Sawadee Chef

踏入六月天气又湿又热 🥵 成日心思思想食泰国嘢，又唔想特登走去九龙城，就同朋友去咗奥海城觅食，Sawadee Chef 由著名中菜红棉主厨邵师傅主理，结合中式烹调及泰国风味，呢间新派泰国菜味道如何呢？🇹🇭
午市套餐有我见到必嗌嘅香叶肉碎饭 ($118)，咸香肉碎加埋辣椒、九层塔同豆角 🌶️ 泰国街头风味层次好丰富，半煎炸嘅荷包蛋完美流心，捞饭食一流 🍳套餐加 $48 泰式椰菜苗，蒜香味浓好有镬气～鸳鸯胡椒炒虎虾（$198）系惊喜之作，大大只虎虾炸得酥脆，肉质弹牙，黑白胡椒嘅香味好突出，辛辣得嚟又唔会抢咗虾嘅鲜味肥瘦适中嘅烧五花肉用生菜包住，伴以爽脆清新嘅青木瓜沙律好适合夏天 ☀️如果调味重手啲，点埋佢哋个酸辣酱，真系好开胃！
甜品当然要试流心芒果糯米饭（$88），软糯糯米饭，切开中间仲有流心椰汁 🥥 椰香伴埋清甜芒果，邪恶得嚟好满足；三色冰有而家少见𠮶只红色马蹄粒粒，只花花杯好 cute 😝🌼 食咗咁多嘢饮返个话梅柠檬青柠梳打（$58），酸甜冰凉好 Refreshing！，整体环境宽敞舒适，食物质素不错，有机会再嚟试吓其他嘢 😋📍 Sawadee Chef大角咀海庭道 18 号奥海城二期地下 G21-G23, G25-G27 号舖…查看更多

冇服务，冇人斟水，8:50pm话last order，9点逼人埋单我仲成枱嘢，牙签得返一支，好意思攞落嚟俾我。离晒谱！上菜又慢，又唔系好好食，价钱又唔系平。你想受气就入嚟啦，否则冇乜必要都唔好唻呢间嘢食。仲一开头比个QR code系落唔到单，…查看更多

新派泰菜🥳点咗几款招牌菜，每道都令人惊喜💫环境仲好舒服，同朋友一致好钟意餐厅个落地大玻璃~🛶招牌泰式船河（本地新鲜猪）$118选用本地新鲜猪肉，有五花肉、肉丸、扎肉同碎肉🐽 汤底浓郁而且有层次～ 个人强烈推介！炒[真系]泰国通菜🥬 $98呢一碟炒通菜同平时食嘅唔一样，主要系茎系冇咁多叶嘅，比一般嘅大条好多🥬煲仔上通菜爽脆，配上蒜蓉同辣椒嘅浓烈香气，调味恰到好处💚原只鲜鱿🦑 $168卖相超震撼，长过前臂嘅鲜鱿烤得外焦内嫩，肉质弹牙鲜甜，搭配泰式海鲜酱，酸辣嘅酱汁完美提升鱿鱼嘅鲜味。份量大到三四个人分享都够🤤🍖藤椒猪颈肉 $58薄切嘅猪颈肉腌得入味，藤椒嘅麻香同泰式香料融合，烧烤后外层微焦~泰式牛肉炒河🍝 $128充满镬气有啲似港式嘅干炒牛河，河粉爽滑，吸收咗酱汁，配上新鲜豆芽，系食唔停口嘅🥹🥭自家制流心芒果糯米饭🍚 $88流心芒果糯米饭系整餐嘅完美收尾！糯米饭软糯香甜，搭配新鲜芒果，酸甜清新，仲有自家制流心椰奶酱，浓郁嘅椰香同芒果嘅果香完美融合，入口丝滑，甜而不腻😙🧡最后连个椰青🥥都超好饮！系真系超级超级之清甜，我食亲泰国菜都会点椰青，但真系呢一度嘅我饮过最清甜！！…查看更多

家人一行7人到 Sawadee Chef 午市聚餐，整体体验顺畅愉快。餐厅环境干净阔落，灯光舒服，枱距充足，人流不多，谈天有私隐；员工有礼，添水换碟主动，出菜节奏恰当。菜式以经典泰菜为主，味道偏正宗但不过咸：冬荫功酸辣平衡、海鲜鲜甜；青咖喱鸡椰香浓郁、辣度适中；泰式炒金边粉炒得干身带镬气；菠萝炒饭粒粒分明不油；炸虾饼外脆内弹，连小朋友都喜欢。蔬菜如炒通菜保持爽脆，甜品椰汁西米清香解腻。份量适合分享，七人点几款菜已相当饱足。以质素与环境计，价钱可以接受，结帐没惊喜亦无惊吓。整体适合家庭聚会，用餐气氛轻松，建议订位并注明辣度需求，体验更佳。…查看更多

呢间餐厅我食过好多次午餐，水准唔错，但呢次食晚餐食到肚疴第一次喺openrice留负评🤢琴日叫左碟肉碎煎蛋饭，啲酱汁好咸，啲饭黎到超级硬同痴住一旧旧，好似唔熟咁🤢原本谂住将就下，但食食下，搞唔掂，全部都超级硬，根本食唔到。同侍应反映，佢比左碗白饭我，其实都偏硬，但起码冇痴住一旧旧。重点系，食完几个钟后，我开始肚痛，肚疴！疴左成晚！佢仲要唔便宜，$130 per person，茶餐厅起码煮啲饭都好过佢唔好比佢嘅装修呃左😫😫😫😫😫😫😫😫😫…查看更多