Ruby Tuesday (海之戀商場)

营业中

休息中

自從Ruby Tuesday開咗喺海之戀之後，人流比以前仲多咗，可能因為依度有埋Donki donki, 所以我哋就決定早啲食飯我哋一行五人，18:00就食晚餐，貪佢呢個時間冇咁多人食飯仲會安全啲侍應衛生都做得幾足，而且門口都會度左體溫先比入內。因為同行既朋友有會員卡，做咗半價之後，相對上係抵食好多，但其實我覺得個本身價錢係比較偏貴。講返食物嘅質素，中規中矩。符合一般美國菜嘅份量比較偏多，所以如果人數唔係太多嘅話，其實建議可以share食就更加好了。

由於新型冠狀病毒在香港確診個案越來越多，政府收緊限聚令，最多只能四人。而餐廳於7月15日開始晚上六點至零晨五點禁止堂食。所以趁實施之前最後一日黎Ruby Tuesday 食晚飯，唔知要等幾耐先可以再出街食晚飯。最近有新餐牌- All natural chicken ，檸檬烤雞丶傳統農村炸雞丶煙峰烤雞丶香草烤雞配松露燴飯。當晚點左珍寶蟹肉芝士通心粉丶煙肉芝士薯條丶凱薩沙律丶10安士肉眼扒丶經典燒排骨丶蟹肉餅⋯⋯荃灣海之戀分店可以飽覽整個藍巴勒海峽，職員有禮貌，但係非常忙碌。整體來說全部都好味。好彩一早訂左位，次次食完之後都仲見到好多人排隊等候。2020年7月14日

以前嚟Ruby Tuesday食的心太軟個 cake 係夠熱切開，中間係熱燙的流心朱古力漿今日嚟呢間荃灣海之戀店真的令人十分失望首先一上菜，就發現蛋糕沒有煙，竟然是凍的然後隔離有碟凍嘅朱古力醬做甚麼呢？難道是淋落去個凍的蛋糕上？沒有朱古力漿從切開的蛋糕流出來，這樣還算是心太軟嗎？之後叫佢整返熱佢就就咁丁一丁個蛋糕個雪糕返黎都melt 咗一半可以講，凍的心太軟比外面更難食永遠都唔會再嚟搵笨的以前賣$128今日賣$148難食咗仲要加價仲夠膽加一咁貴覺得完全唔值嬲到要即刻打食評

Monday try Tuesday😜 長期人氣排隊，相信唔少係會員，老牌美國餐廳， 1995年來港，喺一個競爭激烈嘅香港， 可以迄立25年，還有6間分店， 一定有原因。今日好在有同事先行排隊， 加上做咗會員，仲有啲coupon未用， 就去荃灣新鋪試一試。前菜拼盤《龍蝦尾》 Regular $338, Large$588呢個有故仔講，我們要了一份regular，諗住一齊share， 上枱畀咗份大嘅我哋，服務員就走開， 後來我們向服務員求證， 服務員拿著夾龍蝦走嚟走去， 查下p o s 點餐機，問吓其他同事，經攘一番之下，送咗去另一枱，但我們差點兒就放進口。後來補上的龍蝦尾《 經典燒排骨》半份$288 很濃醬汁，烤焗後肉質直頭冧到有點兒（梅）《薯蓉》《Rib Eye》$368 medium rare 好睇唔好食， 有點兒像港式鐵板燒的牛扒一樣，冧到唔知以為佢用食粉醃過。PS: 之前買咗啲coupon，可享用不超過400蚊的主菜，但如果你幫襯的主菜是408蚊，是需要收你兩張coupon😰 會員正價食品全部有半價，其實真係要夾你入會，因為唔係會員double價錢完全唔抵食！😖食物賣相＝(滿分

Ruby Tuesday的價錢定位非常高若沒有Ruby Tuesday的會員，應該不會光顧會員全單可享有五折沒有不做會員的理由吧一行五人總共點了五款主食精選和牛超級漢堡 - $378高級的漢堡和牛扒一樣，可選擇生熟程度選了七成熟，漢堡帶點生，口感才會鬆化兩層漢堡很厚很大塊，切開也有點肉汁唯獨牛味不夠濃郁，有點淡味跟的薯條和沙律菜也不錯10安士肉眼扒 - $368可配黑椒汁、蘑菇汁和蒜蓉汁位置偏向肥膩，上面的脂肪很多而且牛味不算得濃郁薯蓉好像尖沙咀分店比較好吃，牛油味會較重，這次的比較淡味經典燒排骨 全份 - $378最出名的菜式，叫了兩份不同醬汁燒烤經典燒烤汁帶點辣味，較惹味蜜糖燒烤汁剛被甜度中和辣味個人偏愛經典醬汁燒得很惹味，外層的肉帶脆，內面又軟熟，幾乎不用用力切虎蝦墨魚汁意粉 - $338很濃烈很重的芝士味墨魚汁味倒不覺有，可能麵條本身用墨汁做，但不會弄黑牙齒意粉軟硬適中，比虎蝦還要好吃

以前同朋友都好鍾意一大班人去食RubyTuesday, 個ribs 同埋D小食都適合大家一齊分享。今次屋企人話嚟海之戀呢個新商場行下donki，行完之後就搵嘢食啦，結果揀嚟揀去都冇咩其他嘢好食，就帶佢地食Ruby Tuesday。可能個商場真係太新太大，好多店舖都未開門，其他餐廳又可能偏向小食多啲，晚市Ruby Tuesday 真係好多人等位，我地都等咗差唔多一個鐘先有位入去食。嘢食方便因為唔係太肚餓，所以都只係叫咗一份小食拼盤(雞翼、焗薯皮、洋蔥圈、炸蝦)，牛油果雞肉burger 同一份雙拼味道嘅 ribs小食方面，整體都冇咩特別，但係每樣都好似唔係好熱咁，加上現場冷氣又大，炸物嘅味道都好似麻麻地咁。Burger 同ribs 都係正常發揮啦，新嘅蘋果醬味ribs 得到大家一致好評，酸酸甜甜冇咁漏，經典醬汁味就重口味D，食一舊已經覺得好漏XDXD 呢間分店可能新開又好多人啦，每樣嘢都要等得比較耐，落單揮手都等咗一段時間先有人應，希望耐咗人手問題可以有所改善啦!

第一次去呢個商場諗住順便行Donki, 點知人頭湧湧唯有放棄，今次見有優惠所以相約朋友再次光臨。三杯cocktail, 酒味淡頗甜。凍蝦尚算新鮮。Ribs略嫌乾身，只有中間部份比較稔。雞翼係最好味嘅，有辣有唔辣。肉眼扒應該有5成，肉質還可以。呢度環境唔錯坐得幾舒服，但食物同服務都一般，CP值一般！

星期日一家人去左海之戀行下街，攰攰地搵個地方食下野，見Ruby Tuesday啲位夠大夠闊，可以一家人下午慢慢坐，先黎叫左個手撕豬肉烤餅，烤餅夠香，手撕豬辣辣地幾開胃，仲有個酸酸地既汁，味道幾夾。之後叫左Ribs拼盤，分別有一大塊Ribs、炸雞塊及炸蝦，3樣野都係水準之上，Ribs夠大件，切開用手拎住食一流，香口野味之餘仲好嫩滑，而炸雞塊及炸蝦既炸粉好薄，蝦肉及雞肉都足料。再黎就有迷你漢堡併盤，一碟有哂豬、雞、牛三種漢堡，叫做迷你，但份量其實唔細，而且有不同口味，岩哂一家大細唔同喜好一齊食，配菜仲有個焗薯，中規中舉既一道配菜，味道唔差。飲品方面叫左三杯，有黑啡、菠蘿&朱古力特飲，黑啡唔錯，而菠蘿&朱古力特飲有驚喜，適合鍾意試新野既人。

餐廳環境舒適,坐得好舒服由於友人想食steak, 我又想食 ribs, 為滿足大家所以叫咗一個牛扒和豬肋骨。西冷牛扒配薯蓉叫咗五成熟,都幾Juicy,塊扒有啲厚,又不太肥膩,咁哂大食嘅人燒豬肋骨送上台已熱辣辣,豬肋骨烤得啱啱好唔會太淋,配上醬汁十分惹味。焗薯仔d cream cheese 好香食唔停。

不錯的早餐選擇，價錢合理，環境舒適，食物質素高。會員有85折，折後價錢，非常抵食。松露炒旦，非常香滑，亦不失雞蛋香味。牛角包- 應該焗時過了點火，以致唔夠鬆軟，服務員態度很好，反映後，亦即時代向廚房反映意見。希望下次來有改進

Ruby Tuesday嘅set lunch，款式都幾多，有飯有意粉有扒有漢堡選擇，價錢由HK$78-$168，有平有貴，每個set都送餐湯同大大杯汽水，仲有餐前包送。◆*．◆*．◆*．◆*．◆*．◆*．◆好味指數：😋😋😋（5分為滿分）抵食指數：💰💰💰（5分為好抵食）◆*．◆*．◆*．◆*．◆*．◆*．◆1️⃣南瓜雞肉意大利飯（HK$88）南瓜味都幾濃，而且個汁仲有巴馬臣芝士忌廉醬，食落好creamy好濕潤，南瓜同芝士味都食到，入面亦有好多雞肉粒，都幾足料👍🏻2️⃣蜜汁燒雞（HK$78）外脆內軟，雞皮脆卜卜，雞肉仲係好滑，味道有啲似芝麻雞翼，而呢個set係搭配薯菜。3️⃣意式茴香腸寬條麵（HK$78）食落好濃香草味，而且蕃茄醬汁都幾多下，腸仔嘅份量都適中，不過個麵量唔算多。4️⃣芝士條（HK$78）意外地叫錯咗呢個小食，原本係想食煙肉芝士薯條，普普通通，有少少拉絲，俾我揀會俾多少少錢，食煙肉芝士薯條多啲😂

慶祝朋友生日更係食好D，因為要半價咭當然要去食啦⋯⋯今期優惠仲送兩杯飲品，可謂底上加上。叫左黑松露薯條個醬汁真心好味，食唔停口😋主菜叫左燒排骨三合一，有燒排骨、炸雞件和炸蝦，仲跟左個焗薯，還有雞胸黑松露燴飯，最後叫左ruby pancake，雪糕加班cake正正正。3杯野飲都非常正好飲，有酒精飲品係我至愛，酒配燒排骨簡直完美。大家都食到飽飽，好豐富、好滿足，3人份量剛剛好下次再食過👍🏻👍🏻👍🏻

同朋友二人沒有訂枱 6:30p.m walk in 都有位, 揀了坐outdoor(因為可以食煙🚬🤭) 坐位不多而且全是煙民！7點前啤酒🍺有happy hour 買一送一, 我叫了Stella Artois($106) 朋友就Sangria Red🍹($88)  我們先點了小食Nachos($148)粟米片很淡但勝在醬料多,  之後再點了Ribs & Wings($348) Ribs肉較乾Wings就細細隻無乜肉，而Classic Cheeseburger🍔 ($178)就揀了bamboo 麵包同五成熟漢堡，味道不過不失!

有事要去荃灣，咁就順便相約友人在荃灣食午餐，講明必須豐富，咁先至有能量抗疫😜。友人揀咗Ruby Tuesday。鋪頭大大間，美式裝修，座位寬闊，幾舒服。餐牌都幾多嘢揀，有豬有牛有羊有龍蝦等。我就揀咗大份嘅BBQ Ribs, 而友人就揀了斧頭豬扒，我哋諗住share嚟食😊。等左冇耐，先來BBQ Ribs, 我估可能有18吋咁長，都真係幾大份量。嗱嗱聲切開一條條，用手拿住嚟食，最有風味。排骨烤得好香，肉質鬆軟，加上有原味Classic Meat Sauce, 真係淡淡都好有豬味。另外配菜有薯蓉，感覺入邊有cream同埋黑胡椒，非常可口，仲有些少西蘭花同紅蘿蔔。食食吓斧頭豬扒就上枱，真係幾似斧頭嘅形狀。斧頭扒肉質比較硬，但係都唔太難咬；再配以蘋果醬汁，出奇地配合，醬汁有少少蘑菇同蘋果味，食到舔舔脷。呢餐食得非常飽，埋單$800 ，雖然貴咗啲，但係好好味😋

因為公司同屋企附近都有Ruby Tuesday，所以做咗會員，呢個集團都算係香港嘅老牌美式餐廳。今日週末行完山，就同屋企人去荃灣嘅分店，5個人，個個都話好肚餓，所以叫咗6個菜式：田園沙律🥗經典燒排骨斧頭豬扒🥩虎蝦墨魚汁意粉🦐蜆肉意大利幼麵🍝炸芝士條食物水準不過不失，而且仲大大碟，平均每人$230。餐廳環境唔錯，如果坐吧枱，仲可以有海景。好彩今日早到，6點鐘就到，坐咗一陣，已經全院滿座，遲嚟嘅客人要喺門外面等位😵。