影片
带大家嚟到梅窝呢一间道地泰国 • SaNe🇹🇭首先,佢个冬阴功汤好足料,有细虾仲有大头虾🦐之后佢个Pad Thai唔会好似市面上𠮶啲咁黐立立,食落口有种好Juicy嘅感觉👅之后重点咗一连串嘅食物,当中包括青咖喱薄饼,各色串烧,菠萝海鲜炒饭,生菜包等等｡当然唔少得系佢哋嘅嘢饮啦,我哋点咗芒果沙冰🥭同埋椰子沙冰🥥,全部都系用新鲜水果制作!总括而言,价钱适中,嚟到离岛区记得要试吓!#梅窝 #泰国菜 #道地
继续阅读
各样都唔错 👍🍲冬阴功好开胃但系要等少少时间🍍菠萝炒饭好好食，好鲜味啲料好足好大只青口又虾又有肉松同埋焗腰果🍛Green curry was very tasty
继续阅读
话说，我有个在港嘅泰国朋友经常同老公到离岛拍拖。某日，我决定做咗佢哋嘅电灯胆，同佢哋一齐造访好几年无嚟嘅梅窝！一落船，我哋二话不说就去咗呢间蓝色泰菜馆 - เสน่ห์ SA NE 医肚。出发前，泰国朋友不断同我讲呢间餐厅有几好食同有几抵，搞到我未出发先兴奋。毕竟我从未喺离岛食过泰国菜，所以满怀希望，希望餐厅嘅菜色会惊艳到我啦！🍴辣木瓜沙律（咸蟹）$88 🌟🌟🌟天啊，呢个开胃菜未免太辣啦呱，劲惹味！钟意食辣嘅你哋唔好错过，可以叫餐厅帮你哋加辣啊！食泰式木瓜沙律，辣是真的必须！SA NE呢个木瓜沙律辣度过关，但本身已经好咸嘅咸蟹再加埋鱼露就令到成件事更咸。所以呢个咸蟹木瓜沙律，都真系几咸...... 如果唔好太咸嘅你哋记得同侍应讲鱼露唔好落咁重手啦!🍴冬荫功 $148 🌟🌟🌟冬荫功真的好难唔合格！作为泰菜老饕嘅我真系好钟意饮冬荫功汤，特别系呢轮香港咁冻嘅天气，饮返碗暖笠笠嘅冬荫功真系成身暖晒！SA NE嘅冬荫功不过不失，海虾同秀珍菇数目足够我哋3个人分享，而且辣度妥当，唔系个种好难入口嘅辣度！但有啲美中不足嘅系唔知系咪冬荫酱落得唔够，硬系觉得阵冬荫功味唔够浓。🍴油炸虾饼 $88🌟🌟🌟🌟钟意食酥脆食物嘅你哋，想必每次食泰菜都会嗌炸虾饼🍤 即叫即炸嘅手打虾饼食落热辣辣，非常香口😋小编好惊食到里面唔够热同面粉比例过多嘅虾饼😐，但SA NE嘅虾饼就无呢个问题！热力十足且虾肉面粉比例均匀嘅虾饼，食落唔会一嚿一嚿，配搭埋酸梅酱真系无得顶🫶🏻🍴泰式盐烤乌头 $148🌟🌟🌟🌟泰式乌头鱼🐟通常有两种常见做法 - 明炉成条烧（配上惹味浓汤）同香料盐烧。SA NE嘅盐烧乌头有惊喜😚！粗盐、香茅、柠檬叶、南姜份量充足，嫩滑鱼身索晒香料啲精华入味非常😋。鱼肉同两种特制酱汁 - 自家辣汁同泰式青柠酸辣汁，异常配合，正啊🫶🏻！(我另有叫店家比啲米线我捞埋一齐食）好满足！饱到上心口，根本无机会试到佢哋嘅甜品！只好下次再嚟梅窝郊游时再食啦！其实蓝色嘅SA NE店内真系几多打卡嘅位，睇得出老板喺装修上花咗唔少心思！大家有机会到梅窝玩，可以去试下！
继续阅读
大热天时热辣辣入梅窝行一转经过见到呢间餐厅蓝色劲靓，装修劲新充满泰国风情，这里气氛很好，整个餐厅的布置非常舒适，给人一种放松自在的感觉。另外喺正个巴士站同码头隔离，位置超级方便叫咗个香叶肉碎炒饭同埋炒金边粉佢个泰式奶茶一流，佢调整过，系香港口味调味唔系太重甜度适中，大热天时饮超级消暑！整体来说，这是一家非常不错的泰国餐厅，强烈推荐大家去试试！真系估唔到偶然入到黎都咁有惊喜！希望佢会变到好受欢迎！下次再嚟我一定会再食！
继续阅读