Sabor Spanish Touch Private Kitchen

323
9
13
港铁上环站 E2 出口, 步行约2分钟; 大厦入口在永和街 继续阅读
电话号码
24818828
开饭介绍
坚持选用西班牙食材及忠於原味道,奉行慢食文化,才可细尝每口食物的真正味道。主厨每天建议最好的菜式配搭;开放式厨房布置,望食客能与厨师打成一片。欢迎预订及包场。 继续阅读
营业时间
今日营业
18:30 - 22:30
星期一至日
18:30 - 22:30
付款方式
Visa Master AlipayHK 支付宝 现金 银联
座位数目
24
其他资料
网上订座
餐厅运作模式 - C类
Wi-Fi
酒精饮料
自带酒水 详细介绍
包厢 详细介绍
泊车 详细介绍
电话订座
赏订座积分
当面支付
前往餐厅网站
http://www.facebook.com/saborprivatekitchen
有关餐厅
食材 . 味道 . 坚持
我们坚持选用西班牙食材及忠於原味道, 奉行慢食文化, 才可细尝每口食物的真正味道. 主厨每天会为你建议最好的菜式配搭. 开放式厨房布置,望能食客与厨师打成一片. 欢迎预订及包场

有关奖赏计划
食记 (358)
等级4 2021-08-24
158 浏览
🥖|ᴛᴏᴍᴀᴛᴏ ɢᴀʀʟɪᴄ ᴄʀʏsᴛᴀʟ ʙʀᴇᴀᴅ|面包好香脆、名乎其实叫Crystal Bread蕃茄蒜汁好清新令人好开胃~🦑|sᴛᴜғғᴇᴅ sǫᴜɪᴅ ɪɴ ʙʟᴀᴄᴋ ɪɴᴋ sᴀᴜᴄᴇ|上面白色嘅系蒜香酱、黑色系墨汁酱鱿鱼中间酿左碎猪肉牛肝菌同洋葱,所以口感特别丰富,有鱿鱼嘅鲜又有猪肉洋葱嘅香😋🦐|ɢᴀʀʟɪᴄ sʜʀɪᴍᴘ ɪɴ ᴏʟɪᴠᴇ ᴏɪʟ|蒜片虾系橄榄油中翻滚煎香,未食已经流晒口水啦~酱汁唔算浓郁可以食到新鲜大虾嘅鲜甜爽口~🍳|ᴘᴏʀᴛᴀʙᴇʟʟᴏ ʙᴇɴᴇᴅɪᴄᴛ|同ᴇɢɢ ʙᴇɴᴇᴅɪᴄᴛ唔同嘅系佢用大啡菇取代ᴍᴜғғɪɴ下面系火箭菜,多纤维较健康,同样地蛋一切开做到蛋汁缓缓流下嘅效果~🐽|sᴜᴄᴋʟɪɴɢ ᴘɪɢs|食西班牙菜当然要食乳猪啦同中式乳猪嘅分别,皮会较薄,外皮香脆得黎无令佢过乾过老相反肉质好嫩滑好多肉汁~用黑醋点缀黎食又几夹喎~🍮|ᴄʀᴇᴍᴇ ᴄᴀᴛᴀʟᴀɴᴀ|质感似奶昔但比奶昔实一啲又似焦糖炖蛋,好香滑~又唔会好甜~🍰|焗蛋白配士多啤梨酱|焗蛋白有啲似芝士蛋糕,但无咁腻,配上士多啤梨同橘子清新香味~好refreshing~ 继续阅读
(以上食记乃用户个人意见 , 并不代表OpenRice之观点。)
等级4 2021-07-10
1104 浏览
西班牙嘅Tapas,种类繁多,原本只作餐与餐之间的小吃,发展至今, 渐渐成为咗西班牙五花八门的小菜文化。呢间位於上环嘅西班牙私房菜《Sabor Spanish Touch Private Kitchen 》 系我心目中一间top 10嘅私房菜 。虽然餐厅细细,只能容纳十多位客人,但五脏虽小,麻雀俱全, 每次光顾,都有新菜式令人带有惊喜。 每次嚟之前都可以同餐厅沟通一下,预早相讨菜式, 咁就可以一石二鸟,食到自己锺意同埋新款菜式啦。西班牙世界最大橄榄产区之一, 首先送上嘅小吃《油浸橄榄》 味道层次丰富, 带有橄榄嘅果香。 青橄榄口感清爽,黑橄榄味道会甘, 当作餐前小吃, 令味蕾为品嚐之後嘅美食作出准备。之後就会送上 《Welcome snack:Tomato garlic toast》, 一个蕃茄酱系我食过咁多西班牙小吃之中, 最难忘的。Toast 亦当然是香脆, 茄酱亦带有浓厚嘅蕃茄香, 另外入渗出阵阵的蒜蓉香气, 味道醒神之余亦非常清新。 不得不赞嘅系落咗足够嘅橄榄油, 令整个番茄酱嘅层次提升。《Scallop with pork belly》 黑毛猪猪腩肉经过两日腌制, 除咗肉香浓厚之外,亦渗出阵阵香草嘅香气, 味道相当突出 。 香煎嘅猪腩肉肥瘦适中, 猪油被大火迫出, 既有猪油嘅香, 但亦不觉得油腻 。 香煎带子所选用嘅系刺身级, 入口鲜甜, 而且煎嘅熟度刚刚好, 带有溏心效果。 两种味道截然不同, 各有千秋, 却可以和平共处 。其中一款最期待嘅Tapas 《Garlic Shrimp 》, 上枱嘅时候滚油沸腾,大虾肉嫩爽脆,鲜味十足, 配合埋最爱嘅蒜片头红辣椒, 惹味道立即提升。之後嘅Tapas 《Portobello Egg Benedict》, 在肉厚多汁嘅大啡菇上,放上炒至焦糖化嘅洋葱, 再加上Egg benedict。 眼见胀卜卜嘅Egg benedict 已急不及待想切开。切开嘅时候蛋浆爆出, 食落非常juicy,多汁美味。 啡菇嘅菌香配上蛋浆, 食出食材最原始嘅味道。《Suckling Pig》 同样是西班牙菜的必食菜式。 西班牙乳猪用咗bb猪, 保证肉真系最嫩滑。 加上烤乳猪嘅时候炭火嘅火候控制得宜, 令到乳猪外皮酥脆,肉质滑溜,肉香满分。 配合埋各款配菜, 煎薯仔片同Green Bean, 令整个主菜都非常balance。最後来一个自家制甜品 《Mixberry gelato》, 呢一个Gelato 用上咗多款杂莓, 系食完上一道suckling pig之後品嚐到酸酸甜甜嘅甜品,令油腻嘅感觉顿时消散。另一杯系《Tiramisu Mouse 》 除咗带有咖啡香, 亦可以食到用上咗Banana cake代替底部嘅lady's finger, 食落更有层次, 为整顿晚饭边加美好回忆。这一家由年轻人主理嘅西班牙私房菜,见出心思, 在依家时到艰难嘅时候, 要大力支持。 继续阅读
(以上食记乃用户个人意见 , 并不代表OpenRice之观点。)
等级4 2021-06-11
1389 浏览
西班牙菜响香港都算流行,但西班牙私房就真系少见。虽然话系私房菜,但订位时餐厅会俾定一啲餸客人拣,如果唔想烦又乜都食嘅话,交哂俾餐厅发板就可以啦!当坐低一阵,待应就送上36个风乾Iberian Ham ,特别选用猪膊头位置,脂肪少,肉味浓,食完不会太腻,但火腿的咸香味在口腔中久久不散。另外的前菜还有用新鲜蕃茄配蒜蓉混和的酱,搽在面包上,酸酸甜甜很开胃。再上枱就系西班牙 Tapas其中一个经典菜,榄油蒜片虾,上枱时油温仍然十份高,整碟餸吱吱作响,令整个餐厅都充满榄油及虾的香味。一咬落去,虾身爽又弹牙,食得出很新鲜,而橄榄油的高温将蒜片烤脆,送虾食一流👍最後的大镬饭就选了墨汁带子Paella,上枱时仲热焫焫,呢个Paella系用新鲜墨汁,将米由生煮到熟,里面加咗鱿鱼嘅吸盘同埋蚬肉,令到成煲饭特别鲜味,另外上面放咗大扇贝肉及鲜鱿鱼,鲜上加鲜。待应解释,仲加咗啲蒜蓉白汁,令个饭冇咁乾身,果然捞埋食,有湿润之余又多了一份蒜香味,令人越食越想食😋最後就系西班牙出名嘅甜品Churros,一般人会叫佢做西班牙油炸鬼,因为单睇外型同颜色,又真系几似。新鲜炸起热焫焫,上面铺满砂糖同玉桂粉,但惊大甜,所以另外附上70%的可可酱,中和甜味,令成条Churros味道平衡,甜中有可可香,又脆又好食👍餐厅整体都唔错,食物水准很正宗,令人回味西班牙旅行的美好时光,真想快啲可以有得去旅行🥺 继续阅读
(以上食记乃用户个人意见 , 并不代表OpenRice之观点。)
等级4 2021-06-10
959 浏览
环球疫情未散, 我们乖乖的留在香港不去外游.   想起西班牙地道菜, 立即约老友去吃个晚餐.  近近地去上环站附近的   Sabor Spanish Touch Private Kitchen   这里充满西班牙气氛, 有私房菜的环境.老友急不及待做点餐.  Tomato Garlic Toast  蕃茄蒜蓉多士首先来客多士, 很松脆,  涂上蕃茄酱, 酸甜的味道好开胃, 真系比起牛油更好食. 吃些薯仔粒沙律更爽.Ham & Potato Tortilla   西班牙火腿薯仔旦饼 好像一个细 Pizza,  但好厚身, 热热的送上台, 烘得香.伴有两款酱, 蕃茄和蒜蓉汁,  可以自选口味.  旦饼用上西班牙火腿,   咸咸香香,  我们很久没有食了, 真滋味.        切成八块, 慢慢食.  这个西班牙地道菜医肚最好.Chorizo Fidio  西班牙面西班牙面  -  比中式炒米粉更吸引.  金黄色的调味汁, 把西班牙面烘得香, 放入西班牙香肠及大豆, 健康好味之选.    配上西班牙喜用的蒜头忌廉酱, 真好食.西班牙面入口美味, 稔滑而不油.  更有蒜香,  足西班牙风格.        食西班牙餐, 必定叫个西班牙招牌甜品  Homemade Egg Flan with Citnes Strawberry Sauce 这个甜品做得别致漂亮, 卖相吸引, 士多啤梨叠得好看. 蛋白甜饼,  配上士多啤梨酱, 香滑不太甜,  够可口.  入口清香软绵,   士多啤梨味浓.Crema Catalana  加泰隆尼亚奶油.  也是西班牙名点.  颜色金黄, 像焦糖炖蛋, 玻璃流纱片是用脆糖制成,  甜甜地又有薄脆感, 底下是流心浆, 质感湿润, 口感超滑.今个晚餐是地道菜,  好有西班牙特式, 好滋味. 继续阅读
(以上食记乃用户个人意见 , 并不代表OpenRice之观点。)
等级4 2021-06-02
858 浏览
踏入餐厅,  Sabor Spanish Touch Private Kitchen,  即被那西班牙音乐吸引, 轻快的舞动乐曲,  令人怀念在巴塞隆拿的快乐时光.   西班牙菜也是我们至爱 !店员礼貌地招呼我们座位, 整齐的餐具, 餐巾摆设, 都给客人好印象.这餐厅有私房菜特式,  店员会介绍大厨今晚的美食,  我们不会放过.餐前小食, 先来了薯仔沙律,  开开味蕾. 接着前菜, 蕃茄蒜蓉多士  Tomato Garlic Toast是餐厅自家制, 颇有特色, 蒜蓉多士微暖, 入口很香脆, 配合蕃茄酱, 又有另一番味道.  好食.火腿薯蓉蛋饼 Ham & Potato Tortilla西班牙蛋饼,  份量足, 配蕃茄酱及蒜蓉忌廉酱, 卖相不错.内有薯仔薄片,  蛋饼中间夹有西班牙火腿肠, 薯仔煮得软滑, 而不太稔, 吃起来有些口感, 又香口.西班牙火腿肠烹得香, 加上蛋香, 好入口, 要趁热食,  加点蕃茄酱及蒜蓉忌廉酱, 更好味. Chorizo Fideo   热热的用铁锅盛载, 烤得好香口, 中央放有蒜蓉忌廉酱, 带点墨西哥风味,  Fideo  西班牙面好像天使面,  幼幼滑滑, 煮得好稔,   西班牙肠  Chorizo   有咸香的魅力,   加上健康豆及草菇, 有口感, 调味不俗. 西班牙海鲜饭吃得多, 今次吃面也有惊喜.餐後甜品是西班牙传统的  加泰罗尼亚奶油  Cream Catalonia用了陶瓷器皿盛着, 面层有薄薄的焦糖如一块玻璃,  我们用匙敲一敲, 内里像炖蛋般滑的奶油含肉桂味, 入口香浓滑溜.草莓果馅饼 Homemade Egg Flan with Citries strawberry sauce.  上层是新鲜的士多啤梨, 加微酸的红莓酱,  下面 是蛋白配幼滑的忌廉饼底, 不甜也不腻,  超好食.大厨做得很出色, 每一款菜及甜品都做得好讲究, 卖相和味道也有质素, 我们会再来! 继续阅读
(以上食记乃用户个人意见 , 并不代表OpenRice之观点。)