影片
今日同狗仔们去左西贡，同佢地去行完一轮大家都开始肚饿喇，经过呢间 Sai 2 餐厅o既外卖部，原本谂住食烧卖就算，闻到好香烧野食味，见到原来隔离个档口有埋串烧于是就系串烧系列度拣野食，档口o既牌写住大墨鱼串好吸引而且仲有美国黑椒猪肉肠都几特别，于是我地叫左呢两样，再睇下其他，见到鸡翼大有细，旁边烧起o既都好似好靓咁，卜锤叫左串细鸡翼串，正当姐姐烧串烧时，我见到有串肾系隔离，唔争在食埋啦 xd1. 串烧大墨鱼 $ 17唔似得其实肉类咁系事先烧好 , 有人点就再放埋炉加热而系由白雪雪开始烧 , 所以唔系几够时间烧至焦香 不过肉质爽口有嚼劲，味道鲜甜 , 再加埋新鲜柠檬汁更能带出墨鱼o既香甜，此外，再加左少少辣粉，味道唔算太辣 , 少少似孜然粉 , 几惹味 , arm 晒我地 2. 美国黑椒猪肉肠 $ 10~ 起初以为黑椒猪肉肠系类似台湾肠咁，红卜卜里面有肥粒但原来系白白地色o既 , 食落味道同台湾肠好都唔同，猪肉肠肉汁丰富，而且烧后个皮系脆o既，但无过㶶 ,外脆内软好有口感，黑椒味唔重，显得好突出肉汁o既味道 3. 烧鸡翼 ( 细 ) $ 13见到细鸡翼串o既外表有少少烧焦o既痕迹，好有烧烤风味，鸡皮香脆而且带少许蜜糖香甜味 , 鸡翼肉质鲜嫩而无雪藏味，并无因为烧过而感到干身，我好喜欢食鸡锤顶部旧软骨，软骨唔会烧到痴实主骨 , 有时系出面食o既会痴住咬唔开添鸡翼位置同样香嫩多汁 , 烧得均匀 , 水准不比串烧专门店差4 . 鸡肾 $ 10~ 相对之下鸡肾唔系特别出色 , 厚度适中 , 不过都有少少韧 ,略嫌烧得干身左 d , 无 juicy o既感觉 , 味道就只系调味粉味## $ 50 四串 , 份量唔少 size 唔细o既下午茶 ,以呢个打正其号做游人生意o既西贡小食店黎讲 , 唔算贵嫁喇 , 我见鸡蛋仔卖 $ 13 都好多人买 , 出黎玩 , 有 d 钱系要比人赚下o既 , 何况系咁好味 ^^
继续阅读
星期六, 个天有啲灰蒙蒙, 污染指数偏高, 胜在秋高气爽, 下午入到西贡, 为免浪费大好阳光, 众人决定舍弃冷气间,到公众码头对开的茶座揾食. 其实得两间, 是但行入间冇咁多人的, 餐牌好简单, 见左右隔离都有人叫炸鱼薯条, 就咁决定啦. 五个人, 叫了四份, 每份连饮品一百蚊多啲, 估计系现炸的, 都要等十几分钟, 先嚟饮品, 男人叫了啤酒, 女士们叫了青柠梳打, 极大杯, 冰冰冻, 有非常新鲜的青柠味.主角终于出场了哇哇哇, 每份有两大块, 仲有好多炸薯角, 好在叫了四份啫, 炸鱼用的是石班, 切开后, 鱼肉好洁白,鱼身有清晰的纹理, 非常新鲜,外层脆浆唔算厚, 不油不腻, 跟餐的酱汁有茄汁 + 他他汁, 但就唔见有白醋, 问待应攞醋, 佢拎咗套食沙律用的油醋架嚟,要捉住佢特别强调是白醋, 佢特登入去厨房拎兜出嚟, 服务态度好好, 真系唔该哂, 嗱, 嚟多个近镜真系好靓靓㗎,连伴碗薯仔都好味到晕,正!
继续阅读
今日公众假期, 约咗朋友系西贡度hea 番餐...要食得轻松, 又可以睇下狗仔吹下海风, 呢度会系一个几好的选择lunch set其实普普通通, 来来去去猪扒饭, 牛腩饭就系意粉, 虽然闷d, 不过可以欣赏下海景, 睇下狗仔, 都几开心, 而且冇比人赶走... 我同朋友足足坐咗四个钟..hehe!讲番个通粉, 其实水准都唔差, 汁都足够, 三文鱼虽说是罐头, 都起码有一定份量, 不错的选择!如果再夜d, 仲有live band 呀 ^^
继续阅读
Sai Kung is always crowded on weekends, especially now with the fame of Hong Kong Geopark. It's a nice place to relax with families, kids, the elderly and the pets as well~We chose this cafe because of its nice view and decoration. We ordered for lunch: 咖喱牛腩饭: 牛腩有点韧, 但咖喱却很特别, 不是一般大路的行货口味, 配饭吃非常开胃的~沙爹: 肉质不俗, 点酱也不错~芝士汉堡饱: 等了约15分钟才送上的hamburger, 卖相不俗, 味道算中上~ 扎肉米粉: 朋友觉得很好味, 我看卖相也算不错~Overall, the atmosphere and the decoration was really relaxing and cozy, and the food quality is better than average~It is a decent place for spending the weekend time~
继续阅读
记得多年前同两位朋友专程入来西贡,目的想轻松悠闲食个午饭,最后选了这家餐厅,因为店内环境极度开扬,又面对海傍,看著个海景,应该极之写意,可惜食物就麻麻.今日原本想去一家朋友介绍话食pizza几好的店,不过那里不太近海傍,妹妹想让小姨甥女有大些空间活动,所以还是决定来海傍这边,最后还是选择了这间.我们四个人随意选了三个午餐一齐分享,因为想留些空间待有时间可以试吓其他食店.这里的午餐都是一般餐厅大多数有的菜式,我们选了白汁栗米鱼柳饭~~烧汁鸡扒饭~~三文鱼长通粉不知是否已没有太大期待,所以反之而有唔错的结果,食物上枱时间都好快,份量足又够热,最重要是三款食物的味道都得到大家一致赞好.最值得赞一下的是小姨甥女,自从懂得自己行路,今日由这家餐厅行到海湾酒店那边,途中没扭计要我们抱,好叻女~~~
继续阅读