Samsen 泰麵

营业中

休息中

查實今晚上去中環這間分店後，先記得灣仔石水渠街那間其實很久之前也食過了，果時是未出名的，當時食完覺得有點貴和坐得迫和唔舒服的（自己感覺），但都有Thai feel 和食物都還可以的。有個星期六黃昏在中環經過都見好多人排隊，所以今晚around 6:20 見冇乜人就入去試吓，入去一食一望就記得了⋯⋯ 入去見menu就係鋪枱的紙，選擇了2 碗牛肉泰麵和一個炸魷魚🦑。跟住想飲杯水啦，大家要留意普通清水和sparking water 也要每位$18 ，所以就叫普通drink啦，叫左2 杯lime 之類吧⋯⋯ 牛肉Thai 麵係湯底是濃的，內有牛肉牛丸牛腩，有質數的，但又未話去到極高水平，但食完好快會口乾，但杯Lime又 太細杯了，飲幾口就好快飲完，個炸魷魚ok , 個汁好味，但份糧就六至八塊左右，比較小⋯⋯埋單2個人$609， 我覺得比較貴，有點兒唔值，坐位用木圓櫈，同埋枱與枱比較迫和嘈，和灣仔分店差唔多感覺……所以試過一次就算了…..

獲得米芝蓮推介嘅泰國菜餐廳Samsen一向極受歡迎，不論灣仔或上環分店都經常大排長龍。近期佢哋係中環開新分店，雖然位置較隱蔽，但lunch time依然日日排長龍，為嘅就係試試好多人都話高質嘅泰式炒粉麵飯😆今次同同事嚟就要中午12點前嚟先唔駛排隊！中環店環境走熱帶風，可以望到半開放式廚房入面師父密密火燒熱鍋🔥係咁炒🤣🥙泰式紅寶石蜜柚子虎蝦沙律 $158經典嘅泰式沙律口味，有不少大隻蝦肉，柚子肉同洋蔥酸酸辣辣咁幾開胃😛🥩招牌泰式和牛濃湯粉 $158食船麵第一件事梗係要飲湯💦湯底第一啖有好輕微嘅內臟味，不過之後就比香料嘅酸辣味蓋過，味道層次豐富，湯頭濃郁😋金邊粉索哂湯幾正。和牛好軟滑👏🏻🦀招牌泰式蟹肉炒飯 $168超級大份足料😻有不少一梳梳嘅蟹肉。炒飯炒得夠乾爽香口，食落帶點蒜香味，好惹味😋🥥泰式街頭椰子雪糕 $88食泰國菜點少得以冰涼嘅甜品作結😎椰子雪糕以椰子殼呈上，雪糕軟滑拉絲，椰子味好香濃，仲食到少少椰肉😚🍹凍泰式奶茶／泰式青檸茶／青檸梳打／泰國啤酒 +$28叫主食再加$28就可以upgrade為套餐，有泰式梳打／奶茶🌱推介指數（10分為滿分）：8分

講到 samsen 家點菜，我覺得要視乎食飯人數，每一道都好食而且係唔同風味嘅好食，真係好難選邊道最好食🤤圓包菜沙拉望落平平無奇，我朋友食之前仲吐槽「啊呢個望落都冇乜食欲啊，睇落又唔好食咁」，點知一食就唔出聲喇香到冇得頂啊～😍🤩泰式蟹肉炒飯呢度嘅明星菜品嚟嘅～每粒米都吸滿咗海鮮嘅鮮味同香料嘅香氣！鑊氣十足重油重鹽重香料味，超級送飯🍚💥

#泰式虎蝦炒金邊粉 分量少#招牌泰式和牛濃湯粉 還可以啦，有牛肉、牛肉丸，呢個湯底真係濃👍🏻#泰式打拋和牛配油炸雞蛋 米飯要單點 +30！仲以為係咩好米 至於炒牛肉俾我嘅個人感覺就係炒牛肉碎咩我唔推薦呢間店，因為綜合起身，排隊太耐而且性價比一般，3 份主食 2 杯飲料加埋$621 

最近同同事去左食米芝蓮推薦既泰菜餐廳，菜品不僅味道出色，仲能感受到泰國料理既精髓🤪🥢招牌泰式和牛濃湯粉 ($168)湯底真係「泰」濃，香料味道層次分明，仲有少少稠tim😲和牛肉質鮮嫩，米粉滑順，有少少通菜添加清爽感，唔錯😁🥢招牌泰式蟹肉炒飯 ($168)使用新鮮的蟹肉，味道鮮美，米飯粒粒分明，炒得好香😙不過份量「泰」多😆 一個男仔都食唔曬🤣🤣🤣🥢泰式打拋和牛配油炸雞蛋 ($158)打拋和牛係一道經典既泰國菜🇹🇭 主要材料是和牛肉、泰國羅勒、蒜、洋蔥和辣椒😋因為煮既時候快速翻炒，所以叫打拋和牛~味道非常濃郁，配上酥脆既油炸雞蛋，口感十足！😍不過略嫌有D「泰」咸，食到最尾要係咁飲水🙉🍹泰式飲品 (午餐加$28)我地叫左泰式奶茶，泰式青檸梳打同泰式凍青檸菜，菜底的確係泰國既味道，亦可以解解膩～整體黎講，價格略貴，而且環境有D嘈雜，Lunch time排20分鐘就可以入座，米芝蓮推介既話係可以值得一試😁

Samsen喺香港有幾間分店，泰國餐廳黎講好出名，連續多年獲得米芝蓮推介。今次去左上環分店，以下係幾款我最中意嘅食物：泰式蟹肉炒飯：炒飯粒粒分明，蟹肉味道鮮甜唔會得好少咁。我每次都會order。泰式炒闊河粉（配雞肉）：鑊氣十足，麵條煙韌軟糯。雞肉串燒：肉質鮮嫩多汁，配沙嗲醬提升風味。泰式街頭椰子雪糕：好香嘅椰子雪糕，配上粟米同椰子肉，清新解膩，甜品必試。

第一名🤤泰北咖哩雞金麵好出色👍🏻湯底特別出色第二名👉🏻鲜製泰式飛餅配朱古力醬，熱辣辣新鮮製之後無排名🤣蟹肉炒飯夠鑊氣味，足料，但就出奇地唔夠熱，不過最主要係加埋魚露先有特色串燒、飲品無評價反而想講係坐得比較迫，同埋服務員全程好趕收野，唔係態度唔好，只係令人覺得有催促既感覺。Total: $658

米芝蓮餐廳泰國餐廳，lunch time 見有位 就行左入去試下。食物質素 okay 既，位置唔多闊，木枱木櫈唔太好坐。不過中上環餐廳都係咁，lunch 食就無乜所謂。lunch 叫左泰式虎蝦炒金邊粉同招牌蟹肉泰式炒飯，有鑊氣，亦炒得夠乾身，唔會油淋淋，味道我覺得不過不失 未去到好好食。叫杯清水都要收錢，仲要收加一。如果係西餐叫支清水/有氣水 就覺得合理，但呢個環境，泰國餐廳就建議叫返野飲。如果要排長龍，就唔會食。

好出名嘅泰菜 之前一直都好想試 見佢最近喺中環開左 就去咗試🤣平日lunchtime 都好多人排之前又試過摸門釘 年尾嘅時候去 佢哋竟然放假🥲幾經周折終於試到 都真係幾期待😝淨係嗌咗佢地最出名嘅船麵 如果同朋友食嘅話船麵好似比較難 share 所以我哋都只係嗌咗一人一個船麵 上菜速度好快⏰落單唔使兩三分鐘就已經熱辣辣送到果然係招牌菜 湯底好濃郁 好重牛味煲到好入味 麵質亦都好正宗 牛肉都好高質素 全碗無也好挑剔…..唯一就真係有啲貴💸 就咁一碗 無嗌其他野都差唔多200埋單…. 好味係好味 不過有其他平啲嘅選擇😌

Usually we go to the wan chai branch, since we’re in central so we give the new one a shot. Over all quality retains the same, besides their milk tea, somehow has less flavour then before.Their ice cream dessert are unbeatable but we were on a rush so shall save it for another time.The must have: Beef boat noodles, clear chewy noodles, tender sliced beef, juicy beef balls and thick broth even better than the ones in Thailand.Deep fried squid - flavourful enough didn’t need to dip much sauce, pre

Samsen is my favorite Thai restaurant in Hong Kong, and I find myself revisiting every month! On my latest visit, I ordered the **wok-fried rice with crab meat & spring onion**, which was bursting with generous chunks of crab. I also enjoyed the **stir-fried chicken with baby corn & flat noodles**, featuring perfectly chewy noodles that made each bite delightful. To wash it all down, I had their refreshing iced Thai milk tea, which added the perfect sweet touch. Although Samsen is usually bustli

次次經過鋪頭都會排長龍，好多人食今日預早少少630pm前到，排左一陣隊就可以入座👍 成個環境氣氛好好，好有泰式大排檔嘅感覺，而且多人所以好熱鬧🥰當日食左和牛麵，湯好濃，和牛勁香。加埋佢自加制嘅辣椒醬好夾！個辣椒醬好辣但正☄️食麵之前仲食左個柚子蝦沙律，酸酸甜甜，好清新，柚子一啲都唔酸，好開胃🤤！甜品食左芒果糯米飯，裏面有啲碎米增加口感，唔錯！不過最後埋單$7xx，略為有啲overpriced🤣

在中環剪完頭髮之後，就去咗泰麵的新分店由灣仔藍屋食佢既船麵而認識呢間餐廳後，一直都搵唔到一間的船麵做得比佢更出色星期六中午大約12:30去到，大約有10人在排隊，等了15分鐘左右就入得必食既當然係船麵啦，無論湯底、麵質，還是配料都係咁出色！湯底係非常非常之濃郁，而且係好掛湯既，而麵質係煙靭架！！！要留意既係上環分店係無得食架！Pad Thai亦係必食菜式之一，麵質當然係煙靭嘅金邊粉，加上泰國正宗嘅望梅子醬，真係好好味呀！唔好睇佢細細碟咁都幾飽肚

𖤐ˊ˗自從升級上米芝連後就大排長龍，室內粗獷裝潢，門面露出石屎牆身。吧枱設在開放式廚房區，座位安掛擠迫，周圍佈置了古舊的傢俬和海報，天花掛有植物點綴，整體是懷舊大排檔風格，很難想像原來這間是高級西餐廳，所以我沒預計職員會來問：「Still water or sparkling water?」｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･꙳𐂂坐下沒多久，其實是看清楚餐牌的時間都沒有，職員就已經來問。自問英文水平一般，只聽到Water 或Sparkling water，所以要了水，但原來still Water是指樽裝水，其實這樣問客人，好像設一個陷阱，看來可以二選一，但其實兩個都要收費，所以有點「中伏」了的感覺。✎ ̼泰式虎蝦炒金邊粉 Pad Thai $158正常份量，蝦大隻新鮮，金邊粉炒得有鑊氣，整體水準不錯，但未值得排隊或物超所值，所以這間分店不會再來。✎ ̼still Water $56究竟這枝水的味道是有甚麼特別之處?自問嚐不出，只嚐出心裏的氣憤˃̣̣̥᷄⌓˂̣̣̥᷅‧̍̊˙· 𓆝.° ｡˚𓆛˚｡ °.𓆞 ·˙‧̍̊ ‧̍̊˙· 𓆝.° ｡˚𓆛˚｡ °.𓆞 ·˙‧̍̊

今日到訪新開的中環店，幸運地不用排隊可以入座。餐廳的裝修和其他分店大同小異，滿有悠閒的街頭風格，加上音樂，幾chill.和牛船麵這和牛船麵真可口！和牛肉質軟身，口感嫩滑，加上彈牙牛丸，爽口通菜和軟滑的麵條，掛湯力一流，正！泰式奶茶味道香甜，口感香滑，既有茶味又有奶滑感覺，不錯。