Sawadee Chef

营业中

休息中

這間餐廳在奧海城二期開了咁耐，我今日也是第一次幫襯。光顧時段是午餐時段，因此午市套餐叫海南雞飯，普普通通。再叫肉鬆菠蘿炒飯，水準一般。再跟餐叫了串燒牛、豬、雞各一串，最後食曬先上。另外，再加購一個炒菜，全部都係辣椒調味，根本食不出什麼味道。而小朋友喜歡食原隻魷魚，但選擇了不辣，什麼味道也沒有，不值$168。最後埋單要行出門口有人理，俾咗錢一句多謝都冇。食物一般，服務水平更差。怪不得在繁忙時段，整個商場只有它沒有食客光顧。

呢間泰國餐廳坐得又舒服，裝修又靚😍出面睇仲以為係西式餐廳同酒吧😂 - 鴛鴦胡椒炒虎蝦：$198呢個菜未上菜，就已經聞到濃烈嘅胡椒香😚因為用咗一個鐵布煲住，上菜嘅時候仲聽到渣渣聲但一碟得六隻虎蝦，我覺得份量可以多番少少🤏 - 泰式辣滷水豬手飯：$98估唔到呢個價錢會有咁多舊豬手而且仲要每一嚿都炆得好入味，勁好餸飯😋啲豬手同啲肥膏，舊舊都入口即溶🤤 - 豬肉鬆菠蘿雞粒炒飯：$108滿滿嘅肉鬆啊！呢個炒飯份量好足夠，亦都炒到粒粒分明，每一啖都食到菠蘿甜甜酸酸嘅味道，其實都幾開胃🤤 - 泰式炒椰菜苗：$98又係勁好好送飯嘅一味餸，馬拉盞鹹鹹辣辣咁，而且用一個砂鍋上呢碟菜，食到最尾都仲係熱辣辣☺️ - 沙嗲拼盤（豬、牛、雞，各兩串）：$98沙嗲醬份量好足夠，絕對夠沾晒6串串燒串燒每串都細細串，全部都燒同調味得好惹味😋 - 招牌海南文昌雞飯（配海藻肝膏豆腐湯）：$138海南雞飯滑就一定㗎啦，呢度嘅油飯亦都一流，又好香嘅椰漿味👍🏻 - 自家製留心芒果糯米飯：$88成個賣相都好靚，上枱嗰陣時好驚艷😍個芒果超級甜，中間個流心就係滿滿嘅椰漿同芒果汁 味道：🤤🤤🤤🤤🤤/5性價比：🤤🤤🤤🤤/5

朋友推介屋企附近呢間Sawadee Chef, 話佢質量好，份量又足。 擒日家人早收工，特意去試吓以振興香港經濟。去到見佢拉banner 推介平日一至四有指定小菜優惠，有海南雞，椰子雞湯，冬蔭功湯，咖哩虎蝦拼薄餅。大概係menu價錢七折到。入座後用手機落單，見特價菜式要向侍應查詢，落單前查詢就advise每檯只可點一款， 都明嘅、gimmick嚟講都算make sense.終於二人叫咗半隻海南雞、蠔餅、咸蛋黃軟殼蟹。上菜海南雞（$118）份量正常、質量係唔錯嘅。即使雞胸都夠滑。但醬料無傳統豉油膏，換咗類似XO醬就有點畫蛇添足⋯⋯蠔餅($148)嘅蠔新鮮得嚟又算大粒，但廚師明顯無用心造，浪費咗食材。首先蠔餅炸過籠，成舊嘢炸到硬晒。另外上碟前無開大火迫返啲油出嚟，成塊蠔餅超過九成係粉，又硬又油淋淋，我哋食咗1/4件已經太油膩食唔到。咸蛋黃軟殼蟹($178)嘅敗筆同蠔餅一樣，上碟前無開大火迫油。由於軟殼蟹係急凍貨未炸前本身較濕身，炸唔到脆身。加上無大火迫油，同蠔餅一樣油淋淋。最終只食晒海南雞, 另兩樣都剩返超過一半，為免太浪費唯有打包拎走。 請侍應幫忙打包，佢話每個盒要收$2。 要收費當然無

唔難食嘅，但都唔特別好食。我哋兩個人，食咗8百幾，主要系朋友本身好食得，普通兩人應該唔洗呢個價嘅，朋友話唔值呢個價，我覺得響奧海城呢個場，呢個價都正常嘅，但唔會再去。首先我坐低時，帶位嘅人無同過講要掃QR code落單，無同我講攞要QR code 出去埋單，我好肯定佢無講過。到我朋友到咗，我哋舉手想點餐，佢哋語氣好唔耐煩咁話我知QR code落單。埋單時同樣，你無同我講要QR code埋單，點知你想點埋啫，反正你舉手叫佢哋埋嚟都覺得系你嘅罪過。可能果度個個都系老細，唔慣俾人叫，以佢哋嘅態度，我淨系諗到呢個可能公道啲講返食物，味道唔差嘅，但味道唔系好泰式，港式泰菜嘅味，有鐘意食泰菜嘅朋友應該明我講乜。環境，唯一最好嘅地方，舒服、闊落，整體用餐體驗，攞走服務態度不計的話，叫ok啦

踏入六月天氣又濕又熱 🥵 成日心思思想食泰國嘢，又唔想特登走去九龍城，就同朋友去咗奧海城覓食，Sawadee Chef 由著名中菜紅棉主廚邵師傅主理，結合中式烹調及泰國風味，呢間新派泰國菜味道如何呢？🇹🇭
午市套餐有我見到必嗌嘅香葉肉碎飯 ($118)，鹹香肉碎加埋辣椒、九層塔同豆角 🌶️ 泰國街頭風味層次好豐富，半煎炸嘅荷包蛋完美流心，撈飯食一流 🍳套餐加 $48 泰式椰菜苗，蒜香味濃好有鑊氣～鴛鴦胡椒炒虎蝦（$198）係驚喜之作，大大隻虎蝦炸得酥脆，肉質彈牙，黑白胡椒嘅香味好突出，辛辣得嚟又唔會搶咗蝦嘅鮮味肥瘦適中嘅燒五花肉用生菜包住，伴以爽脆清新嘅青木瓜沙律好適合夏天 ☀️如果調味重手啲，點埋佢哋個酸辣醬，真係好開胃！
甜品當然要試流心芒果糯米飯（$88），軟糯糯米飯，切開中間仲有流心椰汁 🥥 椰香伴埋清甜芒果，邪惡得嚟好滿足；三色冰有而家少見嗰隻紅色馬蹄粒粒，隻花花杯好 cute 😝🌼 食咗咁多嘢飲返個話梅檸檬青檸梳打（$58），酸甜冰涼好 Refreshing！，整體環境寬敞舒適，食物質素不錯，有機會再嚟試吓其他嘢 😋📍 Sawadee Chef大角咀海庭道 18 號奧海城二期地

有間想食好耐嘅泰國餐廳，今次終於有時間去試。lunch set連嘢飲大概$100，性價比好高。泰式生蝦生蝦的擺盤真係靚到無得輸，透明的蝦肉在燈光下閃閃發亮，令人一見到就想食。每隻蝦都好新鮮，肉質彈牙，咬落去口感超爽。再加埋泰式青汁，味道真係好開胃！酸酸甜甜，配上生蝦的鮮味，每一口都好有層次。炸蝦餅蝦餅炸得香氣四溢，真係好吸引！一咬下去，感覺好紮實。這啲蝦餅裡面滿滿都是蝦肉，咬開時還能感受到蝦肉的彈性，味道超級鮮甜。外面炸得金黃酥脆，伴隨著蝦的鮮味，真係一口接一口停唔到！再配上醬汁，味道更上一層樓，可以一試。串燒串燒有雞肉、牛肉同埋豬肉三款。講到味道，豬肉最突出！豬肉串燒外脆內嫩，醃得岩岩好。至於牛肉，冇咁驚喜，味道就麻麻，可能冇豬肉咁多層次感。雞肉就中規中矩，味道亦都唔錯，但相比之下，豬肉真係令我印象深刻，食完之後真係好想再食多一串！整體來講，豬肉串燒值得一試！海南雞飯海南雞份量好大，目測都有出面例牌嘅size。海南雞肉啱啱好熟帶有小小粉紅色，皮帶有小小啫喱。略嫌個油飯有少少乾。燒豬頸肉豬頸肉燒到外脆內嫩，出邊有少少燶邊，但係入邊嘅肉仲有汁，食到好香嘅藤椒味好特別。推薦一定要嗌呢個！最

去奧海城這麼多次，吃過Bep、拉麵，這次朋友說很久沒有吃泰菜，這間看起來又「是是正正」，所以便決定試一下！雖然價錢不算是便宜的選項，不過餐單選擇很多，而且賣相不錯，味道也比想像中好！（因為這間很少聽說，所以原本不抱太大期待）整個用餐空間很寛敞，枱與枱之間有一定距離，家庭、朋友或情侶用餐都坐得舒服，服務態度也很好，沒有遇到其他食評所說的問題。🇹🇭 𝐌𝐞𝐥𝐭𝐢𝐧𝐠 𝐃𝐚𝐭𝐞𝐬 𝐌𝐞𝐧𝐮 —ꜰʀᴇꜱʜ ʙᴇᴀɴ ᴄᴜʀᴅ ꜱᴋɪɴ 泰式鮮腐竹醬汁酸酸甜甜，腐竹的口感剛好不會過硬，會有一點辣但很惹味，平時不能食辣的我也一口接一口吃，是很refreshing的前菜之選！ᴄᴏᴄᴏɴᴜᴛ ᴄʜɪᴄᴋᴇɴ ꜱᴏᴜᴘ 椰子雞湯看到是它們的推薦菜式，就點來試試看！沒想到原本對椰子味的食物不太感興趣的朋友，都一致覺得這湯很香甜好吃！椰子的清甜與雞湯的濃郁非常平衡，湯裡也有雞肉、菇和豆等配料，很暖胃～～ꜱᴛɪʀ-ꜰʀɪᴇᴅ ᴍᴏʀɴɪɴɢ ɢʟᴏʀʏ 炒「真係」泰國通菜（少葉）鑊氣十足，上菜時離遠已經聞到香氣，吃下去果然很好吃！與平時很幼的菜莖不同，這款泰國通菜莖較粗，所以很掛汁，很推薦🤍ɢʀɪʟʟꜱ - ꜱ

朋友在奧海城相遇一齊食個午餐菠蘿炒飯肉鬆好多，味道一般覺得偏鹹菠蘿唔係好多招牌海南雞飯雞肉嫩滑，而且真係冇骨油飯都唔會好肥膩嗰三個汁係配海草肝醬豆腐湯， 普普通通l椰香湯喇沙味道帶甜味，食落椰香濃鬱要咗米線湯底非常濃鬱又好掛湯材料都算好多成個面都係 裏面有蜆肉有大蝦食落冇乜雪味香葉肉碎煎蛋飯畀想像中辣,肉碎份量多送飯一流 煎蛋仲有蛋汁,撈埋飯食確係一流餐廳喺奧海城二期,價錢偏貴,但係環境都坐得好舒服, 朋友相聚都ok

見到間泰國嘢，裝修環境幾靚走入去試，八點幾見到冇乜人，見到個餐牌都幾多嘢食揀，價錢尚可接受，應該唔錯. 最後叫了幾樣嘢試吓. 首先落order,叫咗個大叔落單（應該係經理），不停講仲有冇野要落，好似好趕時間咁就走開，問多句都唔可以.叫咗個炒金邊粉，炒椰菜苗，同埋一份燒豬頸肉.嘢食等咗10分鐘，唔使點等，值得讚，當時侍應放在枱上時，當我以為一切會向好發展，後來我發覺誤會咗菠蘿炒飯，平平無奇，茶餐廳級數炒椰菜苗，得青菜味….. 唔掂啦燒豬頸肉，得過油味，啲肉好似冇醃過，頂唔順冇食到.總結食物和服務水平屬於茶餐廳級數這類餐廳價錢大把選擇，除非前世冇食過泰國嘢，否則個人認為可以不試.

已經OpenRice訂位，有安排窗口位。服務不錯 。因為不喜歡二人套餐。所以散叫了沙爹三拼（豬牛雞、牛）各兩串、臘腸炒芥蘭、虎蝦炒金邊粉、甜品千層糕。味道全部合格。虎蝦炒金邊粉之前吃過好似好味啲。可能唔夠熱。但係賣相可以打卡。沙嗲味道一般。醬汁多花生好味。臘腸炒芥蘭味道Ok不過比較油膩。千層糕甜品椰汁味道濃。可口。埋單$455左右尚算可以。每人平均二百幾蚊香港價錢可以接受。餐廳平日都算多人。不過都好似冇乜第二輪。

想食泰國菜，上Openrice 見到呢間幾好咁就去試下，環境唔計較只求食物好食，因為之前睇到有讀者話:好正宗，好好食。咁期待，去到叫左個生蝦、爐魚、豬頸肉、炒椰菜苗、海南雞、蝦餅、冬蔭功等。生蝦：汁幾好 蝦夠新鮮爐魚：烤得好熟，魚肉味道鮮美豬頸肉:個汁好味，肉質有咬口海南雞: 多人推薦，好好味，雞有雞味和夠新鮮冬蔭功:酸酸辣辣，飲左夠哂開胃椰菜苗: 但係個椰菜苗就真係搞唔掂，啲菜硬到我地硬唔到，味道又怪怪地咁，成餐飯就係比個椰菜苗毁滅咗。。。。

嚴正投訴：外賣食物含玻璃碎片，嚴重危害兒童安全本人於星期六2月1日晚上八時在貴店澳海城用膳並外賣炒貴叼回家，不料竟在食用過程中發現食物內混有*尖銳玻璃碎片，導致我年僅 六歲的兒子口腔險些被割傷。此事件不僅造成全家極度驚恐，更反映貴方對食品安全的嚴重疏忽，現提出以下嚴正投訴。投訴核心與質問1. 食品安全管控徹底失職 - 玻璃碎片如何混入食材？是否廚房器具（如玻璃容器）破損後未及時清理？ - 貴方是否定期檢查供應鏈與烹飪環境？員工有否接受食品安全培訓？ - 若今日受害兒童因誤吞玻璃導致重傷，貴方是否仍以同樣態度推卸責任？

位於奧海城入面嘅Sawadee Chef, 裝修新淨闊落，午餐點左佢哋嘅泰式炒牛河同埋串燒。泰式炒牛河會配有冠益華記辣椒醬，味道酸酸辣辣，中和左炒河嘅油膩，炒牛河有10塊左右嘅牛肉，牛肉醃得好好香味濃郁，肉質軟滑彈牙，冇筋，唔會煮得過老，亦都唔係出面茶餐廳個種落好多粟粉好「滑潺潺」嘅醃法，值得一讚。串燒有牛、豬、雞各一，配一小碟沙嗲醬。每串都啖啖肉。雞肉用上香茅醃料，味道都唔錯。牛、豬串燒都好出色，香口肉味豐富。可以再黎食。

之前經過呢個商場都比呢間餐廳嘅門面吸引到，因為內部裝修做得幾好好開陽亦都好有格調，所以最近途經呢個商場都特意選擇咗呢間餐廳。星期日夜晚都接近唔使等位，坐得都算舒服，衛生狀況令人滿意，至於服務態度亦都冇其他食評講到咁差，我覺得還可以接受。因為之前已經食咗下午茶，所以夜晚唔算好肚餓，只係嗌咗三樣嘢，包括佢推薦嘅招牌魷魚、泰式拼盤(包括炸蝦餅、春卷、三串串燒)同埋泰式通菜。個通菜好有鑊氣，味道唔錯，至於個泰式拼盤同埋個魷魚就合乎水平，佢哋嘅賣相就可以參考我附送嘅圖片。價錢嚟講， CP值都算高。

本身諗住上年聖誕節6點去食，佢都話full booking要等到8點就無去到。咁見唔係節日，今次就食lunch，叫左金邊粉同埋炒飯，啲粉同飯硬到小朋友唔食，大人都差啲入唔到口😂金邊粉走左辣，變咗好偏甜嘅醬，同粉太硬，食唔晒。蝦醬炒飯，啲飯粒粒分明，好硬😂😂 冇咩蝦醬味。蝦餅，脆口彈牙~~👍🏻串燒，豬牛雞都正常發揮既，個醬都可以👌🏻叫左冬陰功湯，係可以既，夠酸辣，有啲蠔仔同埋蜆仔，有隻蝦👌🏻只但係食完，可能因為啲粉飯頂住晒，變左唔知食左啲咩😅 變相又貴又頂胃🥲