曹扒配XO醬柚子燒汁🐟魚皮煎得夠香脆，魚肉熟度剛剛好唔會over cook, 同個XO醬柚子燒汁夾埋感覺清新📍牛油果蟹肉沙律 🥗蟹肉新鮮鮮甜👍🏻　不過牛油果太幼條，粗Ｄ會開心Ｄ📍餐湯 🥣餐湯的確令人喜出望外，口感十分creamy 夠滑身夠濃稠，味道有驚喜😍📍芝芝芒果乳酪 🍹另一樣驚喜之選~~ 乳酪同芒果肉的口感味道十分夾, 食飽飲又可以解膩, 推介🤤🤤🤤📍宇治抹茶latte 🧋飲落順口，細心地用上了雙層玻璃杯保住飲品的最佳溫度❤️