Restoran SAYA

营业中

休息中

📍大角咀《RestoranSAYA》美味泰北菜😋蟹肉奄列👍🏻👍🏻香噴噴 又香口美味 推介✅口感幾特別 個奄列雖然係炸 但食落去又唔會覺得好油膩而且入面啖啖蟹肉🦀️泰北咖喱金麵 今我諗起半年前清邁旅行😅濃濃嘅咖喱汁配上脆麵 鐘意撈汁嘅我啱曬🤣生菜包 肉碎juicy🐷又足料 份量真係好多 d肉碎仲多過d生菜🥬店內環境唔錯 全店以藍綠色為主 比起平時嘅泰國餐廳裝修好唔同 別具特色餐廳內有好多打卡位 亦有bar枱位 任君選擇

明明係米芝蓮必比登2023推介，唔知點解假日午餐食客唔多。裝修別緻，泰國民族風情配湖水綠主色，幾啱打卡。枱與枱之間好闊落，坐得好舒服。*泰北咖喱金麵 Khao soy $128椰汁咖喱湯濃郁，香濃唔會太辣，似汁多過湯，配搭各種香料，芫荽、紫洋蔥、紅蔥酥、青檸汁，口感味道都好豐富。雞蛋麵有嚼勁，有啲似扁意粉，但未夠索汁。炸雞蛋麵酥脆，索汁後變得半脆半軟。炭烤雞腿焦香夠腍，但份量比較少。泰北辣肉碎生菜包 Larb Muang Moo $128豬肉碎、豬耳、炸蒜、紅蔥酥，加埋炸豬皮，口感非常豐富，辣度十足，但肉碎比例上唔多。包住新鮮生菜，加埋九層塔、薄荷葉，不敗組合。泰式炭火鹽燒魚 Pla Phao $268將魚皮鋪上一層粗鹽，腹腔包入斑斕、香茅、檸檬葉，再用火燒。魚肉非常嫩滑好juicy，香料味道偏淡。戴手套撕魚肉包米線、生菜、薄荷葉，再點汁，一個偏辣、一個偏甜，好好味，估唔到生菜包魚可以咁正。泰式椰子咖啡 Young coconut coffee $68椰奶沙冰配濃縮咖啡，味道完全唔甜，椰子味道好香，但蓋過咗咖啡味。

最近屋企人生日，所以就帶咗佢黎大角咀試下呢間米芝連必比登推介嘅泰北菜，超鍾意食泰國嘢嘅我真心好期待🇹🇭😍呢間餐廳嘅裝修好民族風，入到嚟已經feel到一陣泰味~😆員工都係泰國人，所以用英文落單㗎!!🍴泰式咖喱蟹汁軟殼蟹🦀◽️咖喱好濃 有陣陣椰香味，食落帶有少少甜，入面有洋蔥同其他配菜 口感豐富◽️軟殼蟹炸到脆卜卜，份量都夠有5至6舊仔◽️蒜蓉包夠厚身，牛油味🧈好香，麵包都焗到脆脆地，點埋咖哩食一流👍🏻唯一缺點❗️得三塊唔夠食呀~~要另外再叫🤤🍴泰北咖喱金麵◽️特別之處係有2款麵，一款濕麵一款乾麵，乾麵脆卜卜 濕麵好掛汁，有唔同口感◽️🐥雞扒煎過好香炭燒味，雞肉都好嫩滑◽️咖哩甜甜地，香料味好重，加埋青檸味道豐富啲 好食😋如果咖哩可以多少少就好~🍴炭燒豬頸肉◽️豬頸肉食落好嫩口，有焦香味同埋唔會太油膩，點埋個酸辣汁食好惹味🍴蟹肉炒飯◽️蟹肉份量正常，加埋青檸同魚露食落都唔錯雖然相比之下略為普通少少，但係因為其他幾款都比較重口味，所以呢個反而可以解下膩🍴海鮮青木瓜沙律◽️酸酸辣辣好開胃，配料有🦐蝦、魷魚等等，亦都好新鮮彈牙辣度對我黎講可以接受🌶️（利申：譚仔食三小）🍴椰青◽️唔使講都知清甜好飲凍冰冰仲有椰肉食，好正

同朋友慶祝生日，朋友話呢間好難book，之前Walk in都Walk in唔到，想試呢一間。咁我就嘗試book下佢有幾神級。無可否認佢個雞扒麵係幾好食嘅，個雞扒處理得幾好個皮煎得好脆，個咖喱汁唔會太辣如果點埋薄餅食就十分出色。講返個麵先，真心覺得好正，脆卜卜個口感好特別。食完呢個滿心歡喜，好期待下幾個餸嘅蒞臨。但最終係有幾失望，個炭燒豬頸肉冇炭火嘅味道。個蟹肉餅我覺得係幾鮮味嘅，但係個蛋同佢講咗唔好煎得咁熟，但係最後出到嚟都係好熟，同埋佢個蛋汁係濃到有少少鹹。咁朋友生日啦，個芒果糯米飯就變咗做個蛋糕，但係個芒果肉好似啤完水之後完全冇浸過糖漿咁，係完全冇芒果嘅甜味。不過如果你打卡影相係一個唔錯嘅選擇。

由來自泰國的主廚主理👨‍🍳採用泰國地道香料及食材🇹🇭主打傳統泰北依善菜式🥬🥘亦是2023年米芝連推介餐廳🏅餐廳室內環境走泰式復古民族風🛖牆身用湖水綠作為主色，掛滿復古海報及傳統泰式壁畫🖼️更使用藤製傢俱🪑配上民族風圖案坐墊及抱枕令人有如置身泰國當地小店一樣🏝️泰北咖喱金麵是餐廳的主打推薦菜🍜蛋黃麵質煙韌可口😋配上微辣黃咖喱，紅洋蔥及招牌燒雞🍗蛋麵爽口彈牙，非常掛汁💦而咖喱加入了椰青水製成，味道少辣而帶一點清甜🥥採用牛隻最珍貴的梅花肉中心部位🐂炭火燒烤，即叫即燒🔥牛肉帶有焦香味🥩油脂分布均勻，肉質軟嫩，配上醬汁非常有風味🤩溫熱的糯米飯配上多汁甜鮮的芒果🥭芒果鮮甜而且份量多，賣相吸引🤤糯米飯好香椰香，黏感足夠😙泰式奶茶味好香，甜度適中🍮搭配奶凍上的cream及焦糖脆脆🍫為軟滑嘅口感增添層次😃

今次去咗間餐廳，好有泰式情調，色彩鮮艷得嚟唔嘈雜，啱啱好嘆個悠閒午餐。泰北咖哩金麵，嚟緊話你知呢個碟面對味蕾嘅衝擊！面條Q彈，吸滿咗椰香四溢嘅咖哩汁，微辣帶韻，真系食一啖，心都暖啲。雞肉串炭香四溢，燒得外皮微焦內裏嫩滑，食落就稱得上係一絕，搭配嗰啖啖花生沙爹醬，簡直完美。至於個沙律，餐牌上寫住「依善生菜包」，酸酸甜甜，清新得黎又清爽脆口，真系幫到手消化。而嗰碗香濃嘅椰汁芒果糯米飯，糯米香軟不膩，新鮮芒果甜得嚟又香，實係飯後嘅完美句點🍚🥭。整體嚟講，呢一餐飽嗮口福又滿足，啱哂想尋求日常小確幸嘅你我佢👍🏼。下次有空，真係要再拉埋一大班朋友嚟嘆返轉！

次次唔係食西餐就係日本嘢同打邊爐，今次搵下新鮮感，食呢間2023年米芝蓮推介嘅泰北菜！🏖️餐廳裝修用色大膽，鮮黃色牆身、綠白色階磚地板，湖水綠色階磚枱面配上綠白色斜紋籐椅，超有熱帶風情！🏝️唔止環境有泰國feel，連廚師同店員都係泰籍團隊，就好似去咗泰國一樣！而食物主打泰國東北菜，同平時食嘅泰國菜好唔同，擺盤精緻而且味道都好好。👍🏻雖然唔係食慣嘅味道，但就係好特別，食完會想再食嗰種！😋🧆小食拼盤 $148小食拼盤可以一次過試晒唔同嘅泰式炸物，佢嘅醬汁整成太極圖案，好有心機！冬蔭功手工蝦片又鬆化又脆，嗰種辣唔係入口就辣，係去到喉嚨先辣，再飲啖椰汁沙冰真係好爽！而炸雞棗用腐皮包住雞肉碎炸，香口又有口感；而炭燒清邁香腸同依善糯米腸以豬肉同糯米捲好再烤，香濃中帶酸辣，配埋香葉同檸檬香，食唔停！🥩炭火燒牛肉 $208炭火燒牛肉選用每隻牛只有3至4kg嘅珍貴梅花肉中心炮製，再用炭火燒成，四邊帶炭火焦香，內裡牛味香濃，口感軟熟仲好有肉汁，沾埋特製嘅芫荽橄欖油醬汁，微微嘅鹹帶有芫荽味，同牛肉好夾！🥭芒果糯米飯 $78芒果砌成薄片，砌到成玫瑰花形，再灑上玫瑰花瓣做裝飾，打卡一流！旁邊仲有粒粒芒果同香甜嘅椰漿

悠閑的Sunday ,去了大角咀食泰菜呢度裝修幾摩登有格調而有帶點民族風，有我喜歡的湖水綠色牆，坐高枱感覺更chill 有度假的感覺😚🧡泰北咖喱金麵 Khao Soy🧡金麵係蛋麵，最特別係一半麵用湯煮過，另一半麵炸過，可以食到兩種不同的口感，麵條食落好香蛋味，一邊係好柔軟一邊係脆卜卜口感層次豐富。湯底係椰香味重的咖喱，配上炭烤過的雞扒。🧡瑪莎文咖喱·牛筋條 Kaeng Massman Neua 🧡瑪莎文咖喱係好濃郁而微辣的咖喱，仲會有薯仔、洋蔥、花生一齊煮，牛筋條炆到好淋好入味，唔需要用刀切用匙羹輕輕的已經可以分開啲肉。另外仲配了3 件蒜蓉多士，好香脆。🧡印度飛餅 Roti 🫓 🧡特別點了個Roti點咖喱汁，薄餅好酥脆，咖喱配薄餅真係絕配，老公食到唔停口😆💛芒果糯米飯 Mango Sticky Rice 💛賣相超級靚 💯，用芒果整左朵大玫瑰花，份量好多，芒果亦好香甜，糯米飯好軟熟，淋上了濃郁香甜的椰漿，上面仲有灑上玫瑰乾花。💚泰式青檸梳打Lime Soda💚好鍾意青檸的我食泰菜一定會點呢個，清新感覺好解渴。

早兩日去咗間🇹🇭泰🇹🇭有feel既餐廳嘆左餐好令人回味既飯🤩餐廳裝修以湖水綠為主調，藍綠格仔既枱面再配上舒適既藤椅，滿滿泰國渡假feel🏖️聽講呢間餐廳仲要系連米芝蓮必比登都推介，唔怪得d嘢食咁有質素啦😍我地食左：👉🏻✨蟹肉奄列✨ $158佢既真身比我想象中大件同厚實，切開佢仲見到入面既蟹肉🦀️都好鬼多下😍絕對系真材實料夠多料😍蟹肉鮮甜蛋香重，邊皮焦脆好香口，出色👍🏻👍🏻✨泰北辣肉碎生菜包✨＄108呢款辣肉碎生菜包既材料同我平時食開個d有d唔同；除咗生菜包－定有既洋蔥、辣椒、豬肉碎之外，仲有埋豬潤碎、豬腸碎、豬耳碎同炸豬皮…每一啖都可以感受到唔同材料既原味道，味道非常豐富👍🏻加上咬落去個下又爽又脆，有咬口得梨帶點辣既感覺同時夾擊，為我既味蕾帶梨好大衝擊，真係好過癮🤣而且包肉碎既菜除左有普通唐生菜之外，仲有埋沙律菜、羅勒，薄何葉同檸檬葉比你，菜料非常齊全，隨便隨心配搭，口味都好有驚喜👍🏻✨泰北咖喱金麵✨ $128呢個麵好特別，－碟入面竟然有2個麵餅，－個炸到脆卜卜，－個煮到 Q Q彈彈咁；2個麵餅加埋散發住陣陣椰香味既黃咖喱撈勻－齊食，個種芳香、辛辣、刺激同香脆、煙韌既雙重口感交融埋一齊，真

-🍴🍽🍴🍽🍴🍽️🇹🇭🇹🇭🇹🇭🇹🇭🇹🇭🍴🍽🍴🍽🍴🍽-🥢泰北咖喱金麵$128 🆙泰北咖哩金麵，有二款麵條，一款蛋麵先炸脆，外脆內軟，另一款有咬口，咖哩汁吸入麵條入面，令食落去每一口都充滿咖哩香味，配埋個多汁的雞扒，值得推介🐓🥢泰式炒雜菜$88 🆗雜菜用芥蘭、紅蘿蔔、粟米、西蘭花、椰菜花、蘆筍、野菌等，用料新鮮，再加蒜頭和魚露，炒出泰北風味😆🥢印度飛餅 $38 🆗印度飛餅炸至金黃酥脆，再沾上咖哩，散發誘人香氣，令人食慾大增✨🥢泰式椰子咖啡$68 🆗第一次嘗試咖啡加入椰子味道，別有風味😝🥢香茅班蘭茶$38 🆗

位於大角咀嘅小餐館走民族風裝潢 主打泰國東北菜大愛推薦泰北咖喱金麵Khao Soy‼️ 面底一半係炸一半係淥 蛋麵煙靭有咬口 重點喺個香濃椰奶咖喱汁😚 入口仲有少少沙嗲感覺 另一招牌菜式喺炭火燒牛肉 牛肉肉質嫩滑😋 見好多人嚟都會叫大大份嘅咖喱軟殼蟹🦀 連個咖喱入邊都撈咗啖啖蟹肉 十分足料  📸 1️⃣ 泰北咖喱金麵(HK$128) 2️⃣ 泰式咖哩蟹汁軟殼蟹 (HK$188) 3️⃣ 炭火燒牛肉 (HK$208) 4️⃣ 雜菌椰子湯 (HK$68)

【Restoran SAYA|米芝蓮必比登推介】食開泰菜就會接二連三咁食，今晚就去咗一間米芝蓮都推薦嘅特色泰北菜，聞說廚師係泰國人，夠晒風味吧！勁興奮，一行入餐廳就被一陣湖水綠色沉浸住，幾好Feel咁！..🌿小食拼盤好多唔同味道嘅泰式炸物，我覺得最特別係炸雞棗，用腐皮包住雞肉碎炸。糯米腸，手工蝦片都好正，將香葉與蝦片夾埋一齊食，香葉有少少檸檬香，仲有配埋個醬，甜甜酸酸好正！..🌿蟹肉奄列奄列蛋餅我無諗過泰式原來可以咁好食，首先蛋味好濃，平時屋企會買泰國蛋，唔知係唔係蛋香啲呢！切開奄列睇到好實淨，裡面蟹肉好澎湃，味道有蛋香又有蟹肉嘅鮮味！..🌿芒果糯米飯芒果砌到成朵花咁，旁邊仲有切粒嘅芒果，糯米飯暖暖上枱，比想像中軟糯，如果煙韌啲口感會好咬口啲，但加埋椰漿都幾啱冬天。..🌿利賓納荔枝梳打，香茅班蘭茶利賓納好耐無飲啦，見到呢度有都幾驚喜。香茅班蘭茶熱飲幾唔錯，啱晒冬天。🇹🇭Restoran SAYA📍地址: 大角咀嘉善街18號利奧坊地下G701號舖#大角嘴美食 #泰國菜 #好食

🥢大角咀超美渡假風泰北菜 超高水準泰式炭火烤魚烤牛扒咖哩金麵🥢大角咀感覺好多不同的特式餐廳，最近去咗一間主要提供泰北菜式，佢地仲榮獲了米芝蓮推介是實力的肯定，裝修採用湖水綠色主調，配搭藤製傢具和壁畫，帶有泰國風情，特別鐘意店內燈光，感覺回到了熱帶地方的溫暖陽光下，廚師及店員都是泰籍團隊，是100%完全的泰國感覺🥢泰式柚子蝦沙律 $128食泰菜最鐘意就係清爽的沙律，店員推介柚子沙律蝦係佢哋的招牌菜，材料由洋蔥，車厘茄，柚子肉，魚仔乾，酸甜味道恰到好處，味道酸酸爽爽的，甜味來自果肉果汁的香甜，蝦肉爽彈又新鮮，係美好的開始🥢炭火燒牛肉 $208聽聞佢地的炭火燒牛扒，炭火燒烤過的牛扒完整的排列好，牛肉味特別香濃，而且完美地被炭火烤過，帶一種香烤的香氣，口感軟熟而且幾有肉汁，另外配上特製的醬汁令牛扒味道提升，喺我心目中完勝所有泰國店的烤牛扒🥢泰式炭火鹽燒魚 $268如果有睇開我哋都知道我哋好鐘意食泰式燒魚，呢到都唔例外會點返條試吓，來到時真係有點驚喜，全魚用鹽包裹燒烤，旁邊伴上香葉，香菜，洋蔥及米粉，生菜，附上兩款醬汁可以包住魚肉一齊食，魚身用上最大size 非常厚肉，魚肚內室滿斑蘭及香茅香料，

是日小妹到訪了一間位於大角咀嘅泰國菜餐廳，聽聞這間餐廳係首次入圍米芝蓮2023必比登推介香港美食名單，餐廳主打高質傳統泰式菜，由泰國廚師親自主理。人氣招牌菜有炭火燒牛肉、炭火鹽燒魚、泰北咖哩金麵、蟹肉奄列、芒果糯米飯等，小妹當然也要試試看🤤🤤🤤炭燒豬頸肉 $138豬頸肉薄切，邊緣燒至焦脆，肉質嫰有肉汁，薄切下品嚐到油潤口感，配上泰式酸辣汁，惹味可口蟹肉奄列 $158奄列大大件，薄薄蛋皮，內裡充滿蟹肉絲，份量多，肉質鮮甜意大利香草蒜蓉麵包 $38烘烤後嘅香草蒜蓉麵包，外脆內軟，陣陣蒜蓉焦香，那種留在口腔內揮之不去嘅重口味，酥香惹味，令人無法抗拒，小妹同樣地對佢又愛又恨😂餐廳裝修以湖水綠為主調，走泰式復古民族風，牆壁掛滿復古海報和傳統泰式壁畫，舒適藤櫈配上民族風的坐墊，再配上各款泰式美食，令人有種彷如置身泰國當地小店，打卡一流。有興趣嘅朋友們，有機會要試試喔😉

呢間米芝蓮推介嘅泰國菜一直都係奧運非常之受歡迎，避開夜晚嘅高峰時間，下午茶時間過黎食，唔使等位happy happy。～餐廳裝潢非常別緻，有特色得黎，採光度都好好，下晝有種Chill Chill地嘅感覺。～睇完餐牌之後我哋揀咗：1.依善辣肉碎生茶包（豬肉）$118LARB MOO ISAN“Thai Isan-Style Minced Pork Salad“2.泰式青咖哩 •雞 $138CAENG KHIAO WAAN GAI“Thai Green Curry Chicken”3.竹籠東北糯米飯 small $28KHAO NIEW“Thai-style Sticky Rice in Bamboo Container”4. 芒果糯米飯 $78Mango Sticky Rice～首先講下佢嘅辣肉生菜包，材料比起坊間嘅生菜包更為豐富，令人驚喜嘅係裏面有脆口嘅豬耳，辣味好香口，但係又唔會嗆喉。仲有就係沙律菜嘅種類幾多，貌相靚之餘，食落口感亦多樣d。～泰式青咖哩雞嘅材料就好足，大大塊雞扒口感嫩滑，加上裏面有好多唔同款式嘅蔬菜，包括有椰菜花、西蘭花、紅椒絲、豆、秋葵、蘆筍等等，索曬咖喱汁之後更顯