老婆话约咗朋友食饭，既然是夜无饭开，要食自己，当然「嗱嗱淋」趁机约啲老友出嚟短聚吓，食餐饭，倾吓偈。地点无所谓，茶记就最无负担架喇
，一来平靓正，二来啱我哋啲麻甩佬。踏入餐厅，一室以湖水蓝为主调，楼底亦较高，以茶记而言，空间感很好，加上地方企理，够光猛。话就话香港经济唔好，但唔喺讲笑，接近坐满，听到店员跟顾客啲对话，就知街坊多。基本茶记设定，枱面放咗啲调味包，枱侧枱桶就放满餐具，排列整齐。讲到食物，茶记劲就劲在乜都有，由铁板精选，到常餐、葱油系列、日式蛋包饭、世一金牌炸鸡、西式碟头、秘制马来咖喱、皇牌焗饭、意国风情、健康蒸选、鲜鱼汤泡饭、小食，以及各款饮品。晌门口仲见到有啲二人小菜套餐、二人蒸𩠌套餐，定价亦好实惠
。
罗宋汤
啲套餐写明奉送基本热饮，不过，落单无耐，店员就奉上例汤，真有心，虽然无得拣，喺罗宋汤，但我哋都啱饮，而且，味道够浓，酸香醒胃，里面又多料㖞，真唔错。豉汁蒸仓鱼 $70老友向来食嘢比较健康，所以，瞄准晌健康蒸选度拣，餐牌都标明蒸鱼需时15分钟，食好嘢当然等吓无所谓。拣豉汁就特别惹味，条仓鱼好大条，望落去色泽闪闪𫞠，食落去真喺蒸得啱啱好，啲肉无黐骨，而且，肉质挺身而嫩滑，又好有鱼嘅鲜甜味，当然啲豉汁都好正，捞饭真喺无得输。梅柚子梳打 +$9老友话想试特别少少，就拣咗呢一杯梳打，有相你睇，真喺落咗好多柚子蜜，所以，佢话入口已好有柚子香，口感清爽，再将粒话梅笃烂去，再入口带点酸咪咪嘅感觉，多添加一份酸香感，佢更建议食铁板餐配呢个一流。花胶三黄鸡鱼汤泡饭 $62肥隔离枱啲铁板餐咋咋声，都想试试店家嘅铁板餐，不过，顾及老友，我都拣咗个几健康嘅鲜鱼汤泡饭。虽然话泡饭，但上菜时喺汤饭分开上，所以，小弟倒大半碗饭落汤，小半碗就捞豉汁食。讲番个泡饭，啲鸡真喺几滑，以为份量唔多，却喺越食越有咁，个人而言，花胶都OK，再炆腍身啲就更好，且有很多菇菌，而鱼汤渗入少少鸡油，就更加正，伴上饭，真喺好味。红豆冰 +$9朝早早餐饮咗咖啡，晏昼午饭整咗杯奶茶，夜晚就节制少少，改试红豆冰，因为见佢加$9都唔喺贵。杯红豆冰一睇就知有非常多红豆，而且，煮得又绵，味道好清甜，捞匀啲奶水，好饮又好食。虽然两个人试嘅嘢唔多，但都食到有质素，招呼又唔错，地方企理，食茶记好就好在又无加一，所以，真喺值得翻兜。…查看更多
，一来平靓正，二来啱我哋啲麻甩佬。踏入餐厅，一室以湖水蓝为主调，楼底亦较高，以茶记而言，空间感很好，加上地方企理，够光猛。话就话香港经济唔好，但唔喺讲笑，接近坐满，听到店员跟顾客啲对话，就知街坊多。基本茶记设定，枱面放咗啲调味包，枱侧枱桶就放满餐具，排列整齐。讲到食物，茶记劲就劲在乜都有，由铁板精选，到常餐、葱油系列、日式蛋包饭、世一金牌炸鸡、西式碟头、秘制马来咖喱、皇牌焗饭、意国风情、健康蒸选、鲜鱼汤泡饭、小食，以及各款饮品。晌门口仲见到有啲二人小菜套餐、二人蒸𩠌套餐，定价亦好实惠。罗宋汤啲套餐写明奉送基本热饮，不过，落单无耐，店员就奉上例汤，真有心，虽然无得拣，喺罗宋汤，但我哋都啱饮，而且，味道够浓，酸香醒胃，里面又多料㖞，真唔错。豉汁蒸仓鱼 $70老友向来食嘢比较健康，所以，瞄准晌健康蒸选度拣，餐牌都标明蒸鱼需时15分钟，食好嘢当然等吓无所谓。拣豉汁就特别惹味，条仓鱼好大条，望落去色泽闪闪𫞠，食落去真喺蒸得啱啱好，啲肉无黐骨，而且，肉质挺身而嫩滑，又好有鱼嘅鲜甜味，当然啲豉汁都好正，捞饭真喺无得输。梅柚子梳打 +$9老友话想试特别少少，就拣咗呢一杯梳打，有相你睇，真喺落咗好多柚子蜜，所以，佢话入口已好有柚子香，口感清爽，再将粒话梅笃烂去，再入口带点酸咪咪嘅感觉，多添加一份酸香感，佢更建议食铁板餐配呢个一流。花胶三黄鸡鱼汤泡饭 $62肥隔离枱啲铁板餐咋咋声，都想试试店家嘅铁板餐，不过，顾及老友，我都拣咗个几健康嘅鲜鱼汤泡饭。虽然话泡饭，但上菜时喺汤饭分开上，所以，小弟倒大半碗饭落汤，小半碗就捞豉汁食。讲番个泡饭，啲鸡真喺几滑，以为份量唔多，却喺越食越有咁，个人而言，花胶都OK，再炆腍身啲就更好，且有很多菇菌，而鱼汤渗入少少鸡油，就更加正，伴上饭，真喺好味。红豆冰 +$9朝早早餐饮咗咖啡，晏昼午饭整咗杯奶茶，夜晚就节制少少，改试红豆冰，因为见佢加$9都唔喺贵。杯红豆冰一睇就知有非常多红豆，而且，煮得又绵，味道好清甜，捞匀啲奶水，好饮又好食。虽然两个人试嘅嘢唔多，但都食到有质素，招呼又唔错，地方企理，食茶记好就好在又无加一，所以，真喺值得翻兜。…查看更多
