影片
港铁筲箕湾站 B1 出口, 步行约2分钟
继续阅读
营业时间
星期一
12:00 - 15:00
18:00 - 23:00
星期二
全日休息
星期三至日
12:00 - 15:00
18:00 - 23:00
以上资料只供参考，请与餐厅确认详情
今晚又同老公去东大街觅食，经过一间德国菜餐厅，见好少食德国菜，于是胆粗粗入去试下。店舖小小，因为今日系闲日，所以全店得我地两个客。除左挂左几面德国国旗同装饰外，其实真系冇乜异国情调，一直播住旧嘅广东歌，电视仲定格喺一套好旧嘅港产电影度⋯😂我地一人叫左一份set dinner。天寒地冻唔食沙律，要蕃茄忌廉汤。热辣辣，够酸，味道唔错，好开胃。主菜叫左黑松露野菌烩饭同香肠拼盘。烩饭嘅烩汁黑松露味都颇浓，质地浓稠，饭粒饱满，唔错。香肠拼盘较普通，都系比较常见嘅法兰克福肠、纽伦堡香肠、慕尼黑白肠，又长又幼果条唔知叫咩肠，最好食系佢，比较juicy，其余果三种都普通d。有d酸菜丝、小酸瓜中和下，冇咁腻。
继续阅读
食德国菜当然要食德国猪肘！但店员话要等45分钟，目测店里有两台客人食得滋味既样子！希望值得等啦！招牌脆皮烧德国咸猪肘伴酸椰菜烤烧薯角大大只猪手上台！正考虑从何落手时，细心既店员细声提醒话可以代切。
继续阅读
餐厅细细，座位大概十几张.叫咗份牛扒,不过味道麻麻,五成熟但无咩肉味!德国肠拼盘有点儿令人失望.以为德国餐厅可以食到高质数少少嘅肠仔，点知味道普通到似supermarket嘅肠！不过唔紧要，我地系为咗猪手而黎嘅！好彩猪手皮脆肉嫩,上到抬热辣辣,味道适中唔系死咸，为今餐挽回唔少分数!
继续阅读
为庆生专诚搭车过来的一餐店舖内感觉细细的不过唔觉空间窄，装饰简单，每次可以专注做几枱客，相信出品应该唔差的了！店员说套餐刚转了新款式，望过餐牌也决定试试。今次点了套餐巴马火腿伴蜜瓜咸香的火腿配上熟得刚好甜蜜的蜜瓜，简单的配搭摆出一幅画！又睇得又食得。德国面包蓝配金文拔芝士酱有唔同口感的面包集合在一起，有脆的，有睇落烟韧食落软糯的感觉的，配上味道适中的芝士酱……！话咁快就食晒D面包！是日餐汤甘笋忌廉汤，甘笋汤清新入口甜甜的，唔似其他西餐厅的面糊汤又淡味道又杰。主角出场了！德国咸猪手配酸椰菜薯角店员先给我们看看烧好的猪手，问我们想自己切还是他们代切，我们唔想食到鸡手鸭脚，当然给厨师代劳啦！咸咸的猪手真系要配德国啤酒一起享用，一口咸咸咸猪手一口啤酒，爽呀！生啤味香浓厚甜。回味脆而不肥腻的猪皮。酸椰菜有少少酸咗D.薯角也唔错。炸海鲜拼盘有虾、鱿鱼、蚝、虾多士、烧粟米、车厘番茄及薯片，海鲜炸得吉列脆脆。由于套餐份量十足，食唔晒都外卖攞回家了！餐后来杯香浓的即磨咖啡
继续阅读
今日揾咗呢间试，见网评话好食自己又想食德国🐷🖐🏻，便透过open rice预定功能订枱。4行人叫咗2份2人餐烟三文鱼沙律菜，有4大块烟三文鱼，沙律菜内已落醋，份量刚刚好。面包篮，有2支又长又脆既手指饼，有2块手心大小既方形脆饼，有一块好大嘅德国结面包，食完已经饱咗1/3。忌廉汤，汤面有少少黑胡椒碎，好浓好味道。🐷🖐🏻配酸菜薯仔，🐷皮卜卜脆但有些少太硬，猪肉淋又有些少肥膏，好味道。带子意粉，带子有2大粒，好淋，少少少少辣味，意粉d汁都好味。餐饮可以改果汁，我地饮咗石榴汁，热情果汁，苹果汁。4个人叫咗2份2人餐，晚餐要加一，唔驶$1000，抵食。但会建议应该叫一份2人餐再加其他食物，因为份量唔弱㗎。
继续阅读