Scaredy Cat Ice Cream and Coffee Shop (已搬遷) 新店位置

之前已經聽過元朗食街附近有Tiffany Blue雪糕，個日同朋友經過見佢有開，就決定試下。雪糕口味每日唔同，果日有三款選擇，包括海鹽藍雲呢拿、熱情果乳酪同扭紋（海鹽藍雲呢拿X熱情果乳酪）。我揀左店鋪嘅招牌口味海鹽藍雲呢拿雪糕，而朋友就揀左熱情果乳酪。珍寶筒同迷你筒只係相差五蚊，甜品控當然揀珍寶筒。攞到雪糕第一時間打卡，因為Tiffany Blue顏色的確好靚，而且出面好少有呢種顔色嘅雪糕。影完就即刻試下味道如何，雪糕唔算好甜，雲呢拿味亦唔係好重，反而係每啖都有海鹽味，一入口似普通雪糕，但慢慢d海鹽味會散發出黎，好特別。可能有人會覺得咸嘅雪糕好奇怪，但海鹽同雲呢拿雪糕出奇地夾，完全無違和感。此外，雪糕好幼滑亦值得一讚！至於朋友嘅熱情果乳酪味雪糕就比較普通，我比較鐘意創新嘅海鹽藍雲呢拿雪糕，味道令人非常難忘！$25可以食到咁高水準嘅雪糕，仲有印花儲，我有機會一定會再光顧！

世人都阻止唔到黑糖嘅發展了，繼黑糖珍奶後，呢間小店推出左黑糖珍珠雪糕，襯週末去元朗就試一試。好耐之前光顧過一次買飲料，之後經常推出啲造型吸睛嘅雪糕，都引唔起購買慾，反而因為黑糖，我來了，鋪頭都充斥住黑糖味。黑糖珍珠髒髒杯有兩款，分普通杯、升級杯，以特濃鮮奶雪糕為基底，前者加黑糖醬、黑糖珍珠；後者係額外有威化餅同蛋卷，定價$32/38。就咁睇餐牌照片，感覺上普通杯嘅份量細大半，C9心態，我就揀左大杯裝。黑糖珍珠髒髒 $38/升級杯雪糕到手幾有份量，有好奇心想試，但又得一個人食最好點細杯。賣相同圖片相符，幾有心製作黑糖掛杯，因為杯邊紋路係好完整一圈圈的，後面會睇得比較清楚，貫徹小店好多出品都為相機食先而設。先講欣賞嘅地方，威化同蛋卷係脆的，亦冇平價蛋卷味雪糕份量唧得多，滿滿一杯，面頭嘅便便形保持得到，但底層嘅雪糕基本上已融化。雖然話係特濃鮮奶味，實際上奶味唔係太重，反而只有一股死甜。最出事係質地，厚厚實實，每一啖都好膩，寧願做得輕盈啲更好黑糖珍珠偏細粒，部份煙韌，部份個芯係硬的，甜度偏高。餐牌：

食完碗麵，周圍行吓又搵到正嘢！美人魚雪糕！好多人買好多人排隊，仲好多人喺度影相！好似大明星嚟咗一樣！不過無可否認你部雪糕真係好靚，係我人生見過最靚嘅雪糕！其實他們這裏的雪糕都有三款選擇，美少女戰士同埋小王子！我就揀咗隻杯美人魚！其實真係有啲唔捨得食落去！甜到剛剛好，啱晒香港人口味！ 不過可能天氣太熱，影咗一輪相之後開始有點溶！美人魚餅貝殼餅全部都食得，味道也剛剛好！雪糕筒我就覺得唔夠脆，少了一份牛油的香味！

I heard about this a while ago. As a Sailor moon fanatic, of course I have to try it out!I went there on a Sunday, it was pretty empty so I didn’t need to queue which was good.I ordered the Moon Coronation in a cone, there were two flavours to choose or you can have both. I went for the blue vanilla sea salt (same as the poster).The decorative toppings were very cute! The artwork of the brooch was made by icing sugar and a piece of Oreo biscuit, cute but too sweet for me, and the wand was made w

近呢幾年美士女戰士大熱回歸，不同的品牌推出同美少女Crossover商品，不停地吸精同吸金。呢估熱潮仲去到元朗又新街的一間小雪糕店。雪糕店有兩款主題雪糕，除左仿效美少女戰士的月之加冕外，更有美人魚之淚。個日有海鹽藍雲呢拿雪糕及熱情果乳酪可以選擇，如果兩種味道都想試的，仲可以揀扭紋tim~當落單及付款後，姐姐就會即刻係後面準備。為左影相效果，我揀左海鹽藍雲呢拿味。同一般雲尼拿味不同的地方係入口個下係鹹鹹地，鍾唔鍾意就好個人了。如果你未試過的，我覺得值得一試。雪糕質感方面都幾幼滑，而且無加太多的添加劑，所以溶化的速度都幾快，所以影完幾張相就好食了。食到窩夫筒，稱不上脆口，不過都幾鬆化。美少女變身器為OREO餅加糖膠、權杖係百力枝加糖膠、羽毛翼係糖膠。糖膠我就無咩興趣，所以淨係食D餅。雪糕店仲提供不同的解渴飲品，大家口渴時可以邊飲邊食雪糕。==============================鍾意我的分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

美少女戰士貓冰樂$55貓冰樂有得食又有得飲，二人用。家姐特登入元朗搵我，帶佢黎試下呢個雪糕，見上網都有人介紹，有Tiffany blue顏色既雪糕同美少女戰士既造型，最適合佢打卡我地瘋狂地影左多張相，影到差唔多溶先食除左美少女戰士造型，仲有美人魚同小王子造型。雪糕個味係ok既，個野飲都係ok既，d糖膠就真係麻麻地，食落以為係道具咁，怪怪既口感。總結係買相靚，好適合打卡用既，55蚊好似有d貴，試一次冇防

[ 實在對靚靚雪糕零抵抗力🌺]••上次難得放假入元朗，緊係要一次過食哂我想食既野啦😋我個小導遊沿路，一路行一路介紹「呢間串燒好食呀！」「呢間珍珠奶茶扺飲呀！」💁🏻‍♀️我又已經mark低啲好餐廳📝⋆ ⋆ ⋆ ⋆ ⋆🔹美人魚之淚($45)⭐️5/10我掙扎左幾秒，要美人魚好，定美少女戰士好😍最後我揀左美人魚🧜🏻‍♀️其實都係一樣好夢幻既顏色，都係好少女呀🙈海鹽藍雲尼拿+菠蘿椰子乳酪🍦食落只係覺得好重乳酪味，極淡菠蘿味🍍食到尾覺得咸咸地，應該就係海鹽？🤔唔怪得叫美人魚之淚啦，就好似眼淚咁咸咸地😢-🔺啲裝飾食落口感味道都好似泥膠🤢其實係咪唔食得架🤢-

👫元朗又新街出名多嘢食，係掃街盛地🤤 今次難得約咗foodie嚟呢頭食好西，就嚟咗呢間一直好想試嘅夢幻雪糕啦💜 📢 一一一一一一一一一一一一一一#美人魚之淚 <$45/珍寶筒>有得揀雪糕貓冰樂、杯裝或者珍寶筒，為咗影相靚啲就揀咗珍寶筒啦🍦口味方面，我地就揀咗扭紋雪糕，有兩隻味：海鹽🌊藍雲呢拿&菠蘿🍍椰子🥥乳酪🤤本身雪糕嘅顏色已經好靚，係tiffany blue同淡黃色，配搭得好靚😆 少女心爆發呀❤️ 雪糕上面仲有好多用糖膠製成嘅海洋裝飾，貝殼🐚、海星、海馬同美人魚尾🧜🏻‍♀️ 拎嚟影相打卡一流😍味道方面有啲失望🙍🏻 海鹽🌊藍雲呢拿味食落奶味較重偏少少鹹🤔 菠蘿🍍椰子🥥乳酪食落得好少嘅菠蘿味，比較偏甜，如果酸啲兩隻味應該會夾啲，整體嚟講味道一般🤦🏻‍♀️ 啲糖膠千其唔好食😂 用手摸落去係淋嘅，咬咗一細啖已經想吐返出嚟🤮 最後掉曬啲裝飾品🌚 Btw拎嚟影相打卡都ok嘅，不過唔太值呢個價，有啲性價比低🌝一一一一一一一一一一一一一一👾驚喜指數：❗️❗️❗️🔙翻撻指數：❗️❗️（5個❗️最高）一一一一一一一一一一一一一一💑提提你：▪️雪糕溶得比較快，要盡快食呀💜

呢間小店最出名係Tiffany Blue顏色嘅雪糕，佢之前已經做過美少女戰士 - 月之加冕同美人魚 - 美人魚之淚special（宜家仲有嘅！），今次到小王子 - 小王子的情人節，講真都係啲gimmick野，但都幾靚嘅，因為本身Tiffany Blue已經好吸睛，小裝飾全部係糖膠，連張「紙」都食得，藍色雪糕係海鹽雲呢嗱味，食上去咸咸地，奶味不錯，好滑，意外地都幾好食！

行行下 好想飲番杯珍珠奶茶🍹一行入又新街 不乏連鎖台式飲品店 e.g. 清玉、貢茶，但難得黎到 又想試下啲新野😅決定俾次機會哩間 try try佢🤗叫左黑糖鮮奶珍珠 少甜👍🏻值得一讚既係杯野真係唔會好甜，飲落滑身既👎🏻但可惜茶味唔係好重，重點係珍珠有一半仲係個心仲係硬硬地嫁😫！即刻sad左！為免大家好似我咁 為左滿足冒險精神 浪費左珍貴既quota 寫番個野飲既食評（事關我買之前諗住睇左食評先 點知九成都係雪糕🍦🙈）一試無妨，但唔會回頭lu😀

意唔意外呀？驚唔驚喜呀？ 還原度極高既美少女戰士雪糕🌟藍色係海鹽雲呢拿...即係咸咸地咁啡色就係朱古力味靚靚既變身器係糖霜整架好唔好食見仁見智 吸睛度就一定爆燈🌟

今日放假走左去元朗掃街尼排雖然凍左但我照樣不忙地找雪糕🍦食雪糕真係不輪凍定熱都咁想食啊尼間店鋪既雪糕🍦吸引左我黎因為佢既賣相好靚好吸引到女仔既目光黎買有3款特別吸晴雪糕款就情人節出埋小王子情人節版雪糕💞🌹🍦另外就美少女同美人魚🧜‍♀️而味道依期有2款蜜瓜乳酪同海鹽雲尼拿最後我都係揀左美少女變身器海鹽雲尼拿真係好難決擇啊《月の加冕》$45雖然冬天雪糕🍦都好快溶😭其實佢既配件整得好有心機但係糖霜所以係吾好食既只係for影相呃like🤣同埋個變身器未食到已經成個跌左落地好彩影相影得快雪糕海鹽好好味但價錢其實相對黎講吾抵食只係岩拎黎影相啊

Sailor Moon 🌙🍦(其實呢個🍦實際叫咩名我真係唔知亦都無留意，我嗌個時都係嗌:要一個Sailor Moon甜筒呀唔該😂)一見到實物，真心嗌左出黎，真係超靚😍🤩 好啦好啦，講番味道先~~粉紅色 - 紅莓荔枝乳酪藍色 - 海鹽藍雲呢拿而貪心的我當然揀左mix啦結果又係只食到一隻味乳酪味始終都係出啲點解我要咁貪心專一啲唔得嘅🤦🏼‍♀️雪糕都幾大杯同埋都溶得幾快所以影都要影得好快📸啲糖皮裝飾真心甜到hihi整體黎講味道ok，但無乜驚喜賣相真係超級靚💖🌙用黎打卡呃like真係一流

佢哋每個星期都會新出一款新雪糕，新鮮感真係超級夠。而且雪糕都幾高質下架甘啱小編今日去到佢哋就轉咗做熱情果乳酪雪糕，咁就梗係要即刻試吓啦！首先佢哋今次個雪糕食完真係超級透心涼，啱晒呢啲熱到爆炸嘅天氣。而且雪糕好似冇之前咁易溶，唔知係咪因為食快咗嘅關係呢？等小編講返尼個雪糕先啦，雪糕一入口乳酪味真係超級重，其後就會feel到開始慢慢有啲熱情果味出嚟。味道整體就有啲酸酸甜甜，超級消暑。另外個珍寶筒亦都好脆，而且佢哋用嘅呢隻雪糕筒仲係小編最鍾意食嗰隻添！

雲呢嗱x朱古力軟雪糕 $25藍色既雪糕令人😍 雖食落冇乜味 但個樣都👍🏻😼朱古力味反而幾出 都幾濃 雪糕幾滑 但都幾易溶😩好易成到成手都係😂😂評分:6.5/10🌟